Россиядаги Ўзбекистон элчихонаси

Ўзбекистон элчихонаси Россиядаги ватандошлар билан саййёр учрашувлар ўтказади

303
(Янгиланган 11:40 18.06.2017)
5 июл куни бўлажак Ўзбекистон ташқи ишлар вазирининг ҳамюртларимиз билан тўғридан-тўғри мулоқотига таййёргарлик доирасида Россиянинг Астрахан вилоятидаги ватандошларимиз билан саййёр қабул ташкиллаштирилди. Музокаралар натижасида қўлга олинган фуқаролар ҳужжатларини расмийлаштиришда ҳамкорлик механизмини соддалаштириш бўйича келишувга эришилди

ТОШКЕНТ, 18 июн — Sputnik. 5 июл куни Ўзбекистон ташқи ишлар вазири ҳамюртларимиз билан тўғридан-тўғри мулоқот ўтказади, деб хабар қилди Ўзбекистон ТИВ матбуот-хизмати.

Ўзбекистон Республикасининг Москва шаҳридаги Элчихонаси томонидан 5 июл куни бўлажак Ўзбекистон ташқи ишлар вазирининг ҳамюртларимиз билан тўғридан-тўғри мулоқотига таййёргарлик доирасида Россиянинг Астрахан вилоятидаги ватандошларимиз билан саййёр қабул ташкиллаштирилди.

Доимий яшовчи фуқароларимиз, меҳнат муҳожирлари ҳамда Астраханнинг олий таълим муассасаларида таҳсил олаётган ёш талабалар билан учрашувлар ўтказилди. Ноқонуний миграция, одам савдоси, диний экстремизм, террористик фаолиятга қўшилишни олдини олишга боғлиқ муаммолар ва бошқа масалалар муҳокама қилинди.

Яшаб турган давлат қонунларига сўзсиз риоя этиш ва ўз ҳужжатларини эҳтиёткорлик билан сақлаш зарурлиги таъкидланди.

Саййёр консуллик қабул давомида, фуқаролик, ватанга қайтиш сертификати ва туғилганлик тўғрисидаги гувоҳномани расмийлаштиришга оид турли масалалар бўйича 51та ҳужжат кўриб чиқиш учун қабул қилинди.

Дипломатлар Астрахан шаҳридаги чет эл фуқароларини вақтинчалик ушлаб туриш марказида ҳам бўлдилар ва мазкур муассаса раҳбарияти, шунингдек, бу ердаги Ўзбекистон фуқаролари билан учрашдилар ҳамда ушбу марказдаги шароитлар билан танишдилар. Муассаса маъмурияти билан музокаралар натижасида қўлга олинган фуқаролар ҳужжатларини расмийлаштиришда ҳамкорлик механизмини соддалаштириш бўйича келишувга эришилди.

Илгарироқ "Халқ билан мулоқот ва инсон манфаттлари йили" Давлат дастурида белгиланган топшириқларни бажариш мақсадида Россиянинг Ростов вилояти ва Краснодар ўлкасида саййёр қабуллар ўтказилган эди, дейилган хабарда.

Шунингдек, Ўзбекистон Элчихонаси яқин кунларда Москва шаҳридан узоқда бўлган Россиянинг бошқа минтақаларида ҳам консуллик бўлими ходимлари сафар қилишлари режалаштирилаётгани қўшимча қилинган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

303
Теглар:
Элчихона, депортация, консуллик, Россия
Плов

Ўзбекистонда энг арзон палов қаерда тайёрланади - статистика қўмитаси баёноти

54
Маълумотларга кўра, мамлакат бўйича энг арзон палов Қорақалпоғистонда тайёрланади. У ерда бир порция палов ўртача 13 883 сўмдан сотилмоқда. Энг қиммат палов эса Бухоро вилояти (18 667 сўм) ва Тошкент шаҳрида (18 600 сўм) экани аниқланган.

ТОШКЕНТ, 1 окт - Sputnik. Ўзбекистонда энг қиммат ва энг арзон ош қаерда тайёрланаётгани маълум қилинди
Давлат статистика қўмитаси Ўзбекистон вилоят марказий ҳудудлари кесимида тайёр паловнинг ўртача нархлари тўғрисида маълумот берди.

Маълумотларга кўра, мамлакат бўйича энг арзон палов Қорақалпоғистонда тайёрланади. У ерда бир порция палов ўртача 13 883 сўмдан сотилмоқда. Энг қиммат палов эса Бухоро вилояти (18 667 сўм) ва Тошкент шаҳрида (18 600 сўм) экани аниқланган.

Қайд этилишича, нархларни рўйхатга олувчи томонидан кузатув ўтказилган кун ва вақтдаги нарх-наво қайд этилиб, бунда вақт ва жойига қараб нархлар ўзгариб туради.

Мазкур маълумотларнинг шаклланиши жараёнида фақатгина танлаб олинган умумий овқатланиш муассасалари (ош марказлари)даги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаган.

54

Қор ёғиши мумкин: октябр ойига об-ҳаво прогнози

534
(Янгиланган 12:00 01.10.2020)
Ёғинлар асосан ёмғир кўринишида, ҳарорат кескин совиганда ёмғирнинг қорга қисқа муддатли ўтиши эҳтимоли бор.

ТОШКЕНТ, 1 окт - Sputnik. Ўзгидромет маълумотларига кўра, октябрь ойи ҳарорат режими ва ёғинлар миқдори бўйича ўртача кўп йиллик қийматларга яқин бўлиши кутилмоқда, бироқ айрим жойларда ёғингарчилик меъёрдан ортиқ бўлиши мумкин.

"1-5 октябрь кунлари бутун республика бўйича об-ҳавонинг кам булутли ва ёғингарчиликсиз бўлиши кутилмоқда. Шамол асосан шарқий йўналишда эсади ва кучсиздан ўртачагача ўзгариши мумкин. Ҳарорат кечаси 5-10 даража, шимолда 2-7 даража илиқ, кундузи 20-25 даража бўлади", - дейилади хабарда.

Иқлимий меъёрларга кўра, октябрда Ўзбекистоннинг жанубий вилоятларида 3 дан 5 гача, қолган ҳудудларда 5 дан 7 гача ёғингарчиликли кунлар бўлади. Ёғинлар асосан ёмғир кўринишида, ҳарорат кескин совиганда ёмғирнинг қорга қисқа муддатли ўтиши эҳтимоли бор. Тошкентда сўнгги марта 2018 йилда ёмғирнинг қорга ўтиши қайд этилган.

Ўртача кўп йиллик тунги ҳарорат 6-11 даража илиқни ташкил қилсада, бироқ кўпинча октябрда, айниқса унинг иккинчи ярмида, илк кузги аёз кузатилади.

Октябрда кундузги ҳарорат 23-28 даражадан 10-15 даража илиққача ўзгариб туради.

Таъкидланишича, баъзан амалдаги ҳарорат ва ёғинлар миқдори кўп йиллик давр учун ўртачалаштирилган қийматлардан анча фарқ қилиши мумкин.

Тошкентда, масалан, метеорологик кузатувларнинг юз йиллик тарихида айрим йилларда октябрдаги энг юқори ҳарорат 33-36 даража иссиқни ташкил қилгани қайд этилган. Октябрь ҳароратининг абсолют максимуми 37,5 даража бўлиб, бу рекорд 1941 йилга тегишли.

Тошкент учун октябрь ойидаги энг паст ҳарорат 11,2 даража совуқни ташкил қилади ва бу кўрсаткич анча олдин — ўтган асрнинг бошида қайд этилган. Охирги 20 йил ичида Тошкентдаги минимал ҳарорат 1-2 даража совуқдан паст бўлмаган.

Ўзбекистонда Янги йил оқшомида нега қор ёғмаяпти? Синоптиклар жавоби >>>

2015 йил октябрида пойтахтимизда энг кўп ёғигарчилик бўлгани қайд этилган. Ўшанда ёққан ёғинлар миқдори октябрь ойи меъёридан 3,5 марта кўп бўлган.

2002 йил октябрида эса Тошкентда умуман ёғингарчилик кузатилмаган.

534
В Ташкенте не подчинившийся требованию сотрудника ДПС водитель протаранил 6 машин и врезался в столб

Тошкентда “Lacetti” ҳайдовчиси 6 та автомобилга шикаст етказиб, симёғочга бориб урилди

0
Тошкентда инпектордан қочиб тезликни оширган ҳайдовчиси олтита автомобилга шикаст етказди. Сўнгра охирида йўл ўртасидаги симёғочга бориб урилди.

ТОШКЕНТ, 1 окт — Sputnik. Тошкентда “Lacetti” ҳайдовчиси олтита автомобилга шикаст етказиб, симёғочга бориб урилди. Бу ҳақда ИИВ ЙҲХББ матбуот хизмати хабар қилмоқда.

Йўл-транспорт ҳодисаси 1 октябрь куни соат 14:00 ларда Тошкентнинг Мирзо Улуғбек тумани Мустақиллик шоҳ ва Мовароуннаҳр кўчалари кесишмасида рўй берган.

В Ташкенте не подчинившийся требованию сотрудника ДПС водитель протаранил 6 машин и врезался в столб
Пресс-служба ГУБДД МВД
В Ташкенте не подчинившийся требованию сотрудника ДПС водитель протаранил 6 машин и врезался в столб

Маълум қилинишича, хизмат олиб бораётган ЙПХ инспекторининг тўхташ ишорасига бўйсунмаган 30 ёшли ҳайдовчи Т.А. ҳаракатини давом эттириб, Мустақиллик шоҳ кўчаси бўйлаб юқори тезликда ҳаракатланган. Оққўрғон-Мустақиллик шоҳ кўчалари кесишмасига етган вақтида ўзидан олдинда бўлган “Matiz”, “Cobalt”, “Hyundai”, “Nexia”, “Spark” ва “Damas” автомобилларига техник шикаст етказган. Шундан сўнг йўлнинг қарама-қарши бўлагини ажратиб турувчи қисмида, тунги вақтда ёритиш учун ўрнатилган симёғочга урилиб тўхтаган.

В Ташкенте не подчинившийся требованию сотрудника ДПС водитель протаранил 6 машин и врезался в столб
Пресс-служба ГУБДД МВД
В Ташкенте не подчинившийся требованию сотрудника ДПС водитель протаранил 6 машин и врезался в столб

Хабарда ЙТҲ натижасида тан жароҳати олганлар йўқлиги таъкидланган.

В Ташкенте не подчинившийся требованию сотрудника ДПС водитель протаранил 6 машин и врезался в столб
Пресс-служба ГУБДД МВД
В Ташкенте не подчинившийся требованию сотрудника ДПС водитель протаранил 6 машин и врезался в столб

Мазкур ЙТҲ юзасидан Тошкент шаҳар ИИББ ЙҲХБ ходимлари дастлабки суриштирув ишларини олиб бормоқда.

0