Ўзбекистон кўчаларида ҳаракатланаётган Камаз машинаси

Контрабанда: Ўзбекистон МХХ рангли металл ортилган "КамАЗ"ни қўлга олди

732
(Янгиланган 14:06 04.05.2017)
Божхона назоратини четлаб ўтиш мақсадида контрабандачилар рангли металларни Козоғистонга айланма йўллар орқали олиб чиқишга ҳаракат қилишган

ТОШКЕНТ, 4 май — Sputnik. Миллий хавфсизлик хизмати ходимлари томонидан кўп миқдорда рангли металлар партияси олиб чиқилишининг олди олинди. Бу ҳақда Sputnik мухбирига Миллий хавфсизлик хизмати вакили хабар қилди.

Хабарга кўра, тезкор ходимлар Қозоғистонга рангли металлар партияси олиб чиқилишига тайёргарлик кўрилаётганлиги ҳақида маълумот олишган. Божхона назоратини четлаб ўтиш мақсадида, контрабандачилар юкни кўп тонналик транспорт воситасида айланма йўллар орқали чегараолди Тахтакўпир тумани орқали қўшни давлатга олиб чиқишни кўзлаганлар. Лекин контрабанда операцияси юк автомашинасининг техник носозлиги туфайли амалга оширилмай қолди.

"Махсус хизмат ходимлари томонидан давлат чегараси яқинида давлат рақамлари бўлмаган шубҳали юк автомашинаси аниқланди. Тезкор ходимлар воқеа жойига етиб боришганида, юк автомашинаси олдида ҳеч ким бўлмаган. Автомашина кузови кўздан кечирилганда кўп миқдорда рангли металлар партияси борлиги аниқланган. Эҳтимол, қоидабузарлар ушбу юкни Қозоғистонга олиб чиқишни кўзлашган", — деди МХХ ходими.

Қўшимча текширув ўтказиш учун "КамАЗ" русумли юк машинаси Нукус шаҳрига етказилган. Экспертиза натижасига кўра, транспорт воситасининг кузовида 11 тонна рангли металлар мавжудлиги аниқланган. Ҳозирда мазкур ҳолат юзасидан суриштирув ишлари олиб борилиб, қоидабузарликка алоқадор шахслар қидирилмоқда.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

732
Теглар:
контрабанда, МХХ, Ўзбекистон
Перевал Камчик

Қамчиқ довони юк машиналари учун ёпилди

103
(Янгиланган 09:24 25.02.2021)
Вазирлик томонидан эълон қилинган видеода "Қамчиқ" махсус-қидирув, ёнғин-қутқарув бошқармаси бошлиғи фуқаролардан зарурат бўлмаса довон орқали ҳаракатланмасликни сўраган.

ТОШКЕНТ, 25 фев - Sputnik. Фавқулодда вазиятлар вазирлиги ҳаво ҳароратининг кескин пасайиши ва кучли қор ёғиши натижасида йўлларда музламалар ҳосил бўлаётгани сабаб Қамчиқ довони юк машиналари учун ёпилганини маълум қилди.

"Шамол кучайган, довонда айни пайт ҳаво ҳарорати -12 градусни ташкил этмоқда. Ҳозирча енгил автомобиллар ҳаракатланмоқда. Қор ёғиши кучайиб, йўлларда ҳаракатланиш хавф туғдира бошласа, Қамчиқ тўлиқ ёпилиши ҳам мумкин", — дейилади хабарда.

Вазирлик томонидан эълон қилинган видеода "Қамчиқ" махсус-қидирув, ёнғин-қутқарув бошқармаси бошлиғи фуқаролардан зарурат бўлмаса довон орқали ҳаракатланмасликни сўраган.

Аввалроқ, Ўзгидромет мамлакатда 25-27 февралда совуқ об-ҳаво кутилаётгани ҳақида огоҳлантирган эди.

103
Вертолет Airbus ВВС Узбекистана

Ўзбекистон Airbus Helicopters компаниясидан вертолётлар сотиб олишни режалаштирмоқда

366
(Янгиланган 21:02 24.02.2021)
Мазкур йўналишда Марказий Осиё минтақаси бозорида етакчи иштирокчига айланиш имкониятлари юзасидан фикр алмашилди

ТОШКЕНТ, 24 фев - Sputnik. Транспорт вазири ўринбосари Жасурбек Чориев ҳамда Airbus International компаниясининг Шарқий Европа ва Марказий Осиё  минтақаси бўйича вице президенти Жак Гарриг ўртасида бўлиб ўтган музокараларда француз компанияси билан ҳамкорлик алоқаларининг ҳозирги ҳолати ва истиқболли режалар муҳокама этилди.

Депутаты одобрили кандидатуру Илхома Махкамова на пост министра транспорта
Пресс-служба Законодательной палаты Олий Мажлиса

Хусусан, Airbus Helicopters компаниясидан вертолётлар сотиб олиш, ушбу ҳаво транспорт турида қатновларни йўлга қўйиш орқали мазкур йўналишда Марказий Осиё минтақаси бозорида етакчи иштирокчига айланиш имкониятлари юзасидан фикр алмашилди. Ушбу йўналишни ривожлантиришда хорижий давлатларнинг вертолётлар эксплуатацияси ва учувчилар учун тренинглар ўтказиш бўйича тажрибаларини ўрганиш масалалари муҳокама қилинди.

Шунингдек, Airbus International компанияси вакиллари аэропортларни бошқариш соҳасида ҳам ҳамкорлик алоқаларини йўлга қўйиш юзасидан ўз таклифларини билдиришди. Учрашув давомида француз томони жорий йилнинг май ойида Франция савдо вазирининг Ўзбекистонга ташрифи режалаштирилаётганини маълум қилди.  

Учрашув якунлари бўйича томонлар музокараларда кўтарилган масалалар юзасидан маълумотлар алмашиш ва истиқболда ҳамкорликда янги лойиҳаларни амалга ошириш юзасидан келишиб олишди.

 

366

Қозоғистонда қишлоқ хўжалиги ерларини хорижликларга сотиш тақиқланади

21
(Янгиланган 12:20 25.02.2021)
Тоқаев ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

ТОШКЕНТ, 25 фев — Sputnik. Қозоғистонда қишлоқ хўжалиги ерларини чет эллик жисмоний ва юридик шахсларга ижарага бериш ва сотиш тақиқланади. Мамлакат президенти Қасим-Жомарт Тоқаев тегишли қонун лойиҳасини тайёрлаш бўйича топшириқ берди.

Тоқаев Миллий жамоат ишонч кенгаши йиғилишида чиқиш қилаётиб, ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

“Мен бир неча марта ер хорижликларга сотилмаслигини айтганман. Бу борадаги миш-мишларга чек қўйиш даркор. Биринчидан, мен қишлоқ хўжалиги ерларини хорижликларга ва хорижлик юридик шахсларга сотиш, ижара беришни қонун билан тақиқлаш бўйича топшириқ бераман. Бу хорижлик улуши бор юридик шахслага ҳам тааллуқли”, - деди Тоқаев. Унинг сўзларидан Sputnik Қозоғистон келтирган.

Давлат раҳбари бу масалага оид қонун лойиҳасини президент девони ишлаб қилиши шартлиги қўшимча қилди.

21
Теглар:
Қасим-Жомарт Тоқаев, Қозоғистон