Рабочие во время строительства

Россия қурилиш майдонларида мигрантлар етишмаяпти - бош вазир ўринбосари

936
(Янгиланган 12:06 18.09.2020)
Коронавирус пандемияси туфайли Россия қурилиш майдонларида меҳнат мигрантларининг етишмаслиги сезилмоқда.

ТОШКЕНТ, 17 сен — Sputnik. Чегараларнинг ёпилгани Россия қурилиш майдонларида ишчи кучи этишмаслигига олиб келди, деб таъкидлади РФ бош вазир ўринбосари Марат Хуснуллин.

Яқин хориж, Хитой ва Корея меҳнат мигрантлари ҳисобига Россияга ишчи кучи оқими келади. Коронавирус пандемияси туфайли Россия Федерациясига кириш сезиларли даражада чекланди, шу сабабли қурилиш майдонларда ишчилар етишмаяпти.

Айни пайтда Россияда ишсизликнинг маълум даражаси сақланиб қолмоқда, шунинг учун одамларни қурилиш мутахассисликлари бўйича қайта ўқитишга тўғри келмоқда, дейди бош вазир ўринбосари.

Хуснуллин таъкидлашича, мигрантларнинг етишмаслиги қурилиш лойиҳалари ишига сезиларли даражада таъсир қилмайди.

Россия Федерацияси Қурилиш вазирлиги маълумотларига кўра, Россия ҳудудларида 100 минг қурилиш ишчиларига эҳтиёж мавжуд.

936
Строительство жилого комплекса

Путин муҳлат берди: мигрантларни қурилишга жалб қилиш масаласи ҳал қилиниши керак

237
(Янгиланган 13:46 18.01.2021)
Россия президенти қурилишларга меҳнат мигрантларини соддалаштирган ҳолда жалб қилиш масаласини кўриб чиқишни топширди.

ТОШКЕНТ, 18 янв — Sputnik. Россия президенти Владимир Путин ҳукуматга пандемия вақтида қурилишларга меҳнат мигрантларини соддалаштирган ҳолда жалб қилиш масаласини кўриб чиқишни топширди. Тегишли топшириқ Кремль сайтида чоп қилинган.

Топшириққа биноан 1 март санасига қадар чет эллик қурувчиларни, жумладан, қатор МДҲ мамлакатларидан соддалаштирилган тартибда жалб қилиш масаласи кўриб чиқилиши керак. Бунда янги коронавирус инфекцияси тарқалишининг олдини олишга қаратилган санитария-эпидемиологик талабларга риоя қилиш талаб этилади.

Эслатиб ўтамиз, Россия бош вазири ўринбосари Марат Хуснуллин ва Татаристон раҳбари Рустам Минниханов Путиндан қурилишда ишчи кучи етишмаслиги масаласини кўриб чиқишни илтимос қилган эди. Владимир Путин бошқа мамлакатдаги ҳамкасблари билан Россияда мигрантлар етишмаслиги масаласини муҳокама қилишини маълум қилган эди.

Бундан ташқари, Россия Қурилиш вазирлиги ҳам меҳнат мигрантларининг мамлакатга киришини соддалаштириш таклифи билан чиққан эди.

237
Мавзу бўйича
Петербургда мигрантларни мослаштириш маркази очилди
Мигрантлар етишмаслиги туфайли Россияда тайёр турар жойларни топшириш кечикмоқда
Чегараларни очиш, мигрантлар масаласи ва савдо: Мирзиёевни МДҲ саммитидаги асосий фикрлари
Мигрантлар Россияга қачон қайта бошлайди – эксперт фикри
Сенат ва вазирликлар мигрантларни ҳимoя қилиш учун чора-тадбирлар тайёрламоқда
Мигрантлар қадри: Москвада пандемия вақтида қайси ишчилар етишмаслиги юзага келди
Москвада мигрантлар етишмаслиги муаммоси юзага келди
Россия қурилишларидаги мигрантлар етишмаслиги россиялик аёллар билан тўлдирилиши мумкин
Россияда мигрантлар сони деярли икки баробар камайди
Ишсиз россияликлар мигрантларни меҳнат бозоридан сиқиб чиқара оладими?
Россияда мигрантлар учун квоталарни тақсимлаш янги тартиби тасдиқланди
Астрахан вилояти 10 минг нафар мигрантларни қабул қилишга тайёр

Шимолий иқлим шароитида ишлашга тайёр бўлган фуқаролар ишга таклиф қилинмоқда

390
(Янгиланган 10:19 18.01.2021)
Ўзбекистон фуқаролари Россиянинг Иркутск вилоятига кон мажмуаларида ишлаш учун таклиф қилинмоқда. Аксарият мутахассисликлар кон ва бурғулаш техникаси бошқарувчилари.

ТОШКЕНТ, 18 янв - Sputnik. Ташқи меҳнат миграцияси агентлиги шимолий иқлим шароитида ишлашга тайёр бўлган фуқаролар ишга таклиф қилмоқда.

Хусусан, Россиянинг Иркутск вилоятида жойлашган корхоналарга қуйидаги мутахассислар ишга таклиф қилинмоқда: 

  • Экскаватор ҳайдовчиси (80 киши, маош 75-120 минг рубл)  
  • Электрослесарь (40 киши, 65-80 минг рубл)
  • Погрузчик ҳайдовчиси (20 киши, 75-90 минг рубл)
  • Кран бошқарувчиси (10 киши, 75-90 минг рубл)
  • Кран ҳайдовчиси (10 киши, 75-90 минг рубл)
  • Слесарь (40 киши, 65-80 минг рубл)
  • Бульдозер ҳайдовчиси (60 киши, 70-110 минг рубл) 
  • Драга ҳайдовчиси (45 киши, 65-110 минг рубл) 
  • Юк машинаси ҳайдовчиси (БелАЗ) (30 киши, 75-90 минг рубл) 
  • Насос ўрнатиш машинаси бошқарувчиси (20 киши, 65-85 минг рубл) 
  • Автомобиль ҳайдовчиси (20 киши, 65-80 минг рубл) 

Шунингдек, токарь, ёқилғи ускуналари таъмирловчиси, агрегатлар таъмирловчиси, бурғилаш ускунаси бошқарувчиси, моторист, ошпаз ва бошқа ишчилар.  

Номзодларга қўйиладиган талаблар: 

  • 20 ёшдан 50 ёшгача бўлган Ўзбекистон Республикаси фуқаролари;
  • рус тилини бошланғич даражада билиши;
  • шимол иқлим шароитларида ишлашга тайёр бўлиши;
  • касб бўйича мутахассислигини тасдиқловчи ҳужжатларга ва иш тажрибасига эга бўлиши.

Батафсил маълумотларни қуйидан топиш мумкин. 

Эслатиб ўтамиз, ўтган ҳафтада Ташқи меҳнат миграцияси агентлиги Москванинг йирик қурилиш компанияларига қурувчиларни ишга таклиф қилган эди.  

390

“Россия пул ортидан қувмайди”: Европада “Спутник V” вакцинасини ҳимоя қилишди

0
“Monde diplomatique” нашри коронавирусга қарши Россия вакцинаси пандемияни енгиши мумкинлигини истисно қилмади.

ТОШКЕНТ, 18 янв — Sputnik. Россия коронавирус пандемиясини енгишга қодир препарат ишлаб чиқди; Ғарбда Россия илм-фанига нисбатан нодонлик мавжуд, дейилади “Monde diplomatique” Франция газетасининг испанча нашри материалида.

Мақола муаллифи Федерико Кусконинг фикрига кўра, Ғарбнинг “Спутник V” вакцинасининг яратилишига бўлган лоқайд ва шубҳаомуз муносабати рус илмий анъаналарига нисбатан нодонликдан юзага келган.

У препаратнинг ишлаб чиқарилиши Россиядаги илмий ишланмалар тарихий занжирлари натижаси эканини таъкидлаган. Аммо, унинг фикрига кўра, Ғарб “ҳикоячилари” йиллар давомида Россия илмий ютуқларини рад этиб келган ва энди вакцина яратилгани ҳақида эълон қилинишидан ҳайратга тушишган.

“Фармацевтика лабораториялари ўз дори-дармонларини қиммат нархлар билан ўтказадиган АҚШ ҳамда Европа Иттифоқи каби мамлакатлардан фарқли ўлароқ, Россия пул ортидан қувмайди”, - деб ҳисоблайди Куско.

У ҳозир “Спутник V” вакцинаси бутун дунё бўйлаб тарқалаётгани, эҳтимол, 50 йилдан кейин Россия вакцинасига нисбатан Ғарб гумонларини ҳеч ким эсга олмаслигини қўшимча қилди.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда. Вакцина айни пайтда ўзининг хавфсизлиги ва самарадорлигини исботлаган. Шунингдек, вакцинада узоқ кузатилувчи салбий оқибатлар мавжуд эмаслиги ўз исботини топган.

0
Теглар:
Европа, Спутник V, вакцина, Россия