Икрамова Японияда ишлашни хоҳловчи ўзбекистонликларга ўз тавсияларини берди

433
Тошкентда янги ташкил этилган "Япон тили ва касбий малака тестига тайёрлов маркази"нинг раҳбари Дилафруз Икрамова Японияда ишлаш истагида бўлган Ўзбекистонликларга ишни аввало тил ўрганишдан бошлашни тавсия этмоқда.

ТОШКЕНТ, 28 дек - Sputnik. Бугун, 28 декабр куни, Тошкентнинг Яшнобод туманида жойлашган "Ишга марҳамат" мономарказида "Япон тили ва касбий малака" тест марказининг расмий очилиш маросими бўлиб ўтди, деб хабар бермоқда Sputnik Ўзбекистон мухбири.

Эслатиб ўтамиз, Ўзбекистон раҳбари Шавкат Мирзиёевнинг Японияга ташрифи доирасида имзоланган "Махсус малакали ишчилар" мақомига эга бўлган хорижий меҳнат ресурсларини ишга қабул қилиш тизимини амалга ошириш тўғрисидаги ўзаро ҳамкорлик Меморандумига мувофиқ, Ўзбекистон фуқароларини "Махсус малакали ишчилар" мақомида Японияда ишлаш учун юбориш тизимини жорий этиш учун Тошкент шаҳрида япон тили ва малака имтиҳонларини ўтказувчи тест марказини очиш масалалари муҳокама қилинган эди.

Марказ ташкилотчиларига ўзбек фуқароларига Япониянинг тегишли қонун талабларига мослаштирилган таълим ва кўникмаларни бериш билан бир қаторда, Японияга хавфсиз, тартибли ва ташкиллаштирилган ҳолда жўнатиш механизмини яратиш вазифалари юклатилган.

 

 

Марказ раҳбари Дилафруз Икромованинг таъкидлашича, чет эллик фуқаролар учун Японияда муваффақиятли таълим олиш ва шу билан бирга у ерда ишлаш учун япон тили жуда муҳим аҳамият касб этади.

"Японлар ўзининг маданияти, қадр-қиммати, ғурури, тили ва маданиятини қадрлайдиган халқ. У ерда кўпчилик япон тилида гаплашишади шу боис, Японияга борадиган фуқаро япон тилини билиши давлат томонидан талаб даражасига қўйилган", - дея тушунтиради Икрамова.

Шу боис ҳам биз Японияда бориб ишлашни, улардан технологияларни ўрганишни ва у ерда малака оширишни истар экан, Ўзбекистон фуқаролари у мамлакатнинг тили, маданияти ва у ердаги қонун-қоидалардан бохабар бўлишлари бирламчи вазифага киради.

Икрамованинг айтишича, япон тилини ўрганиш Ўзбекистон фуқароларига осон кечади. Чунки марказни таълим дастури анъанавий таълим дастурларига қараганда анча фарқ қилади. Унда замонавий таълим методика тизими жорий қилинган.

"Марказнинг таълим дастури, асосан, Япониянинг Ниппон Академияси институтининг чет эллик талабаларни япон тили ва касбий кўникмаларини ривожлантиришга мўлжалланган бўлиб, Япония Адлия вазирлиги ва тегишли таълим сифатини белгиловчи ташкилотлари томонидан тасдиқланган MUDIE инновацион мультимедиали замонавий методикаси асосида ўқитилади. Бу тизимни анъанавий таълим дастурларидан фарқи шундаки, ўқувчини қандай ёшдан бўлишидан қатъий назар, чет тилини мукаммал ўрганиш учун ички мотивациясини кучайтиради. Ва дарсларни ўзлаштириш сифатини оширади, билимини такомиллаштиради, тил ўрганувчини ортиқча дарс қилмасдан унинг миясига қуйиб қўйиш механизми мавжуд", - деди у.

Бугунги кунда Ниппон Академияси институтининг 5 нафар етакчи педагоглари 50 нафар фуқароларга онлайн (пандемия шароитида) мулоқот тарзида япон тилида H4 даражасидаги малака, қариялар боқувчиси ва қишлоқ хўжалиги соҳалари бўйича касбий малака курслари йўналишларида таълим бериб келмоқдалар.

Келажакда касбий малака курслари турини яна 12тага кўпайтириш, шунингдек, Маркази филиалларини Ўзбекистоннинг барча "Ишга марҳамат" мономарказлари қошида ташкил этиш режалаштирилган.

433

Онаси Россияда вафот этган олти яшар болакай Ўзбекистонга қайтарилди

545
(Янгиланган 14:42 23.01.2021)
Болакайнинг Ўзбекистондаги қариндошлари билан алоқа ўрнатилиб, уларга унинг республикага қайтиб келиш санаси ва вақти маълум қилинди. Х.И.ни аэропортда Ўзбекистон васийлик органлари вакиллари томонидан кутиб олишини ҳақида келишувга эришилган.

ТОШКЕНТ, 23 янв - Sputnik. Онаси Россия Федерациясида вафот этган олти яшар болакай Ўзбекистонга хайрия маблағлари эвазига қайтарилди, деб хабар бермоқда Ўзбекистон ТИВ матбуот-хизмати.

"Ўзбекистоннинг Россиядаги элчихонаси маълумотига кўра, 2021-йил 19-январ куни Москва вилояти Таълим вазирлигининг Дмитровск шаҳар округи бўйича Васийлик ва ҳомийлик бошқармасидан онаси М.К.нинг вафоти туфайли оғир вазиятда қолган вояга етмаган Ўзбекистон Республикаси фуқароси Х.И. (2014 йил туғилган) ҳақида ахборот олинган.

Элчихона томонидан амалга оширилган чора-тадбирлар натижасида вояга етмаган фуқарони Ватанимизга қайтариш масаласи ишлаб чиқилди. Хайрия маблағлари ҳисобидан "Uzbekistan Airways" АЖнинг "Москва-Тошкент" йўналишидаги рейсга авиачипта сотиб олинди", - дейилади хабарда.

Болакайнинг Ўзбекистондаги қариндошлари билан алоқа ўрнатилиб, уларга унинг республикага қайтиб келиш санаси ва вақти маълум қилинди. Х.И.ни аэпортда Ўзбекистон васийлик органлари вакиллари томонидан кутиб олишини ҳақида келишувга эришилган.

2021-йилнинг 22-январ куни Х.И. "Uzbekistan Airways" АЖ борт кузатувчилари ҳамроҳлигида Ўзбекистонга учиб кетди.

545
Рабочие на строительстве жилого комплекса

Россияда меҳнат мигрантларини олиб келиш бўйича махсус механизм йўлга қўйилди

1101
(Янгиланган 15:43 22.01.2021)
Тожикистон, Ўзбекистон, Қозоғистон ва Туркиядан меҳнат мигрантларини олиб келиш бўйича махсус механизм йўлга қўйилди.

ТОШКЕНТ, 22 янв — Sputnik. Россияда меҳнат мигрантларини олиб келиш бўйича махсус механизм йўлга қўйилди.

Бу ерда Тожикистон, Ўзбекистон, Қозоғистон ва Туркиядан келган қурилиш соҳасидаги ишчилар ҳақида гап кетмоқда.

Қурилиш ва уй-жой коммунал хизмат кўрсатиш вазири Ирек Файзуллин сўзларига кўра, механизм "қўлда бошқариш режимида" ишламоқда.

Россия қурилиш компаниялари ёки ҳудудлар энди маълум бир объект учун мигрантларни олиб келиш тўғрисида қурилиш вазирлигига мурожаат қилишлари мумкин. Келишув тахминан уч ҳафта давом этади.

Чегаралар очилгандан кейин Россияга хорижий ишчиларни киритишнинг янги механизми яратилади.

Аввалроқ Россия президенти Владимир Путин эпидемиологик талабларга риоя қилган ҳолда меҳнат мигрантларини қурилиш майдонларига жалб қилишни 1 мартга қадар соддалаштириш бўйича ҳукуматга кўрсатма берганди.

1101
Теглар:
Қурилиш вазирлиги, қурилиш, Владимир Путин, Қозоғистон, Туркия, Тожикистон, Ўзбекистон, Россия, мигрантлар
Хабиб Нурмагомедов

Ҳабиб Нурмагомедов Макгрегорнинг мағлубиятига муносабат билдирди

45
Ирландиялик жангчи UFC 257 турнирида Дастин Порьега иккинчи раунддаёқ техник нокаут билан мағлуб бўлди.

ТОШКЕНТ, 24 янв — Sputnik. Ирландиялик ММА жангчиси Конор Макгрегор америкалик Дастин Порьега жамоасини ўзгартиргани ва заиф спарринг шериклари туфайли учун ютқазди. UFCʼнинг енгил вазндаги чемпиони Ҳабиб Нурмагомедов ўзининг Twitterʼдаги саҳифасида шундай фикр билдирди.

Макгрегор 24 январь куни Абу-Дабида бўлиб ўтган UFC 257 турнирида техник нокаут билан иккинчи раунддаёқ Порьега мағлуб бўлди. Аввалроқ Нурмагомедов навбатма-навбат Макгрегор ва Порье устидан бўғиш усули билан ғалаба қозонган эди.

“Сени чемпионга айлантирган спаринг шерикларингни, жамоангни ўзгартирсанг мана нима бўлади”, - дея ёзди Нурмагомедов.

Унинг фикрига, Конор воқеликдан узоқда ёш болалар билан спарринг қилган.

2020 йил октябрида Нурмагомедов америкалик Жастин Гэтжи устидан қўли баланд келиб, карьерасини якунлашини эълон қилган эди. Кейинрок у октагонга қайтиши мумкинлигини истисно қилмади.

45