COVID бор экан, ўзбек мигрантлари Россияга назоратсиз кира олишмайди - дипломат

806
(Янгиланган 17:04 22.12.2020)
Дипломатнинг таъкидига кўра, Россия Ҳукумати раҳбарининг ижтимоий сиёсат бўйича ўринбосари Татьяна Голикова бошчилигидаги тезкор штаб коронавирус инфекцияси билан боғлиқ вазият барқарорлашмаган давлатлардан одамлар келишига чекловлар ўрнатган.

ТОШКЕНТ, 22 дек - Sputnik, Дилшода Раҳматова. Коронавирус муаммоси бор экан, ўзбекистонлик мигрантлар Россия Федерациясига назоратсиз киришлари имкони бўлиши даргумон, деди куни кеча журналистлар билан учрашувда Россиянинг Ўзбекистондаги Фавқулодда ва Мухтор элчиси Владимир Тюрденев.

Дипломатнинг таъкидига кўра, Россия Ҳукумати раҳбарининг ижтимоий сиёсат бўйича ўринбосари Татьяна Голикова бошчилигидаги тезкор штаб коронавирус инфекцияси билан боғлиқ вазият барқарорлашмаган давлатлардан фуыаролар келишига чекловлар ўрнатган. Аммо меҳнат муҳожирларининг Россияга кириб келиши давом этмоқда. 

Пандемия даврида Ўзбекистондан меҳнат муҳожирларининг Россияга кириб бориши фақатгина ташкиллаштирилган ва тартибли равишда амалга оширилиб келинмоқда. Бунда ишга жалб қилиш бўйича Россия Федерациясидаги йирик иш берувчилар билан келишувларга эришилмоқда.

"Шу жумладан, ташкиллаштирилмаган тартибда меҳнат мигрантларига РФга йўл очиш масаласида Ўзбекистонлик шериклар - жумладан, Ўзбекистон бош вазирининг миграция масалалари бўйича маслаҳатчиси Меҳриддин Хайриддинов билан музокаралар ўтказмоқдамиз. Лекин, мени фикримча, коронавирус билан боғлиқ вазият сақланиб қолар экан, ўзбекистонлик мигрантлар Россия Федерациясига назоратсиз киришлари даргумон", - деб аниқлик киритди Тюрденев.

Элчининг сўзларига кўра, бу нафақат хавфли, балки, биринчи ўринда меҳнат муҳожирларининг ўзини Россия Федерациясида ўта оғир шароитга тушиб қолишларига сабабчи бўлиши мумкин. Таъкидланишича, ҳозирда иккала томон ҳам компромисс вариант топиш устида иш олиб бормоқда.

"Россия томони Ўзбекистондан келаётган меҳнат мигрантлари сони кўпайишидан манфаатдор. Россия бу меҳнат муҳожирларига муҳтож. Аммо иккала томон ҳам ушбу жараён коронавируснинг янги ўчоқларини келтириб чиқармаслигини истайди. Чунки бу биринчи галда мигрантларнинг ўзини жуда оғир вазиятга солиб қўйиши мумкин", - деб таъкидлади дипломат ва ушбу масала кун тартибидан тушмай келаётганини, аммо унга тезкорликда ечим топишнинг имкони йўқлигини қўшимча қилди. 

Бу вақтда эса Россияда мигрантларнинг вақтинча бўлиш муддати узайтирилди

Коронавирус пандемияси муносабати билан Россия Федерацияси президентининг 2020 йил 15 декабрдаги фармонига кўра, меҳнат мигрантларининг мамлакатда вақтинча бўлиб туриш муддати 2021 йил 15 июнгача узайтирилди.

Ушбу тартиб, Россия Федерацияси ҳудудида 2020 йил 15 мартгача қонуний бўлган чет эл фуқаролари учун амал қилади.

806

Онаси Россияда вафот этган олти яшар болакай Ўзбекистонга қайтарилди

387
(Янгиланган 14:42 23.01.2021)
Болакайнинг Ўзбекистондаги қариндошлари билан алоқа ўрнатилиб, уларга унинг республикага қайтиб келиш санаси ва вақти маълум қилинди. Х.И.ни аэропортда Ўзбекистон васийлик органлари вакиллари томонидан кутиб олишини ҳақида келишувга эришилган.

ТОШКЕНТ, 23 янв - Sputnik. Онаси Россия Федерациясида вафот этган олти яшар болакай Ўзбекистонга хайрия маблағлари эвазига қайтарилди, деб хабар бермоқда Ўзбекистон ТИВ матбуот-хизмати.

"Ўзбекистоннинг Россиядаги элчихонаси маълумотига кўра, 2021-йил 19-январ куни Москва вилояти Таълим вазирлигининг Дмитровск шаҳар округи бўйича Васийлик ва ҳомийлик бошқармасидан онаси М.К.нинг вафоти туфайли оғир вазиятда қолган вояга етмаган Ўзбекистон Республикаси фуқароси Х.И. (2014 йил туғилган) ҳақида ахборот олинган.

Элчихона томонидан амалга оширилган чора-тадбирлар натижасида вояга етмаган фуқарони Ватанимизга қайтариш масаласи ишлаб чиқилди. Хайрия маблағлари ҳисобидан "Uzbekistan Airways" АЖнинг "Москва-Тошкент" йўналишидаги рейсга авиачипта сотиб олинди", - дейилади хабарда.

Болакайнинг Ўзбекистондаги қариндошлари билан алоқа ўрнатилиб, уларга унинг республикага қайтиб келиш санаси ва вақти маълум қилинди. Х.И.ни аэпортда Ўзбекистон васийлик органлари вакиллари томонидан кутиб олишини ҳақида келишувга эришилган.

2021-йилнинг 22-январ куни Х.И. "Uzbekistan Airways" АЖ борт кузатувчилари ҳамроҳлигида Ўзбекистонга учиб кетди.

387
Рабочие на строительстве жилого комплекса

Россияда меҳнат мигрантларини олиб келиш бўйича махсус механизм йўлга қўйилди

1001
(Янгиланган 15:43 22.01.2021)
Тожикистон, Ўзбекистон, Қозоғистон ва Туркиядан меҳнат мигрантларини олиб келиш бўйича махсус механизм йўлга қўйилди.

ТОШКЕНТ, 22 янв — Sputnik. Россияда меҳнат мигрантларини олиб келиш бўйича махсус механизм йўлга қўйилди.

Бу ерда Тожикистон, Ўзбекистон, Қозоғистон ва Туркиядан келган қурилиш соҳасидаги ишчилар ҳақида гап кетмоқда.

Қурилиш ва уй-жой коммунал хизмат кўрсатиш вазири Ирек Файзуллин сўзларига кўра, механизм "қўлда бошқариш режимида" ишламоқда.

Россия қурилиш компаниялари ёки ҳудудлар энди маълум бир объект учун мигрантларни олиб келиш тўғрисида қурилиш вазирлигига мурожаат қилишлари мумкин. Келишув тахминан уч ҳафта давом этади.

Чегаралар очилгандан кейин Россияга хорижий ишчиларни киритишнинг янги механизми яратилади.

Аввалроқ Россия президенти Владимир Путин эпидемиологик талабларга риоя қилган ҳолда меҳнат мигрантларини қурилиш майдонларига жалб қилишни 1 мартга қадар соддалаштириш бўйича ҳукуматга кўрсатма берганди.

1001
Теглар:
Қурилиш вазирлиги, қурилиш, Владимир Путин, Қозоғистон, Туркия, Тожикистон, Ўзбекистон, Россия, мигрантлар

Портлаш содир бўлган Янги-Ангрен ИЭС цех раҳбари ўз жонига қасд қилди

18
Йигирманчи январь куни ИЭСда юз берган фавқулодда ҳолат натижасида уч киши ҳалок бўлган, яна бир нечтаси жабрланган. Цех раҳбари терговга жалб этилган эди

ТОШКЕНТ, 23 янв — Sputnik. 20 январ куни портлаш содир бўлган Янги-Ангрен ИЭС цех раҳбари Тошкент вилоятида, уйида ўз жонига қасд қилди. Эслатиб ўтамиз, ИЭСдаги фавқулодда ҳолат туфайли уч ишчи ҳалок бўлган ва бир нечтаси жабрланган эди.

Цех раҳбарининг суиъқасд содир этгани ҳақидаги хабарни Sputnik Ўзбекистон мухбирига Энергетика вазирлиги матбуот-хизмати тасдиқлади.

Сал аввал тергов тадбирлари давомида юз берган воқеа факти юзасидан ИЭС цех раҳбари ҳам суриштирув ишларига жалб этилгани, у терговга чақиртирилгани ҳақида хабар берилган эди.

Эслатиб ўтамиз, 20 январ Янги-Ангрен ИЭС қозон агрегатида кўмир-кукуни ҳаво аралашмасининг чақнаши натижасида “Востокэнерготеплоизоляция” АЖнинг 3 нафар ходими олинган жароҳатлар натижасида вафот этган.

Уларнинг оила аъзоларига дафн маросимини ўтказиш учун 20-21 январь кунлари 4 миллион 866 минг сўмдан биринчи моддий ёрдам кўрсатилган.

Шунингдек, 22 январь куни Янги-Ангрен ИЭС томонидан вафот этганларнинг оила аъзоларига қўшимча равишда 105 миллион сўмдан моддий ёрдам кўрсатилди.

18