Пассажиры поезда Москва-Душанбе

РФ Давлат думаси раиси Нарбаева билан мигрантлар масаласини муҳокама қилди

436
Ўзбекистон меҳнат миграцияси ҳажмида Россияда биринчи ўринда туради. Бугунги кунда РФда 2 миллион икки юз минг нафар ўзбекистонликлар меҳнат фаолиятини амалга ошириб келмоқда, деди Вячеслав Володин

ТОШКЕНТ, 17 сен - Sputnik. Россия Давлат думаси раиси Вячеслав Володин Ўзбекистон Олий мажлиси Сенати раиси Танзила Нарбаева билан ўзбекистонлик мигрантлар масаласини муҳокама қилди, деб хабар бермоқда Sputnik Ўзбекистон мухбири.

Москва ва Тошкент муносабатлари жадаллигини даражасини бир неча фактлар аниқ кўрсатиб турибди: Россия Ўзбекистонга киритаётган инвестициялар ҳажми бўйича биринчи ўринда туради, савдо айланмаси ҳажми бўйича - Хитойдан кейин иккинчи ўринда. Аммо Москва Пекиндан атиги икки фоизга ортда қолмоқда. РФ Давлат думаси раисининг таъкидлашича, мамлакатларни иқтисодиётдан кўра, биринчи навбатда одамлар бирлаштириб, яқинлаштириб туради.

Ўзбекистон меҳнат миграцияси бўйича Россияда биринчи позицияни эгаллайди, бу ерда икки миллион икки юз минг Ўзбекистон фуқаролари ўз меҳнат фаолиятини амалга ошириб келишмоқда, дея эслатиб ўтди Володин.

"Мигрантлардан улар Россия иқтисодиётини ривожлантиришга ўз ҳиссаларини қўшаётганлари учун миннатдорлик билдиришимиз даркор. Шу билан бирга улар Ўзбекистон Республикасининг тараққиётига ҳам ҳисса қўшмоқдалар. Мана шу ва бошқа соҳаларда муносабатларимиз қонуний ривожланиши ҳақида ўйлаб кўришимиз керак", - деди РФ Давлат думаси раиси.

Нарбаева бунга жавобан меҳнат миграцияси масаласи Ўзбекистоннинг устувор масалаларидан бири эканлигини таъкидлади.

"...фуқароларимиз Россия Федерацияси ёки бошқа давлатларда мигрант сифатида иш фаолиятини олиб боришларига қарши эмасмиз. Лекин улар меҳнат қонунчилигига амал қилишлари шарт, улар ижтимоий муҳофазага олинган бўлишлари керак. Россия томони меҳнат миграцияси бўйича Ҳукуматлар ўртасида бўлган келишувни амалга ошириш бўйича ишларни давом эттиришга тайёрлигини эшитганимиздан мамнунмиз", - деди Нарбаева ва бу йўналишда икки давлат парламентлари ўз режаларини тақдим этиш борасида ўйлаб кўришлари кераклигини қўшимча қилди.

Эслатиб ўтамиз, куни кеча Россия ва Ўзбекистон парламенти вакиллари икки давлат олдида турган умумий чақириқларга биргаликда қарши туриш мақсадида қонунчиликни мослаштиришга келишиб олишгани ҳақида хабар берган эдик.

436
Сирийские беженцы

Ўзбекистондаги КППда туриб қолган тожикистонликлар шарт-шароитдан нолишди

323
Тожикистон фуқаролари чегарада улар санитарияга зид ҳолатда ушлаб турилгани ва оч қолишаётганидан нолишган

ТОШКЕНТ, 2 июн — Sputnik. Тожикистоннинг 200дан ортиқ фуқарорали Қозоғистоннинг Туркистон вилоятида Ўзбекистон билан чегара қисмида туриб қолишди, деб хабар бермоқда Sputnik Қозоғистон.

Икки ойдирки, улар карантин туфайли ватанга қайта олмаяптилар. Бу МДҲ давлатларида пандемия туфайли ҳамма ёқда чегаралар ёпила бошлагани туфайли рўй берди.

Меҳнат мигрантлари оилалари билан биргаликда уйларига шошилдилар, аммо барча чегараларни кесиб ўтишга улгуришмади.

Шу билан бирга тожикистонликлар санитарияга зид шарт-шароитларда яшаётганликлари, вафот этган ватандошлари жасадлари борлиги, аммо ўзбекистонлик божхоначилар уларни чегарадан ўтказишмаётганидан нолимоқда.

Тожикистон фуқароларининг аксариятида маблағлар тугаган, улар ҳатто ўзларига озиқ-овқат ололмаяпти.

"Ана у ерда қозон турибди. Овқат пиширамиз. Юз нафарга яқин одам овқатланади, қолганлари оч. Бу ерда ҳомиладор аёллар ҳам бор", - деб ҳикоя қилади тожикистонлик Умар Хамидов.

Унинг айтишича, аёллар ахлат пакетлардан ўзларига вақтинчалик бошпана тайёрлаганлар, ҳозирда автотураргоҳларда картонларда болалар билан биргаликда тунашаётган экан.

Шу билан бирга уларнинг ҳеч бирининг ювинишга имконияти йўқ, айримлари эса охирги марта 20 кун олдин ювинган.

323

Озиқ-овқат маҳсулотлари ва бўш иш ўринлари: Россияда мигрантларга қандай ёрдам кўрсатилди

291
(Янгиланган 20:03 01.06.2020)
2020 йил май ойида Россия Мигрантлар Федерацияси (РМФ) колл-марказида ёрдам мурожаатларининг рекорд сони қайд этилди.

ТОШКЕНТ, 1 июн - Sputnik. Май ойида молиявий қийинчиликларга дуч келган 10 мингдан ортиқ чет эл фуқаролари Россия Мигрантлар Федерацияси (РМФ)дан ёрдам олдилар.

2020 йил май ойида РМФ колл-марказида ёрдам мурожаатларининг рекорд сони қайд этилди. Ишонч телефонлари ходимлари 15 мингдан ортиқ қўнғироқларни ва ижтимоий тармоқларда бир неча минг мурожаатларни кўриб чиқдилар.

РФ Президентининг 2020 йил 18 апрелдаги 274-сонли "Янги коронавирус инфекциясининг (COVID-19) тарқалиши хавфи туфайли Россия Федерациясида чет эл фуқаролари ва фуқаролиги бўлмаган шахсларнинг ҳуқуқий мақомини ҳал этиш бўйича вақтинчалик чора-тадбирлар тўғрисида"ги фармонига асосан карантин тадбирлари пайтида мигрантлар керакли ҳужжатларни расмийлаштирмаслиги мумкин бўлди, аммо енгиллаштирувчи шароитларга қарамай, мигрантларнинг кўплаб мурожаатлари иш йўқотиши ва натижада бутун оилага озиқ-овқат етишмаслиги билан боғлиқ бўлди.

Россияда мажбуран қолиб турган чет эл фуқароларига ёрдам бериш учун РМФ колл-маркази янги ишчиларга қизиқиш билдирган иш берувчиларнинг аризаларини қабул қилишни бошлади. Ҳамкорликдаги фаол ҳаракатлар натижасида РМФ меҳнат мигрантлари учун бўш иш ўринларини қидириш бўйича ўз бўлимини очишга қарор қилди, бу ерда чет эл фуқаролари Россиянинг турли минтақаларида ўзларига ўнта йўналишда иш топишлари мумкин: қурилиш ва таъмирлаш; умумий овқатланиш; транспорт, логистика, омборхоналар; қишлоқ хўжалиги; коммунал хужалиги; ишлаб чиқариш ва саноат; чакана савдо; қўриқлаш ва хавфсизлик; меҳмонхоналар ва туризм; ишчи ходимлар.

Бундан ташқари, мигрантларга озиқ-овқат тўпламларини етказиш ташкиллаштирилган. Хизматдан махсус ариза шакли орқали фойдаланиш мумкин.

РМФ айнан чет эл фуқаролари ва бепарво бўлмаган россияликлар туфайли муҳтожларга гуманитар ёрдам кўрсатиш учун зарур миқдордаги маблағни йиғишга муваффақ бўлди. Май ойида 10 мингдан ортиқ мигрант донлилар, ун, чой, шакар, сариёғ, макарон, картошка ва қуюлтирилган сут шаклида озиқ-овқат олиш имконига эга бўлди.

РМФ колл-маркази ўз фаолиятини Россия Федерацияси президентининг гранти асосида амалга оширилаётган меҳнат мигрантларининг ижтимоий мослашуви ва интеграциясига кўмаклашиш лойиҳаси доирасида 2020 йил январ ойидан бошлади. Қийин вазиятга тушиб қолган мигрантлар ижтимоий тармоқлардаги РМФ расмий саҳифаларида: ВКонтакте, Одноклассники, Инстаграм, шунингдек +7 (495) 778-3288; +7 (963) 997-4210; +7 (926) 130-7500 Ишонч телефонлари иш кунлари 8.00 дан 22.00 гача ва дам олиш кунлари 9.00 дан 21.00 гача ишлайди.

Эслатиб ўтамиз: жорий йилнинг 14-май куни Ўзбекистоннинг Россия Федерациясидаги элчихонаси "Меҳр" лойиҳасини ишга туширди - май ойи охирига моддий ёрдам миқдори 5 миллион рублни ташкил этди.

Бундан ташқари, ҳомий Алишер Усмонов республикада пандемияга қарши курашиш учун Ўзбекистон Соғлиқни сақлаш вазирлигининг "Меҳр-Шафқат ва Саломатлик" жамоат жамғармасига 20 миллион доллар ажратди.

Ўзбекистоннинг Жиззах вилоятида туғилган миллиардер Фаттоҳ Шодиевнинг халқаро жамғармаси Адлия вазирлигининг "Биз биргамиз" ижтимоий лойиҳаси доирасида республикадаги 1,5 минг кам таъминланган оилаларга COVID-19 коронавирусининг тарқалиши муносабати билан озиқ-овқат ва тиббий буюмлардан ташкил топган инсонпарварлик ёрдамини юборди. Терма футбол жамоаси сардори Одил Аҳмедов Наманганга 600 миллион сўмлик дори-дармонлар юборди.

Бундан ташқари, муқаддас Рамазон ойида ўзбекистонлик талабалар учун иссиқ овқат ташкил этилди. Жараёнга 20га яқин кўнгиллилар жалб қилинди: улар овқат тайёрлаб, овқат ва озиқ-овқат маҳсулотларини етказиб беришди.

291

Сизларни яхши кўрамиз: АҚШда полициячи намойишчилар олдида тиз чўкиб кечирим сўради

0
(Янгиланган 22:12 02.06.2020)
Миннеаполисда полициячилар томонидан қўлга олиш чоғида қўполлик қилинганидан кейин 46 ёшли афроамерикалик Жорд Флойд вафот этди. Бу ҳолат бутун мамлакат бўйлаб тартибсизликларни келтириб чиқарди.

Калифонияда бир неча полициячи намойишчилар олдига чиқиб, мурожаат қилишди. Ҳатто ходимлардан бири тиз чўкиб, намойишчини қўчоқлаб олди.

0