Ўзбекистон расмийлари Санкт-Петербургда меҳнат мигрантлари билан учрашди

474
(Янгиланган 00:29 16.02.2021)
Ўзбекистон расмий вакиллари Санкт-Петербургда меҳнат қилаётган фуқаролари ҳолидан хабар олди ва уларни бўлажак сайловлар, консулликда рўйхатдан ўтиш ҳақида огоҳлантиришди.

ТОШКЕНТ, 15 фев - Sputnik. Ташқи меҳнат миграцияси агентлиги вакиллари, Ўзбекистоннинг Санкт-Петербург шаҳридаги Бош консули ва "Uzbekistan Airways" АЖ вакиллари Санкт-Петербург шаҳрида бир неча йирик қурилиш корхоналарида ишлаётган меҳнат мигрантлари билан учрашув ўтказишди. 

Учрашув давомида меҳнат мигрантларига октябрь ойида бўлиб ўтиши кутилаётган президент сайлови, консуллик рўйхатидан ўтиш, хорижга чиқиш паспортини расмийлаштириш ва бошқа консуллик масалалари бўйича тушунтиришлар берилди. 

Шу билан бирга фуқароларга қонунларга амал қилиш, экстремистик ва диний радикал гуруҳлар таъсирига тушиб қолмаслик бўйича керакли тавсиялар берилди ва мавзуга доир фильм намойиш этилди.

Эслатиб ўтамиз, "ЭНКА Иншаат ве Санайи А.Ш." қурилиш корхоналарида 500 нафарга яқин меҳнат мигрантлари ишлайди. Уларнинг 200 нафари 2021 йилнинг январь-февраль ойларида ташкиллаштирилган ҳолда Ўзбекистондан жалб қилинган.

Встреча с трудовыми мигрантами Санкт-Петербург
474
Строительство жилого комплекса

Ўзбекистон ва Россия меҳнат миграцияси ҳажмини қандай тиклайди

548
Россия ташқи ишлар вазири Россия ва Ўзбекистон меҳнат миграциясидаги ўзаро ҳамкорликни эпидемиологик чекловлар енгиллашишига қараб тиклашини маълум қилди.

ТОШКЕНТ, 2 мар — Sputnik. Россия ва Ўзбекистон меҳнат миграциясидаги ўзаро ҳамкорликни эпидемиологик чекловлар енгиллашишига қараб тиклайди. Бу ҳақда Россия ташқи ишлар вазири Сергей Лавров ўзбекистонлик ҳамкасби Абдулазиз Камилов билан музокаралар якунига бағишланган матбуот анжуманида маълум қилди.

Ўзбекистон ТИВ раҳбари Россияда амалий ташриф билан бўлиб турибди.

“Биз меҳнат миграцияси соҳасидаги ҳамкорлигимизнинг эпидемиологик чекловлар енгиллашишига қараб тикланиши ва аввалги ҳажмига  эришилиши ҳақида ҳам суҳбатлашдик. Бу борада тегишли хизматлар хатти-ҳаракатларини мувофиқлаштиришга имкон берувчи аниқ келишувлар бор”, - деди Лавров.

У яқинда Россияда фуқаролари меҳнат қилаётган барча мамлакатлар учун ягона алгоритм қабул қилингани эслатиб ўтди. Россиялик вазирнинг сўзларига кўра, ушбу алгоритм “тегишли компания томонидан ариза, иш берувчининг аризасини” назарда тутади.

Ўзбекистон ва Россия меҳнат миграцияси масалаларини муҳокама қилди

Эслатиб ўтамиз, коронавирус сабаб Россиянинг кўплаб иш берувчи корхоналари вакиллари Ўзбекистоннинг турли ҳудудларида бўлиб, фуқаролар билан суҳбат ўтказмоқда. Суҳбатлардан муваффақиятли ўтган фуқаролар белгиланган эпидемиологик талаблар ва карантин чекловларига риоя қилган ҳолда турли Россиядаги қурилиш объектларида ишлашга жўнаб кетмоқда.

Ташқи меҳнат миграцияси агентлиги маълумотларига кўра, жорий йилнинг январь-февраль ойларида Россияга 3209 нафар фуқаро вақтинчалик меҳнат фаолиятини амалга ошириш учун ташкиллаштирилган ҳолда юборилган.

548
Теглар:
миграция, Абдулазиз Камилов, Сергей Лавров
За три дня 670 мигрантов из Узбекистана отправились на работу в РФ в рамках оргнабора

Уч кунда 670 нафар ўзбекистонлик ишлаш учун Россияга жўнаб кетди

768
Суҳбатлардан муваффақиятли ўтган ушбу фуқаролар белгиланган эпидемиологик талаблар ва карантин чекловларига риоя қилган ҳолда турли қурилиш объектларида иш бошлайди.

ТОШКЕНТ, 25 фев — Sputnik. Уч кунда Тошкент халқаро аэропортидан 670 нафар ўзбекистонлик ишлаш учун Россияга жўнаб кетди. Бу ҳақда Ташқи меҳнат миграцияси агентлиги матбуот хизмати хабар қилмоқда.

Қайд этилишича, Россиянинг кўплаб иш берувчи корхоналари вакиллари мамлакатнинг турли ҳудудларида бўлиб, фуқаролар билан суҳбат ўтказмоқда.

Суҳбатлардан муваффақиятли ўтган фуқаролардан 203 нафари 22 февралда, 246 нафари 23 февралда, 221 нафари 24 февралда Россиянинг “ПИК Индустрия” АЖ, “СтройКрафт”, “Техстрой” ва “СпецГрад” МЧЖларда ишлаш учун Тошкент халқаро аэропорти орқали учиб кетган.

Шунингдек, 25 февраль куни яна 200 нафардан ортиқ фуқароларни “ПИК Индустрия” АЖда ишлаш учун ташкиллаштирилган ҳолда жўнатиш режалаштирилган.

Россияда ишлаш учун кетаётган фуқароларга аэропортда тегишли тушунтиришлар берилиб, меҳнат мигрантлари ҳуқуқ ва манфаатларини ҳимоя қилиш юзасидан материаллар тарқатилган.

Улар белгиланган эпидемиологик талаблар ва карантин чекловларига риоя қилган ҳолда турли объектларда иш бошлайди.

Ўзбекистонликларни Россияда транспорт соҳасига ишга жалб қилиш муҳокама қилинди

Эслатиб ўтамиз, Ташқи меҳнат миграцияси агентлиги пандемия сабабли чет элга ишга кетолмаган фуқароларни турли хорижий давлатларга ишга жалб қилиш бўйича амалий чоралар кўрмоқда. Натижада россиялик иш берувчилар ва масъул ташкилотлар билан келишган ҳолда кўплаб фуқаролар Россияга вақтинча меҳнат фаолиятини амалга ошириш учун юборилмоқда.

768
Президент Узбекистана принял делегацию ОАЭ

Мирзиёев БАА энергетика вазирини қабул қилди кўриб чиқилган масалалар

200
(Янгиланган 20:31 03.03.2021)
Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

ТОШКЕНТ, 3 мар — Sputnik. Ўзбекистон президенти Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

Президент Узбекистана принял делегацию ОАЭ
Пресс-служба президента Узбекистана
Президент Узбекистана принял делегацию ОАЭ

Учрашувда кўп қиррали Ўзбекистон-БАА ҳамкорлигини янада кенгайтиришнинг долзарб масалалари кўриб чиқилди.

Суҳбатда хусусий инвестицияларни жалб қилган ҳолда, шу жумладан қишлоқ хўжалиги маҳсулотларини етиштириш ва қайта ишлаш, Амирликлар бозори ва учинчи мамлакатларга етказиш бўйича агросаноат тармоғида қўшма лойиҳаларни илгари суришга алоҳида эътибор қаратилди.

Муқобил энергиядан фойдаланиш соҳасида, энергетика ва бошқа муҳим инфратузилма объектларини модернизация қилиш, замонавий меҳмонхона мажмуаларини барпо этиш бўйича йирик лойиҳаларни фаол ишлаб чиқиш ва амалга оширишни давом эттиришга, шунингдек, янги ишбилармонлик ташаббуслари доирасида инвестициялар портфелини кенгайтириш ва молиявий-техник кўмак дастурларини рўёбга чиқаришга келишиб олинди.

Бундан ташқари, таълим соҳасида самарали ҳамкорликни кенгайтириш ҳамда Бирлашган Араб Амирликларининг етакчи ташкилотлари иштирокида бошқарув соҳасида миллий кадрларни тайёрлаш муҳим экани таъкидланди.

200
Теглар:
БАА, Тошкент, Шавкат Мирзиёев, Ўзбекистон