РФдан Ўзбекистонга Қозоғистон орқали қайтишни ҳозирча режалаштирманг - ТИВ

412
Ташқи ишлар вазирлиги расмий ахборотига кўра, Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолмоқда

ТОШКЕНТ, 29 сен - Sputnik. Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳақида тарқатилаётган хабарларга ишонмасликка чақирмоқда.

"Ўзбекистоннинг Россиядаги дипломатик ваколатоналари хабар беришича, сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳамда Россиядаги Ўзбекистон фуқаролари Қозоғистон ҳудуди орқали Ўзбекистонга қайтишлари мумкинлиги ҳақидаги ёлғон хабарлар тарқалмоқда. Бундан ташқари, йўловчи ташиш билан шуғулланадиган айрим шахслар шахсий автомобил воситаларида Ўзбекистонга қайтиш тўғрисида турли эълонлар тарқатмоқдалар. Ҳамюртларимиздан бу каби ёлғон хабарларга ишонмасликларини сўраймиз. Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолиши ҳақида маълум қиламиз", - дейилади хабарда.

Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Шунингдек, ТИВ 29-сентябр ҳолатига кўра Самара вилоятининг "Кинел", Ростов вилоятининг "Первомайская" ва "Лихая" темир йўл станциялари яқинида Ўзбекистон фуқароларининг тўпланиши кузатилмаётгани ҳақида қўшимча маълумот тақдим этган.

"Коронавирус инфекцияси пандемияси тарқалаётган бир пайтда фуқароларнинг бир жойда тўпланиши уларнинг вирус билан касалланиш эҳтимолини кескин оширади. Бундай ҳолат айниқса қариялар, беморлар, сурункали касаллиги бор фуқаролар учун ниҳоятда хавфлидир.

Россия ҳудудида бўлган ватандошларимиздан жойларда тўпланмаслик, барча карантин талабларига қатъий риоя қилиш ҳамда ўзлари ва яқинлари саломатлигини хавф остига қўймасликларини яна бир бор сўраймиз", - дейилади ТИВ мурожаатида.

412
Мавзу:
Миграция (77)

Андижондан 4500 нафар фуқаро Россияга ишга юборилади

382
Андижон вилояти ҳокими Шуҳратбек Абдураҳмонов янги ташкил этилаётган мигрантлар тайёрлаш марказида РУДНнинг Ўзбекистондаги ваколатхонаси раҳбари Колесников ва Малака ошириш ўқув маркази бош директори Ю.Насонов билан учрашув ўтказган.

ТОШКЕНТ, 21 окт - Sputnik. Андижондан 4500 нафар фуқаро Россияга ишга юборилади, деб хабар бермоқда Ташқи меҳнат миграцияси агентлиги.

Хабарга кўра, Андижон вилояти ҳокими Шуҳратбек Абдураҳмонов янги ташкил этилаётган мигрантлар тайёрлаш марказида РУДНнинг Ўзбекистондаги ваколатхонаси раҳбари Андрей Колесников ва Малака ошириш ўқув маркази бош директори Ю.Насонов билан учрашув ўтказган.

Учрашувда иш берувчиларнинг бўш иш ўринлари ҳақида талабномаларини Ташқи меҳнат миграцияси агентлигининг Андижон филиалига топшириш хамда келгусида ҳамкорлик қилиш бўйича тузилган йўл харитаси муҳокама қилинган.

Хусусан, Андижон вилоятидан 4 минг 500 нафар фуқарони Россия Федерациясига қонуний ва ташкиллаштирилган ҳолда ишлаш учун жўнатиш бўйича келишувга эришилган.

Ўзбекистон фуқаролари Россияга қандай кириши мумкинлиги айтилди >>>

382

Масжидлар мигрантларга ёрдам марказига айланди - Аббясов

163
(Янгиланган 17:51 20.10.2020)
Охирги беш-етти йиллар ичида Россияда масжидлар мигрантлар учун ўзига хос ёрдам марказларига айланди.

ТОШКЕНТ, 20 окт - Sputnik. Россия Муфтийлар Кенгаши раисининг биринчи ўринбосари, Рушан Аббясов Sputnik радиосига Россияда масжидлар томонидан оғир аҳволга тушиб қолган меҳнат мигрантларига кўрсатилаётган ёрдам ҳақида ҳикоя қилиб берди. 

Бош муфтий ёрдамчисининг сўзларига кўра, пандемия шароитида мигрантларнинг аксарияти оғир аҳволга тушиб қолишган. Россия масжидлари эса ана шундай мигрантлар учун ўзига хос ёрдам марказларига айланган. 

"Қавмларимиз орасида меҳнат мигратлари жуда кўп. Биз уларга нафақат руҳан балким бошқа маслаларда ҳам ёрдам, маслаҳат берамиз. Охирги 5-7 йил ичида Россия масжидлари ўзига хос ёрдам марказларига айланди. Алданган ёки иш қидириб юрган мигрантлар бизга кўплаб мурожаат қилишади. Афсуски, сўнгги вақтларда вафот этган яқинларини кўмишга ёрдам сўраб мурожаат қилаётганлар ҳам кўпайган. ОЛдин вафот этганларни ватанига қайтаришга ҳаракат қилишган бўлса, ҳозир чегаралар ёпилиши муносабати билан бу масла ҳам қийинлашиб қолган.Биз имкон қадар ёрдам бераяпмиз, лекин бунинг учун кўп кишини жалб қилишга тўғри келади", — деди Аббясов.

Муфтий ёрдамчиси айтишига қараганда, ҳудудларда ҳам мусулмон жамоалари маҳаллий ҳукумат вакиллари билан биргаликда мигрантлар муаммоларини ҳал қилишда ёрдам беришмоқда. Ана шундай ёрдам натижаси кўплаб мигрантлар ишга жойлашмоқда. 

Эслатиб ўтамиз, сўнгги бир неча йил давомида Ўзбекистон ҳукумати томонидан, меҳнат мигрантларига ёрдам бериш мақсадида, Ташқи меҳнат миграцияси агентлиги ташкил этилиб, Россиянинг йирик шаҳарларида унинг ваколатхоналари очилган эди. Меҳнат миграцияси агентлиги оғир шароитга тушиб қолган ватандошларни Ўзбекистонга қайтариш, жумладан вафот этган мигрантларнинг таналарини ватанига юбориш билан ҳам бевосита шуғулланиб келмоқда. 

163
Путин: приближение НАТО к границам России угрожает безопасности страны

Путин собиқ СССР мамлакатлари ишига аралашмасликка чақирди

29
Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

ТОШКЕНТ, 23 окт - Sputnik. Собиқ иттифоқ ҳудудидаги мамлакатларда давлатчилик ниҳолларига ўта эҳтиёткорлик билан муносабатда бўлиш, маслаҳатлар ва тавсиялар билан улар ишига аралашмаслик керак, турли томонларни қўллаб қувватлаш мақсадида таклифлар ва миллионларни тутқазиб, ўта нозик жойда дағаллик билан ҳаракат қилиб, борини ҳам йўқ қилмаслик керак, деб баёнот қилди Россия президенти Владимир Путин.

"Барча собиқ иттифоқ мамлакатларига ўта эътиборлилик билан муносабатда бўлиб, бу давлатчилик ниҳолларини ўта эҳтиёткорлик билан қўллаб-қувватламоқ лозим, четдан туриб турли маслаҳатлар ва тавсиялар бериш, мутлақо мумкин эмас, шунингдек, ҳар қандай аралашувдан тийилиш лозим. Чунки бу нарсалар ушбу мамлакатлардаги энди ривожланиб келаётган, ҳали мўрт бўлган институтлар, суверенитетлар ва давлатчиликни барбод қилади. Бу мамлакатлардаги одамларга жамият ичидаги муносабатларни эҳтиёткорлик билан қуришларига имкон бериш лозим. Шунчаки мисоллар келтириш мумкин, бироқ ўз таклифларингиз, ўз миллионларингиз билан гоҳ бир, гоҳ иккинчи томонни, уларни қўллаб-қувватлаш мақсадида идиш-товоқлар дўконига кириб қолган филдек тутиш, улар ишига аралашиш керак эмас", - деди у "Валдай" мунозаралар майдонида қилган чиқишида.

Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

РФ президентига кўра, чунки бу давлатлар шунчаки кўп йиллар давомида ягона мамлакат доирасида яшаган эмас, улар юз йилликлар давомида умумий давлат доирасида бўлишган.

"Биз улкан алоқаларга эгамиз, иқтисоддаги кооперациямиз ўта чуқур, гуманитар алоқаларимиз кучли, бир ҳаммамиз битта тилда гаплашамиз... Мазмунан олганда, биз битта маданий майдон одамларимиз, мен тарих ҳақида гапирганим йўқ ҳали - биз умумий тарихга, нацизм устидан умумий ғалабага эгамиз. Бизнинг аждодларимиз, оталаримиз, боболаримиз ўз қони билан алоҳида муносабатларимизни мустаҳкамлашган. Ва бугун нимаики рўй бермасин, сиёсий конъюктура қандай ривожланмасин, айни вақтда шунга қатъий ишонаманки - мана шу - манфаатлар умумийлиги барча давлатлар билан, улар билан муносабатларимиз қанчалик қийин кечмасин, бироқ барибир алоқаларимиз қайтадан тараққий этишига йўл очиб беради", - деди Путин.

29