Россия 2021 йил учун хорижий ишчиларнинг рухсат этилган миқдорини белгилади

729
(Янгиланган 11:45 17.11.2020)
Янги йилда Россиядаги меҳнат муҳожирлари қурилиш соҳаси анча қулайроқ бўлади ва ер усти транспорти йўналишига ишга жойлашиш анча қийин кечади.

ТОШКЕНТ, 17 ноя — Sputnik. Россия бош вазири Михаил Мишустин 2021 йилда хорижий ишчиларнинг рухсат этилган улушини тасдиқловчи фармонни имзолади.

Тегишли ҳужжат ҳуқуқий-ахборот расмий интернет-порталида жойлаштирилган.

Янги рўйхатда, меҳнат муҳожирлари одатда иш билан банд бўлган қатор иқтисодий фаолият турлари учун ёлланиб ишлайдиган хорижий ишчилар улушига аниқлик киритилган.

Жумладан, келгусида хорижий ишчиларнинг рухсат берилган қисми ўрмончилик ва ёғоч тайёрлаш соҳасида, ҳамда сабзавот етиштириш ва мебел тайёрлаш ишларида банд бўладию Бундай субъектларда фойдаланиладиган бундай ишчиларнинг улуши умумий ишчилар сонининг 50%ини ташкил этиши мумкинлиги белгиланган.

Қурилишда бу миқдор 80 %ни, қуруқликдаги йўловчилар транспортида, шу жумладан, юк ташиш транспортида ҳам умумий ҳажмнинг атиги 24 фоизини ташкил қилади.

Шу билан бирга, қурилишдаги миқдор Бурятия, Доғистон, Амур вилояти ва Москвага дахл қилмаслиги белгиланган.

Доғистон учун бу улуш 50%ни ташкил этади.

Кўчмас мулк бошқарувида рағбатлантириш ёки келишув шартномаси асосида 70%гача ёлланма ишчи кучи жалб этилишига рухсат берилган.

Мигрантларнинг 70%и ЖКХ соҳасига бинолар ва ҳудудларга хизмат кўрсатиш бўйича ишга жойлашишлари мумкин бўлади.

729
Мавзу:
Миграция (81)

Россиялик эксперт мигрантлар ўта етишмаётган соҳаларни айтди

561
Россияда қурилиш, чакана савдо, озиқ-овқат саноати ва бошқа соҳаларда мигрантлар етишмаслиги кучли сезилмоқда.

ТОШКЕНТ, 30 ноя — Sputnik. Коронавирус билан боғлиқ чекловлар таъсир кўрсатмаган қурилиш, чакана савдо, озиқ-овқат саноати ва бошқа соҳаларда мигрантлар етишмаслиги кучли сезилмоқда. Бу ҳақда тадбиркорлар ҳуқуқини ҳимоя қилиш бўйича Россия президенти ҳузуридаги вакилнинг маслаҳатчиси Антон Свириденко маълум қилди.

“Кучли чекловлар бўлган ёки сақланиб қолинаётган ёки талаб тушиб кетган жойларда бу йил ҳам мигрантлар меҳнати талаб қилинмаяпти. Аммо ишлаб чиқариш ҳажми тушиб кетмаган қурилиш, чакана савдо, озиқ-овқат саноати ва бошқа соҳаларда мигрантлар етишмаслиги ўта кучли сезилмоқда, чунки фуқароларимизни муайян бир ўринларни эгаллашга мажбурлашнинг имкони йўқ”, - деди Свириденко. Унинг сўзларидан РИА Новости иқтибос келтирган.

У, кичик ва ўрта бизнес маълумотларига кўра, ишсизлик ўсиши ва ходимлар сони қисқартирилишига қарамай Россия фуқаролари барибир мигрантлар ўрнини эгаллашга рози бўлишмаганини таъкидлади.

Москвада дворниклар маошларини ошириш масаласи кўтарилди

Свириденко мигрантлар меҳнати бир вақтнинг ўзида бутун дунё иқтисодиёти учун ҳам рағбатлантирувчи омил, ҳам муаммо эканини қайд эди.

“Бир томондан, арзонроқ ишчи кучидан фойдаланиш бизнесни рағбатлантиради, бошқа томондан эса мамлакатнинг ўзининг фуқаролари бандлиги имкониятини чеклайди”, - дея тушунтирди у.

561
Теглар:
қурилиш, коронавирус пандемияси, Россия, мигрантлар
Мавзу бўйича
Россия Мусулмонлар кенгаши мигрантлар учун портални ишга туширади
Россия айрим мигрантлар учун чегарани очишга тайёр: кимларга рухсат берилади
Москвада мигрантлар етишмаслиги муаммоси юзага келди
Тверь вилоятида мигрантлар учун патент нархи оширилади
Россияда чет элликлар ҳужжатлари муддати 2021 йилнинг ёзигача узайтирилиши мумкин
Мигрантлар учун рус тили ва тарихидан имтиҳон тартиби ўзгаради
Мигрантлар қадри: Москвада пандемия вақтида қайси ишчилар етишмаслиги юзага келди
Иностранные граждане в очереди на дактилоскопическую регистрацию, архивное фото

Россияда чет элликлар ҳужжатлари муддати 2021 йилнинг ёзигача узайтирилиши мумкин

509
Маълум бўлишича, Россияда мигрантлар ҳужжатларини, ҳатто уларнинг муддатлари ўтган бўлса ҳам, яна ярим йилга узайтиришлари мумкин

ТОШКЕНТ, 27 ноя — Sputnik. Россияда чет эллик фуқароларнинг ҳужжатлари муддатини келгуси йилнинг ёз ойигача узайтиришлари мумкин, деб хабар қилмоқда "Парламентская газета" нашри.

Бу ҳақда Федерация кенгашида мигрантларнинг ижтимоий-маданий адаптацияси масалаларига бағишланган йиғилиш вақтида РФ ИИВ миграция масалалари бўйича бош бошқармаси раҳбари ўринбосари Кирилл Адзинов маълум қилди.

Маълум бўлишича, ҳозирда ҳужжат муддатини узайтириш устида иш кетмоқда.

"Биз президент администрацияси билан унинг кейинги узайтирилиши устида иш олиб бормоқдамиз. Кутилишича, ҳужжат келгуси йилнинг ёз ойларигача узайтирилиши мумкин", - дея аниқлик киритди Адзинов.

Эслатиб ўтамиз, чет эллик фуқароларнинг ҳужжатлари муддатини узайтириш қарори коронавирус пандемияси ва 18 апрел куни мамлакатлар ўртасида чегаралар ёпилиши муносабати билан эълон қилинган эди.

Ўша вақтдан буён ҳужжат икки маротаба узайтирилди. Аввалига 15 сентябр, сўнгра 15 декабрга қадар.

Таъкидлаш жоизки, қабул қилинган ҳужжатга кўра, мигрантлар Россияда уларга мамлакатда яшаш ҳуқуқини берувчи ҳужжатлари муддати ўтиб кетган тақдирда ҳам қолишлари мумкин.

Регистрациялар, патентлар, яшаш ҳуқуқини берувчи ҳужжат (вид на жительство) ва бошқа ҳужжатлар муддати ўтган ҳисобланмайди, уларни бекор қилишмайди, шунингдек, бу асосда чет элликлар РФдан депортация ҳам қилинмайди.

509
Хабиб Нурмагомедов

Ҳабиб Нурмагомедов Тошкентда: у ўзбек спортчиларига ёрдам беришини айтди

41
(Янгиланган 15:23 01.12.2020)
Россиялик аралаш яккакураш устаси, UFC чемпиони Ҳабиб Нурмагомедов Тошкентга келди. Бугун чемпион иштирокида Миллий олимпия қўмитасида матбуот анжумани ташкил этилди.

ТОШКЕНТ, 1 дек — Sputnik. Россиялик аралаш яккакураш устаси, UFC бўйича жаҳон чемпиони Ҳабиб Нурмагомедов 30 ноябрдан 1  декабрь ўтар кечаси Тошкентга келди.

Бугун, чемпион иштирокида Миллий олимпия қўмитасида матбуот анжумани ташкил этилди, деб хабар қилди Sputnik Ўзбекистон мухбири.

“Биринчи навбатда, барча ўзбекистонлик мухлисларга миннатдорлик билдирмоқчиман. Қаерда бўлишим қатъий назар, Америка, Араб давлатлари ёки Россия бўладими, ҳамма жойда мухлисларни учратаман. Доим уларнинг қўллаб-қувватловини ҳис этаман", - деди чемпион.

Нурмагомедов ўз нутқида, республикада спортга катта эътибор берилаётгани, спортчилар ҳар томонлама қўллаб-қувватланаётгани учун Ўзбекистон президенти Шавкат Мирзиёевга миннатдорлик билдирди.

“ММА айни вақтда дунёда жуда оммалашмоқда, ўзбек жангчилари пайдо бўлмоқда, улар жуда яхши ҳаракат қилишмоқда. Менимча, бу фақат бошланиши, келажакда мамлакатингиздан кўплаб вакиллар етишиб чиқади. Сизларда кураш, дзюдо, бокс – дунёда энг яхши бокчилар, жуда ривожланган, буларнинг барчаси ММАни ташкил қилади.

Йигитларнинг потенциалини, уларга кўрсатилаётган ёрдамни кўрмоқдаман, ўйлайманки, уларнинг келажаги катта бўлади. Агар мендан бирон бир нарса талаб қилинса, мен доимо яқинда бўламан, маслаҳат, ёрдам бераман. Оллоҳ сизларни қўлласин”, - деди спортчи.

Эслатиб ўтамиз, Ҳабиб Нурмагомедов ўтган йил 23 ноябрь куни Ўзбекистонга ташриф буюрган ва Humo Arena спорт мажмуасида илк бор бўлиб ўтган аралаш жанг санъати бўйича халқаро мусобақада фахрий меҳмон сифатида қатнашган эди.

2020 йилнинг 25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

41
Теглар:
Ҳабиб Нурмагомедов, Ўзбекистон