Рабочие во время строительства

Россия қурилиш майдонларида мигрантлар етишмаяпти - бош вазир ўринбосари

902
(Янгиланган 12:06 18.09.2020)
Коронавирус пандемияси туфайли Россия қурилиш майдонларида меҳнат мигрантларининг етишмаслиги сезилмоқда.

ТОШКЕНТ, 17 сен — Sputnik. Чегараларнинг ёпилгани Россия қурилиш майдонларида ишчи кучи этишмаслигига олиб келди, деб таъкидлади РФ бош вазир ўринбосари Марат Хуснуллин.

Яқин хориж, Хитой ва Корея меҳнат мигрантлари ҳисобига Россияга ишчи кучи оқими келади. Коронавирус пандемияси туфайли Россия Федерациясига кириш сезиларли даражада чекланди, шу сабабли қурилиш майдонларда ишчилар етишмаяпти.

Айни пайтда Россияда ишсизликнинг маълум даражаси сақланиб қолмоқда, шунинг учун одамларни қурилиш мутахассисликлари бўйича қайта ўқитишга тўғри келмоқда, дейди бош вазир ўринбосари.

Хуснуллин таъкидлашича, мигрантларнинг етишмаслиги қурилиш лойиҳалари ишига сезиларли даражада таъсир қилмайди.

Россия Федерацияси Қурилиш вазирлиги маълумотларига кўра, Россия ҳудудларида 100 минг қурилиш ишчиларига эҳтиёж мавжуд.

902
Ярмарка вакансий

ЕОИИ ҳудудида меҳнат мигрантлари учун “Чегарасиз иш” платформаси ишга тушади - вазир

253
(Янгиланган 15:31 29.10.2020)
ЕОИИ ҳудудида “Чегарасиз иш” - меҳнат мигрантлари учун иш берувчилар ва бўш иш жойлари ҳақида маълумот базаси яратилмоқда. Тизим деярли тайёр бўлган.

ТОШКЕНТ, 29 окт - Sputnik. Евроосиё Иқтисодий комиссияси (ЕИК) ички бозорлар ва ахборотлаштириш вазири Гегам Варданян меҳнат мигрантларини ишга жойлаштириш бўйича ЕОИИда жорий этиладиган янги тизим ҳақида айтиб берди.

ЕИК ЕОИИ ҳудудида “Чегарасиз иш” – унификация қилинган иш қидириш тизимини жорий этмоқда. Лойиҳанинг асосий мақсади бўш иш жойлари қидирув тизимини ва иш қидирувчилар маълумот базасини яратишдир. Ундан ЕОИИга аъзо бўлган ҳар бир мамлакат меҳнат ресурслари бўйича маълумот базалари киртилади. Айни дамда меҳнат мигрантларини ишга жойлаштириш лойиҳаси ўзининг якуний босқичида, деди эксперт.  

“Ушбу тизим Иттифоқ фуқароларига барча мамлакатларда мавжуд бўлган иш ўринларини ва иш қидирувчиларни кўриш имконини беради. Умуман олганда, бу барча мавжуд маълумот базаларини бирлаштирган тизим бўлади. Меҳнат ресурслари бўйича маълумот базалари турли мамлакатда сақланади. Иш қидирганда улар ҳар бир мамлакатдан алоҳида-алоҳида кўрсатилади”, - дейди Варданян.  

Экспертнинг фикрига кўра, бундай ёндашув қонунчилик ва шахсий ахборот ҳақидаги муҳим талабларга жавоб беради.

Бу тизим тарқоқ бўлгани учун техник нуқтаи назардан ҳам жуда қизиқ. Ва бугунги кун шароитида у жуда долзарб бўлади. Чунки пандемия туфайли иш ўринлари борасида жуда кўп мураккабликлар юзага келмоқда. Бу тизим эса Иттифоқнинг барча мамлакатларида иш топишга ёрдам беради.

Варданяннинг айтишига қараганда, лойиҳа йил охирида ишга тушади. Декабрда унинг ишлаши намойиш этилади.

“Давлат тузилмалари ва операторлар ушбу тизимни ишга туширишга аллақачон тайёр бўлишган. Ҳозирги вақтда ишга туширишнинг сўнгги созлаш жараёнлари олиб борилмоқда”, - дейди мутахассис.

Эслатиб ўтамиз, Россия ФМХ раҳбари Валентина Казакова Sputnik мухбирига берган интервьюсида яқин вақт ичида Россияда меҳнат мигрантларини ишга қабул қилиш тизими бутунлай ўзгариши ҳақида айтиб ўтган эди. Янги концепцияга кўра Россия Давлат хизматлари порталида иш берувчилар ва ишчилар маълумот базаси яратилади.

Унда Иш берувчилар ва Ишчилар реестри бўлади. Иш берувчилар ўзларида қандай бўш иш ўринлари борлигини кўрсатишади. Ишчилар реестрида эса хорижий фуқаролар рўйхатдан ўтиб, ўз ҳунар ва кўникмаларини кўрсатишади. Мигрантлар Россияга киришидан олдин қайси иш берувчига бораётганини билиб келади. Бу эса рухсат берувчи ҳужжатлар олиш тартибини қисқартиради.

253
Председатель комиссии по миграции Совета по делам национальностей при Правительстве Москвы Юрий Московский

Россияда мигрантлар шароитини қандай енгиллаштириш мумкин эксперт фикри

266
Москва ҳукумати ҳузуридаги Миллатлар ишлари бўйича кенгашининг миграция комиссияси раиси Юрий Московский чет эллик ишчилар учун қулай шароит яратиш учун нима қилиш кераклиги хусусида фикр билдирди.

Экспертнинг сўзларига кўра, пандемия бошида Россияда 2,3 миллион нафарга яқин меҳнат мигрантлари ишлаган, лекин ҳозир уларнинг кўпи ишсиз қолган ёки яхши шароит қидиришмоқда.

Московскийнинг маълум қилишича, киритилган чекловлар олиб ташлангандан сўнг Россияга ишга келадиган мигрантларнинг ишга жойлашиш учун база яратиш бугунги кунда ўта долзарб ва зарур.

Мутахассиснинг сўзларига кўра, ундан кейин аввало Россиянинг миграция соҳасидаги қонунчилигига эътибор қаратиш лозим.

“Гап биринчи навбатда ҳар қандай иккита маъмурий қоидабузарлик учун чет эллик фуқарони чиқариб юборишни бекор қилиш ҳақида бормоқда. Ҳаддан зиёд тақиқловчи чоралар нафақат меҳнат бозори ва меҳнат мигрантларига, балки Россия иқтисодиётига ҳам жуда катта зарар етказади”, - деб ҳисоблайди Московский.

Эксперт Россия фуқаролигига қабул қилишнинг осонлаштирилиши ҳам одамларнинг ишга жойлашишини осонлаштиришини қўшимча қилди.

Эксперт объяснил, как можно облегчить условия трудовым мигрантам в РФ
266
Рабочие на стройплощадке

Қурилиш ва “яширин иқтисодиёт”: ҳуқумат қарори лойиҳаси тайёрланди

148
“Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси тайёрланди.

ТОШКЕНТ, 29 окт — Sputnik. “Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси умумий муҳокамага қўйилди.

Қурилиш ташкилотлари томонидан ўз яширин фаолиятини ихтиёрий равишда қонунийлаштириши учун 2020 йил 1 декабрдан қуйидаги рағбатлантириш механизмлари жорий қилиш таклиф этилмоқда:

а) норасмий бандлик ҳолатлари кузатилмаган ёки яширин фаолиятни тўлиқ бартараф этган қурилиш ташкилотлари реестри юритилади.

Реестрга кирган қурилиш ташкилотларга қурилиш объектларида бажарилган ишлар учун буюртмачи томонидан маблағ ажратилгунга қадар даромад ва иш ҳақидан бўлган солиқларни тўлаш муддатини мутаносиб равишда узайтиришга рухсат этилади.

б) ўрганиш жараёнида нолегал ходимларни расмийлаштирган қурилиш ташкилотига уларнинг касбий малакасини ошириш, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун Бандликка кўмаклашиш давлат жамғармаси маблағлари ҳисобидан субсидия берилади. Бунда:

субсидия касбий малакани ошириш учун ҳар бир ходим учун 6 ой муддатгача ҳар ойда базавий ҳисоблаш миқдорининг 4 баравари миқдоригача, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун бир марта базавий ҳисоблаш миқдорининг 10 баравари миқдоригача берилади;

ишчи гуруҳлар томонидан аниқланган норасмий ишлаётган ходимларга уларни касбга ўқитиш, қайта ўқитиш, малакасини ошириш учун касб-ҳунарга ўқитиш марказларига йўлланма берилади, бунда иш берувчи томонидан ушбу ходимларни ўқишдан кейин расмий равишда ишга олиш бўйича кафолати олинади.

в) қурилиш ташқилотлари томонидан 2020 йил 1 декабрга қадар ишчиларга норасмий иш ҳақи тўланган холатлар юзасидан ҳуқуқий чоралар қўлланилмайди ва юзага келиб чиқиши мумкин бўлган ҳар қандай солиқ ва мажбурий тўловлардан воз кечилади, бир йил ичида ишчиларига норасмий иш ҳақи тўланган холатлар аниқланган қурилиш ташкилотлар бундан мустасно.

Қурилиш ташкилотларига айрим қурилиш ишлари турлари бўйича ўзини ўзи банд қилган шахсларни хизмат кўрсатиш шартномаси асосида жалб этишга рухсат бериш кўрсатилмоқда.

Бандлик ва меҳнат муносабатлари вазирлиги ва суғурта компаниялари томонидан иш берувчилар, шу жумладан қурилиш ташкилотлари ўз фуқаролик жавобгарликларини мажбурий суғурта қилганлигини биргаликда мониторинг қилиш тажрибаси жорий этиш таклиф қилинмоқда.

Бандлик ва меҳнат муносабатлари вазирлиги Давлат солиқ қўмитаси билан биргаликда икки ой муддатда фаолиятида ходимлар сонини яшириш аниқланган ҳолатлари бўйича мансабдор шахсларга базавий ҳисоблаш миқдорининг йигирма беш бараваридан эллик бараваригача, худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга эллик бараваридан юз бараваригача миқдорда жарима солинишини назарда тутувчи таклифлар ишлаб чиқиш режалаштирилган.

148