Сенат ва вазирликлар мигрантларни ҳимoя қилиш учун чора-тадбирлар тайёрламоқда

173
(Янгиланган 13:48 09.09.2020)
Ўзбекистон Россия билан миграция соҳасида тузилган икки томонлама битимлар ижросини пухтароқ ўрганишга қарор қилди.

ТОШКЕНТ, 9 сен - Sputnik. Кеча 8 сентябр куни Ташқи мeҳнaт мигрaцияси вазирлигида Россияда вақтинча меҳнат қилаётган Ўзбекистон фуқароларини ҳимоясини таъминлашга бағишланган мажлис бўлиб ўтди.

Хабарда айтилишига кўра мажлисда меҳнат мигрантларининг ҳуқуқий ва ижтимoий ҳимoя қилиш учун қўшимчa кaфoлaтлaр вa имкoниятлaр ярaтиш мexaнизмлaрини тaкoмиллaштириш масаласи кўриб чиқилган. 

Ундан ташқари мeҳнaт мигрaцияси сoҳaсидaги Ўзбeкистoн ва Рoссия орасидаги битимлaри ижроси ҳoлaтини пухтарoқ ўргaнишгa қaрoр қилинган.

Ушбу муҳокамада бaндлик вa мeҳнaт мунoсaбaтлaри, сoғлиқни сaқлaш, тaшқи ишлaр, трaнспoрт, мaҳaллa вa oилaни қўллaб-қуввaтлaш, қурилиш вa ички ишлaр вaзирликлaри рaҳбaрлaри, шунингдек Сенатнинг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси aъзoлaри иштирoк этган.

Эслатиб ўтамиз, бугунги кун ҳолатига 3 мингга яқин Ўзбекистон фуқаролари Россиянинг Самара ва Ростов вилоятларида чегарага яқин бўлган темир йўл станцияларида ватанига қайтишни кутиб қолишмоқда. Улар оғир шароитларда, палатка ёки целлофан чодирлард 1-2 ҳафталаб кутиб қолишга мажбур бўлишмодқда. Маҳаллий ҳукумат ва нодавлат ташкилотлар уларга шароит яратишга, озиқ-овқат билан таъминлашга ҳаракат қилишмоқда. 

173
Мигранты во время экзаменационного тестирования

Патент учун рус тили имтиҳонини Ўзбекистонда топшириш мумкин

257
(Янгиланган 18:25 23.11.2020)
Патент ва яшашга рухсатнома учун керак бўладиган рус тили ва Россия қонунчилигини билиш ҳақидаги сертификатни Ўзбекистонда олиш имкони пайдо бўлди.

ТОШКЕНТ, 23 ноя - Sputnik. Бундан буён Россияда патент олиш учун керак бўладиган "Рус тили ва Россия қонунчилиги асослари" бўйича имтиҳонни Ўзбекистонда топшириш мумкин бўлади, деб хабар қилмоқда Ташқи меҳнат миграцияси агентлиги. 

"Бандлик ва меҳнат муносабатлари вазирлиги тизимидаги республиканинг барча ҳудудларида жойлашган ўқув марказларида рус тилига ўқитиш бўйича ўқув курслари ташкил этилган. Сиз ушбу курсларда ўқиш давомида рус тилини ўрганиш билан бирга, Россияда патент олиш учун керак бўлган махсус сертификатни қўлга киритишингиз мумкин", - дейилган агентлик хабарида. 

Эслатиб ўтамиз, 20-23 ноябр кунлари Ўзбекистонга Москва Миграция маркази раҳбарияти делегацияси ташриф бюрган эди. Улар Тошкентдаги "Ишга марҳамат" мономарказига ташриф буюриб, Ўзбекистон Меҳнат вазирлиги вакиллари билан меҳнат миграцияси борасида музокаралар ўтказишган эди.  

 

257

Москва Миграция маркази раҳбарияти Тошкентдаги "Ишга марҳамат" маркази билан танишди

399
Москва "Миграция маркази" раҳбарияти билан меҳнат миграциясига боғлиқ бир қатор ҳужжатларни Ўзбекистонда расмийлаштириш масаласи муҳокама қилинмоқда.

ТОШКЕНТ, 22 ноя - Sputnik. Ўзбекистонда расмий ташриф билан келган Москва Миграция маркази раҳбарияти Тошкентдаги "Ишга марҳамат" мономаркази фаолияти билан танишди, деб хабар қилмоқда Ташқи меҳнат миграцияси агентлиги.

Москва Миграция маркази давлат бюджет ташкилоти бош директори Сергей Балдин, директор ўринбосарлари Олег Нуждин ва Ирина Ермиловалар Ўзбекистон Республикаси Бандлик ва меҳнат муносабатлари вазирлиги, Ташқи меҳнат миграцияси агентлиги масъул ходимлари билан биргаликда Тошкент шаҳридаги “Ишга марҳамат” мономаркази фаолияти билан танишди.

Ташриф доирасида “Миграция маркази” давлат бюджет ташкилотининг Ўзбекистондаги ваколатхонасини очиш ва у ерда қуйидаги фаолият билан шуғулланиши бўйича музокаралар ўтказилди:

  • Фуқароларнинг ушбу давлатга кириб боришида тақиқ бор-йўқлигини текшириш;
  • Патент олиш учун ҳужжатларни расмийлаштиришда кўмаклашиш;
  • Ташқи меҳнат миграцияси агентлиги ишловчи ва иш берувчилар орасида оператор вазифасини бажаради;

“Миграция маркази” раҳбарияти ташрифи 23 ноябрь кунигача давом этади. Музокаралар якуний натижаси бўйича батафсил хабар берилади.

Эслатиб ўтамиз, президент Шавкат Мирзиёев 15 сентябрда имзоланган “Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида”ги Президент қарорида, 2020 йил якунига қадар Ўзбекистонда Россиянинг миграция марказларини ташкил этиш ҳамда меҳнат патентини ушбу марказларда расмийлаштириш хизматини йўлга қўйиш буйича вазифалар белгиланган эди.

 

399

Ўзбекистоннинг бош арчаси қандай безатилмоқда - видео

0
(Янгиланган 19:24 24.11.2020)
Ўзбекистоннинг бош арчаси - Юнусобод туманидаги "Сайлгоҳ" майдонида ўрнатилмоқда. Арчанинг баландлиги ўзгармайди, ўтган йилги сингари 36 метрни ташкил қилади.

Арчани тўлиқ безатиш ишлари 20 декабрга қадар якунланади. Тез кунда Хитойдан янги инсталляцияларнинг олиб келиниши кутилмоқда.

0