Граждане Узбекистана на станции Первомайская

Ростовда қолиб кетган ўзбекистонликлар учун янги вақтинчалик лагерь қуриб берилди

253
(Янгиланган 09:06 09.09.2020)
Ўз уйига қайтишни истаётган мигрантлар билан боғлиқ вазият Ростов вилояти губернатори Василий Голубев томонидан шахсий назоратга олинган.

ТОШКЕНТ, 8 сен — Sputnik, Алексей Стефанов. Чоршанба куни Россия ҳукумати ўзбекистонликларни Ростов-Дон станциясидаги тартибсиз равишда юзага келган лагердан Лихая станциясига кўчиришни режалаштирган. Лихая станциясида давлат тузилмалари томонидан ватанга қайтишга поезд кутаётган мигрантлар учун анчайин қулай шарт-шароитларни яратишган. Бу ҳақда Sputnik агентлигига шаҳар маъмурияти ва ўзбек диаспораси вакиллари хабар қилишди.

Ушбу ҳолат Ростов вилояти губернатори Василий Голубевнинг шахсий назоратига олинган. Мигрантлар яшаб турган лагерларга вилоят ҳукуматининг юқори мартабали ходимлари келишган.

Граждане Узбекистана в стихийном палаточном лагере на станции Первомайская
© Sputnik / Сергей Пивоваров
Граждане Узбекистана на станции Первомайская в стихийном палаточном лагере во время ожидания вывозного поезда из Ростова-на-Дону в Ташкент.

Ўзбекистон фуқароларининг Ростов-Дондаги Первомайск станциясида тартибсиз тўпланиши ҳолати бир неча ҳафта бурун юзага келган — мигрантлар коронавирус пандемияси даврида қишлоқ хўжалигида мавсумий ишлар тугаши билан уйларига қайтишмоқчи, аммо ёпиқ чегаралар туфайли буни амалга ошириша олмаяпти. Sputnik агентлигига Ўзбек миллий маданий маркази Қиёмхон Бобоевнинг маълум қилишича, Первомайскда мигрантлар яшаши учун шарт-шароитлар бўлмаган. Одамлар қўлбола палаткалар ўрнатиб, ҳатто переходларда яшашган. Икки кун олдин эса Ўзбекистон фуқароси бўлган бир аёл фарзандни дунёга келтирган, уни туғруқхонага олиб боришга улгуришган, ҳозирда она ва бола шифокорлар назоратида бўлиб турибди.

"Қўлдан келганча ёрдам бердик. Ватандошларимиз сони бир неча юзга етганида, уларни овқат билан таъминладик, вазиятни амаллаб бошқариб турдик. Аммо улар мингдан ошиб кетгач, ёрдам бера олмай қолдик - имкониятимиз чегарасиз эмас. Худога шукрки, куни кеча муаммони бартараф этиш ишларига Ростов вилояти губернатори, Ростов шаҳри мэрияси, шаҳар маъмурияти қўшилишди", - дея тушунтиради Қиёмхон Бобоев.

Ўзбекистонга олиб борадиган навбатдаги поездга 950 кишини ўтқазишга муваффақ бўлинган. Аммо ҳозирча яна 3 мингга яқин ишчилар ўша жойнинг ўзида қолмоқда. Ҳозирда диаспора вакиллари Ўзбекистон Республикаси Бош консуллиги билан биргаликда Ростов-Донда қолиб кетган Ўзбекистон фуқаролари рўйхатини тузишмоқда.

"Эртага (яъни бугун - таҳр) Россия темир йўллари билан келишган ҳолда Первомайск станциясига электричка келиб, барча хоҳловчиларни Лихая станциясига кўчириб ўтказади. У ерда яшаш шароити тамомила бошқача бўлади - вазият регион раҳбарининг шахсий назоратига олинган, воқеа жойига эса губернатор ўринбосари Виктор Вовк ва иқтисодий тараққиёт вазири Максим Папушенко келишди", - дейди Бобоев.

Ростов-Дон администрацияси Sputnik нашрига эртага (бугун) Первомайскдан Лихая станцияси томон электричка йўлга чиқишини тасдиқлади.

"У ерда Ўзбекистон фуқаролари учун шароитлар яратилди, палаткалар шаҳарчаси қурилди, ичимлик суви, техник сув олиб келинди. Озиқ-овқат - крупалар, макаронлар, ёғ, чой етказилади", — дея таъкидлашди идора вакиллари.

Ҳозирда шаҳар администрацияси Ўзбекистон Бош консуллигидан тўпланиб турган фуқаролар рўйхатини кутмоқда. Шу рўйхат асосида мигрантлар Ўзбекистонга олиб чиқилади.

253

Россияда ўзбекистонлик меҳнат мигрантларига 15 декабргача имтиёзлар берилади

340
Бу вақт оралиғида фуқароларга нисбатан маъмурий чиқариб юбориш, депортация қилиш, илгари берилган вақтинчалик яшаш учун рухсатнома, яшаш учун рухсатнома, ишлаш учун рухсатнома ва патентни бекор қилиш, шунингдек Россияга киришни тақиқлаш каби чоралар қўлланилмайди.

ТОШКЕНТ, 22 сен - Sputnik. Россияда ўзбекистонлик меҳнат мигрантларига 2020 йил 15 декабргача имтиёзлар берилади, деб хабар қилди Ташқи миграция агентлиги матбуот-хизмати.

Россия Федерацияси ва Ўзбекистон Республикаси ўртасида меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида Ўзбекистон Бош вазирининг маслаҳатчиси М.Хайриддинов бошчилигидаги делегациянинг ташрифи доирасида Россия Ички ишлар вазирининг биринчи ўринбосари, полиция генерал-полковниги A.Горов билан учрашуви бўлиб ўтди.

Учрашувда Россия Федерацияси ҳудудидаги ўзбекистонлик меҳнат мигрантларининг ҳолати, хусусан, Россия Федерацияси Президентининг амал қилиш муддати узайтирилиши режалаштирилаётган 2020 йил 18 апрелдаги "Россия Федерациясидаги хорижий фуқаролар ва фуқаролиги бўлмаган шахсларнинг ҳуқуқий ҳолатини янги коронавирус инфекцияси кенг тарқалиши хавфи муносабати билан тартибга солиш бўйича вақтинчалик чора-тадбирлар тўғрисида"ги фармонига алоҳида урғу берилди.

Россия томонининг маълум қилишича, ушбу фармонга мувофиқ, Россия Федерацияси ҳудудида нолегал бўлиб турган Ўзбекистон Республикаси фуқаролари рўйхатдан ўтиш ва рухсат берувчи бошқа ҳужжатларнинг амал қилиш муддати тугашидан (15 мартгача ёки ундан кейин) қатъи назар яшаш манзили бўйича Россия Федерацияси ИИВ органларига мурожаат қилиб, 2020 йилнинг 15 декабрига қадар мамлакатда бўлишни қонунийлаштириш мумкин.

Фуқароларга нисбатан маъмурий чиқариб юбориш, депортация қилиш, илгари берилган вақтинчалик яшаш учун рухсатнома, яшаш учун рухсатнома, ишлаш учун рухсатнома ва патентни бекор қилиш, шунингдек Россияга киришни тақиқлаш каби чоралар қўлланилмайди.

Шу муносабат билан, Россия ҳудудида нолегал ҳолатда бўлган Ўзбекистон Республикаси фуқароларини берилган ҳуқуқлардан фойдаланиб, мамлакатда бўлишини қонунийлаштиришга чақирамиз, дейилади хабарда.

340
Иностранные граждане проходят электронное тестирование на знание русского языка

Андижон ва Оренбург вилоятлари ўртасида миграция соҳасида битим имзоланди

143
Оренбург вилояти меҳнат бозори билан ўзаро алоқаларни кенгайтириш, меҳнат миграцияси соҳасида ҳамкорликни ривожлантириш борасида амалий чора-тадбирларни жадаллаштириш режалаштирилмоқда

ТОШКЕНТ, 22 сен - Sputnik. Андижон ва Оренбург вилоятлари ўртасида ҳамкорлик Меморандуми имзоланди, деб хабар бермоқда Ташқи миграция агентлиги матбуот-хизмати.

Таъкидланишича, Ўзбекистон делегацияси меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида делегация Россияда бўлиб турибди. Ташриф доирасида Оренбург ва Андижон вилоятлари ҳокимликлари мутасаддилари иштирокида учрашувлар ўтказилди.

Учрашувларда Оренбург вилояти меҳнат бозори билан ўзаро алоқаларни кенгайтириш, меҳнат миграцияси соҳасида ҳамкорликни ривожлантириш борасида амалий чора-тадбирларни жадаллаштириш зарурлиги алоҳида таъкидланди.

Тадбирлар якунида Андижон вилояти ва Оренбург вилояти Меҳнат ва аҳолини иш билан таъминлаш вазирлиги ўртасида бандлик ва меҳнат миграцияси соҳасида ҳамкорлик тўғрисида Меморандум имзоланди.

Шунингдек, Оренбург вилояти ўзбек диаспоралари вакиллари ва талабалар билан учрашув ташкил этилди.

Тадбирда иштирокчиларга президентимизнинг жорий йил 15 сентябрдаги "Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида"ги қарори тўғрисида қисқача маълумот берилди.

Учрашув давомида иштирокчиларнинг меҳнат мигрантлари учун яратилаётган шароитлар, Россия Федерацияси билан чегараларнинг очилиши, патент олиш қоидалари, чартер рейслар нархларининг пасайиши ҳақидаги саволларига мутахассислар томонидан батафсил жавоб қайтарилди.

143

COVID, қурол ва тинчлик. Путиннинг БМТдаги чиқиши

464
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

464