Вступительные экзамены в Университет Инха в Ташкенте

Абитуриентлар учун: тест синовлари ўтказилиши тартиби ва аппеляция бериш шартлари ҳақида

986
(Янгиланган 12:02 06.04.2018)
Яна битта муҳим ҳолат - тест синови топшириш жараёнида видеокузатув орқали абитуриентнинг тартиб ва қоидаларга амал қилаётгани ёки қилмаётганлиги кузатиб борилади. Мабодо тартиббузарлик ҳолати аниқланса, абитуриент жараёндан четлатилади

ТОШКЕНТ, 6 апр — Sputnik. Бу йилги тест синовлари жараёнини абитуриентларнинг ота-оналари онлайн тарзда кузатиши учун имтиҳонлар ўтказиладиган жойлар зарур асбоб-ускуналар билан жиҳозланади, деб хабар қилди ДТМ матбуот-хизмати.

2018 йил 3 апрел куни Вазирлар Маҳкамасининг "Олий таълим муассасаларига ўқишга қабул қилиш тартибини янада такомиллаштириш тўғрисида"ги 261-сон қарори чиқди.

Мазкур қарор билан Ўзбекистон олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги низом, бакалавриатга тест синовларисиз, касбий (ижодий) имтиҳонлар орқали ўқишга қабул қилиш бўйича таълим йўналишлари рўйхати тасдиқланди.

Хусусан, қарорга кўра, Давлат тест маркази томонидан берилган рухсатнома асосида унда белгиланган кун тест синовлари ўтказиладиган бино штабида тест синови жараёнини кузатувчи сифатида иштирок этади.

Тест синовлари кундузги, махсус сиртқи ва кечки (сменали) таълим учун ҳар йили 1 августдан 15 августгача бўлган муддатда, кунига икки сменада ўтказилади. Биринчи смена соат 08:00 да, иккинчи смена соат 15:00 да бошланади. Янги тартибга кўра абитуриентнинг тест синовига келиш санаси ва вақти унинг рухсатномасида кўрсатиладиган бўлди. Абитуриент учун мазкур сана ва вақт қатъий ҳисобланиб, бошқа сана ва вақтда тест синовларида иштирок этиш учун рухсат берилмайди.

Абитуриентлар танланган таълим йўналишига қараб тегишли равишда бир, икки ёки учта фан мажмуаси бўйича тест синовини топширади.

Биноларни тайёрлаш, видеокузатувлар орқали жамоатчилик, шу жумладан абитуриэнтлар ота-оналарининг кириш тест синовлари жараёнини онлайн тарзда кузатиб боришлари, абитуриентларни шахсни идентификациялаш воситалари ҳамда видеофиксация қурилмалари орқали бинонинг тегишли ҳудудига киритиш, ўтказилган тест синовлари жараёни бўйича барча видео ёзувлар сақланиши учун шароитлар яратиш Қорақалпоғистон Вазирлар Кенгаши, Тошкент шаҳар ва вилоятлар ҳокимликлари ҳамда Ўзбекистон Ахборот технологиялари ва коммуникацияларини ривожлантириш вазирлиги томонидан таъминланади.

Ўзбекистон Республикаси Ахборот технологиялари ва коммуникацияларини ривожлантириш вазирлиги жараён бўйича видеоёзувларни сақлайди ва уларни тест синовлари ўтказилган куннинг эртасига Давлат тест марказига топширади.

Бинода тест синови жараёнини тўлиқ назорат қилиш учун 30 нафар абитуриентга битта стационар видео кузатув тизими ўрнатилади, жараённи абитуриентларнинг ота-оналари онлайн тарзда кузатиши учун зарур асбоб-ускуналар билан жиҳозланади, бинода бир нафар абитуриэнтга 2 м2 дан кам бўлмаган жой тайёрланади.

Абитуриентларга рухсатномалар олий таълим муассасалари қабул комиссиялари томонидан 29-31 июл кунлари тест синовлари ўтказиладиган биноларнинг чизма нусхаси ва "Абитуриентларга эслатма"ни илова қилган ҳолда қайднома асосида тарқатилади.

Бинога киришнинг Назорат ўтказиш жойида хизмат олиб бораётган ходимлар томонидан текширув вақтида абитуриентда тақиқланган буюм ёки бошқа восита мавжудлиги аниқланган тақдирда шу жойга бириктирилган Давлат тест марказининг вакили хабардор қилинади ва абитуриент бинога киритилмайди.

Яна битта муҳим ҳолат — тест синови топшириш жараёнида видеокузатув орқали абитуриентнинг тартиб ва қоидаларга амал қилаётгани ёки қилмаётганлиги кузатиб борилади. Мабодо тартиббузарлик ҳолати аниқланса, абитуриент жараёндан четлатилади;

Апелляция ҳақида: тест синовлари натижасидан норози бўлган абитуриент 20 августдан 30 августгача, белгиланган иш вақтига мувофиқ, дам олиш кунларисиз ўн бир календар куни давомида ёзма ва электрон шаклда апелляция шикоятини бериш ҳуқуқига эга.

Апелляция шикояти Давлат тест марказида ҳамда унинг ҳудудий бўлимларида қабул қилинади.

986
Теглар:
ДТМ, тест синовлари
Перевал Камчик

Қамчиқ довони юк машиналари учун ёпилди

108
(Янгиланган 09:24 25.02.2021)
Вазирлик томонидан эълон қилинган видеода "Қамчиқ" махсус-қидирув, ёнғин-қутқарув бошқармаси бошлиғи фуқаролардан зарурат бўлмаса довон орқали ҳаракатланмасликни сўраган.

ТОШКЕНТ, 25 фев - Sputnik. Фавқулодда вазиятлар вазирлиги ҳаво ҳароратининг кескин пасайиши ва кучли қор ёғиши натижасида йўлларда музламалар ҳосил бўлаётгани сабаб Қамчиқ довони юк машиналари учун ёпилганини маълум қилди.

"Шамол кучайган, довонда айни пайт ҳаво ҳарорати -12 градусни ташкил этмоқда. Ҳозирча енгил автомобиллар ҳаракатланмоқда. Қор ёғиши кучайиб, йўлларда ҳаракатланиш хавф туғдира бошласа, Қамчиқ тўлиқ ёпилиши ҳам мумкин", — дейилади хабарда.

Вазирлик томонидан эълон қилинган видеода "Қамчиқ" махсус-қидирув, ёнғин-қутқарув бошқармаси бошлиғи фуқаролардан зарурат бўлмаса довон орқали ҳаракатланмасликни сўраган.

Аввалроқ, Ўзгидромет мамлакатда 25-27 февралда совуқ об-ҳаво кутилаётгани ҳақида огоҳлантирган эди.

108
Вертолет Airbus ВВС Узбекистана

Ўзбекистон Airbus Helicopters компаниясидан вертолётлар сотиб олишни режалаштирмоқда

367
(Янгиланган 21:02 24.02.2021)
Мазкур йўналишда Марказий Осиё минтақаси бозорида етакчи иштирокчига айланиш имкониятлари юзасидан фикр алмашилди

ТОШКЕНТ, 24 фев - Sputnik. Транспорт вазири ўринбосари Жасурбек Чориев ҳамда Airbus International компаниясининг Шарқий Европа ва Марказий Осиё  минтақаси бўйича вице президенти Жак Гарриг ўртасида бўлиб ўтган музокараларда француз компанияси билан ҳамкорлик алоқаларининг ҳозирги ҳолати ва истиқболли режалар муҳокама этилди.

Депутаты одобрили кандидатуру Илхома Махкамова на пост министра транспорта
Пресс-служба Законодательной палаты Олий Мажлиса

Хусусан, Airbus Helicopters компаниясидан вертолётлар сотиб олиш, ушбу ҳаво транспорт турида қатновларни йўлга қўйиш орқали мазкур йўналишда Марказий Осиё минтақаси бозорида етакчи иштирокчига айланиш имкониятлари юзасидан фикр алмашилди. Ушбу йўналишни ривожлантиришда хорижий давлатларнинг вертолётлар эксплуатацияси ва учувчилар учун тренинглар ўтказиш бўйича тажрибаларини ўрганиш масалалари муҳокама қилинди.

Шунингдек, Airbus International компанияси вакиллари аэропортларни бошқариш соҳасида ҳам ҳамкорлик алоқаларини йўлга қўйиш юзасидан ўз таклифларини билдиришди. Учрашув давомида француз томони жорий йилнинг май ойида Франция савдо вазирининг Ўзбекистонга ташрифи режалаштирилаётганини маълум қилди.  

Учрашув якунлари бўйича томонлар музокараларда кўтарилган масалалар юзасидан маълумотлар алмашиш ва истиқболда ҳамкорликда янги лойиҳаларни амалга ошириш юзасидан келишиб олишди.

 

367

Россиялик 77 ёшли буви TikTokни "портлатиб" юборди - видео

0
(Янгиланган 13:13 25.02.2021)
Бувининг ҳазиломуз насиҳатлари кўпчилликка маъқул келган шекилли - қисқа вақт ичида унинг аккаунтига деярли 500 минг киши аъзо бўлди.

Россиянинг Ейск шаҳрида яшовчи 77 ёшли Екатерина Горбунева қисқа вақт ичида Интернет юлдузига айланди.

"Супербуся" ник остида TikTokда пайдо бўлган буви ўз видеолавҳаларида ёшларга тамаки чекмаслик алкогол ичмаслик ва бошқа насиҳатларни шеърлар тарзда айтиб боради. 

Энг қизиғи, бувининг бундай ҳазиломуз насиҳатлари кўпчилликка маъқул келган ва қисқа вақт ичида унинг подписчиклари сони 500 мингга яқинлашган. 

Видеолавҳаларни суратга олишда ва ижтимоий тармоқларда жойлаштиришда Горбуневага унинг набираси Алина ёрдам беради. 

"Супербуся"нинг навбатдаги мақсади - Азов денгизида TikTok House очиш. 

Батафсил видеолавҳамизда томоша қилинг. 

 

0