Сдача мигрантами экзамена по русскому языку

Патент, РВП, ВНЖ: рус тилидан имтиҳон олишга доир асосий ўзгаришлар

610
Бугун 8 декабрь куни "Россия Федерациясидаги хорижий фуқароларнинг ҳуқуқий ҳолати тўғрисида" Федерал қонунининг 15-1-сонли қоидаларига ўзгартириш киритиш тўғрисида" ги 412-ФЗ-сонли федерал қонуни эълон қилинди.

ТОШКЕНТ, 8 дек — Sputnik. Вақтинчалик яшаш учун рухсатномаси, яшаш гувоҳонаси, патент ва ишлаш учун рухсатнома олиш мақсадида рус тили, тарих ва қонунчилик асослари бўйича имтиҳон олишга доир 151-ФЗ-сонли Федерал қонунига киритилган ўзгартиришлар норматив ҳуқуқий ҳужжатлар расмий порталида эълон қилинди.

Асосий ўзгаришлар:

🔹 рус тили, тарих ва қонунчилик асосларидан имтиҳон ўтказадиган ташкилотлар рўйхати Россия Федерацияси ҳукумати томонидан тасдиқланади ва тегишли веб-сайтда жойлаштирилади;

🔹 рус тили, тарих ва қонунчилик асослари бўйича сертификатнинг амал қилиш муддати Россия Федерацияси ҳукумати томонидан белгиланади ва ҳар бир алоҳида хизмат (РВП, ВНЖ, патент) фарқ қилади;

🔹 РВП, патент ва ишлаш учун рухсат олиш учун яшаш гувоҳномаси учун олинган сертификат билан тилни билишни тасдиқлаш мумкин;

🔹 РВП сертификати патент ва ишлашга рухсат олиш учун тилни билишини тасдиқлаш мумкин;

🔹 рус тилидаги берилган сертификатлар тўғрисидаги маълумотлар махсус маълумотлар базасида сақланади, унга Ички ишлар вазирлиги кириш имкониятига эга бўлади;

🔹 РФ ҳукумати томонидан ҳисоблаш методикаси асосида сертификатнинг максимал нархи белгиланади;

🔹 Россия Федерацияси ҳукумати имтиҳонларни ўтказиш қоидаларига мувофиқлигини текширишни ўз зиммасига олади;

🔹 Қонун кучга киргунга қадар берилган сертификатлар уларнинг амал қилиш муддати тугагунга қадар амал қилади.

Ўзгаришлар 2021 йил 7 июлдан кучга киради.

610

Онаси Россияда вафот этган олти яшар болакай Ўзбекистонга қайтарилди

389
(Янгиланган 14:42 23.01.2021)
Болакайнинг Ўзбекистондаги қариндошлари билан алоқа ўрнатилиб, уларга унинг республикага қайтиб келиш санаси ва вақти маълум қилинди. Х.И.ни аэропортда Ўзбекистон васийлик органлари вакиллари томонидан кутиб олишини ҳақида келишувга эришилган.

ТОШКЕНТ, 23 янв - Sputnik. Онаси Россия Федерациясида вафот этган олти яшар болакай Ўзбекистонга хайрия маблағлари эвазига қайтарилди, деб хабар бермоқда Ўзбекистон ТИВ матбуот-хизмати.

"Ўзбекистоннинг Россиядаги элчихонаси маълумотига кўра, 2021-йил 19-январ куни Москва вилояти Таълим вазирлигининг Дмитровск шаҳар округи бўйича Васийлик ва ҳомийлик бошқармасидан онаси М.К.нинг вафоти туфайли оғир вазиятда қолган вояга етмаган Ўзбекистон Республикаси фуқароси Х.И. (2014 йил туғилган) ҳақида ахборот олинган.

Элчихона томонидан амалга оширилган чора-тадбирлар натижасида вояга етмаган фуқарони Ватанимизга қайтариш масаласи ишлаб чиқилди. Хайрия маблағлари ҳисобидан "Uzbekistan Airways" АЖнинг "Москва-Тошкент" йўналишидаги рейсга авиачипта сотиб олинди", - дейилади хабарда.

Болакайнинг Ўзбекистондаги қариндошлари билан алоқа ўрнатилиб, уларга унинг республикага қайтиб келиш санаси ва вақти маълум қилинди. Х.И.ни аэпортда Ўзбекистон васийлик органлари вакиллари томонидан кутиб олишини ҳақида келишувга эришилган.

2021-йилнинг 22-январ куни Х.И. "Uzbekistan Airways" АЖ борт кузатувчилари ҳамроҳлигида Ўзбекистонга учиб кетди.

389
Рабочие на строительстве жилого комплекса

Россияда меҳнат мигрантларини олиб келиш бўйича махсус механизм йўлга қўйилди

1002
(Янгиланган 15:43 22.01.2021)
Тожикистон, Ўзбекистон, Қозоғистон ва Туркиядан меҳнат мигрантларини олиб келиш бўйича махсус механизм йўлга қўйилди.

ТОШКЕНТ, 22 янв — Sputnik. Россияда меҳнат мигрантларини олиб келиш бўйича махсус механизм йўлга қўйилди.

Бу ерда Тожикистон, Ўзбекистон, Қозоғистон ва Туркиядан келган қурилиш соҳасидаги ишчилар ҳақида гап кетмоқда.

Қурилиш ва уй-жой коммунал хизмат кўрсатиш вазири Ирек Файзуллин сўзларига кўра, механизм "қўлда бошқариш режимида" ишламоқда.

Россия қурилиш компаниялари ёки ҳудудлар энди маълум бир объект учун мигрантларни олиб келиш тўғрисида қурилиш вазирлигига мурожаат қилишлари мумкин. Келишув тахминан уч ҳафта давом этади.

Чегаралар очилгандан кейин Россияга хорижий ишчиларни киритишнинг янги механизми яратилади.

Аввалроқ Россия президенти Владимир Путин эпидемиологик талабларга риоя қилган ҳолда меҳнат мигрантларини қурилиш майдонларига жалб қилишни 1 мартга қадар соддалаштириш бўйича ҳукуматга кўрсатма берганди.

1002
Теглар:
Қурилиш вазирлиги, қурилиш, Владимир Путин, Қозоғистон, Туркия, Тожикистон, Ўзбекистон, Россия, мигрантлар

Портлаш содир бўлган Янги-Ангрен ИЭС цех раҳбари ўз жонига қасд қилди

29
Йигирманчи январь куни ИЭСда юз берган фавқулодда ҳолат натижасида уч киши ҳалок бўлган, яна бир нечтаси жабрланган. Цех раҳбари терговга жалб этилган эди

ТОШКЕНТ, 23 янв — Sputnik. 20 январ куни портлаш содир бўлган Янги-Ангрен ИЭС цех раҳбари Тошкент вилоятида, уйида ўз жонига қасд қилди. Эслатиб ўтамиз, ИЭСдаги фавқулодда ҳолат туфайли уч ишчи ҳалок бўлган ва бир нечтаси жабрланган эди.

Цех раҳбарининг суиъқасд содир этгани ҳақидаги хабарни Sputnik Ўзбекистон мухбирига Энергетика вазирлиги матбуот-хизмати тасдиқлади.

Сал аввал тергов тадбирлари давомида юз берган воқеа факти юзасидан ИЭС цех раҳбари ҳам суриштирув ишларига жалб этилгани, у терговга чақиртирилгани ҳақида хабар берилган эди.

Эслатиб ўтамиз, 20 январ Янги-Ангрен ИЭС қозон агрегатида кўмир-кукуни ҳаво аралашмасининг чақнаши натижасида “Востокэнерготеплоизоляция” АЖнинг 3 нафар ходими олинган жароҳатлар натижасида вафот этган.

Уларнинг оила аъзоларига дафн маросимини ўтказиш учун 20-21 январь кунлари 4 миллион 866 минг сўмдан биринчи моддий ёрдам кўрсатилган.

Шунингдек, 22 январь куни Янги-Ангрен ИЭС томонидан вафот этганларнинг оила аъзоларига қўшимча равишда 105 миллион сўмдан моддий ёрдам кўрсатилди.

29