Президент Узбекистана Шавкат Мирзиёев обнимает ветерана Второй мировой войны

Ветеранлар рақси, президентдан сюрприз ва ўзбек халқининг маънавий жасорати

1905
(Янгиланган 17:59 09.05.2018)
Бу йил Ўзбекистонда 9 май байрами ўзгача руҳда нишонланди. Президент аввалига Ботаника боғида вужудга келтирилган "уруш йиллари" муҳитини кўздан кечирган бўлса, сўнгра бутун Ўзбекистон халқига табрик нутқини ўқиб эшиттирди ва кутилмаганда тадбирга келган ветеранларнинг ҳар бирини бағрига босиб шахсан қутлади. Бунақаси ҳали бўлмаган...

ТОШКЕНТ, 9 май — Sputnik, Дилшода Раҳматова. Иккинчи жаҳон уруши йилларида юзлаб ўзбек оилалари эвакуация қилинган етим болаларни ўз тарбиясига олди. Ана шундай буюк инсонпарварлик юксак маънавий жасорат намунаси сифатида бутун дунёда эътироф этилди, деб таъкидлади 9 май куни Тошкентдаги Ботаника боғида сўзлаган нутқида Ўзбекистон президенти Шавкат Мирзиёев.

"Ўша суронли йиллар ҳақида гапирганда, халқимизнинг олижаноб гуманистик фазилатлари тўғрисида ҳар қанча фахрланиб, ғурурланиб сўз юритсак, арзийди, албатта. Ўзбекистон уруш туфайли уй-жойи, ота-онаси ва қариндошларидан ажралган, фронт ҳудудларидан кўчириб келтирилган қарийб 1 миллион кишини ўз яқинларидек кутиб олди. Уларнинг 200 минг нафари болалар эди. Юзлаб ўзбек оилалари эвакуация қилинган етим болаларни ўз тарбиясига олди. Охирги бурда нонини ҳам улар билан баҳам кўрди. Ва ана шундай буюк инсонпарварлик юксак маънавий жасорат намунаси сифатида бутун дунёда эътироф этилди", — деб таъкидлади Ўзбекистон раҳбари.

Ўзбекистонда 9 май байрами бу йил ўзгача руҳда нишонланди. Иккинчи жаҳон урушида қозонилган Ғалабанинг 73 йиллигига бағишланган байрам тадбири Тошкент шаҳридаги Ботаника боғида бўлиб ўтди.

Военная техника на мероприятие организованном в честь 73 летия Победы во Второй мировой войне, Ташкент
© Sputnik / Рамиз Бахтияров
Военная техника на мероприятие организованном в честь 73 летия Победы во Второй мировой войне, Ташкент

Байрамда Ўзбекистоннинг барча вилоятларидан уруш ва меҳнат фахрийлари, Ҳукумат раҳбарлари, давлат ва жамоат ташкилотлари мутасаддилари, Ўзбекистонда аккредитациядан ўтган хорижий дипломатик корпус вакиллари иштирок этишди.

Ботаника боғига қадам қўйишингиз билан ўзингизни гўёки Иккинчи жаҳон уруши давридаги жанг майдонига тушиб қолгандек ҳис этасиз. Кираверишда Иккинчи жаҳон уруши йилларидаги ҳарбий техникалар терилган бўлса, сал нарида қўмондонлик штаби, окоплар, тиббиёт пункти ва дала ошхонаси ишлаб турибди…

Солдаты на привале, празднование 9 мая. Ботанический сад, Ташкент
© Sputnik / Рамиз Бахтияров
Солдаты на привале, празднование 9 мая. Ботанический сад, Ташкент

Шунингдек, "жанг майдонларида" Иккинчи жаҳон урушида қатнашган ветеранлар ва ўзбекистонлик фуқароларнинг фронт орти меҳнат фаолияти ҳам акс эттирилган.

Байрам тадбирига таклиф этилган ветеран ва меҳнат фахрийлари ўзгача ҳурмат билан кутиб олинди. Боғга кираверишда оркестр томонидан уруш йилларида аскарларга руҳ бағишлаган куй-қўшиқлар ижро этилди ва тадбирга келган ҳар бир ветеран "Байрамингиз билан! Ғалаба учун раҳмат! Биз сизлар билан фахрланамиз!", — деган жарангдор табриклар билан қарши олинди.

Узбекистан празднует 9 мая
© Sputnik / Рамиз Бахтияров
Узбекистан празднует 9 мая

Бундан руҳланиб кетган ветеранлар ҳатто ўзлари ўтирган аравачалардан туриб, берилиб рақс ижро этдилар. 

Ветеран на мероприятии посвященном 9 мая, Ташкент, Узбекистан
© Sputnik / Рамиз Бахтияров
Ветеран на мероприятии посвященном 9 мая, Ташкент, Узбекистан

Байрам тадбирига ташриф буюрган Ўзбекистон президенти Шавкат Мирзиёев аввалига Ботаника боғида вужудга келтирилган "уруш йиллари" муҳитини кўздан кечирди.

Президент Узбекистана Шавкат Мирзиёев на мероприятии посвященном 9 мая, Ташкент, Ботанический сад
© Sputnik / Рамиз Бахтияров
Президент Узбекистана Шавкат Мирзиёев на мероприятии посвященном 9 мая, Ташкент, Ботанический сад

Сўнгра, меҳмонлар қаршисида ўз табрик нутқи билан чиқиш қилди ва кутилмаганда байрам дастурхони атрофида йиғилган уруш фахрийларининг ҳар бирининг ёнига бориб, маҳкам бағрига босиб, шахсан табриклаб чиқди. Бунақаси ҳали бўлмаган…

Президент Узбекистана Шавкат Мирзиёев обнимает ветерана Второй мировой войны
© Sputnik / Рамиз Бахтияров
Президент Узбекистана Шавкат Мирзиёев обнимает ветерана Второй мировой войны

Ҳа айтганча, Иккинчи жаҳон урушида Ўзбекистоннинг 6,5 миллион аҳолисидан 1,5 миллиони, яъни меҳнатга лаёқатли аҳолининг 42% сафарбар этилган. Улардан қарийб 500 минг нафари жанг майдонларида ҳалок бўлган, 120 мингдан ортиғи жанговар орден ва медалларга сазовор бўлган. Жумладан, 280 нафари Совет Иттифоқи Қаҳрамони унвони билан, 82 нафари эса учала даражадаги "Слава" ордени билан мукофотланган.

Президент Узбекистана поздравляет ветерана Второй мировой войны
© Sputnik / Рамиз Бахтияров
Президент Узбекистана поздравляет ветерана Второй мировой войны

1905
Теглар:
9 май, Иккинчи жаҳон уруши, Ўзбекистон, Мирзиёев
Мавзу:
9 май - Ғалаба байрами, Хотира ва қадрлаш куни (31)
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

93
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

93

Россияга сохта маълумотнома эвазига одам киритган шахс қўлга тушди

149
ИИВ ЖҚББ Коррупция ва иқтисодий жиноятларга қарши курашиш бошқармаси маълумотларига кўра, фуқаро К.Е. бундан аввал ҳам 79 нафар фуқарони шу усулда алдаб, уларнинг ҳар биридан 1200 АҚШ долларидан жами 94800 АҚШ долларини қўлга киритган.

ТОШКЕНТ, 19 янв - Sputnik. Россияга кириш учун тиббий маълумотнома тайёрлаш билан шуғулланган шахс қўлга олинди, деб хабар бермоқда Ўзбекистон ИИВ матбуот-хизмати.

2021 йил 13 январь куни ҳуқуқ-тартибот идоралари томонидан Тошкент шаҳрида жойлашган "Хумо транс" авиакасса раҳбари К.Е. ушбу авиакассада фуқаро М.З.ни алдаб, унинг ишончига кириб, пандемия шароитида чет давлатга даволаниш учун боришга асос бўлувчи касаллиги ҳақида ҳужжат тайёрлаб беришга ва шу ҳужжатга асосан бемалол Россия Федерациясига бориши мумкинлигига ишонтириб, унинг 1450 АҚШ долларини олган вақтида ушланган.

ИИВ ЖҚББ Коррупция ва иқтисодий жиноятларга қарши курашиш бошқармаси маълумотларига кўра, фуқаро К.Е. бундан аввал ҳам 79 нафар фуқарони шу усулда алдаб, уларнинг ҳар биридан 1200 АҚШ долларидан жами 94800 АҚШ долларини қўлга киритган.

Мазкур ҳолат юзасидан, фуқаро К.Е.га нисбатан Ўзбекистон Республикаси 168-моддаси 4-қисми “а” банди билан жиноят иши қўзғатилиб, эҳтиёт чораси тариқасида қамоққа олинган.

149