Гульнара Каримова

Притчин хулосаси: Гулнора Каримова тирик. У ҳозир Ўзбекистонда

44636
(Янгиланган 15:20 28.07.2017)
Бугун Ўзбекистон Бош прокуратураси илк марта Ислом Каримовнинг тўнғич қизи Гулнора Каримова тақдири ҳақида маълумот берди. Республика Бош прокуратураси Гулнора Каримовага 2015 йилнинг 21 августидаёқ 5 йил муддатга озодликни чеклаш жазоси тайинланганини хабар қилди

ТОШКЕНТ, 28 июл — Sputnik. Ўзбекистоннинг улкан миқдордаги моддий бойликларини ўзлаштирган Гулнора Каримова 2013 йилдаёқ жамоатчилик назаридан йўқолган ва шу пайтгача унинг қаердалиги ҳақида ОАВларда расман хабар берилмади.

Гулнора Каримова ҳатто отасининг 3 сентябрда ўтказилган дафн маросимида ҳам кўриниш бермади.

Ўзбекистон президенти Шавкат Мирзиёев Ислом Каримов вафоти муносабати билан фақатгина марҳумнинг беваси Татьяна Каримова ва кенжа қизи Лола Каримова-Тиллаевага ҳамдардлик билдирган эди.

Гулнора Каримова ҳақида расман ҳеч қаерда маълумотлар берилмаётгани туфайли кейинги вақтларда у ҳақда турли хил миш-мишлар болалаб кетди. Интернетдаги манбаларни кўздан кечирадиган бўлсангиз "Гулнора Каримова Тоштурмада" деган хабарлардан тортиб, "Гугушанинг аллақачон "ўлганлиги" ҳақидаги хабарларга кўзингиз тушади.

Гулнора Исломовнанинг синглиси Лола Каримова-Тиллаева ҳам бу борада сукут сақлаб келмоқда.

Хусусан, Лола Каримова 2013 йил ВВСнинг рус хизматига берган интервьюсида " опаси Гулнора билан 12 йилдан бери алоқа қилмаслигини" айтиб ўтган.

2016 йилнинг 23 ноябрида эса Россиянинг regnum нашри Гулнора Каримованинг ўғли Ислом Каримовдан келган хатни чоп этди. Нашрга кўра Гулнора Исломовнанинг ўғли таҳририятга йўллаган мактубида "Менинг онам тирик ва айни вақтда у Лондонда" деб хабар қилган.

Озарбайжоннинг "Ҳаққин" нашри эса Туркиянинг НТВ телеканалига таянган ҳолда 2016 йилнинг 3 октябр санасида Ислом Каримовнинг тўнғич қизи Гулнора Каримова Руҳий хасталиклар шифохонасига ётқизилгани ҳақида хабар тарқатган.

2017 йилнинг 28 июл куни Россия Фанлар Академияси қошидаги шарқшунослик институтининг Марказий Осиё ва Кавказни ўрганиш бўйича марказ эксперти Станислав Притчин Sputnik нашрига берган интервьюсида нега Гулнора Каримова ҳақидаги маълумотлар ҳозир юзага чиқаётганига изоҳ бериб ўтди.

"Шарқона урф-одатлардаги ўзига хосликлар туфайли Ислом Каримов даврида Ўзбекистон ҳукумати президент оиласи аъзолари ҳибсга олинганлиги ва қамоқдалиги ҳақида расман айта олмасдилар", — деб таъкидлади Притчин.

Экспертга кўра, Шавкат Мирзиёев республика бошқарувини ўз қўлига олгач, ҳукумат курсни очиқ сиёсат олиб бориш томон бурди.

Ва шу туфайлигина Каримованинг кирдикорлари ҳақида маълумотлар эълон қилинди.

Ўзбекистон Республикаси Бош прокуратураси томонидан эълон қилинган хабарни таҳлил қилган Притчин "Гулнора Каримова тирик ва Ўзбекистонда ҳибсда" деган хулосага келди.

44636
Теглар:
Гулнора Каримова қаерда
Мавзу:
Гулнора Каримова иши (22)
Возобновление движения общественного транспорта в Ташкенте

1 августга қадар автотранспортлар ҳаракати: нималар ўзгарди

130
(Янгиланган 09:06 09.07.2020)
Фуқаролар илгари олган махсус рухсатнома - стикерлар карантин чекловлари амал қилиш даврида қўлланилади.

ТОШКЕНТ, 9 июл - Sputnik. Ўзбекистонда коронавирусга чалинганлар сони 11 мингдан ошгани туфайли республика миқёсида автотранспорт воситаларининг ҳаракатини чеклаш бўйича янги тартиб жорий этилмоқда.

Республика махсус комиссияси қарори билан 2020 йил 10 июлдан эътиборан:

Қорақалпоғистон Республикаси, вилоятлар ва Тошкент шаҳрига автотранспорт воситаларининг кириши ва чиқиши (вилоятлараро қатнов) тўхтатилади (Тошкент шаҳридан Тошкент вилоятига ҳамда Тошкент вилоятидан Тошкент шаҳрига кириб-чиқиш бундан мустасно);

жамоат транспорти ҳаракати тўхтатилади;

автотранспорт воситаларида махсус рухсатномасиз (стикерсиз) ҳаракатланишга фақатгина куннинг муайян вақтида (07.00 дан – 10.00 гача, 17.00 дан – 20.00 гача) тегишли ҳудуд доирасида (Қорақалпоғистон Республикаси, вилоятлар ва Тошкент шаҳри миқёсида) фуқароларнинг иш жойига бориб-келиши, дори воситалари, озиқ-овқат ва биринчи галдаги маҳсулотларни харид қилиш учун ҳаракатланишига рухсат берилади.

Бунда автотранспорт воситаларининг ҳаракатланиши давомида сантария-гигиена қоидаларига қатъий риоя этиш талаб этилади;

вилоятлар марказлари, Тошкент ва Нукус шаҳарлари атрофидаги йўл патрул хизмати масканлари, блокпостлар ва тўсиқ постлар фаолияти ички ишлар органлари, Миллий гвардия ва Мудофаа вазирлиги кучларини ҳамда Санитария-эпидемиология назорати давлат инспекцияси вакилларини жалб қилган ҳолда кучайтирилади.

Карантин даврида фуқароларнинг мототранспорт (скутер) ҳамда велосипедда ҳаракатланишига фақатгина тиббий ниқобдан фойдаланган ҳолда ҳаётий зарур эҳтиёжлари – дори воситалари, озиқ-овқат ва биринчи галдаги маҳсулотларни харид қилиш, шифокор кўригига мурожаат этиш, шунингдек, иш жойига бориш ва келиш учун рухсат этилади.

Автотранспорт воситалари ҳаракатланиши учун Адлия вазирлиги Давлат хизматлари марказлари томонидан илгари берилган махсус рухсатнома (стикер)лар карантин чекловлари амал қилиш даврида қўлланилади.

Шу билан бирга рухсатномаси мавжуд бўлмаган ҳолда ҳаракатланаётган автотранспорт воситаларининг ҳуқуқбузарлик давом эттирилишига йўл қўймаслик мақсадида карантин талабларни бузган шахсларга маъмурий жавобгарлик чоралари қўлланилиши ҳамда автотранспорт воситалари жарима майдончасига жойлаштирилиши назарда тутилди.

 

Такси қатновига рухсат берилди

Йўловчи ташиш фаолияти билан шуғулланиш лицензиясига эга бўлган йўналишсиз таксилар фаолиятига махсус талаблар асосида фақатгина автотранспорт воситаси давлат рўйхатидан ўтказилган ҳудуд доирасида (Қорақалпоғистон Республикаси, вилоятлар ва Тошкент шаҳри миқёсида) ҳаракатланишга рухсат берилади.

Бунда фақатгина икки нафар йўловчиларни автотранспорт воситаси салони орқа ўриндиғига ўтказилиши керак;

Фуқароларга кечиктириб бўлмайдиган тез тиббий ёрдам кўрсатиш (ҳомиладорлик, туғруқ, тана жароҳати, ОИВ/ОИТС, онкологик ёрдам, нурланиш терапияси, гемодиализ ёрдамини кўрсатиш, жарроҳлик амалиёти зарур бўлганда, инсон ҳаётига хавф туғдираётган бошқа ҳолатлар) билан боғлиқ ҳолларда тиббиёт муассасасига бораётган ва ундан қайтаётган шахсий автотранспорт воситаларида ҳаракатланишга рухсат берилади.

Етказиб бериш хизмати (кейтеринг) ташкилотлари автотранспорт воситаларининг стикерсиз ҳаракатланишига рухсат берилади.

130
Президент Узбекистана Шавкат Мирзиёев

Мирзиёев аҳолини ишга жойлашда фаол бўлмаган 6 раҳбарни ишдан олди

575
(Янгиланган 22:53 08.07.2020)
Фарғона тумани ҳокими, Яккабоғ тумани прокурори, Ғузор ва Чортоқ туманлари ички ишлар бошқармалари бошлиқлари, Муборак тумани ва Қўқон шаҳар солиқ инспекциялари бошлиқлари эгаллаб турган лавозимларидан озод этилди.

ТОШКЕНТ, 8 июл - Sputnik. Ўзбекистон президенти Шавкат Мирзиёев тадбиркорликни ривожлантириш ҳамда бюджет тушумларини таъминлаш масалалари бўйича йиғилиш давомида эҳтиёжманд аҳолини ишга жойламаган 6 раҳбарни ишдан олди. Бу ҳақда АОКА тегерам-каналида хабар берилди.

Президент камида 257 минг нафар муҳтож оилалар вакилларини ишга жойлаштириш, 37 мингта хонадонга оилавий тадбиркорлик дастурлари доирасида кредитлар ажратиш зарурлигини қайд этди.

Эҳтиёжманд аҳолини ишга жойлаштириш кўрсаткичи энг паст секторларнинг 6 нафар раҳбарлари эгаллаб турган лавозимларидан озод этилди. Булар – Фарғона тумани ҳокими Носиров, Яккабоғ тумани прокурори Мустафаев, Ғузор ва Чортоқ туманлари ички ишлар бошқармалари бошлиқлари Рахмонов ва Абдурайимов, Муборак тумани ва Қўқон шаҳар солиқ инспекциялари бошлиқлари Темиров ва Турдиқулов.

Етти нафар раҳбарга нисбатан охирги огоҳлантириш сифатида "ҳайфсан" эълон қилинди. Булар – Шўрчи тумани ҳокими Худайберганов, Каттақўрғон, Косон ва Пайариқ туманлари ички ишлар бошқармалари бошлиқлари Отамуродов, Отакулов ва Шермухамедов, Нарпай, Ғаллаорол туманлари ва Гулистон шаҳар солиқ инспекциялари бошлиқлари Деҳқонов, Мамаев ва Раджабов.

575
Похороны человека, скончавшегося от COVID-19

Дунёда COVID-19га чалинганлар сони 12 миллиондан ошиб кетди

47
Университет маълумотларига кўра, бутун дунёда коронавирусга чалинганлик ҳолатлари 12 007 327тага етган, COVID-19 қайд этилган 548 799 бемор вафот этган.

ТОШКЕНТ, 9 июл — Sputnik. Жаҳонда COVID-19га чалинганлар сони 12 миллиондан ошиб кетди. Бу ҳақда американинг Жонс Хопкинс университети хабар қилмоқда.

Университет маълумотларига кўра, бутун дунёда коронавирусга чалинганлик ҳолатлари 12 007 327тага етган, COVID-19 қайд этилган 548 799 бемор вафот этган.

Шу билан бирга 6 533 436 киши соғайишга муваффақ бўлган.

Ўзбекистонда куни кеча, 8 июль куни, коронавирус инфекцияси қайд этилганлар сони 11 092 нафарга етди.

Республика Махсус комиссияси қарорига мувофиқ, Ўзбекистонда коронавирус билан боғлиқ эпидемиологик вазиятнинг ёмонлашуви туфайли карантин чоралари кескин кучайтирилади.

Республика ҳудудида 10 июлдан 1 августга қадар карантин чоралари кескин кучайтирилади: автотранспорт ҳаракати ва йирик жамоат объектлари фаолияти чекланади. 

 

47