Ўзбекистон фуқаролари Ёқутистонга ишга жалб этилади

819
Ёқутистон Ташқи алоқалар ва халқ ишлари вазири коронавирус пандемияси даврида қурилиш ишлари, ишлаб чиқариш ва бошқа кўплаб соҳаларда ишчи кучлари етишмаётгани ва уларга бўлган талаб юқорилигини айтди.

ТОШКЕНТ, 6 сен — Sputnik. Ўзбекистон фуқаролари Ёқутистонга ишга жалб этилади. Бу ҳақда Ташқи меҳнат миграцияси агентлиги хабар қилмоқда.

Ўзбекистоннинг Владивосток шаҳридаги Бош консулхонаси томонидан фуқароларни ишга жойлаштириш масалалари бўйича аниқ келишувларга эришиш мақсадида Россия Федерацияси Саха Республикасининг (Ёқутистон) вазирлик ва идоралари раҳбарлари иштирокида видеоконференцалоқа шаклида учрашув ташкил этилди.

Очередная группа узбекистанцев отправились на заработки в Россию
Агентство внешней трудовой миграции Узбекистана

Учрашувда иштирокчиларга Ўзбекистон ҳукумати томонидан хорижда меҳнат қилаётган фуқароларни ижтимоий, ҳуқуқий ва моддий қўллаб-қувватлаш борасида амалга оширилаётган ишлар ҳамда хорижий иш берувчилар талабидан келиб чиққан ҳолда фуқароларнинг малакасини ошириш учун касб-ҳунарга ўқитиш марказлари, махсус курслар ва мономарказлар ташкил этилаётганлиги тўғрисида батафсил маълумотлар берилди.

Ёқутистон Ташқи алоқалар ва халқ ишлари вазири Г.Кириллин коронавирус пандемияси даврида Ёқутистонда амалга оширилаётган қурилиш ишлари, ишлаб чиқариш ва бошқа кўплаб соҳаларда ишчи кучлари етишмаётгани ва уларга бўлган талаб юқорилиги ҳақида сўз юритиб, Ўзбекистон билан меҳнат миграцияси соҳасида ҳамкорлик қилишга тайёрлигини билдирди.

Бош консулхона тадбир иштирокчиларига коронавирус пандемияси даврида Ўзбекистон фуқароларини Россияга чартер рейслар орқали олиб келиш тартиби тўғрисида маълумот берди.

Шунингдек, иш берувчиларнинг имкониятлари, меҳнат мигрантларига яратиб бериладиган шароитлар, уларга қўйиладиган талаблар ва иш ҳақи миқдори каби масалалар атрофлича муҳокама этилди.

819
Очередная группа узбекистанцев отправились в Россию на заработки

Яна 340 нафардан зиёд ўзбекистонлик Россияга ишлашга жўнаб кетди

419
Таъкидланишича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади.

ТОШКЕНТ, 20 сен — Sputnik. Амур вилоятидаги завод қурилишида ишлаш учун яна 346 нафар фуқаро жўнаб кетди. Бу ҳақда  Ташқи меҳнат миграцияси агентлиги хабар қилмоқда.

Таъкидланишича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади. Улар 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.

Хабарда ёзилишича, улар Амур вилоятидаги газни қайта ишлаш заводи қурилишида ишлашади. Илгари ушбу заводда ишлаш учун Ўзбекистон фуқароларини ишга жалб қилиш бўйича келишувга эришилган эди.

Эслатиб ўтамиз, 31 июль куни 144, 12 август куни 84, 30 август куни эса 287 фуқаролар айнан мазкур завод қурилишида ишлаш учун ташкиллаштирилган ҳолда жўнаб кетган эди.

Йил якунига қадар 5 мингга яқин фуқароларнинг мазкур завод қурилишга ишга жалб қилиниши режалаштирилган.

419

Самара вилояти чегарасидаги ўзбекистонликлар учун яна 4та поезд ташкил этилади

360
(Янгиланган 13:56 19.09.2020)
Май ойидан бошлаб ватанга қайтишни истовчи Ўзбекистон фуқаролари мунтазам равишда Самара, Оренбург ва Ростов вилоятларида тўпланиб келмоқдалар.

ТОШКЕНТ, 19 сен — Sputnik. COVID-19 коронавируси пандемияси фонида барча турдаги қатновларнинг ёпилиши туфайли Самара вилоятида қолиб кетган Ўзбекистон фуқароларини ватанга қайтариш мақсадида яна тўртта поезд ташкил этилади. Бу ҳақда Самара вилояти ҳукумати сайтида хабар берилган.

Ватанга қайтмоқчи бўлган ўзбекистонликлар 15 августдан Кинельга келишни бошлаган эдилар. Аввалига мигрантлар темирйўл вокзали платформасида жойлашган эдилар. 21 август куни регион ҳукумати улар учун палаткали лагерни қуриб берди. Совуқ кунлар бошланиши билан иситиш тизимлари ҳам ташкил этилди.

"Мигрантларни ўз манзилига етказиш учун саккизта поезд юборилди, яна тўртта поезд ташкиллаштирилади. Шунингдек, Курумоч аэропортидан чиқиш рейслари режалаштирилган", — дейилади хабарда.

Самара вилоятига киришда яна назорат постлари ишга тушди — улар шу жумладан, лагерда коронавирус ўчоқлари пайдо бўлиши хатарларини пасайтириш устида иш олиб бормоқда, деб хабар қилади матбуот-хизмати.

Тошкентда фуқаролардан Россия-Қозоғистон чегарасида мунтазам тўпланмасликни ва РФда яшаш жойи бўйича чиқиш рейслари навбатини кутишни мунзатам сўраб келади. Аммо Ўзбекистонга қайтиш истагида бўлган юзлаб фуқаролар май ойидан бошлаб мунтазам равишда Россиянинг Самара, Оренбург ва Ростов вилоятларида тўпланиб келадилар. Республика ҳукумати автобус ва темир-йўл транспорти орқали ўнг мингдан зиёд ватандошларни олиб чиқди.

1 октябр санасидан бошлаб Ўзбекистон ўз чегарасини барча турдаги транспорт воситалари учун очмоқда, шу муносабат билан олдинроқ киритилган карантин чораларининг барчаси бекор қилинди.

360

Ўзбекистонда 1,5 миллион бола мактабга қатнаб ўқий бошлади - ХТВ

19
(Янгиланган 10:35 22.09.2020)
Мактаб фаолияти тикланмаган ўқувчиларнинг таълим олиши эса "Онлайн-мактаб" лойиҳаси доирасидаги телевизион дарслар орқали таъминланмоқда.

ТОШКЕНТ, 22 сен - Sputnik. Ўзбекистон бўйича анъанавий таълим жараёнлари бошланган мактаблар сони 4 379 тага етди, деб хабар бермоқда Халқ таълими вазирлиги матбуот хизмати.

Қайд этилишича, ҳудудлардаги эпидемиологик вазият, таълим даргоҳи ва соғлиқни сақлаш тизимининг вазиятга тайёрлигидан келиб чиққан ҳолда 21 сентябрдан бошлаб республика бўйича жами 4 379 та (43,9 фоиз) мактаб тўлақонли равишда ишламоқда.

Мазкур мактабларда 2,1 миллион нафар (34 фоиз) ўқувчи таҳсил олаётган бўлиб, улардан 1,5 миллион нафари (72 фоиз) анъанавий, қолган 595 минг нафари (28 фоиз) онлайн шаклда таълим олмоқда.

Мактаб фаолияти тикланмаган ўқувчиларнинг таълим олиши эса "Онлайн-мактаб" лойиҳаси доирасидаги телевизион дарслар орқали таъминланмоқда.

Деновда очилган 9 та мактаб яна фаолиятини тўхтатди >>>

Аввалроқ Тошкент шаҳар Халқ таълими бош бошқармаси 14 сентябрдан бошлаб 139 та мактаб ўз фаолиятини анъанавий шаклда бошлагани тўғрисида хабар берганди. Дарслар бошланганидан бир кун ўтиб, яъни 15 сентябрь куни Шайхонтоҳур туманидаги 40, 262-сонли мактабларда анъанавий ўқув жараёни коронавирус инфекцияси бўйича эпидемик вазият барқарор бўлгунга қадар вақтинчалик тўхтатилганди. Орадан икки кун ўтиб тумандаги яна бир мактабда анъанавий ўқув жараёни вақтинча тўхтатилди.

Кейинроқ Тошкент шаҳар халқ таълими бош бошқармаси 2020 йил 21 сентябрда фаолиятини анъанавий тарзда бошлайдиган мактаблар рўйхатини келтириди. Фарғонада 162 та, Самарқандда эса 38 та мактабда анъанавий дарслар бошланган.

19