Таймерли светофор

Ўзбекистон ИИВ: танишинг, қоидаларни писанд қилмайдиган "миллионер" ҳайдовчилар

3742
(Янгиланган 15:00 18.05.2017)
Тошкент кўчаларида видеокузатув камералари ўрнатилганидан буён қоидабузарликка йўл қўйган ҳайдовчиларнинг айримлари катта миқдорда жарима тўлашга мажбур бўлишмоқда. Ўзбекистон ИИВ эса камералар "назарига" тушган энг ашаддий қоидабузарлар рейтингини эълон қилиб бормоқда

ТОШКЕНТ, 18 май — Sputnik. Май ойининг бошларида Тошкент телеканалининг "Пойтахт-Вазият" дастурида камералар ўрнатилганидан буён энг кўп қоидабузарлик содир этган ҳайдовчи 9 миллион 435 минг 825 сўм жаримага тортилгани хабар қилинган эди. Қоидабузар 32 марта светофорнинг тақиқловчи ишорасида ҳаракатланган.

Ўзбекистон ИИВ матбуот-хизмати энг ашаддий қоидабузар ҳайдовчиларнинг янги рейтингини эълон қилди.

Демак, йўл қоидаларига беписандлик билан қарайдиган ҳайдовчилар "рейтинг"да биринчи ўринни пойтахтнинг Чилонзор туманида жойлашган "Gold Air Travel" МЧЖга қарашли, давлат рақами 01 216 WDА бўлган "Малибу" ҳайдовчиси эгаллаган. Ҳайдовчи кўп эмас, оз эмас — жами 17 маротаба йўл ҳаракати қоидаларини бузган.

Ҳайдовчи 16 марта ҳаракатланиш тезлиги талабларига бўйсунмагани ва 1 маротаба светофорнинг тақиқловчи ишорасида ҳаракатлангани учун унга солинган жарима миқдори 8 миллион 87 минг 850 сўмни ташкил қилган.

Рейтингнинг иккинчи поғонасини Юнусобод туманидаги "Bilol Myagkaya krovlya" корхонасига тегишли, давлат рақами 01 305 YDА бўлган "Ласетти" эгаллади. Автомобил ҳайдовчиси қоидабузарликлари туфайли 13 марта кузатув камераларига тушган. Жумладан, манзилга жудаям ошиққан, шекилли, 11 марта тезликни белгиланган меъёрдан оширган, 2 мартасида светофорнинг тақиқловчи ишорасига бўйсунишни "хоҳламаган".

Ҳайдовчига солинган умумий жарима миқдори эса 2 миллион 845 минг 725 сўмни ташкил этган.

Тошкент шаҳар ҳокимлигининг маъмурий бинолардан фойдаланиш дирекциясига тегишли "Эпика" русумли автоулов ҳайдовчисига ҳам совринли ўрин "насиб" этган. Ҳайдовчи давлат рақами 01 206 TВА бўлган мазкур транспорт воситасини бошқараётиб, "бор-йўғи" 12 маротаба йўл ҳаракати қоидаларини бузган ва шубҳасиз видеокамералар "нигоҳи"дан четда қолмаган. Айтганча, "Эпика" ҳайдовчиси светофорнинг тақиқловчи ишорасини хуш кўрмайдиёв, акс ҳолда, чорраҳаларда 7 марта "қизил"да ўтмасди.

Эпика ҳайдовчиси қайд этилган қоидабузарликлар учун 2 миллион 845 минг 725 сўм миқдорида жарима тўлайди.

Олмазор туманидаги "Orange taxi" МЧЖга қарашли "Нексия" (давлат рақами 01 270 TТС) ҳайдовчиси "рейтинг"нинг тўртинчи ўрнини "эгаллади". У кузатув камералари ишга тушганидан буён 11 марта қоидабузарликлар содир этган.

Нексия соҳибига 2 миллион 96 минг 850 сўм жарима солинган.

Ва, ниҳоят, сўнгги бешинчи ўрин "соҳиби" билан танишинг.

Сергели туманида жойлашган МЧЖ "Global Building Machinery" корхонасининг "Малибу" (давлат рақами 01 077 VDА) автомашинаси ҳайдовчиси 9 марта кузатув камераларига томонидан "суратга олинган". Ҳайдовчи 8 марта белгиланган тезлик талабларига амал қилмаган. Бир ҳолатда эса светофорнинг қизил чироғини "кўрмай қолган". Унга 2 миллион 695 минг 950 сўмлик жарима солинган.

Йўл ҳаракати қоидаларига амал қилмайдиган, энг ёмони қоидаларни писанд қилмайдиган бундай ҳайдовчиларга нима дейиш мумкин? Йўл қўйган қоидабузарликларингиз учун жарима тўласангиз, сизни давлат кечириши мумкиндир, аммо аварияга сабаб бўлиб, кимнингдир умрига зомин бўлсангиз-чи? Балки, автомобилни эҳтиёткорлик билан бошқариш вақти келгандир?..

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

3742
Теглар:
камера, ИИВ, жарима
Флаг Шанхайской организации сотрудничества и флаги стран участниц ШОС

ШҲТга аъзо давлатлар транспорт вазирликлари ҳамкорлик масаласида фикр алмашишди

79
Шанхай ҳамкорлик ташкилоти (ШҲТ) га аъзо давлатлар транспорт вазирларининг саккизинчи йиғилиши бўлиб ўтди.

ТОШКЕНТ, 29 окт - Sputnik. ШҲТ га аъзо давлатлар транспорт вазирликлари вакиллари ўзаро ҳамкорликни ривожлантириш масалаларини муҳокама қилишди, деб хабар бермоқда Транспорт вазирлиги ахборот хизмати.

2020 йил 28 октябрь куни видеоконференцалоқа шаклида Шанхай ҳамкорлик ташкилоти (ШҲТ) га аъзо давлатлар транспорт вазирларининг саккизинчи йиғилиши бўлиб ўтди.

Йиғилишда Ўзбекистон делегациясига транспорт вазирининг ўринбосари Даврон Деҳқонов бошчилик қилди.

Учрашувда томонлар ҳамкорлик алоқаларини ривожлантириш истиқболлари ҳамда соҳага замонавий рақамли технологияларни кенг жорий этиш масалаларини муҳокама этишди.

Шунингдек, томонлар транспорт-логистика соҳасида кўп томонлама савдо иқтисодий ҳамкорлик лойиҳасини амалга ошириш дастури доирасида ишларни ўзаро мувофиқлаштириш юзасидан фикр алмашишди.

"ШҲТга аъзо давлатлар ўртасида транспорт соҳасидаги ҳамкорлик улкан салоҳиятга эга, уни амалга ошириш, шубҳасиз, мамлакатларимизнинг барқарор ривожланиши ва кўп томонлама савдо-иқтисодий алоқаларни мустаҳкамлашга хизмат қилади", - деди Деҳқонов.

Учрашувда фавқулодда вазиятлар, хусусан, коронавирус эпидемияси тарқалиши шароитида траспорт тармоқларининг барқарор ишлашини таъминлаш масалалари, шунингдек, пандемиядан кейинги даврда соҳани ривожлантириш юзасидан фикр алмашилди. 

79
Ученый-востоковед Андрей Кубатин

Машҳур турколог олим Андрей Кубатин вафот этди

136
(Янгиланган 18:48 29.10.2020)
Андрей Кубатин вафоти муносабати билан ижтимоий тармоқ фойдаланувчилари олимнинг оиласига, биринчи галда турмуш ўртоғига чуқур ҳамдардлик изҳор қилишмоқда

ТОШКЕНТ, 29 окт - Sputnik. Турколог олим Андрей Кубатин 36 ёшида коронавирус касаллигидан оламдан ўтди. Бу ҳақда Кубатиннинг ижтимоий тармоқдаги саҳифаларида хабар берилди.

Айни вақтда ижтимоий тармоқларда олим вафоти муносабати билан унинг яқинларига ҳамдардлик билдирилмоқда.

Андрей Кубатин 2019 йил декабрдан буён Ўзбекистон ФА Миллий археология марказида фаолият юритиб келаётганди.

"Ўзбек илм дунёси умидли олимидан айрилди. Тўлдирилиши қийин бўлган йўқотиш... Минг афсуски, унинг ҳали қиладиган ишлари кўп эди... Инна лиллаҳи ва инна илайҳи рожиъун, Аллоҳ раҳматига олсин", - деб ёзган Кубатинни таниган инсонлардан бири.

Тошкент давлат шарқшунослик институтининг катта ўқитувчиси бўлиб ишлаган ёш олим 2017 йили Жиноят кодексининг 157-моддаси ("Давлатга хоинлик қилиш") назарда тутилган жиноятларни содир этишда айбланиб ҳибсга олинганди. Ўша йили Кубатинга нисбатан 11 йилга озодликдан маҳрум қилиш жазоси тайинланган.

2019 йил 26 сентябрь куни Тошкент вилояти судида Кубатиннинг иши қайта кўриб чиқилган ва олим тўлиқ оқланиб, суд залидан озод этилган. 

136
Рабочие на стройплощадке

Қурилиш ва “яширин иқтисодиёт”: ҳуқумат қарори лойиҳаси тайёрланди

148
“Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси тайёрланди.

ТОШКЕНТ, 29 окт — Sputnik. “Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси умумий муҳокамага қўйилди.

Қурилиш ташкилотлари томонидан ўз яширин фаолиятини ихтиёрий равишда қонунийлаштириши учун 2020 йил 1 декабрдан қуйидаги рағбатлантириш механизмлари жорий қилиш таклиф этилмоқда:

а) норасмий бандлик ҳолатлари кузатилмаган ёки яширин фаолиятни тўлиқ бартараф этган қурилиш ташкилотлари реестри юритилади.

Реестрга кирган қурилиш ташкилотларга қурилиш объектларида бажарилган ишлар учун буюртмачи томонидан маблағ ажратилгунга қадар даромад ва иш ҳақидан бўлган солиқларни тўлаш муддатини мутаносиб равишда узайтиришга рухсат этилади.

б) ўрганиш жараёнида нолегал ходимларни расмийлаштирган қурилиш ташкилотига уларнинг касбий малакасини ошириш, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун Бандликка кўмаклашиш давлат жамғармаси маблағлари ҳисобидан субсидия берилади. Бунда:

субсидия касбий малакани ошириш учун ҳар бир ходим учун 6 ой муддатгача ҳар ойда базавий ҳисоблаш миқдорининг 4 баравари миқдоригача, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун бир марта базавий ҳисоблаш миқдорининг 10 баравари миқдоригача берилади;

ишчи гуруҳлар томонидан аниқланган норасмий ишлаётган ходимларга уларни касбга ўқитиш, қайта ўқитиш, малакасини ошириш учун касб-ҳунарга ўқитиш марказларига йўлланма берилади, бунда иш берувчи томонидан ушбу ходимларни ўқишдан кейин расмий равишда ишга олиш бўйича кафолати олинади.

в) қурилиш ташқилотлари томонидан 2020 йил 1 декабрга қадар ишчиларга норасмий иш ҳақи тўланган холатлар юзасидан ҳуқуқий чоралар қўлланилмайди ва юзага келиб чиқиши мумкин бўлган ҳар қандай солиқ ва мажбурий тўловлардан воз кечилади, бир йил ичида ишчиларига норасмий иш ҳақи тўланган холатлар аниқланган қурилиш ташкилотлар бундан мустасно.

Қурилиш ташкилотларига айрим қурилиш ишлари турлари бўйича ўзини ўзи банд қилган шахсларни хизмат кўрсатиш шартномаси асосида жалб этишга рухсат бериш кўрсатилмоқда.

Бандлик ва меҳнат муносабатлари вазирлиги ва суғурта компаниялари томонидан иш берувчилар, шу жумладан қурилиш ташкилотлари ўз фуқаролик жавобгарликларини мажбурий суғурта қилганлигини биргаликда мониторинг қилиш тажрибаси жорий этиш таклиф қилинмоқда.

Бандлик ва меҳнат муносабатлари вазирлиги Давлат солиқ қўмитаси билан биргаликда икки ой муддатда фаолиятида ходимлар сонини яшириш аниқланган ҳолатлари бўйича мансабдор шахсларга базавий ҳисоблаш миқдорининг йигирма беш бараваридан эллик бараваригача, худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга эллик бараваридан юз бараваригача миқдорда жарима солинишини назарда тутувчи таклифлар ишлаб чиқиш режалаштирилган.

148