Клиент Сбербанка вносит наличные деньги в банкомат

Мигрантлар учун аванс солиқ тўловини жорий этиш таклиф қилинди

548
(Янгиланган 13:50 14.09.2020)
Россия Ички ишлар вазирлиги томонидан меҳнат мигрантлари учун аванс солиқ тўловини жорий этиш таклиф қилинди.

ТОШКЕНТ, 14 сен — Sputnik. Россия Ички ишлар вазирлиги мамлакатга ишлаш учун келадиган хорижликлар учун белгиланган аванс тўловини жорий этишни таклиф қилди.

Бу миграция масалалари бўйича тайёрланган янги федерал қонун лойиҳасининг концепциясида келтирилган. РИА Новости хабарига асосан.

Бу солиқни тўлаш учун электрон патент зарур бўлиши кўзда тутилмоқда. Мигрантни ишга олмоқчи бўлган иш берувчилар - жисмоний, юридик шахслар, шунингдек якка тартибдаги тадбиркорлар ўзларининг шахсий кабинетларида рўйхатдан ўтишлари (эҳтимол давлат ва коммунал хизматларнинг ягона порталида) ва махсус шаклни тўлдиришлари керак.

Тизимда рўйхатдан ўтгандан сўнг, чет эл ишчи кучини жалб қиладиган иш берувчилар реестрига киритиш учун электрон шаклда аризани тўлдириш керак бўлади.

Шунингдек, қонун лойиҳасида чет элликларни ишга ёллаш шартларини акс эттириш кўзда тутилмоқда: масалан, бу тоифадаги ишчилар учун ҳудуддаги ўртача иш ҳақига тўғри келадиган маош, Россия қонунларини бузганлик учун тўланмаган жарималар йўқлиги ҳақидаги маълумотлар.

Концепцияга мувофиқ, белгиланган аванс тўлови шаклида жисмоний шахслардан олинадиган даромад солиғи (НДФЛ) тўланмаган тақдирда, мигрантларга 15 кун ичида солиқ тўлаш ҳақидаги хабарнома юборилади. Рад этилган тақдирда солиқ тўламаган шахс Россияда ишлаш тақиқланиши ва эҳтимол мамлакатдан депорт қилиниши мумкин.

Бундан аввал, чет элликларга шахсий маълумотлари бўлган ID-карта беришни таклиф қилингани ҳақида хабар бергандик.

548
Очередная группа узбекистанцев отправились в Россию на заработки

Яна 340 нафардан зиёд ўзбекистонлик Россияга ишлашга жўнаб кетди

419
Таъкидланишича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади.

ТОШКЕНТ, 20 сен — Sputnik. Амур вилоятидаги завод қурилишида ишлаш учун яна 346 нафар фуқаро жўнаб кетди. Бу ҳақда  Ташқи меҳнат миграцияси агентлиги хабар қилмоқда.

Таъкидланишича, уларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади. Улар 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.

Хабарда ёзилишича, улар Амур вилоятидаги газни қайта ишлаш заводи қурилишида ишлашади. Илгари ушбу заводда ишлаш учун Ўзбекистон фуқароларини ишга жалб қилиш бўйича келишувга эришилган эди.

Эслатиб ўтамиз, 31 июль куни 144, 12 август куни 84, 30 август куни эса 287 фуқаролар айнан мазкур завод қурилишида ишлаш учун ташкиллаштирилган ҳолда жўнаб кетган эди.

Йил якунига қадар 5 мингга яқин фуқароларнинг мазкур завод қурилишга ишга жалб қилиниши режалаштирилган.

419

Самара вилояти чегарасидаги ўзбекистонликлар учун яна 4та поезд ташкил этилади

359
(Янгиланган 13:56 19.09.2020)
Май ойидан бошлаб ватанга қайтишни истовчи Ўзбекистон фуқаролари мунтазам равишда Самара, Оренбург ва Ростов вилоятларида тўпланиб келмоқдалар.

ТОШКЕНТ, 19 сен — Sputnik. COVID-19 коронавируси пандемияси фонида барча турдаги қатновларнинг ёпилиши туфайли Самара вилоятида қолиб кетган Ўзбекистон фуқароларини ватанга қайтариш мақсадида яна тўртта поезд ташкил этилади. Бу ҳақда Самара вилояти ҳукумати сайтида хабар берилган.

Ватанга қайтмоқчи бўлган ўзбекистонликлар 15 августдан Кинельга келишни бошлаган эдилар. Аввалига мигрантлар темирйўл вокзали платформасида жойлашган эдилар. 21 август куни регион ҳукумати улар учун палаткали лагерни қуриб берди. Совуқ кунлар бошланиши билан иситиш тизимлари ҳам ташкил этилди.

"Мигрантларни ўз манзилига етказиш учун саккизта поезд юборилди, яна тўртта поезд ташкиллаштирилади. Шунингдек, Курумоч аэропортидан чиқиш рейслари режалаштирилган", — дейилади хабарда.

Самара вилоятига киришда яна назорат постлари ишга тушди — улар шу жумладан, лагерда коронавирус ўчоқлари пайдо бўлиши хатарларини пасайтириш устида иш олиб бормоқда, деб хабар қилади матбуот-хизмати.

Тошкентда фуқаролардан Россия-Қозоғистон чегарасида мунтазам тўпланмасликни ва РФда яшаш жойи бўйича чиқиш рейслари навбатини кутишни мунзатам сўраб келади. Аммо Ўзбекистонга қайтиш истагида бўлган юзлаб фуқаролар май ойидан бошлаб мунтазам равишда Россиянинг Самара, Оренбург ва Ростов вилоятларида тўпланиб келадилар. Республика ҳукумати автобус ва темир-йўл транспорти орқали ўнг мингдан зиёд ватандошларни олиб чиқди.

1 октябр санасидан бошлаб Ўзбекистон ўз чегарасини барча турдаги транспорт воситалари учун очмоқда, шу муносабат билан олдинроқ киритилган карантин чораларининг барчаси бекор қилинди.

359
Глава МИД РФ Сергей Лавров

Лавров ОДКБ номидан БМТ Бош Ассамблеясида чиқиш қилди

3
РФ ТИВ раҳбарининг таъкидлашича ҳозирда, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш ҳолатлари кўриниш бермоқда.

ТОШКЕНТ, 22 сен - Sputnik. Дунё ажратувчи чизиқлардан толиқди, қуролли можаролар, халқаро жиноятчилик ва янги чақириқлар ҳар томонлама кўмак ва ҳамкорликни кучайтиришни талаб қилмоқда, деб баёнот қилди Россия ТИВ раҳбари Сергей Лавров БМТ Бош Ассамблеяси олий ҳафталигида КХШТ (ОДКБ) номидан қилган видеомурожаатида.

"Бугун, таассуфки, дунёнинг турли минтақаларида қуролли можаролар авж олишда давом этмоқда. Унга: халқаро терроризм, нарко- ва кибержиноятчилик, иқлим ўзгариши каби замонамизнинг ўткир таҳдидлари келиб қўшилмоқда. Жорий йилда бу рўйхат ижтимоий-иқтисодий ва бошқа соҳаларда жиддий инқироз ҳолатларини келтириб чиқарган яна бир хавфли чақириқ: коронавирус пандемияси билан тўлдирилди", - деди Лавров.

Унинг сўзларига кўра, глобал муаммоларга жавоб қайтариш йилдан йилга, айниқса, ҳозирги, дунё ҳамжамиятининг бир-бирига нисбатан адовати ўсиб бораётган бир шароитда тобора мураккаблашиб бормоқда. Бундай ҳолатлар айрим давлатларнинг бошқа давлатлар қонуний манфаатлари билан ҳисоблашишни истамаслиги билан боғлиқдир, деб қайд этди Лавров.

Ташқи ишлар вазири таъкидлаганидек, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш, БМТ Хавфсизлик Кенгаши ҳуқуқларига зид равишда бир томонлама санкциялар қўллаш, муросасизлик ва нафрат кўриниш бермоқда.

"Аммо тарихнинг табиий боришини синдириб бўлмайди. Бугунги кунда халқаро майдонда иқтисодий тараққиётнинг янги марказлари кучаймоқда, қуролли можароларни фақатгина тинчлик воситалари билан бартараф этишга зарурат кучаймоқда, ўзаро боғлиқлик ўсиб бормоқда. Дунё ажратувчи чизиқлардан, давлатларни "ўзимизники" ва "бегоналарга" бўлишлардан чарчади, дунё ҳартомонлама ўзаро ёрдам ва ҳамкорликни оширишни талаб қилмоқда. Бошқача қилиб айтганда, БМТ ташкил топган вақтда, 75 йил олдин ўртага ташланган мақсадлар тобора аҳамиятлироқ бўлиб бормоқда2, - деб қайд этди вазир.

Лавров, шунингдек, тарихни қайта кўриб чиқиб, фашизм устидан қозонилган ғалабала ҳал этувчи ҳиссани қўшган халқлар ролини пасайтиришга бўлаётган уринишларни бемаънилик, дея атади. У тарих сабоқларини ёдда сақлашга, халоскор-жангчилар жасоратига ҳурмат кўрсатишга, уларнинг шарафига қад ростланган ёдгорликларнинг бутлигини таъминлашга чақирди.

Россия Ташқи ишлар вазирлиги раҳбари сўзларига кўра, замонавий шароитларда БМТ ўз уставига қатъий мувофиқ равишда иш олиб борадиган самарали тузилма бўлиб қолиши керак, БМТ тизими асосий органлари мандатларини хиралаштириб, улар ваколатларини такрорлашларига йўл қўймаслик керак, бу фақат керакли мақсадларга эришишни кечиктиради.

Жаҳон ҳамжамиятининг асосий вазифаларидан бири: можароларни халқаро миқёсда тан олинган музокаралар форматлари доирасида, халқаро ҳуқуқ нормалари асосида фақат тинчлик, сиёсий ва дипломатик воситалар билан ҳал этиш бўлиб қолиши керак, бунда терроризмга ва халқаро уюшган жиноятчиликка қарши курашда ҳамкорликни кенгайтириш сўзсиз устуворликни касб этиши лозим, дея таъкидлайди Лавров.

Шунингдек, глобал барқарорликни сақлаб қолиш учун қурол-яроғ, қуролсизланиш ва қуролни тарқатмаслик назорати тизимини заифлаштиришга уринишларни чеклаш деди вазир.

3