Андрей Колесников

Мигрантлар Россияда муносиб маош олиш учун рус тилини ўрганиш керак - Колесников

174
Россияда ишлаётган кўплаб Ўзбекистон фуқаролари яхши малакага эга бўла туриб рус тилини яхши билмаслиги туфайли, муносиб маош олишга даъво қилолмаяптилар, дейди мутахассис.

Маълумки, Ўзбекистон ҳукумати меҳнат мигрантларига рус тили ва касбий билимларни ўргатиш учун Россия таълим муассасаларини жалб қилишни режалаштирмоқда.

Бироз олдин президент Шавкат Мирзиёев тегишли идораларга ушбу соҳада, жумладан, Россия Халқлар дўстлиги университети (РУДН) ва "Молодые профессионалы (WorldSkills Russia) иттифоқини жалб қилишни топширган эди.

РУДН университетининг Ўзбекистондаги ваколатхонаси раҳбари Андрей Колесников, университет ўзбекистонликларга РФда ишга киришга тайёрланишга қандай ёрдам бераётганини ва бу уларнинг ойликларига қандай таъсир қилаётганини тушунтириб берди.

РУДН Университетининг Ўзбекистондаги ваколатхонаси раҳбари Андрей Колесников таъкидлашича, университет РФга ишлашга кетаётган республика фуқаролари учун кетиш олдидан тайёргарлик масалалари бўйича Бандлик ва меҳнат муносабатлари вазирлиги билан 2019 йилдан ҳамкорлик қила бошлади.

Вазирликнинг кўмаги туфайли, РУДН шунингдек, Ташқи меҳнат миграцияси агентлиги ва “Ишга марҳамат” мономаркази билан самарали алоқаларни йўлга қўйди.

"Ташқи меҳнат миграцияси агентлиги билан биргаликда уларнинг вилоят марказларидаги филиаллари негизида Россияда меҳнат фаолияти учун патент олишга мажбурий бўлган рус тили, РФ тарихи имтиҳонларига бепул тайёргарлик кўриш учун ўқув синфлари ташкил этилди. Шу билан бирга, имтиҳонга тайёргарлик ишларини ўзбекистонлик ўқитувчи олиб боради, бу материални рус тилида ва талабанинг она тилида тушунтиришга имкон беради", - деди Колесников.

Ўқиш тугатгандан сўнг, талабага имтиҳонни ўз мамлакатида топшириш имконияти берилади. Бу патентни рўйхатдан ўтказишда вақтни тежашга ва шунга мос равишда ишга эртароқ киришишга имкон беради.

"Рус тилини ўқитиш бўйича харажатларини қоплаш Чет элда ишлаётган фуқароларнинг ҳуқуқлари ва манфаатларини ҳимоя қилиш ва қўллаб-қувватлаш Жамғармаси маблағлари ҳисобидан амалга оширилмоқда. Россияда ишлаётган кўплаб Ўзбекистон фуқаролари яхши малакага эга бўла туриб рус тилини яхши билмаслиги туфайли, муносиб маош олишга даъво қилолмаяптилар ва кам ҳақ тўланадиган ишларда ишлашга мажбур бўлмоқдалар", - деди Колесников.

Унинг сўзларига кўра, мономарказда бу ҳисобга олиниб ҳам мутахассисликлар бўйича, ҳам бу мутахассисликлардаги рус тили ўқитилмоқда. Натижада, ўқишни тугатган одам Россияда муносиб иш ҳақига ишониши мумкин.

Колесниковнинг таъкидлашича, ҳозирда РУДН яқин келажакда РФнинг беш шаҳарида: Москва, Санкт-Петербург, Қозон, Екатеринбург ва Новосибирскда ўқитишни ташкил қилиш учун барча имкониятларга эга.

Кейинчалик - Россиянинг аксарият вилоят марказларида, - таъкидлайди Колесников.

У шунингдек МДҲнинг бошқа давлатлари фуқаролари учун ҳам шундай ўқув дастурларини ишлаб чиқишга тайёрлигини қўшимча қилди.

Радиоподкастда РУДН Университетининг Ўзбекистондаги ваколатхонаси раҳбарининг тўлиқ шарҳини тингланг.

Колесников рассказал, как мигрантам получать достойную зарплату в РФ
174
Иностранные граждане в очереди на дактилоскопическую регистрацию, архивное фото

Россияда чет элликлар ҳужжатлари муддати 2021 йилнинг ёзигача узайтирилиши мумкин

457
Маълум бўлишича, Россияда мигрантлар ҳужжатларини, ҳатто уларнинг муддатлари ўтган бўлса ҳам, яна ярим йилга узайтиришлари мумкин

ТОШКЕНТ, 27 ноя — Sputnik. Россияда чет эллик фуқароларнинг ҳужжатлари муддатини келгуси йилнинг ёз ойигача узайтиришлари мумкин, деб хабар қилмоқда "Парламентская газета" нашри.

Бу ҳақда Федерация кенгашида мигрантларнинг ижтимоий-маданий адаптацияси масалаларига бағишланган йиғилиш вақтида РФ ИИВ миграция масалалари бўйича бош бошқармаси раҳбари ўринбосари Кирилл Адзинов маълум қилди.

Маълум бўлишича, ҳозирда ҳужжат муддатини узайтириш устида иш кетмоқда.

"Биз президент администрацияси билан унинг кейинги узайтирилиши устида иш олиб бормоқдамиз. Кутилишича, ҳужжат келгуси йилнинг ёз ойларигача узайтирилиши мумкин", - дея аниқлик киритди Адзинов.

Эслатиб ўтамиз, чет эллик фуқароларнинг ҳужжатлари муддатини узайтириш қарори коронавирус пандемияси ва 18 апрел куни мамлакатлар ўртасида чегаралар ёпилиши муносабати билан эълон қилинган эди.

Ўша вақтдан буён ҳужжат икки маротаба узайтирилди. Аввалига 15 сентябр, сўнгра 15 декабрга қадар.

Таъкидлаш жоизки, қабул қилинган ҳужжатга кўра, мигрантлар Россияда уларга мамлакатда яшаш ҳуқуқини берувчи ҳужжатлари муддати ўтиб кетган тақдирда ҳам қолишлари мумкин.

Регистрациялар, патентлар, яшаш ҳуқуқини берувчи ҳужжат (вид на жительство) ва бошқа ҳужжатлар муддати ўтган ҳисобланмайди, уларни бекор қилишмайди, шунингдек, бу асосда чет элликлар РФдан депортация ҳам қилинмайди.

457

Астрахан вилояти 10 минг нафар мигрантларни қабул қилишга тайёр

461
(Янгиланган 12:16 27.11.2020)
Ўзбекистонлик меҳнат мигрантлари Астрахан вилоятига қишлоқ хўжалиги, балиқ саноати ва қурилиш соҳаларига ташикллаштирилган тартибда ишга жалб қилиниши режалаштирилмоқда.

ТОШКЕНТ, 27 ноя — Sputnik. Астрахан вилояти 2021 йилда қишлоқ хўжалигида ишлаш учун 10 минг нафар меҳнат мигрантларини қабул қилишга тайёр. Бу ҳақида ҳудудий қишлоқ хўжалиги ва балиқ саноати вазири Руслана Пашаевнинг Қорақалпоғистон Министрлар кенгаши ҳамжа Хоразм вилояти ҳокимияти вакиллари билан бўлиб ўтган учрашувида маълум бўлди. 

Музокаралари якунида, меҳнат миграцияси соҳасида ҳамкорликни йўлга қўйиш режаси тузилди. Вилоят вакиллари ыишлоы хщжалигидан ташқари балиқ саноати ҳамда қурилиш соҳаларида ҳам ишчи кучига эҳтиёж борлигини хабар қилишди. Шунингдек мавсумий ишга жалб қилиш масалалари ҳам кўриб чиқилди. 

Астрахан вилоятида қонуний ишлайдиган меҳнат мигрантлари сони бўйича Ўзбекистон биринчи ўринда туради. 

Маълумот учун айни дамда, коронавирус пандемияси муносабати билан киритилган чекловларга кўра, Россия ҳудудига хорижий фуқаролар кириши чекланган. Ўзбекистонлик меҳнат мигрантлари фақат ташкиллаштирилган тартибда икки давлат расмий органлари келишувига мувофиқ кириб келишлари мумкин. 

 

461

Ҳайдовчилик гувоҳномаси учун имтиҳон олиш ваколати ИИВдан хусусий секторга берилиши мумкин

9
Ўзбекистонда ҳайдовчилик гувоҳномаси учун имтиҳон олиш ваколатининг ИИВдан хусусий секторга берилиши кутилмоқда.

ТОШКЕНТ, 29 ноя — Sputnik. Ўзбекистонда ҳайдовчилик гувоҳномаси учун имтиҳон олиш ваколатининг Ички ишлар вазирлигидан хусусий секторга берилиши кутилмоқда.

Депутат Расул Кушербаевнинг ёзишича, бу ҳақда ички ишлар вазири ўринбосари Азизбек Икрамов Олий Мажлис Қонунчилик палатасидаги Мудофаа ва хавфсизлик масалалари қўмитаси мажлисида берган ахборотида айтиб ўтган.

Вазир ўринбосарининг билдиришича, ҳужжат лойиҳасига кўра, имтиҳон олишга мослашган автодромлар ва имтиҳон олиш тизими тўлиқ хусусий секторга берилади ва ИИВ буни мониторинг қилиб боради.

ЙҲХББ 16 ёшдан машина ҳайдашга рухсат бериш таклифига муносабат билдирди

Бу жараённинг 2021 йилда амалга оширилиши кутилмоқда.

“Умид қиламизки, бу ҳайдовчилик масъулиятини ошириб, йўлларимизда маданиятли ҳайдовчилар кўпайишига хизмат қилади», — дея қўшимча қилган депутат.

9
Мавзу бўйича
“Права” олиш учун автомактабларда ўқиш мажбурийлигини бекор қилиш таклиф қилинди
Россияда ҳайдовчисиз автомобилда имтиҳон топишириш мумкин бўлади
Ўзбекистонда 16 ёшдан машина бошқаришга рухсат бериш таклиф қилинди