Ўзбекистоннинг Биринчи президенти Ислом Каримов

Ислом Каримовга ҳайкал ясаш танловида Илҳом Жабборов ғолиб бўлди

1379
(Янгиланган 11:02 26.04.2017)
Ҳайкалнинг 68та лойиҳаси томошабинлар ҳукмига ҳавола қилинган эди. Танловда биринчи ўрин учун 25 минг доллар, иккинчи ўрин учун - 20 минг доллар, учинчи ўрин учун 15 минг доллар мукофот белгиланган

ТОШКЕНТ, 26 апр — Sputnik. Тошкентда Ўзбекистоннинг Биринчи президенти Ислом Каримовга ҳайкал ясаш бўйича Халқаро бадиий танлов якунлари эълон қилинди, деб хабар қилмоқда Sputnik Ўзбекистон мухбири.

Халқаро бадиий танлов якунларини Вазирлар Маҳкамаси томонидан тасдиқланган ҳакамлар ҳайъати тақдим қилди. Мустақил комиссия бу йўналишда катта ишлар қилиб, ўз хулосасини баён этди.

Танловда аксарият овозларни тўплашга муваффақ бўлган ҳайкалтарош Илҳом Жабборов ғолиб бўлди. Иккинчи ўрин — ёш ҳайкалтарош Жасванд Анназаровга, учинчи ўрин эса — Тўлаган Тожихўжаевга насиб этди.

"Мен танлов қатнашчилари ва ғолибларини чин юракдан табриклайман. Ғолибликка даъвогарлар кўп бўлгани учун энг муносиб ишларни саралаб олиш мураккаб кечди. Аммо эндиликда фақат олға қадам босиш керак, ҳайкалтарошлар олдида улкан вазифалар турибди. Мамлакат раҳбарияти она юртнинг буюк ўғлонлари ва аёллари хотирасини абадийлаштириш мақсадида катта ишларни амалга оширмоқда. Уларга республиканинги кўплаб шаҳарларида ҳайкаллар ўрнатилади. Шу боис, бу масалаларни ҳал этишда кучни ва ижодий ғояларни бир жойга жамлаб ҳаракат қилиш керак", — деган Ўзбекистон Бадиий академияси раиси Акмал Нур.

Победителем в конкурсе на памятник Каримову стал Ильхом Жаббаров
Sputnik
Победителем в конкурсе на памятник Каримову стал Ильхом Жаббаров

У шунингдек, барча ҳайкалтарошларни Шароф Рашидов, Абдулла Орипов, Озод Шарофитдинов, Саид Аҳмад ва Саида Зуннунова ҳамда Муҳаммад Юсуфга ҳайкаллар яратиш бўйича ўтказилиши белгиланган танловларда фаол иштирок этишга ва бу билан ватан равнақига ҳисса қўшишга чорлаган.

Эслатиб ўтамиз, ушбу танловда Ўзбекистон Украина, Жанубий Корея, Туркманистон, Германия, Италия ва Австралиядан жами 58 нафар муаллифлар иштирок этди. Ҳайкалнинг 68та лойиҳаси томошабинлар ҳукмига ҳавола қилинди. Танловда биринчи ўрин учун 25 минг доллар, иккинчи ўрин учун — 20 минг доллар, учинчи ўрин учун — 15 минг доллар пул мукофоти белгиланган.

Ильхом Жаббаров мамлакатнинг энг машҳур ҳайкалтарошларидан биридир. Тошкентдаги Фурқат (бронза, гранит, 1982; меъмори С. Сутягин), Ургутдаги Навоий (мис, 1985), Намангандаги Машраб (мис, 1988), Тошкент (1992), Самарканд (1997) ва Шаҳрисабз (1997)даги Амир Темур ҳайкаллари (бронза; меъмори Ф. Ашрафий), Фарғонадаги Ал Фарғоний (бронза, 1998), Тошкентдаги "Она" (бронза, 1999), Урганчдаги Жалолиддин Мангуберди (2000) ҳайкаллари муаллифи Жабборовдир.

2001 йилда "Меҳнат Шуҳрати" ордени билан мукофотланган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

1379
Теглар:
Озод Шарофитдинов, Ислом Каримов, ҳайкал
Медицинский работник в санитарном шлюзе

"Абадий коронавирус"нинг илк ҳолатлари аниқланди. Шифокорлар ҳайратда

606
Шифокорлар айрим беморлар нега "абадий" коронавирусга чалинишлари ва бундай турдаги инфекцияни юқтирмаслик йўллари ҳақида маълумот бердилар

ТОШКЕНТ, 4 мар — Sputnik. АҚШлик шифокорлар биринчи маротаба бир нечта беморларда "абадий" коронавирусни аниқладилар. Бу ҳақда medRxiv портали хабар бермоқда.

Жанубий Калифорния университети мутахассислари коронавирус билан беморланган уч нафар инсоннинг касаллик даври ярим йилдан ортиқ вақт давом этаётганини аниқладилар.

Тадқиқот давомида шифокорлар бу нима эвазига рўй бераётганини аниқлашди. medRxiv портали маълумотларига кўра, ушбу беморлар оғир касалликлардан азият чекмоқда. Масалан, бир ўсмир ва боғча ёшидаги ўғил ва қизалоқда лейкемия касаллиги қайд этилган бўлиб, бу дард уларга коронавирусдан тезда соғайиб кетишларига имкон қолдирмаган.

"Иммунитети суст, SARS-CoV-2га чалинган одамлар мутациялар тўпланиши ва келгусида иммун реакцияларга қаршилик кўрсата оладиган янги штаммлар пайдо бўлиши учун резервуар сифатида хизмат қилишлари мумкин, деган ташвиш тобора ортмоқда". - дейди мутахассислар.

Тадқиқотчилар хулосаларига кўра, иммун тизими юпқалашган одамлар коронавирус олдида ўта мўрт бўлиб қоладилар.

Шу билан бирга, шифокорлар сўзларига кўра, коронавирус организмда узоқ вақт давомида бўла туриб, фаол равишда ўзгара бошлайди. Шу туфайли кўплаб мутациялар пайдо бўлиб, улар инфекцияларга антитаначалар ҳужумидан омон қолишга ёрдам беради.

Шу тариқа, беморлар, ярим йил давомида инфекцияга чалинишлари мумкин. Беморлардан бири ҳатто унда коронавирус аниқланганининг 250-кунида ҳам юқумлилик эҳтимолини сақлаб қолган.

Шифокорларнинг таъкидлашларича, бу сингари касалликлар бўлмаса инсон COVID-19ни 10 кун давомида тарқатиши мумкин.

606
В России показали первый в мире снимок британского штамма COVID-19

"Роспотребнадзор" Ўзбекистонда айланувчи коронавирус штаммининг ўзгаришини ўрганади

118
Евроосиё маконида интеграция жараёнларининг бир қисми тариқасида санитария-эпидемиология стандартларини уйғунлаштириш ва лаборатория базаларини такомиллаштириш ҳамкорликнинг энг муҳим йўналишларидан бири экани санаб ўтилган

ТОШКЕНТ, 4 мар - Sputnik. "Роспотребнадзор" Ўзбекистонда айланувчи коронавирус штаммининг ўзгаришини ўрганиш билан шуғулланади, бу ҳақда "Роспотребнадзор" раҳбари Анна Попованинг Ўзбекистон соғлиқни сақлаш вазири Абдуҳаким Хаджибаев бошчилигидаги делегация билан учрашувида айтилди.

Музокараларнинг асосий мавзуси юқумли касалликлар, шу жумладан янги коронавирус инфекциясига қарши курашда ҳамкорлик қилиш бўлди. Россия ва Ўзбекистон умумий юқумли таҳдидларга дуч келмоқда, шунинг учун ҳам аҳолининг санитария-эпидемиологик фаровонлигини таъминлаш бўйича умумий ёндашувларни шакллантириш мамлакатлар ўртасидаги ўзаро муносабатларда алоҳида аҳамиятга эга.

Ўзбекистон томони мамлакат учун энг қийин бўлган коронавирус пандемияси даврида ёрдам кўрсатгани учун "Роспотребнадзор"га миннатдорчилик билдирган.

Учрашув якунида Ўзбекистонда айланиб юрган янги коронавирус вируси штаммидаги ўзгаришларни биргаликда ўрганиш, шунингдек, Ўзбекистон Республикаси аҳолисининг COVID-19га қарши иммунитетини ўрганиш бўйича тадқиқотлар ўтказиш тўғрисида келишувга эришилган.

Ҳамкорликни ривожлантиришнинг энг муҳим йўналишлари қаторида томонлар Ўзбекистон Санитария-эпидемиологик осойишталик ва аҳоли соғлиғини сақлаш хизматларининг салоҳиятини оширишни, шунингдек Евроосиё маконида интеграция жараёнларининг бир қисми тариқасида санитария-эпидемиология стандартларини уйғунлаштириш ва лаборатория базаларини такомиллаштириш бўйича маслаҳат ёрдамларини беришни санаб ўтганлар.

118
Мавзу:
COVID-19 умумжаҳон пандемияси
Шавкат Мирзиёев поздравил Узбекистан с Днем конституции

Мирзиёев бир гуруҳ аёлларни байрам муносабати билан тақдирлади

88
(Янгиланган 20:25 04.03.2021)
Президент 8 март байрами арафасида бир гуруҳ аёлларни фахрий унвон, орден ва медаллар билан мукофотлади. Улар орасида актрисалар Гавҳар Зокирова ва Лола Элтоева ҳам бор.

ТОШКЕНТ, 4 мар — Sputnik. Ўзбекистон президенти Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни фахрий унвон, орден ва медаллар билан мукофотлади.

Улар мамлакатда олиб борилаётган туб ислоҳотларда фаол қатнашиб, янги Ўзбекистонни барпо этиш, халқ фаровонлигини юксалтириш йўлида ташаббус ва ибрат кўрсатиб келаётганлари учун ушбу мукофотларга лойиқ кўрилган.

“Ўзбекистонда хизмат кўрсатган ёшлар мураббийси” фахрий унвони билан Ўзбекистон Вазирлар Маҳкамаси ҳузуридаги Дин ишлари бўйича қўмитанинг хотин-қизлар билан ишлаш бўлими бошлиғи Фарида Абдураҳимова, Қорақалпоғистон тиббиёт институти ректори, Олий Мажлис Сенати аъзоси  Орал Атаниязова тақдирланган.

"Саодат" журнали бош муҳаррири Мунаввархон Усмонова "Ўзбекистонда хизмат кўрсатган маданият ходими" фахрий унвони билан мукофотланган.

Тўрт киши "Фидокорона хизматлари учун" ордени билан тақдирланган. Улар орасида Ўзбек Миллий академик драма театри актрисаси Гавҳар Зокирова ҳам бор.

24 киши "Меҳнат шуҳрати" орденига лойиқ кўрилган. Улар орасида Тўрақўрғон тумани ҳокими Зулайҳо Маҳкамова ҳам бор.

"Дўстлик" орденига 31 киши муносиб кўрилган. Тақдирланганлар орасида Ўзбек Миллий академик драма театри актрисаси Лола Элтаева ҳам бор.

7 киши II даражали "Соғлом авлод учун" ордени, яна 7 киши II даражали "Саломатлик" ордени, 4 киши "Соғлом турмуш" медали, 4 киши "Содиқ хизматлари учун" медали, 9 киши "Келажак бунёдкори" медали билан, 33 киши "Шуҳрат" медали билан тақдирланган.

Қуйида тақдирланганларнинг тўлиқ рўйхати билан танишиш мумкин.

88