Россияда мигрантлар сони деярли икки баробар камайди

428
(Янгиланган 08:58 16.12.2020)
Россия ИИВ расмий баёнотига кўра, қайдга олинган меҳнат мигрантларининг аксарияти патент асосида ишлашади.

ТОШКЕНТ, 16 дек - Sputnik. Россиядаги мигрантлар сони айни вақтда 6 миллионга яқин кишини ташкил этмоқда, деб хабар бермоқда РИА Новости Россия ИИВдан олинган маълумотлар асосида.

Идора маълумотларида айтилишича, бу рақам одатда 11 миллион кишига етиши мумкин.

"Россия Федерациясида йилига 9-11 миллион атрофида чет эл фуқаролари бўлиб туради. Жорий йилда уларнинг сони секин-аста камайиб борди ва айни вақтда тахминан 6 миллион кишини ташкил этмоқда", - дейилади тегишли сўровга юборилган жавобда.

Шу билан бирга уларнинг бир миллионга яқинида вақтинчалик яшашга рухсат ҳужжати ёки ВНЖ бор, деб таъкидланади хабарда.

Идора, шунингдек, қайдга олинган меҳнат мигрантларининг аксарияти патентлар асосида ишлашини қўшимча қилган.

"2020 йил 1 ноябрь ҳолатига кўра, Россия Федерациясида патент асосида 1,3 миллион нафар чет эл фуқаролари меҳнат фаолиятини амалга оширмоқдалар (ўтган йил жорий даврда бу кўрсаткич — 1,7 миллионни ташкил этган), 85 минг нафарида ишлаш ҳуқуқини берувчи ҳужжат бор. Евроосиё иқтисодий иттифоқи аъзо-давлатлари фуқаролари билан 368 минг (508 минг) меҳнат ёки фуқаролик-ҳуқуқий шартномалари тузилган", — дейилади ИИВ хабарида.

Бундан ташқари, Россияда чет эл фуқароларининг энг кўп қисмини - йирик шаҳар ва иқтисодий марказлардаги меҳнат мигрантлари ташкил этади.

428
Мавзу:
Миграция (86)
Мигранты на стройке

Россиянинг йирик қурилиш компаниялари қурувчиларни ишга таклиф қилмоқда

726
Ташқи меҳнат миграцияси агентлиги қурувчиларни Россиянинг йирик қурилиш компанияларига ишга таклиф қилмоқда.

ТОШКЕНТ, 15 янв – Sputnik. Ташқи меҳнат миграцияси агентлиги Россиянинг йирик қурилиш компаниялари “ПИК-Индустрия” ва “ТехСтрой”да ишлаш учун қурувчиларни ишга таклиф қилмоқда.

Хабарда айтилишига кўра, ишга монтажчилар, пайвандчилар, ғишт терувчилар, арматурачилар, бетон плиталарини жойлаштириувчилар ва ички пардоз ишлари олиб борувчилар ва бошқа мутахассислар таклиф қилинади.

Ишга жойлашиши учун дастлаб Ўзбекистонда суҳбатдан ўтиш керак. Суҳбатлар 15-31 январ кунлари Фарғона, Урганч ва Самарқанд шаҳарларида бўлиб ўтади. Суҳбат вақтида иш шароитлари, маош миқдори ва бошқа қўшимча маълумотларни олиш мумкин.

Батафсил маълумотни қуйидаги телефон рақамлари орқали (71 202-33-55, 71 200-00-61) ёки  мана бу ердан олиш мумкин. 

Эслатиб ўтамиз, 14 январ куни Бандлик ва меҳнат муносабатлари вазирлигида Россия Федерациясининг йирик қурилиш компаниялари – «ПИК-Индустрия» АЖ ва «ТехСтрой» МЧЖ корхоналари раҳбарият вакилларидан иборат делегацияси билан учрашув бўлиб ўтган эди.

726

Оилали мигрантларни “депорт” қилмаслик таклиф этилди

664
(Янгиланган 20:51 14.01.2021)
Давлат Думасининг назорат ва регламент бўйича қўмитаси томонидан миграция қонунчилигига тегишли ўзгартиришлар киритиш тўғрисида ҳужжат ишлаб чиқилди.

ТОШКЕНТ, 14 янв — Sputnik. Давлат Думасининг Назорат ва регламент қўмитаси депутати Наталья Костенко томонидан миграция қонунчилигига тегишли ўзгартиришлар киритиш тўғрисида ҳужжат ишлаб чиқилди. Унда айтилишича, маъмурий ҳуқуқбузарлик содир этган чет элликлар депортация қилиш ўрнига Россияда қолдириш зарур.

Ҳужжат лойиҳасига кўра, агар мигрантлар Россияда яқин қариндошлари - Россия фуқароси билан бирга яшаса, уларни вақтинча яшаш рухсатномаси, яшаш гувоҳномаси бекор қилинмайди ёки Россияга киришга чеклов қўйилмайди.

Ҳозир қонунчиликка асосан агар чет эл фуқароси жамоат тартиби ва хавфсизлигини бузиш, наркотик моддалар савдоси ёки миграция қоидаларини бузиш билан боғлиқ маъмурий ҳуқуқбузарлик учун йилига икки ёки ундан ортиқ марта жавобгарликка тортилган бўлса, вақтинчалик яшаш учун рухсатнома (РВП) ёки яшаш гувоҳномаси (ВНЖ) бекор қилинади.

Худди шу сабаблар билан чет эл фуқароси Россияга киритилмаслиги мумкин - маъмурий жавобгарликка тортиш тўғрисидаги сўнгги қарор кучга кирган кундан бошлаб беш йил давомида кириш тақиқланади. Масалан, чет эл фуқароси яшаш жойини тасдиқловчи йиллик билдиришномани икки марта топшириш муддатини ўтказиб юборса, РВП бекор қилиниши мумкин. Наталья Костенко таклиф қилган қонун лойиҳасида, бу чораларни яқин қариндоши - мамлакатда доимий яшовчи Россия Федерацияси фуқароси бўлган чет эл фуқаросига нисбатан қўлланмаслик таклиф этилган.

Депутат тушунтиришича, бугунги кунда чет эл фуқаросини Россияда яшаш имкониятидан маҳрум қилганда, унинг бу ерда Россия фуқароларидан иборат оиласи борлиги доим ҳам ҳисобга олинмайди. Натижада мигрант Россияда яқин қариндошлари билан яшаш, болаларни тарбиялаш ва уларни боқиш, мамлакатда ишлаш имкониятидан маҳрум бўлади. 

"Агар киши ҳуқуқбузарлиги натижасида давлатга етказилган зарарни қоплаган бўлса, нега у Россияни тарк этиши, унинг оиласи азоб чекиши керак?", - дейди Костенко.

Унинг сўзларига кўра, ушбу масалалар Ички ишлар вазирлиги вакиллари билан муҳокама қилинган ва улар мигрантга нисбатан оқибатлар ҳар доим ҳам ҳуқуқбузарлик хавфига мос келмаслигини таъкидлаб, ички ишлар органларида бундай вазиятда мос келадиган қарорни қабул қилиш учун етарли воситалар йўқлигига эътибор қаратди.

Қандай ҳуқуқбузарлик қилишига боғлиқ

Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раисининг биринчи ўринбосари Виктор Водолацкийнинг фикрига кўра, қонун лойиҳасини диққат билан кўриб чиқиш керак.

У РФда оиласи бўлган бошқа давлат фуқуроларига енгиллик айнан қайси ҳуқуқбузарликлар ҳисобга олиниши муҳимлигини таъкидлади.

"Агар у йўлни нотўғри жойда кесиб ўтиб, жаримага тортилган бўлса, демак, табиийки, уни оиласидан маҳрум қилиш мумкин эмас, аммо у наркотик моддаларни сотган бўлса, демак, унинг мамлакатимизда қиладиган иши йўқ”, - дейди депутат.

664
Теглар:
ИИВ, депорт, депортация, мигрант
Доллары США

Ўтган йили Ўзбекистонда мансабдорлар энг кўп қайси жиноятга қўл урди

19
Ўзбекистонда 2020 йилда жами 1723 нафар мансабдор шахслар жиноий жавобгарликка тортилган. Улар давлат ва жамият манфаатларига 500,1 млрд. сўм моддий зарар етказган.

ТОШКЕНТ, 17 янв — Sputnik. 2020 йил давомида республика бўйича жами 1148 та жиноят иши бўйича 1723 нафар мансабдор шахслар жиноий жавобгарликка тортилган. Бу ҳақда Бош прокуратура маълум қилди.

Жиноий жавобгарликка тортилган мансабдор шахсларнинг 9 нафари республика, 45 нафари вилоят ва 1669 нафари туман-шаҳар миқёсидаги вазирлик, идора ва ташкилотларда фаолият юритган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Жиноий жавобгарликка тортилган мансабдор шахсларнинг 835 нафари ўзганинг мулкини ўзлаштириш ва растрата йўли билан талон-торож қилиш, 227 нафари фирибгарлик, 132 нафари пора олиш (бериш) ва пора олиш-беришда воситачилик қилиш, 58 нафари мансаб мавқеини суиистеъмол қилиш, 31 нафари мансаб ваколати доирасидан четга чиқиш, 25 нафари мансабга совуққонлик билан қараш, 16 нафари мансаб сохтакорлиги ва  399  нафари бошқа жиноятларни содир этишган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Мансабдор шахсларнинг жиноятлари оқибатида давлат ва жамият манфаатларига 500,1 млрд. сўм миқдорида моддий зарар етказилган. Тергов жараёнида ушбу зарарнинг 355,7 млрд. сўми ундирилган.

19