Ўзбек кураши: Шаҳрисабзда ўтган халқаро турнирнинг энг ёрқин лаҳзалари

1191

20:23 22.04.2018(Янгиланган 13:51 23.04.2018)

Шаҳрисабз шаҳрида ўтган кураш бўйича халқаро турнирнинг энг ёрқин лаҳзалари акс этган фотолентамизни томоша қилинг

Шаҳрисабз шаҳрида кураш бўйича халқаро турнир ўтказилди. Еттинчи бор ўтказилаётган турнирда иштирок этиш учун дунёнинг 29 давлатидан полвонлар ташриф буюрдилар. Мусобақанинг мутлақ вазн тоифасида ўтган финал беллашувида турнирнинг бош соврини — 10 минг АҚШ доллари мукофоти ва олтин медаль — Қашқадарё полвони Шерали Жўраевга насиб этди.

Эронлик Жафар Паҳлавоний иккинчи, қашқадарёлик Илҳом Жўраев ва мўғулистонлик Анар Дорч учинчи ўринларни эгаллади.

1191

© Sputnik / Рамиз Бахтияров
Шаҳрисабз шаҳрида Ўзбекистон президенти соврини учун Амир Темур хотирасига бағишланган еттинчи халқаро турнир ўтказилди.
© Sputnik / Рамиз Бахтияров
Шаҳрисабз шаҳридаги "Ҳисор" стадионидаги ўтов яқинида, Амир Темур даври лашкарлари найзалар ёрдамида "етти" рақамини ифодалаб туришибди.
© Sputnik / Рамиз Бахтияров
Шаҳрисабзда ўтказилган турнирга дунёнинг 29та давлати ўз вакилларини юборди...
© Sputnik / Рамиз Бахтияров
Буюк саркарда Амир Темурнинг ҳар бир лашкари курашчи бўлган...
Амир Темур образидаги актёр турнир қатнашчиларига омадлар тилади...
© Sputnik / Рамиз Бахтияров
Курашчилар баҳси олдидан хонандалар қўшиқ куйлаб, раққосалар ҳиром айладилар
© Sputnik / Рамиз Бахтияров
Бу йилги турнирда курашчи-қизлар томошабинлар олқишига кўпроқ сазовор бўлди.
© Sputnik / Дильшода Рахматова
Турнир жароҳатларсиз кечмади...
© Sputnik / Дильшода Рахматова
Яктаклар ҳам дош бермади...
© Sputnik / Рамиз Бахтияров
Яктак йиртилиши ҳамон ўйин тўхтатилиб, полвонлар янги яктаклар билан таъминланди.
© Sputnik / Дильшода Рахматова
Курашчилар оёқларидаги жароҳатларга қарамай, ўз рақибларига қарши майдонга тушдилар...
© Sputnik / Рамиз Бахтияров
Полвонлар баҳси...
© Sputnik / Рамиз Бахтияров
Полвонлар баҳси...
© Sputnik / Рамиз Бахтияров
Полвонлар ҳар қандай ҳолатда ўринларидан туриб баҳсни давом эттирдилар...
© Sputnik / Рамиз Бахтияров
Рақибини енгган курашчи...
© Sputnik / Рамиз Бахтияров
Йирик вазндаги полвонлар кураши
© Sputnik / Рамиз Бахтияров
Исроиллик курашчи қиз...
© Sputnik / Рамиз Бахтияров
Халқаро кураш турнирини кузатиш учун тўпланган томошабинлар... Уларни қуёш жазирамаси ҳам, кечки салқин ҳам "қўрқита" олмади...
© Sputnik / Рамиз Бахтияров
Ўз эгаларини кутаётган совринлар...
© Sputnik / Рамиз Бахтияров
Кураш бўйича халқаро турнирни кузатиш учун Тошкентдан Шаҳрисабз шаҳрига велосипедда келган кураш мухлислари...
© Sputnik / Рамиз Бахтияров
Эронлик курашчи Жаъфар Паҳлавоний.
© Sputnik / Рамиз Бахтияров
Шаҳрисабз шаҳрида Ўзбекистон президенти соврини учун Амир Темур хотирасига бағишланган халқаро турнир иштирокчилари беллашуви...
© Sputnik / Рамиз Бахтияров
Шаҳрисабз шаҳрида Ўзбекистон президенти соврини учун Амир Темур хотирасига бағишланган халқаро турнир иштирокчилари беллашуви...
© Sputnik / Рамиз Бахтияров
Шаҳрисабз шаҳрида Ўзбекистон Республикаси Президенти соврини учун Амир Темур хотирасига бағишланган халқаро турнир давом этмоқда. Турнир давомида аёллар ўртасидаги беллашувларнинг финал босқичида 73 кг вазн тоифасида Гулнора Сулаймонова ( Ўзбекистан) Ли Хёнг Жонг (Жанубий Корея)га қарши гиламга чиқди.
Баҳсда Гулнора Сулаймонованинг қўли баланд келди. Ғалаба қилган Гулнозанинг хурсандчилик онлари...
© Sputnik / Рамиз Бахтияров
Шаҳрисабз шаҳрида Ўзбекистон Республикаси Президенти соврини учун Амир Темур хотирасига бағишланган халқаро турнирнинг мукофот топшириш қисми.
© Sputnik / Рамиз Бахтияров
Халқаро турнир ғолиблари - турнир давомида аёллар ўртасидаги беллашувларнинг финал босқичида 78 кг вазн тоифасида ўзбекистонлик Гулноза Матниёзова(ўртада) исроиллик Бан Фарин (чапдан учинчи)га қарши гиламга чиқди. Муросасиз кечган баҳсда Гулноза Матниёзованинг қўли баланд келди.
© Sputnik / Рамиз Бахтияров
Шаҳрисабз шаҳрида Амир Темур хотирасига бағишланган халқаро турнирнинг ғолиблари - ўзбекистонлик Шерали Жўраев (чапдан иккинчи) 10 минг доллар мукофотни қўлга киритди, эронлик Жаъфар Паҳлавоний (чапдан биринчи) 5 минг доллар мукофот билан тақдирландилар.

Теглар:

Шахрисабз, Кураш, Шерали Жўраев, спорт

Ердаги жаҳаннам: АҚШнинг Япония шаҳарларига атом бомбасини ташлаши

367

11:55 06.08.2020(Янгиланган 15:36 06.08.2020)

Хиросима куни – 6 августда бутун дунёда ҳар йили ядро қуролини тақиқлашга қаратилган куни ўтказилади. Шу куни 1945 йилда Америка авиацияси Япониянинг Хиросима шаҳрини атом бомбаси билан бомбардимон қилди.

1944 йил ёзида бомбани жанговар қўллашга тайёргарлик кўрилган. 1945 йил май-июн ойлари давомида Тинч океанининг Мариан ороллари архипелаги ва Тиниан оролларига Американинг 509-чи қўшма авиация гуруҳи етиб келди. 1945 йил 25 июлда АҚШ президенти Гарри Трумэн Хиросима, Кокуру, Ниигату ва Нагасаки шаҳарларини бомбардимон қилиш тўғрисида буйруқ берди.

75 йил олдин соат 8.15да 10 минг метр баландликдан уран зарядига эга бўлган Little Boy атом бомбаси Хиросима шаҳрига ташланди, бомба 600 метр баландликда портлади.

Атом бомбалари портлаши оқибатида 80 мингга яқин одам дарҳол ҳалок бўлди, 12 мингдан ортиқ одам бедарак йўқолди, 40 минг киши жароҳатланди.

Портлаш эпицентридан тўрт километр радиусда ёнғинлар бир неча соат давом этди. 12 квадрат километр майдонда бинолар - 90 минг уйдан 62 мингтаси бутунлай вайрон бўлди.

9 август куни соат 11.01 да АҚШ ракета-ташувчи самолёти экипажи Нагасаки шаҳрига Fat Man атом бомбасини ташлади. Бунинг оқибатида 73 мингдан ортиқ киши ҳалок бўлди ва бедарак йўқолди, кейинчалик ядро нурлашиш ва жароҳатлардан 35 минг киши вафот этди.

Икки бомба ташланиши натижасида сал кам 300 минг киши (қурбон, бедарак йўқолган) жабрланди, 200 минг киши радиактив нурланишга учради.

367

© AP Photo /
Нагасакида атом бомбаси портлашидан сўнг қўзиқорин шаклида булут ҳосил бўлди.
© AFP 2018 / HO
Хиросима - атом бомбаси ташланганидан сўнг.
© REUTERS / Gonichi Kimura / Hiroshima Peace Memorial Museum
Хиросима, атом бомбаси ташланиши оқибатида жабрланган киши.
© Foto : Public domain / Wayne Miller / National Museum of the U.S. Navy
Хиросима бомбардимон қилишдан сўнг вайроналар
© AP Photo / Nagarekawa Church
Хиросима вайрон бўлган ибодатхона.
© AP Photo /
Нагасаки атом бомбардимонини бошидан кечирган аёл боласи билан, 1945 йил 9 август.
© AP Photo / Stanley Troutman
Хиросимада мухбир вайрон бўлган кинотеатр олдида, 1945 йил 8 сентябрь.
© AP Photo /
Хиросима шаҳрида бомбардимон қилинишидан сўнг ҳосил бўлган булут.
© AP Photo /
Хиросима ва Нагасакини бомбардимон қилишда иштирок этган АҚШ учувчилари.
© AP Photo /
Вайрон бўлган Нагасаки, 1945 йил 24 сентябрь.
© AP Photo /
Хиросима бомбардимон қилишдан олдинги кўриниши, 1945 йил.
© AP Photo /
Жароҳатланганларга тиббий ёрдам кўрсатилмоқда, Хиросима.
© Foto : Public domain / Hiromichi Matsuda / Nagasaki Atomic Bomb Museum
Нагасаки осмонида ҳосил бўлган атом булути.
© Foto : Public domain / Shunkichi Kikuchi / Hiroshima Peace Media Center
Хиросима атом бомбаси ташланиши оқибатида жароҳатланган 22 ёшли эркак.
© Foto : Public domain / George Almarez / National Museum of the U.S. Navy
Хиросима шаҳрида бомба ташланиши оқибатида вайрон бўлган кўчаларда Америка ҳарбийлари.
© AP Photo /
Нагасакидаги Тории маросим дарвозаси.

Олимпиада-80: Ўйинлар давомида Москва қандай ўзгарди - видео

100

16:59 05.08.2020(Янгиланган 17:12 05.08.2020)

Ҳозирда дўкон пештахталаридаги сақичлар, темир банкалардаги газли ичимликлар ва юмшоқ пишлоқ ортиқча қизиқишга сабаб бўлмай қолган. Олимпиада-80 пайтида эса бу совет фуқаролари учун мисли кўрилмаган нарсалар эди.

Бундай маҳсулотлар СССРда ҳеч қачон татиб кўрилмаган. Қўққисдан буларнинг барчаси пойтахт пештахталарида пайдо бўлди. Пайдо бўлди-да ... ва яна ғойиб бўлди. Ҳамма нарсанинг ози яхши.

YouTube / Sputnik на русском

Олимпиада-80 СССРга қанчага тушган – видео

Ёзги ўйинлар совет Москвасидаги ҳаёт тарзини қандай ўзгартирди? Партия раҳбарлари нима учун Совет Иттифоқида гамбургер ва фри-картошкасини тақиқлади? Ва қандай қилиб Москва ҳайдовчилари чет элликларга экскурсияларни инглиз тилини билмасдан уюштиришган?

Саёҳатчи блогер Миша Ронкаинен 1980 йилга тушиб қолди ва ўзини Олимпия ўйинлари пайтидаги Совет фуқароси деб ҳис қилди.

Sputnik махсус “Москва-80: Ретро-tube” мультимедиа лойиҳасининг якуний сонида ўша даврга саёҳат қилинг ва баҳра олинг!

100

Мавзу:

Олимпиада-80: ҳаммаси қандай бўлган эди?

“Миллий тикланиш” тонировкани бепул қилишни таклиф қилмоқда

17:18 06.08.2020

Партия томонидан Вазирлар маҳкамасига автомобилларнинг ойналарини қорайтириш учун рухсатнома ва тўловларни бекор қилиш тўғрисида таклиф йўлланди.

ТОШКЕНТ, 6 авг — Sputnik. “Миллий тикланиш” демократик партияси Ўзбекистонда автомобиль ойналари тусини ўзгартириш (тонировка) учун белгиланган тўловларни бекор қилиш таклифи билан чиқди.

Тошкент шаҳар Мирзо Улуғбек тумани халқ депутатлари Кенгаши депутати Жаҳонгир Зияевнинг партия сайтида эълон қилинган мурожаатида таъкидланишича, рухсатноманинг қимматлиги сабабли 2019 йил статистикасига кўра, қорайтирилган ойнага рухсат берилган машиналар сони 0,1% дан кам бўлган.

“Тонировка” учун янги нархлар

“Ўзбекистон “Миллий тикланиш” демократик партияси юртдошларимизга қулайлик яратиш ҳамда мутахассисларнинг хулосасига кўра фуқароларнинг қуёшнинг ультрабинафша нурларидан тери саратони касалига чалинишларининг олдини олиш, автомобиль кондиционерларини камроқ ишлатилишига ва бунинг натижасида ёнилғи камроқ сарфланиб, атроф-муҳитга зарарли моддаларнинг камроқ чиқишига, пировардида экологияни асрашга эришиш мақсадида автомобиль ойналари тусини ўзгартириш учун белгиланган тўловларни бекор қилиш, зарур деб ҳисоблайди”, - дея ёзган депутат.

Партиянинг Қонунчилик палатасидаги фракцияси ва партиянинг Мирзо Улуғбек вилоятидаги халқ депутатлари Кенгашидаги депутатлик гуруҳи ҳукумат қарорига тегишли ўзгартириш киритиш бўйича таклиф тайёрлаган.

Эслатиб ўтамиз, аввалроқ Ўзбекистон Олий Мажлиси депутатлари Ҳукуматга тонировка нархини пасайтириш таклифи билан чиқишган эди.

Айни дамда Ўзбекистонда тонировка учун йиллик тўлов 11 млн 150 минг сўмни ташкил қилади.