Граждане Узбекистана на станции Первомайская

Ростовда қолиб кетган ўзбекистонликлар учун янги вақтинчалик лагерь қуриб берилди

257
(Янгиланган 09:06 09.09.2020)
Ўз уйига қайтишни истаётган мигрантлар билан боғлиқ вазият Ростов вилояти губернатори Василий Голубев томонидан шахсий назоратга олинган.

ТОШКЕНТ, 8 сен — Sputnik, Алексей Стефанов. Чоршанба куни Россия ҳукумати ўзбекистонликларни Ростов-Дон станциясидаги тартибсиз равишда юзага келган лагердан Лихая станциясига кўчиришни режалаштирган. Лихая станциясида давлат тузилмалари томонидан ватанга қайтишга поезд кутаётган мигрантлар учун анчайин қулай шарт-шароитларни яратишган. Бу ҳақда Sputnik агентлигига шаҳар маъмурияти ва ўзбек диаспораси вакиллари хабар қилишди.

Ушбу ҳолат Ростов вилояти губернатори Василий Голубевнинг шахсий назоратига олинган. Мигрантлар яшаб турган лагерларга вилоят ҳукуматининг юқори мартабали ходимлари келишган.

Граждане Узбекистана в палаточном лагере
© Sputnik / Сергей Пивоваров
Граждане Узбекистана в палаточном лагере

Ўзбекистон фуқароларининг Ростов-Дондаги Первомайск станциясида тартибсиз тўпланиши ҳолати бир неча ҳафта бурун юзага келган — мигрантлар коронавирус пандемияси даврида қишлоқ хўжалигида мавсумий ишлар тугаши билан уйларига қайтишмоқчи, аммо ёпиқ чегаралар туфайли буни амалга ошириша олмаяпти. Sputnik агентлигига Ўзбек миллий маданий маркази Қиёмхон Бобоевнинг маълум қилишича, Первомайскда мигрантлар яшаши учун шарт-шароитлар бўлмаган. Одамлар қўлбола палаткалар ўрнатиб, ҳатто переходларда яшашган. Икки кун олдин эса Ўзбекистон фуқароси бўлган бир аёл фарзандни дунёга келтирган, уни туғруқхонага олиб боришга улгуришган, ҳозирда она ва бола шифокорлар назоратида бўлиб турибди.

"Қўлдан келганча ёрдам бердик. Ватандошларимиз сони бир неча юзга етганида, уларни овқат билан таъминладик, вазиятни амаллаб бошқариб турдик. Аммо улар мингдан ошиб кетгач, ёрдам бера олмай қолдик - имкониятимиз чегарасиз эмас. Худога шукрки, куни кеча муаммони бартараф этиш ишларига Ростов вилояти губернатори, Ростов шаҳри мэрияси, шаҳар маъмурияти қўшилишди", - дея тушунтиради Қиёмхон Бобоев.

Ўзбекистонга олиб борадиган навбатдаги поездга 950 кишини ўтқазишга муваффақ бўлинган. Аммо ҳозирча яна 3 мингга яқин ишчилар ўша жойнинг ўзида қолмоқда. Ҳозирда диаспора вакиллари Ўзбекистон Республикаси Бош консуллиги билан биргаликда Ростов-Донда қолиб кетган Ўзбекистон фуқаролари рўйхатини тузишмоқда.

"Эртага (яъни бугун - таҳр) Россия темир йўллари билан келишган ҳолда Первомайск станциясига электричка келиб, барча хоҳловчиларни Лихая станциясига кўчириб ўтказади. У ерда яшаш шароити тамомила бошқача бўлади - вазият регион раҳбарининг шахсий назоратига олинган, воқеа жойига эса губернатор ўринбосари Виктор Вовк ва иқтисодий тараққиёт вазири Максим Папушенко келишди", - дейди Бобоев.

Ростов-Дон администрацияси Sputnik нашрига эртага (бугун) Первомайскдан Лихая станцияси томон электричка йўлга чиқишини тасдиқлади.

"У ерда Ўзбекистон фуқаролари учун шароитлар яратилди, палаткалар шаҳарчаси қурилди, ичимлик суви, техник сув олиб келинди. Озиқ-овқат - крупалар, макаронлар, ёғ, чой етказилади", — дея таъкидлашди идора вакиллари.

Ҳозирда шаҳар администрацияси Ўзбекистон Бош консуллигидан тўпланиб турган фуқаролар рўйхатини кутмоқда. Шу рўйхат асосида мигрантлар Ўзбекистонга олиб чиқилади.

257
Мигранты во время экзаменационного тестирования

Патент учун рус тили имтиҳонини Ўзбекистонда топшириш мумкин

180
(Янгиланган 18:25 23.11.2020)
Патент ва яшашга рухсатнома учун керак бўладиган рус тили ва Россия қонунчилигини билиш ҳақидаги сертификатни Ўзбекистонда олиш имкони пайдо бўлди.

ТОШКЕНТ, 23 ноя - Sputnik. Бундан буён Россияда патент олиш учун керак бўладиган "Рус тили ва Россия қонунчилиги асослари" бўйича имтиҳонни Ўзбекистонда топшириш мумкин бўлади, деб хабар қилмоқда Ташқи меҳнат миграцияси агентлиги. 

"Бандлик ва меҳнат муносабатлари вазирлиги тизимидаги республиканинг барча ҳудудларида жойлашган ўқув марказларида рус тилига ўқитиш бўйича ўқув курслари ташкил этилган. Сиз ушбу курсларда ўқиш давомида рус тилини ўрганиш билан бирга, Россияда патент олиш учун керак бўлган махсус сертификатни қўлга киритишингиз мумкин", - дейилган агентлик хабарида. 

Эслатиб ўтамиз, 20-23 ноябр кунлари Ўзбекистонга Москва Миграция маркази раҳбарияти делегацияси ташриф бюрган эди. Улар Тошкентдаги "Ишга марҳамат" мономарказига ташриф буюриб, Ўзбекистон Меҳнат вазирлиги вакиллари билан меҳнат миграцияси борасида музокаралар ўтказишган эди.  

 

180

Москва Миграция маркази раҳбарияти Тошкентдаги "Ишга марҳамат" маркази билан танишди

388
Москва "Миграция маркази" раҳбарияти билан меҳнат миграциясига боғлиқ бир қатор ҳужжатларни Ўзбекистонда расмийлаштириш масаласи муҳокама қилинмоқда.

ТОШКЕНТ, 22 ноя - Sputnik. Ўзбекистонда расмий ташриф билан келган Москва Миграция маркази раҳбарияти Тошкентдаги "Ишга марҳамат" мономаркази фаолияти билан танишди, деб хабар қилмоқда Ташқи меҳнат миграцияси агентлиги.

Москва Миграция маркази давлат бюджет ташкилоти бош директори Сергей Балдин, директор ўринбосарлари Олег Нуждин ва Ирина Ермиловалар Ўзбекистон Республикаси Бандлик ва меҳнат муносабатлари вазирлиги, Ташқи меҳнат миграцияси агентлиги масъул ходимлари билан биргаликда Тошкент шаҳридаги “Ишга марҳамат” мономаркази фаолияти билан танишди.

Ташриф доирасида “Миграция маркази” давлат бюджет ташкилотининг Ўзбекистондаги ваколатхонасини очиш ва у ерда қуйидаги фаолият билан шуғулланиши бўйича музокаралар ўтказилди:

  • Фуқароларнинг ушбу давлатга кириб боришида тақиқ бор-йўқлигини текшириш;
  • Патент олиш учун ҳужжатларни расмийлаштиришда кўмаклашиш;
  • Ташқи меҳнат миграцияси агентлиги ишловчи ва иш берувчилар орасида оператор вазифасини бажаради;

“Миграция маркази” раҳбарияти ташрифи 23 ноябрь кунигача давом этади. Музокаралар якуний натижаси бўйича батафсил хабар берилади.

Эслатиб ўтамиз, президент Шавкат Мирзиёев 15 сентябрда имзоланган “Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида”ги Президент қарорида, 2020 йил якунига қадар Ўзбекистонда Россиянинг миграция марказларини ташкил этиш ҳамда меҳнат патентини ушбу марказларда расмийлаштириш хизматини йўлга қўйиш буйича вазифалар белгиланган эди.

 

388
Милиция

Хоразмда аёл кишини ечинтириб, видеога олганларнинг шахси аниқланди

818
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

818