Посадка пассажиров в поезд Москва-Душанбе, архивное фото

Астрахан вилоятида чегара яқинида тўпланиб қолган мигрантлар ватанига қайтади

69
Қозоғистон чегараси ёпилганидан сўнг Астрахан вилоятида тўпланиб қолган мигрантлар уйига қайтиши учун махсус вагонлар ажратилди.

ТОШКЕНТ, 10 ноя – Sputnik. Астрахан вилояти чегарага яқин ҳудудида тўпланиб қолган Ўзбекистон фуқаролари 11 ноябрдан бошлаб темирйўл орқали уйларига жўнатила бошлайди. Бу ҳақида Приволжск Темирйўли матбуот хизмати хабар қилмоқда.

Чипталар “Волжский” темирйўл вокзалида консуллик томонидан тақдим этилган рўйхатларга асосан сотила бошлайди. Темирйўл бекатига қадар йўловчиларни автобус олиб боради, - дейилган хабарда.

Ушбу трансферни амалга ошириш учун Россия Темрйўллари (РЖД) “Волжский-Ташкент” поезди таркибига қўшимча 3та вагон қўшди. Ушбу вагонлар бир ойдан ортиқ вақт давомида уйларига жўнаб кета олмаётган меҳнат мигрантлари учун мўжлалланган.

Хабарда айтилишига кўра, ўтган жума куни Ўзбекистон Республикасининг Россиядаги консули Рустам Курганбаев ва Астрахан вилояти губернаторининг администрациси раҳбари Павел Паутов билан учрашиб, Ўзбекистон фуқаролари учун қўшимча вагонлар ажратиш ҳақида келишиб олишган.

Эслатиб ўтамиз, Ватанига қайтиш истагида бўлган Ўзбекистон фуқаролари “Караозек”чегара пункти яқинида тахминан бир ой олдин тўпланиб қолишган. Ўшанда Қозоғистон томон фавқулодда равишда чегараларни ёпишини эълон қилган эди.

69

Россиялик эксперт мигрантлар ўта етишмаётган соҳаларни айтди

562
Россияда қурилиш, чакана савдо, озиқ-овқат саноати ва бошқа соҳаларда мигрантлар етишмаслиги кучли сезилмоқда.

ТОШКЕНТ, 30 ноя — Sputnik. Коронавирус билан боғлиқ чекловлар таъсир кўрсатмаган қурилиш, чакана савдо, озиқ-овқат саноати ва бошқа соҳаларда мигрантлар етишмаслиги кучли сезилмоқда. Бу ҳақда тадбиркорлар ҳуқуқини ҳимоя қилиш бўйича Россия президенти ҳузуридаги вакилнинг маслаҳатчиси Антон Свириденко маълум қилди.

“Кучли чекловлар бўлган ёки сақланиб қолинаётган ёки талаб тушиб кетган жойларда бу йил ҳам мигрантлар меҳнати талаб қилинмаяпти. Аммо ишлаб чиқариш ҳажми тушиб кетмаган қурилиш, чакана савдо, озиқ-овқат саноати ва бошқа соҳаларда мигрантлар етишмаслиги ўта кучли сезилмоқда, чунки фуқароларимизни муайян бир ўринларни эгаллашга мажбурлашнинг имкони йўқ”, - деди Свириденко. Унинг сўзларидан РИА Новости иқтибос келтирган.

У, кичик ва ўрта бизнес маълумотларига кўра, ишсизлик ўсиши ва ходимлар сони қисқартирилишига қарамай Россия фуқаролари барибир мигрантлар ўрнини эгаллашга рози бўлишмаганини таъкидлади.

Москвада дворниклар маошларини ошириш масаласи кўтарилди

Свириденко мигрантлар меҳнати бир вақтнинг ўзида бутун дунё иқтисодиёти учун ҳам рағбатлантирувчи омил, ҳам муаммо эканини қайд эди.

“Бир томондан, арзонроқ ишчи кучидан фойдаланиш бизнесни рағбатлантиради, бошқа томондан эса мамлакатнинг ўзининг фуқаролари бандлиги имкониятини чеклайди”, - дея тушунтирди у.

562
Теглар:
қурилиш, коронавирус пандемияси, Россия, мигрантлар
Мавзу бўйича
Россия Мусулмонлар кенгаши мигрантлар учун портални ишга туширади
Россия айрим мигрантлар учун чегарани очишга тайёр: кимларга рухсат берилади
Москвада мигрантлар етишмаслиги муаммоси юзага келди
Тверь вилоятида мигрантлар учун патент нархи оширилади
Россияда чет элликлар ҳужжатлари муддати 2021 йилнинг ёзигача узайтирилиши мумкин
Мигрантлар учун рус тили ва тарихидан имтиҳон тартиби ўзгаради
Мигрантлар қадри: Москвада пандемия вақтида қайси ишчилар етишмаслиги юзага келди
Иностранные граждане в очереди на дактилоскопическую регистрацию, архивное фото

Россияда чет элликлар ҳужжатлари муддати 2021 йилнинг ёзигача узайтирилиши мумкин

509
Маълум бўлишича, Россияда мигрантлар ҳужжатларини, ҳатто уларнинг муддатлари ўтган бўлса ҳам, яна ярим йилга узайтиришлари мумкин

ТОШКЕНТ, 27 ноя — Sputnik. Россияда чет эллик фуқароларнинг ҳужжатлари муддатини келгуси йилнинг ёз ойигача узайтиришлари мумкин, деб хабар қилмоқда "Парламентская газета" нашри.

Бу ҳақда Федерация кенгашида мигрантларнинг ижтимоий-маданий адаптацияси масалаларига бағишланган йиғилиш вақтида РФ ИИВ миграция масалалари бўйича бош бошқармаси раҳбари ўринбосари Кирилл Адзинов маълум қилди.

Маълум бўлишича, ҳозирда ҳужжат муддатини узайтириш устида иш кетмоқда.

"Биз президент администрацияси билан унинг кейинги узайтирилиши устида иш олиб бормоқдамиз. Кутилишича, ҳужжат келгуси йилнинг ёз ойларигача узайтирилиши мумкин", - дея аниқлик киритди Адзинов.

Эслатиб ўтамиз, чет эллик фуқароларнинг ҳужжатлари муддатини узайтириш қарори коронавирус пандемияси ва 18 апрел куни мамлакатлар ўртасида чегаралар ёпилиши муносабати билан эълон қилинган эди.

Ўша вақтдан буён ҳужжат икки маротаба узайтирилди. Аввалига 15 сентябр, сўнгра 15 декабрга қадар.

Таъкидлаш жоизки, қабул қилинган ҳужжатга кўра, мигрантлар Россияда уларга мамлакатда яшаш ҳуқуқини берувчи ҳужжатлари муддати ўтиб кетган тақдирда ҳам қолишлари мумкин.

Регистрациялар, патентлар, яшаш ҳуқуқини берувчи ҳужжат (вид на жительство) ва бошқа ҳужжатлар муддати ўтган ҳисобланмайди, уларни бекор қилишмайди, шунингдек, бу асосда чет элликлар РФдан депортация ҳам қилинмайди.

509
Строительство жилых домов

Қозонда ўзбекистонлик иккинчи қаватидан йиқилиб ҳалок бўлди

9
37 ёшли Ўзбекистон фуқароси A.M. қурилиш объектининг иккинчи қаватидан йиқилиб тушиши оқибатида ҳаётдан кўз юмди.

ТОШКЕНТ, 1 дек — Sputnik. Татаристон пойтахти Қозонда ўзбекистонлик фожиали вафот этди. Бу ҳақда ТИВ матбуот хизмати хабар қилмоқда.

Мамлакатнинг Қозон шаҳридаги Бош консулхонасининг маълумотига кўра, 27 ноябрь куни 37 ёшли Ўзбекистон фуқароси A.M. қурилиш объектининг иккинчи қаватидан йиқилиб тушган. Бунинг натижасида вафот этган.

Таъкидланишича, Бош консулхона вазиятни ўз назоратига олган. Фуқаронинг жасадини ватанга юбориш билан боғлиқ консуллик-ҳуқуқий, ташкилий ва бошқа масалаларни ҳал қилишда ёрдам кўрсатмоқда.

9
Теглар:
бахтсиз ҳодиса, қурилиш, Қозон