Темир йўллар

Буюк Ипак Йўли давлатлари соатига 400 км тезликда ҳаракатланадиган поезддан фойдаланишади

614
(Янгиланган 14:56 03.05.2017)
"Учар" поездлар фақатгина янги Ипак йўли бўйида жойлашадиган давлатларда бўлади

ТОШКЕНТ, 3 май — Sputnik, Иван Булатов. Хитой томонидан ишлаб чиқарилаётган янги тезюрар поезд соатига 400 километр тезликда ҳаракатланади. Бундай поездлардан 2020 йилга келиб янги Ипак Йўли бўйлаб жойлашадиган мамлакатлар фойдаланишлари мумкин бўлади.

Бу ҳақда China Railway Rolling Stock Corp. компаниясининг ширкати — CRRC Changchun Railway Vehicles Co катта муҳандиси Цяо Фэн хабар қилган.

Цяо Фэннинг сўзларига кўра, янги поездни ишлаб чиқаришда янги материаллардан фойдаланилади, масалан, углеводород толалари ва алюминий қотишмасидан. Фэн янги поездлар 2020 йилга келиб янги Ипак Йўли мамлакатлари бозорларида ишга туширилишини қайд этди. Фэн Цяо янги поездлар минтақавий алоқаларни йўлга қўйишга ёрдам бериб, Хитой ҳамда Ипак йўли бўйидаги хориж иқтисодиётлари учун янги бизнесни яратишини таъкидлади.

ХХРнинг ислоҳотлар ва тараққиёт бўйича қўмитаси ходими Фэн Хао ушбу йўл бўйлаб жойлашган кўпгина мамлакатлар, айниқса, Марказий Осиё, Жануби-Шарқий Осиё, Яқин Шарқ ва Шарқий Европа давлатлари катта тезликда юриладиган темир йўллар қурилиши ёки мавжудларини янгилаш режасида эканлигини айтиб, бу масалада ушбу давлатлар Хитойдан техник кўмак олиш ниятида эканини маълум қилган.

Эслатиб ўтамиз, Ўзбекистон президенти Шавкат Мирзиёев май ойи ўрталарида Хитойга ташриф уюштиришни режалаштирмоқда.

Ўзбекистон президенти ушбу сафари давомида "Бир камар — бир йўл" анжуманида иштирок этишни режалаштирган. ХХР раҳбарияти томонидан олға сурилган ушбу тамойил, айниқса, Буюк Ипак йўли иқтисодий камарини яратиш ғояси Ўзбекистон томонидан тўлиқ қўллаб-қувватланган.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
614
Теглар:
тезюрар поезд, Ўзбекистон, Хитой

Ўзбекистонга Эрондан илиқ ҳаво оқими кириб келади

758
Дам олиш кунларида республиканинг шимоли ва чўл зоналарида шамолнинг тезлиги секундига 17-22 гача кучаяди.

ТОШКЕНТ, 23 май - Sputnik. Дам олиш кунларида Ўзбекистон шимолий ва жанубий ҳудудларига Эрондан  қуруқ ва илиқ ҳаво оқими кириб келади, деб хабар бермоқда Ўзгидромет хизмати.

Республика бўйича ҳавонинг очиқ бўлиши кутилмоқда. Термометр устунчаси кундуз куни 28-31 даражагача кўтарилади. Республиканинг шимолий, чўл зоналари ва жанубида ҳарорат бундан ҳам иссиқ, яъни 33-35 даражани ташкил этади.

23-24 май кунлари Ўрта Осиё ҳудуди устидаги жанубий оқимлар кучайиб, ҳаво ҳароратининг кўтарилиши давом этади. Кечаси ҳарорати 15-18 даража, кундузи 35-37 даражагача, шимолий, жанубий ва чўл зоналарида эса 38-40 даражагача кўтарилади. Бундай ҳарорат ўртача кўп йиллик кўрсаткичлардан 4-6 даражага юқори бўлиб, энг иссиқ йилларда шу кунда кузатилган ҳароратга яқин бўлади.

Республиканинг шимоли ва чўл зоналарида шамолнинг тезлиги секундига 17-22 гача кучаяди.

758

Ўзбекистон фуқароларини хориждан қайтариш учун 17та рейс ташкил қилинади

529
(Янгиланган 18:59 23.05.2020)
Давлат раҳбарининг кўрсатмаларига мувофиқ хориждаги Ўзбекистон фуқароларини Ватанга олиб келиш учун навбатдаги чартер рейслариинг жадвали тасдиқланди. 

ТОШКЕНТ, 23 май - Sputnik. Транспорт вазирлиги 25 майдан 7 июнга қадар фуқароларни хориждан олиб келиш бўйича чартер рейслар рўйхатини эълон қилди.

"Давлат раҳбарининг кўрсатмаларига мувофиқ хориждаги Ўзбекистон фуқароларини Ватанга олиб келиш учун навбатдаги чартер рейслариинг жадвали тасдиқланди.  Унга кўра жорий йилнинг 25 майидан 7 июнь кунлари давомида 17 та рейс орқали хориждаги фуқаролар эвакуация қилинади", - дейилади вазирлик хабарида. 

25-31 май кунларига белгиланган рейслар жадвали:

25 май. Тошкент - Екатеринбург - Тошкент 

26 май. Тошкент - Москва – Тошкент

27 май. Тошкент - Санкт-Петербург – Тошкент

28 май. Тошкент - Ростов-Дон – Тошкент

28 май. Тошкент - Истанбул – Тошкент

29 май.  Тошкент - Санкт-Петербург – Тошкент

29 май. Тошкент - Москва – Тошкент

30 май. Тошкент - Москва – Тошкент

1 – 7 июнь  кунларига белгиланган рейслар жадвали:

1 июнь. Тошкент - Истанбул – Тошкент

2 июнь. Тошкент - Москва – Тошкент

3 июнь. Тошкент - Шаржа - Тошкент 

3 июнь. Тошкент - Москва – Тошкент

4 июнь. Тошкент - Санкт-Петербург – Тошкент

5 июнь. Тошкент - Москва – Тошкент

6 июнь. Тошкент – Қоҳира – Тошкент

6 июнь. Тошкент - Новосибирск – Тошкент

7 июнь. Тошкент - Санкт-Петербург – Тошкент.

529
Жасур Яхшибоев

Яхшибоев Беларусь чемпионатида яна пешқадамга айланди

78
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

78