Директор Центра миграционных исследований, ведущий научный сотрудник ИНП РАН Дмитрий Полетаев

"Таниш-билиш" орқали ишга жойлашиш кўп ҳолда алдов билан тугайди - Полетаев

101
(Янгиланган 11:57 26.08.2020)
"Таниш-билиш" орқали иш қидириш - хавфли бўлиши мумкин, чунки иш ҳақини тўлаш бўйича алдовлар айнан ана шундай ҳолда ишга жойлашишда рўй беради, дейди мутахассис.

ТОШКЕНТ, 26 авг - Sputnik. Миграция тадқиқотлари маркази директори, Россия Фанлар академияси Халқ ҳўжалиги прогнозлаш институти (ИНП РАН) етакчи илмий ходими Дмитрий Полетаев чет эллик ишчиларни иш билан таъминлаш жараёнини қандай яхшилаш мумкинлиги ҳақида гапириб берди.

Экспертнинг фикрига кўра, агар Ташқи меҳнат миграцияси агентлиги чет эл фуқароларининг қонуний ишга жойлаштириш жавобгарлигини ўз зиммасига олса, бу барчага фақат фойда келтиради.

"Меҳнат биржасини яратиш керак. Марказимизнинг тадқиқотлари шуни кўрсатадики, ишга жойлашиш асосан расмий хизматлардан фойдаланмаган ҳолда "таниш-билишлар"орқали амалга ошмоқда.

Суҳбатдош бундай иш қидириш жараёни хавфли бўлиши мумкин деб ҳисоблайди, чунки иш ҳақини тўлаш бўйича алдовлар айнан "таниш-билишлар" орқали ишга жойлашишда рўй беради. Мутахассис ушбу тизим учун электрон меҳнат биржасини тизимини яратишни таклиф қилмоқда, бу муҳожирга тегишли патентни олиши биланоқ бўш иш ўринларини топишга ёрдам беради.

Шунингдек у, бу хизматга уй-жой ижараси хизматини ҳам қўшишни тавсия қилади, бу яшаш жойини топиш билан боғлиқ вазиятни анча енгиллаштиради.

"Давлат хизматлари ҳамма нарсага: уй-жой бозорига, тиббиётга, иш билан таъминлашга, рус тилини ўқитишга кўпроқ қўшилиши керак", - деб тушунтиради Полетаев.

Шунингдек мутахассис, мигрантлар учун ўз мутахассисликлари бўйича ишлаш имкониятига эга бўлишлари учун рус тили курсларини очишни таклиф қилади. Суҳбатдош бу уларнинг иш билан таъминлаш кўламини кенгайтиришга ёрдам беришига ишонади.

Суҳбат охирида эксперт ушбу лойиҳалар қайси маблағлар ҳисобига амалга оширилиши мумкинлиги тушунтирди.

"Менимча, мигрантлар аниқлик учун пул тўлашга тайёр. Агар улар бу ташаббус ҳақиқий ва иш беришини кўрсалар, улар бу учун пул тўлашади", - деди Полетаев.

Батафсил шарҳни Sputnik Ўзбекистон радиоподкастида тингланг.

Полетаев: мигранты до сих пор устраиваются на работу через "своих"
101
Очередная группа узбекистанцев отправились в Россию на заработки

Яна 340 нафардан зиёд ўзбекистонлик Россияга ишлашга жўнаб кетди

400
Таъкидланишича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади.

ТОШКЕНТ, 20 сен — Sputnik. Амур вилоятидаги завод қурилишида ишлаш учун яна 346 нафар фуқаро жўнаб кетди. Бу ҳақда  Ташқи меҳнат миграцияси агентлиги хабар қилмоқда.

Таъкидланишича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади. Улар 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.

Хабарда ёзилишича, улар Амур вилоятидаги газни қайта ишлаш заводи қурилишида ишлашади. Илгари ушбу заводда ишлаш учун Ўзбекистон фуқароларини ишга жалб қилиш бўйича келишувга эришилган эди.

Эслатиб ўтамиз, 31 июль куни 144, 12 август куни 84, 30 август куни эса 287 фуқаролар айнан мазкур завод қурилишида ишлаш учун ташкиллаштирилган ҳолда жўнаб кетган эди.

Йил якунига қадар 5 мингга яқин фуқароларнинг мазкур завод қурилишга ишга жалб қилиниши режалаштирилган.

400

Самара вилояти чегарасидаги ўзбекистонликлар учун яна 4та поезд ташкил этилади

353
(Янгиланган 13:56 19.09.2020)
Май ойидан бошлаб ватанга қайтишни истовчи Ўзбекистон фуқаролари мунтазам равишда Самара, Оренбург ва Ростов вилоятларида тўпланиб келмоқдалар.

ТОШКЕНТ, 19 сен — Sputnik. COVID-19 коронавируси пандемияси фонида барча турдаги қатновларнинг ёпилиши туфайли Самара вилоятида қолиб кетган Ўзбекистон фуқароларини ватанга қайтариш мақсадида яна тўртта поезд ташкил этилади. Бу ҳақда Самара вилояти ҳукумати сайтида хабар берилган.

Ватанга қайтмоқчи бўлган ўзбекистонликлар 15 августдан Кинельга келишни бошлаган эдилар. Аввалига мигрантлар темирйўл вокзали платформасида жойлашган эдилар. 21 август куни регион ҳукумати улар учун палаткали лагерни қуриб берди. Совуқ кунлар бошланиши билан иситиш тизимлари ҳам ташкил этилди.

"Мигрантларни ўз манзилига етказиш учун саккизта поезд юборилди, яна тўртта поезд ташкиллаштирилади. Шунингдек, Курумоч аэропортидан чиқиш рейслари режалаштирилган", — дейилади хабарда.

Самара вилоятига киришда яна назорат постлари ишга тушди — улар шу жумладан, лагерда коронавирус ўчоқлари пайдо бўлиши хатарларини пасайтириш устида иш олиб бормоқда, деб хабар қилади матбуот-хизмати.

Тошкентда фуқаролардан Россия-Қозоғистон чегарасида мунтазам тўпланмасликни ва РФда яшаш жойи бўйича чиқиш рейслари навбатини кутишни мунзатам сўраб келади. Аммо Ўзбекистонга қайтиш истагида бўлган юзлаб фуқаролар май ойидан бошлаб мунтазам равишда Россиянинг Самара, Оренбург ва Ростов вилоятларида тўпланиб келадилар. Республика ҳукумати автобус ва темир-йўл транспорти орқали ўнг мингдан зиёд ватандошларни олиб чиқди.

1 октябр санасидан бошлаб Ўзбекистон ўз чегарасини барча турдаги транспорт воситалари учун очмоқда, шу муносабат билан олдинроқ киритилган карантин чораларининг барчаси бекор қилинди.

353

Третьяков галереясида "Ўзбекфильм" дурдоналари намойиш этилмоқда

15
(Янгиланган 10:26 21.09.2020)
Ушбу кўргазма Россия янги тарихида ўзбек кинематографияси дурдоналарининг энг катта намойиши бўлади.

ТОШКЕНТ, 21 сен - Sputnik. Москвадаги Давлат Третьяков галереясида "Мангу эмас!1968-1985." кўргазмаси доирасида "Ўзбекча янги тўлқин" кинодастури очилди, деб хабар қилди "Ўзбеккино" миллий агентлиги. 

Ўзбекистон Республика Кинофонди билан ҳамкорликда ташкил этилган ушбу тадбирда Шуҳрат Аббосов, Али Ҳамроев, Қамара Камолова, Дамир Салимов, Элёр Ишмуҳамедов, Равил Ботировларнинг 1960 - 1970 йилларда яратган фильмлари намойиш этилади.

Кинокўргазма 19 сентябр куни соат 15.30 да "Ўзбекфильм" нуфузини кўкларга кўтарган Шуҳрат Аббосовнинг "Маҳаллада дув-дув гап"фильми билан бошланди. Намойиш Янги Третьяков галереясининг Катта залида Россия Давлат Кинофонди коллекциясида сақланаётган 35 мм ли ҳажмдаги нусхаси намойиш этилади, - деб маълум қилган Третьяков галереясининг кинодастурлар бўлими бошлиғи Максим Павлов.

"Ўзбекча янги тўлқин" кинодастури томошабинларга "Маҳаллада дув-дув гап", "Сен етим эмассан!", "Тошкент - нон шаҳри!", "Нафосат", "Севишганлар", "Учрашув", "Сурайё", "Лайлак келди-ёз бўлди", "Олмос", "41 йил олмалари", "Матонат", "Еттинчи ўқ", "Аччиқ данак", "Инсон қушлар ортидан боради", "Мевазорлик аёл", "Мухлис", "Абу Райҳон Беруний", "Ёввойи" каби мумтоз фильмларни инъом этади. 

Таъкидлаш жоизки, ўзбек кинематографиясининг бундай катта ҳажмдаги киноасарлари намойиши совет давридан кейин Россияда илк бор ўтказилмоқда, дейилади хабарда. 

Кинодастурга атоқли киношунос Нигора Каримова ва "Ўзбеккино" Миллий агентлиги ҳузуридаги Республика Кинофонди раҳбари Элжон Аббосовлар раҳбарлик қилишмоқда.

 

15