Полиция на месте обнаружения грузовика с телами в британском городе Грейс. 23 октября 2019

39 жасад ортилган фура: одамлар ўз ўлими олдидан яқинларига даҳшатли SMS юборишган

3042
Журналистларга маълум бўлишича, ҳалок бўлганлар орасида Вьетнам фуқаролари бўлиши мумкин. Лондондаги Вьетнам элчихонаси хабарига кўра, уларга ўз яқинларини қидираётган бир неча оила мурожаат қилган

ТОШКЕНТ, 26 окт — Sputnik. Британиянинг Эссекс графлигида юк машинасида ҳалок бўлган одамлар жон беришлари олдидан ўз қариндошлари билан боғланишга уринганлар, деб хабар қилмоқда Sputnik Қирғизистон.

Ўттиз тўққиз жасад ортилган фура полиция томонидан Англия шарқида аниқланган эди. Машина Грейс шаҳарчасидаги саноат зонасида парковка қилинган бўлган. Фура Англияга Болгариядан 19 октябр куни кириб келган. Кейин маълум бўлишича, ҳалок бўлганлар Хитой фуқаролари эканлиги аниқланган. Одамлар кузовнинг музлаткич қисмида қолдирилган. У ерда ҳаво температураси -25 градусни ташкил қилган.

Нашр ёзишича, ОАВларда ҳалок бўлганлар орасида вьетнамликлар бўлиши мумкинлиги ҳақида хабар тарқалган. 26 яшар Фам Тхи Тра Маянинг қариндошлари журналистлар билан боғланишган ва фожиа юз берган кунда "Ойижон, мени кечиринг. Чет элга сафарим ўхшамади. Мен сизни ва дадамни жуда ҳам яхши кўраман. Мен ўляпман, чунки нафас ололмаяпман", деган мазмундаги даҳшатли SMS олишганини айтишган.

Қиз ўзининг охирги хабарини сешанба куни 22:30да — контейнер Бельгиянинг Зебрюгге шаҳридан Британиянинг Пурфлитига етиб келишидан икки соат олдин юборган.

Вьетнамлик қизнинг акаси Фам Тхи Ча Ми синглиси Буюк Британияга етиб олиш учун 30 минг фунт (38 минг доллар) тўлаганини маълум қилган.

"У аввалига Хитойга учди, у ерда икки кун бўлгач, Францияга йўл олган эди. Ҳар битта давлатдан бизга қўнғироқ қилиб турди. Синглим биринчи марта Британия чегарасини 19 октябр куни кесиб ўтишга ҳаракат қилган, аммо уни тутиб олиб, ортга қайтаришган. Бу қайси портда юз берганини билмайман", - деб хабар қилган эркак.

Фурада ҳалок бўлганлар орасида 20 яшар вьетнамлик Нгуен Динь Луонг ва 19 яшар қиз ҳам бўлган бўлиши мумкин. Лондондаги Вьетнам элчихонаси уларга ўз яқинларини қидираётган бир нечта оила мурожаат қилгани тўғрисида хабар берган. Ҳалок бўлганлар орасида камида 10 киши Вьетнам фуқаролари бўлиши мумкин деган эҳтимоллар бор.

Одамларнинг оммавий ҳалок бўлишгани иши юзасидан юк машинаси ҳайдовчиси — 25 яшар шимолий ирланиялик Мо Робинсон қўлга олинган. Сал кейин одам савдоси мақсадида тил бириктириш ва қасддан амалга оширилмаган қотилликда гумонланиб яна икки нафар эркак ва бир аёл қўлга олинган.

3042

Путин Россия мигрантлар оқимига муҳтожлигини айтди

1983
Россия президенти Владимир Путин мамлакатга таълим олишга тайёр ёки муайян малака ёхуд касбга эга бўлган ёшлар кераклигини алоҳида таъкидлади

ТОШКЕНТ, 4 июл — Sputnik. Россия иқтисодий ривожланиш учун мигрантлар оқимига эҳтиёж сезади, деб баёнот қилди президент Владимир Путин РФ Конституциясига киритиладиган тузатишларларни тайёрлаш бўйича ишчи гуруҳи аъзолари билан учрашувда.

"Россия мигрантлар оқимидан манфаатдор, аммо мамлакатга зарур бўлган оқимдан. <...> Россия янги фуқаролар оқимига муҳтож, чет давлатлардан одамларни жалб қилишга эҳтиёжи бор. <...> Иқтисодга тўхталадиган бўлсак, шу нарса аёнки, иқтисод ривожланиши билан - бизда ишчи кучи етишмай қолади: бу ҳолат тез кунда сезилади - ишчи кучи зарур", - деб айтган Россия етакчиси.

Путин ишчи кучи етишмаслигини мамлакат иқтисодий тараққиётига тўсиқ бўладиган объектив сабаб ҳамда жиддий муаммоларнинг бири сифатида кўрсатган.

Россия президенти мамлакатга таълим олишга тайёр ёки муайян малака ёхуд касбга эга ёшлар кераклигини таъкидлаган.

Шу билан бирга, президент, жалб этилаётган мигрантлар оқими Россия фуқаролари ҳуқуқларини бузмаслиги ёки чекламаслиги зарурлигини қайд этган.

Путин шунингдек, Россия рус тили ва маданияти ташувчилари оқимига уч карра муҳтожлигини қўшимча қилган.

1983
Профессор Государственного университета управления Владимир Волох

Мигрантларни иш билан таъминлашда хусусий агентликларни фаол жалб қилиш керак - эксперт

177
ГУУ профессори, Россия Ички ишлар вазирлиги Миграция Бош бошқармаси қошидаги эксперт-маслаҳат кенгаши аъзоси Владимир Волох, коронавирус пандемияси РФда миграция ҳолатида қандай заиф томонларини аниқлаганини айтиб берди.

Россиядаги чет элликлар учун қонунчилик базасини такомиллаштириш керак, деди Давлат бошқарув университети (ГУУ) профессори, Россия Ички ишлар вазирлиги Миграция Бош бошқармаси қошидаги эксперт-маслаҳат кенгаши аъзоси Владимир Волох.

“Менимча, вақтинча яшашга рухсатнома каби институт аллақачон эскириб бўлди. Бу ерда тегишли ўзгартиришлар киритилиши керак”, - деди Волох Россиядаги меҳнат мигрантлари билан боғлиқ вазиятга бағишланган онлайн-конференцияда.

Унинг қўшимча қилишича, Россия Федерациясида меҳнат мигрантларига бўлган эҳтиёж қолаверади, деб ёзади Sputnik Тожикистон.

“Москва вилояти қурилиш ташкилотлари чет эллик ишчиларини жалб қилишдан манфаатдор, бу каби ҳолат уй-жой коммунал хўжалигида ҳам кузатилмоқда”, - деди профессор.

Аммо, унинг фикрича, кўп жиҳатдан, келиб чиқиш мамлакатларда қандай ишларни амалга ошириш мумкинлигини аниқлаш керак, мигрантларни ташкиллаштирилган ҳолда ёллашга эътибор қаратиш керак. Шунда чет элликлар қаерга кетаётганликларини ва уларни қандай шароитлар кутишини олдиндан билишади. Ўз навбатида, иш берувчилар уларга ким келишини тушунишади.

Волохнинг сўзларига кўра, бунинг учун хусусий бандлик агентликларини (ХБА) фаолроқ жалб қилиш керак.

“Улар қарорларни тезроқ қабул қиладилар, маълум амалий тажрибага эга. ХБАларнинг салоҳияти жуда катта”, - деб ҳисоблайди профессор.

Тафсилотларни аудиофайлда тингланг.

Волох: надо совершенствовать правовое поле России в отношении мигрантов
177
Японец в костюме ниндзя

Японияда илк бор ниндзя-устаси дипломи берилди - фото

67
(Янгиланган 21:09 06.07.2020)
Қирқ беш ёшли япониялик Женичи Мицухаси дунёда биринчи марта ниндзя-магистри дипломини қўлга киритди.

ТОШКЕНТ, 6 июл — Sputnik. Қирқ беш ёшли япониялик Женичи Мицухаси дунёда биринчи марта ниндзя-магистри дипломига сазовор бўлди. Бу ҳақда Japan Times хабар қилди.

Эркак биринчи ниндзя - кланининг тарихий ватанида жойлашган - Ми университети аспирантурасида икки йил давомида таҳсил олди. У ҳужжатларни ўрганиб, маърузаларни тинглади ва "жанг санъати амалий жиҳатларини тўлиқ ўрганди".

"Ниндзялар эрталаб деҳқончилик қилишини, тушдан кейин эса жанг санъати билан шуғулланишларини ўқидим. Мен нафақат кўп машқ қилдим, балки сабзавот ҳам етиштирдим. Қора кийимли ёлланма қотиллар ҳар томонлама омон қолиш қобилиятига эга бўлганлар", - деди Мицухаси.

У кунг фу ва серинжи-кэмпо номи билан танилган япон жанг санъатини ўрганди. Энди уста бошқаларга нинзя маҳоратини ўзининг шахсий дожосида ўргатмоқда (япон жанг санъати бўйича машғулотлар, мусобақалар ва имтиҳондан ўтказиш жойи), маҳаллий меҳмонхонани бошқаради ва бир вақтнинг ўзида докторлик диссертацияси устида ишлайди.

2017 йилда Ми университетида дунёда биринчи ниндзя тадқиқот марказини ташкил қилинди ва бир йилдан сўнг магистратура очилди. Япония тарихи профессори Южи Ямада Мицухасининг ўз вазифасига содиқлигини алоҳида эътироф этди.

Олийгоҳга ўқишга кириш учун талабалар Япония тарихи ва тарихий ҳужжатларни ўқиш қобилиятига эга бўлиши бўйича имтиҳондан ўтади. Таълим муассасаси раҳбари таъкидлашича, ҳар йили фақат уч нафар  абитуриент ўқишга киради.

67