Икки минг нафар ўзбек мигрантлари Россияга ишга жўнаб кетади

1105
Россиянинг "ПЭК" ва "Техагро" компанияларининг 14 нафар мутахассислари ўзбек делегацияси билан биргаликда Ўзбекистонга учдилар. Ташрифдан мақсад 2000 нафар Ўзбекистон фуқароларини Россияга ишга жалб этиш.

ТОШКЕНТ, 26 дек - Sputnik. Бош вазир ўринбосари Меҳриддин Хайриддинов бошчилигидаги делегация Россия меҳнат ва бандлик бўйича федерал хизмати билан мулоқот ўтказди.

Учрашувда Ўзбекистон томони россиялик шерикларни мамлакатда ташкиллаштирилган, хавфсиз ва легал меҳнат миграцияси тизимини жорий қилиш бўйича амалга оширилаётган ишлар ҳақида маълумот тақдим этди.

РФ вакиллари Россия ҳудудида ташкиллаштирилган рақамли меҳнат миграцияси тизими ишлаб чиқилаётгани ҳақида гапирдилар.

Ушбу тизимга Ўзбекистон Ташқи миграцияси агентлиги ҳам қўшилиши борасида келишувга эришилган. Бунда агентлик персонал кабинети Умумроссия вакинсиялар базаси - "Работа в России"га қўшиб қўйилади.

Ўзбекистонда касб ва тил ўрганган фуқароларнинг резюмелари россиялик иш берувчиларга ахборот тарзида ушбу рақамли тизимга киритилади.

Худди шу куни "Многофункциональный миграционный центр" давлат бюджет ташкилоти ва "Ишга марҳамат" мономаркази ўртасида ҳамкорлик битими имзоланди.

Ўзбекистондан Россия Федерациясига, хусусан Москвадаги корхоналарга ташкиллаштирилган тартибда меҳнат мигрантларини жалб қилиш, ишга жойлашиш учун патентни расмийлаштиришни йўлга қўйиш мақсадида Тошкентда Россиянинг "Многофункциональный миграционный центр" филиали ташкил этилади.

ММЦ москвалик иш берувчиларнинг ўзбек ишчилари олдидаги мажбуриятлари қанчалик бажарилаётганини мониторинг қилиб боради.

Коронавирусга қарши курашиш тезкор штаби қарори асосида Россиянинг "ПЭК" ва "Техагро" компанияларининг 14 нафар мутахассислари ўзбек делегацияси билан биргаликда Ўзбекистонга учдилар. Улар 2000 нафар Ўзбекистон фуқароларини Россия ҳудудида меҳнат фаолиятига жалб этишади.

1105
Теглар:
Россия, Ўзбекистон, ўзбеклар, ноқонуний миграция, миграция маркази, мигрантлар, миграция, мигрант
Мигранты на стройке

Россиянинг йирик қурилиш компаниялари қурувчиларни ишга таклиф қилмоқда

674
Ташқи меҳнат миграцияси агентлиги қурувчиларни Россиянинг йирик қурилиш компанияларига ишга таклиф қилмоқда.

ТОШКЕНТ, 15 янв – Sputnik. Ташқи меҳнат миграцияси агентлиги Россиянинг йирик қурилиш компаниялари “ПИК-Индустрия” ва “ТехСтрой”да ишлаш учун қурувчиларни ишга таклиф қилмоқда.

Хабарда айтилишига кўра, ишга монтажчилар, пайвандчилар, ғишт терувчилар, арматурачилар, бетон плиталарини жойлаштириувчилар ва ички пардоз ишлари олиб борувчилар ва бошқа мутахассислар таклиф қилинади.

Ишга жойлашиши учун дастлаб Ўзбекистонда суҳбатдан ўтиш керак. Суҳбатлар 15-31 январ кунлари Фарғона, Урганч ва Самарқанд шаҳарларида бўлиб ўтади. Суҳбат вақтида иш шароитлари, маош миқдори ва бошқа қўшимча маълумотларни олиш мумкин.

Батафсил маълумотни қуйидаги телефон рақамлари орқали (71 202-33-55, 71 200-00-61) ёки  мана бу ердан олиш мумкин. 

Эслатиб ўтамиз, 14 январ куни Бандлик ва меҳнат муносабатлари вазирлигида Россия Федерациясининг йирик қурилиш компаниялари – «ПИК-Индустрия» АЖ ва «ТехСтрой» МЧЖ корхоналари раҳбарият вакилларидан иборат делегацияси билан учрашув бўлиб ўтган эди.

674

Оилали мигрантларни “депорт” қилмаслик таклиф этилди

650
(Янгиланган 20:51 14.01.2021)
Давлат Думасининг назорат ва регламент бўйича қўмитаси томонидан миграция қонунчилигига тегишли ўзгартиришлар киритиш тўғрисида ҳужжат ишлаб чиқилди.

ТОШКЕНТ, 14 янв — Sputnik. Давлат Думасининг Назорат ва регламент қўмитаси депутати Наталья Костенко томонидан миграция қонунчилигига тегишли ўзгартиришлар киритиш тўғрисида ҳужжат ишлаб чиқилди. Унда айтилишича, маъмурий ҳуқуқбузарлик содир этган чет элликлар депортация қилиш ўрнига Россияда қолдириш зарур.

Ҳужжат лойиҳасига кўра, агар мигрантлар Россияда яқин қариндошлари - Россия фуқароси билан бирга яшаса, уларни вақтинча яшаш рухсатномаси, яшаш гувоҳномаси бекор қилинмайди ёки Россияга киришга чеклов қўйилмайди.

Ҳозир қонунчиликка асосан агар чет эл фуқароси жамоат тартиби ва хавфсизлигини бузиш, наркотик моддалар савдоси ёки миграция қоидаларини бузиш билан боғлиқ маъмурий ҳуқуқбузарлик учун йилига икки ёки ундан ортиқ марта жавобгарликка тортилган бўлса, вақтинчалик яшаш учун рухсатнома (РВП) ёки яшаш гувоҳномаси (ВНЖ) бекор қилинади.

Худди шу сабаблар билан чет эл фуқароси Россияга киритилмаслиги мумкин - маъмурий жавобгарликка тортиш тўғрисидаги сўнгги қарор кучга кирган кундан бошлаб беш йил давомида кириш тақиқланади. Масалан, чет эл фуқароси яшаш жойини тасдиқловчи йиллик билдиришномани икки марта топшириш муддатини ўтказиб юборса, РВП бекор қилиниши мумкин. Наталья Костенко таклиф қилган қонун лойиҳасида, бу чораларни яқин қариндоши - мамлакатда доимий яшовчи Россия Федерацияси фуқароси бўлган чет эл фуқаросига нисбатан қўлланмаслик таклиф этилган.

Депутат тушунтиришича, бугунги кунда чет эл фуқаросини Россияда яшаш имкониятидан маҳрум қилганда, унинг бу ерда Россия фуқароларидан иборат оиласи борлиги доим ҳам ҳисобга олинмайди. Натижада мигрант Россияда яқин қариндошлари билан яшаш, болаларни тарбиялаш ва уларни боқиш, мамлакатда ишлаш имкониятидан маҳрум бўлади. 

"Агар киши ҳуқуқбузарлиги натижасида давлатга етказилган зарарни қоплаган бўлса, нега у Россияни тарк этиши, унинг оиласи азоб чекиши керак?", - дейди Костенко.

Унинг сўзларига кўра, ушбу масалалар Ички ишлар вазирлиги вакиллари билан муҳокама қилинган ва улар мигрантга нисбатан оқибатлар ҳар доим ҳам ҳуқуқбузарлик хавфига мос келмаслигини таъкидлаб, ички ишлар органларида бундай вазиятда мос келадиган қарорни қабул қилиш учун етарли воситалар йўқлигига эътибор қаратди.

Қандай ҳуқуқбузарлик қилишига боғлиқ

Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раисининг биринчи ўринбосари Виктор Водолацкийнинг фикрига кўра, қонун лойиҳасини диққат билан кўриб чиқиш керак.

У РФда оиласи бўлган бошқа давлат фуқуроларига енгиллик айнан қайси ҳуқуқбузарликлар ҳисобга олиниши муҳимлигини таъкидлади.

"Агар у йўлни нотўғри жойда кесиб ўтиб, жаримага тортилган бўлса, демак, табиийки, уни оиласидан маҳрум қилиш мумкин эмас, аммо у наркотик моддаларни сотган бўлса, демак, унинг мамлакатимизда қиладиган иши йўқ”, - дейди депутат.

650
Теглар:
ИИВ, депорт, депортация, мигрант
Руки в наручниках.

АҚШда "ИД"га ёрдам берган ўзбекистонлик 12,5 йилга қамалди

19
Коннектикутнинг Нью-Хейвенидан бўлган Азизжон Рахматов чет эл террористик ташкилотига моддий ёрдам кўрсатиш бўйича тил бириктирувда иштирок этганлигини тан олган

ТОШКЕНТ, 16 янв — Sputnik. Федерал Бруклин суди ўзбекистонликни "Ислом давлати" террористик уюшмасига кўмак кўрсатгани учун 12,5 йилга қамоқ жазосига маҳкум қилди, деб хабар бермоқда New York Post.

Коннектикутнинг Нью-Хейвенидан бўлган Азизжон Рахматов чет эл террористик ташкилотига моддий ёрдам кўрсатиш бўйича тил бириктирувда иштирок этганлигини тан олган.

Суд жараёни давомида 2015 йилда Рахматов ИД сафига янги қўшилган Ахрор Саидахметовга у ИШИД сафига қўшилиш учун Сурияга етиб олиши ва қурол сотиб олиши учун 400 АҚШ доллари бергани маълум бўлган.

Саидахметов, ўз навбатида ИДга содиқ экани, аммо агарда жиҳод учун Сурияга етиб бора олмаса, бор ҳалокатли уринишларини АҚШдаги полициячилар ва ФБР агентларига қаратишга қасамёд қилган.

Ёвуз ният билан у Жон Кеннеди номидаги аэропортдан Истанбулга (Туркияга) қараб учган. Аммо Сурия билан чегарадан ўтмоқчи бўлганида ҳукумат томонидан қўлга олинган. 2017 йилда у 15 йилга озодликдан маҳрум этилган.

Прокуратура баёнотига мувофиқ, иккала жиноятчи ҳам жазони ўтиб бўлганидан сўнг ватанга депортация қилинади.

19