Ситуация после выборов президента в Республике Узбекистан

Ўзбекистонда демократия қуриш вақти келди - Реджабоев

1342
(Янгиланган 20:49 28.06.2018)
Ўзбекистон тарихига назар солсак, 2 минг 600 йилни монархияда яшаганмиз, яна сал кам юз йил ўз тақдирини коммунизмнинг ушалмас орзуларига топширган. Йигирма беш йил ёш давлат қуришга ҳаракат бўлди. Энди эса демократия қуриш вақти келди, дейди ёш эксперт

ТОШКЕНТ, 28 июн — Sputnik. Таълими суст, тарбияси оз, дунёқараши чекланган халқнинг келажаги завол, умидсиз, умуртқасиз бўлади, деди Тошкентдаги Инҳа университетида ўтказилаётган халқаро форумда чиқиши вақтида Сингапур миллий университети Ли Куан Юй номидаги давлат сиёсати мактаби тадқиқотчи-ёрдамчиси ҳамда Япониядаги Кейо университети Глобал тадқиқотлар институти тадқиқотчиси Хасан Реджабоев.

Эслатиб ўтамиз, Ўзбекистоннинг 2035-йилгача бўлган стратегияси концепциясини муҳокама қилиш бешта йўналиш бўйича олиб борилмоқда. Шулардан бешинчиси Ўзбекистондаги фан, туризм, маданият, таълим ва инсон капиталини ривожлантириш масалаларига бағишланган сессия йиғилишидир.

Сессия модератори Хасан Ражабоев мавзу юзасидан ўз фикр-мулоҳазаларини билдириб ўтди.

"Таълим бу миллатнинг, жамиятнинг, бутун давлатимизнинг умуртқаси. Таълими суст, тарбияси оз, дунёқараши чекланган халқнинг келажаги завол, умидсиз, умуртқасиз бўлади. Ҳуқуқий демократик давлат асосларини излар эканмиз, изланишларимиз бари бир саволга бориб тақалади: "Таълим, фан, маданият ва дунёқарашимизни ривожлантириш учун нима керак?".

Бу саволга ҳар-хил жавоб вариантларимиз бор. Биринчи вариантда кўпгина саволларнинг ечимини биламиз. Лекин уларни қўллашга тушунарсиз баҳоналар панд беради. Масалан: "Ўзбекистон ҳаво йўллари" Миллий авиакомпаниясида аксар ходимлар ҳалигача на ўзбек, на инглиз ва на ҳаттоки рус тилида тўғри сўзлай олади. Ўқитувчиларнинг ойлиги ва фаровонлиги бу давлат фаровонлигининг стратегик приоритети.

Юқоридагидек оддий мисолларнинг амалий ечимидан олдин яна қанча минг оламни жунбушга келтира олмайдиган олим авлодларимизнинг увол бўлиши, яна қанча минг сайёҳнинг биринчи фикри бузилиши ва яна қанча қўштирноқ остидаги халқаро университетларнинг ишончини 10 йил ҳам оқлай олмай, давлат ҳисобида ишловчи ўқув марказига айланишию, яна неча йил миллий университетимизнинг абгор бўлиши фақат ҳақиқатни инкор қилувчиларгагина аён. Бизга эмас.

Иккинчи варинатда эса шу саволларнинг барчасига бўлмаса-да, анчасига жавоб бера оладиган, бошқа давлатлар ва масканларда муваффақият билан топиб бўлинган ечимлар бор. Айнан шу тайёр ва инкор этиш икки карра қийин бўлган тажрибани улашиш, мукаммал бўлмаса-да, холис ва амалий фикрларни билдириш Форумимизнинг бешинчи сессияларида изланади.

Масалан, Ўзбекистон Олий таълимининг асосий муаммолари нимада, деган саволга Гарвард университетининг тадқиқотчиси, ватандошимиз Ботир Қобилов жавоб берсалар, хусусий таълим давлат бюджетини қанчага орттира олиши ва мактабларнинг сифатини яхшилай олишига Мэдиссон шаҳридаги Wisconsin университет докторанти Бегзод Ҳошимов таклифларини киритади.

Шу билан бирга, сессиямиз иштирокчилари ислоҳотлар йўлидаги тўсиқларни бартараф этиш, коррупцияни тўлиқ йўқотиш, мериотократик тизимни рағбатлантириш, инновацион сиёсатнинг туркумларини яратиш борасида ҳамда "Буюк келажак" экспертлар девонининг роли ва нундан бўлган талаблар муҳокамасини аниқлаштириш борасида ўз таклифларини билдиришади. Биз ҳам нима қилишимизни билишимиз керак.

Бугун бир нарсани таъкидлашни истардим. Ўзбекистон баҳори келди. Эски замон майлида фикрлайдиганлар ва ундан ҳам ёмони умуман фикрламайдиганлар учун имкониятлар камаймоқда. Лекин бор. Янги давр остонасидамиз.

Ўзбекистон тарихига назар солсак, 2 минг 600 йилни монархияда яшаганмиз, яна сал кам юз йил ўз тақдирини коммунизмнинг ушалмас орзуларига топширган. Йигирма беш йил ёш давлат қуришга ҳаракат бўлди. Аристократия, меритократия ва партократия ҳам қўллаб кўрилди. Энди эса демократия қуриш вақти келди. Шу тараддуд ва янги ҳукумат ислоҳотларининг ҳақиқийлигига ва самимийлигига ҳозирги кунда бутун дунё ишонч билдирмоқда.

Шу маънода бугун биз фақат бир жиҳатда бўлинишимиз мумкин: вақти-соати етган ислоҳотларга ишончсиз ҳолда қарши турувчилар ёки самимий прагматик ва амалда ватанпарвар бўламиз. Бу масалада муросага ўрин йўқ. Биз бу келажакни, Буюк келажакни бирга қуришни таклиф қиламиз".

1342
Мавзу:
"Ўзбекистон 2035" форуми (4)
Зенитный ракетный комплекс С-400 Триумф

Туркияда С-400 тизимлари америка қирувчиларида синовдан ўтказилди

189
Россия Туркияга жами суммаси 2,5 миллиард долларга тенг тўртта С-400 дивизионини етказиб бериш бўйича биринчи шартномани бажарди. Кейинчалик томонлар иккинчи партия бўйича келишувга эришдилар.

ТОШКЕНТ, 7 июл — Sputnik. Туркия ҳарбийлари Анқара яқинидаги Мюртед авиабазасида С-400 зенит ракета мажмуаларини американинг F-16 ва F-4 қирувчиларига қарши янгитдан синовдан ўтказишга киришдилар. Бу ҳақда Fighter Jets World хабар бермоқда.

Портал маълумотларига кўра, тест жараёни 4 июль куни бошланган ва 26 ноябрга қадар давом этади.

Хабарда айтилишича, Туркия АҚШнинг "модомики синовлар ўтказилиши бошланса, санкциялар киритилиши эҳтимоли" ҳақидаги огоҳлантиришларини эътиборсиз қолдирган.

Fighter Jets World провинция раҳбарияти хабаридан иқтибослар келтирган, уларда айтилишича, қирувчилар катта ва кичик баландликларда учади.

Ўтган йилнинг кузида турк ҳарбийлари Анқара устида турли баландликларда учган америка қирувчиларига қарши турк пойтахти устидаги осмонни назорат қилиб турган С-400ни синовдан ўтказган эдилар.

Россия С-400 ЗРК хариди Анқара ва Вашингтон ўртасидаги муносабатларда инқирозни юзага келтирди. Тизимларни етказиб бериш ишлари ўтган ёз мавсумида бошланган, аммо америка ҳукумати турк шериклардан битимдан воз кечиш ва Patriot мажмуаларини харид қилишни талаб қилган эди. АҚШ, агар Туркия бу талабни рад этадиган бўлса, Анқарага F-35 қирувчиларини сотишни кечиктириш ва ҳатто бекор қилиш ҳамда санкция киритишини маълум қилган эди. Туркия бу пўписалардан сўнг ҳам ён босишдан бош тортди.

Россия Туркияга жами суммаси 2,5 миллиард долларга тенг тўртта С-400 дивизионини етказиб бериш бўйича биринчи келишувни бажарди. Кейинчалик томонлар иккинчи партия бўйича битимга эришдилар.

189
Президент Узбекистана Шавкат Мирзиёев прибыл в Турцию с визитом

Чартер рейслари жадвалига ўзгартириш киритилди - Транспорт вазирлиги

289
(Янгиланган 18:50 08.07.2020)
Эпидемиологик вазият яхшиланиши билан хорижий давлатлардаги Ўзбекистон фуқароларини олиб келиш мақсадида талаб юқори бўлган йўналишларда рейслар сонини сезиларли даражада кўпайтириш чоралари кўрилади

ТОШКЕНТ, 8 июл - Sputnik. Чартер рейслари жадвали Республика махсус комиссияси томонидан қайта кўриб чиқилди, деб хабар бермоқда Ўзбекистон Транспорт вазирлиги ахборот хизмати.

6 – 19 июль кунларига белгиланган парвозлар қуйидаги тартибда амалга оширилади.

6 июль Сеул – Тошкент – Сеул (Asiana airlines)
6 июль Тошкент – Москва – Тошкент (Uzbekistan Airways)
7 июль Тошкент – Истанбул – Тошкент (Uzbekistan Airways)
8 июль Тошкент – Сеул – Тошкент (Uzbekistan Airways)
8 июль Минск – Тошкент – Минск (Belavia)
10 июль Сеул – Тошкент – Сеул (Korean airlines)
12 июль Санкт-Петербург – Тошкент – Санкт-Петербург (Rossia)
13 июль Сеул – Тошкент – Сеул (Asiana airlines)
13 июль Тошкент – Москва – Тошкент (Uzbekistan Airways)
15 июль Москва – Тошкент – Москва (Ural airlines)
16 июль Истанбул – Тошкент – Истанбул (Turkish airlines)
16-17 июль Тошкент – Нью-Йорк – Тошкент (Uzbekistan Airways)
19 июль Тошкент – Владивосток – Тошкент (Uzbekistan Airways)

"Эпидемиологик вазият яхшиланиши билан хорижий давлатлардаги мамлакатимиз фуқароларини Ўзбекистонга олиб келиш мақсадида талаб юқори бўлган йўналишларда рейслар сонини сезиларли даражада кўпайтириш чоралари кўрилади", - деб қўшимча қилинади хабарда.

Эслатиб ўтамиз, сал олдин Ўзбекистон ҳудудида 10 июлдан 1 августга қадар карантин чоралари кескин кучайтирилиши, хусусан, халқаро авиақатновлар хорижий давлатлардаги эпидемиологик вазиятни таҳлил қилган ҳолда икки бараварга қисқартирилиши ҳақида хабар берган эдик.

289

Ўзбекистонда коронавирус: 8 июль асосий хабарлари

4
Бугуннинг ўзида 198 нафар бемор тузалиб, реабилитацияга кузатилди. Республика бўйлаб жами соғайганлар сони 6 888 нафарга етди.

ТОШКЕНТ, 8 июл — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 395 кишида коронавирус аниқланди, Ўзбекистонда коронавирус инфекцияси қайд этилганлар сони 10 982 нафарни ташкил қилмоқда.

Даволаниш кўрсаткичи

Бугуннинг ўзида 198 нафар бемор тузалиб, реабилитацияга кузатилди. Республика  бўйлаб жами соғайганлар сони 6 888 нафарга етди.

Айни пайтда 4052 нафар беморга белгиланган стандартлар бўйича даво чоралари кўрилмоқда. 24 бемор оғир аҳволда, 13 ўта оғир аҳволда.

Ўлим ҳолати

Учтепа туманида яшовчи 64 ёшли Б.К. (эркак киши) 1 июлдан Тошкент шаҳар тез тиббий ёрдам клиник шифохонаси реанимация бўлимида юрак ишемик касаллиги, стенокардия, гипертония, қандли диабетнинг 2-тури, нафас етишмовчилигининг 1-2-даражаси, сурункали буйрак етишмовчилиги ташхиси билан даволаниб келган.

2 июль куни ундан "COVID-19" инфекциясига намуна олинган ва касаллик тасдиқланган. Охирги 8 йил давомида у паркинсон касаллиги билан диспансер назоратида бўлган. Бемор 2019 йил 1 июль куни бош мияда қон айланишининг ўткир бузилиши ишемик турини ҳам ўтказган.

Реанимацион муолажаларга карамай, бемор ўткир юрак қон-томир ва нафас етишмовчилигидан вафот этди.

Республикада карантин яна кучайтирилади

Ўзбекистонда коронавирус билан боғлиқ эпидемиологик вазиятнинг ёмонлашуви туфайли карантин чоралари кескин кучайтирилади. Автотранспорт ҳаракати ва йирик жамоат объектлари фаолияти чекланади. Бу ҳақда тўлиқ.

Шифохоналарда ётоқ ўринлари қолмади

Ўзбекистонда шифохоналарда COVID-19 билан касалланган беморлар учун мўлжалланган ётоқ-жойлар қолмади. Бу ҳақда коронавирусга қарши курашиш штаби вакили Ҳабибулла Оқилов АОКАдаги брифингда маълум қилди.

“Соғлиқни сақлаш тизимидаги ресурслар бугунги кунга келиб поёнига етди, десак муболаға бўлмайди. Бугун шифохоналарда койка ўринлари тўлган. Барча шифокорлар жалб этилган. Шу боис махсус комиссия билан келишган ҳолда симптомсиз беморларни уйда даволанишларига рухсат бердик”, - деди у.

Оқилов бошқа сурункали касаллиги бор беморларнинг қанчаси даволана олмагани, қанчаси вафот этаётгани ҳақидаги статистика йўқлигини айтди.

“Агар ҳар куни 1000 та коронавирус касаллиги аниқланса, Ўзбекистон соғлиқни сақлаш тизими ўлади”, - деб қўшимча қилди Оқилов.

Чартер жадвали ўзгарди

Чартер рейслари жадвали Республика махсус комиссияси томонидан қайта кўриб чиқилди.

6 – 19 июль кунларига режалаштирилган 19 та парвоздан 13 таси амалга ошириш белгиланди, жумладан Россиядан 9 та парвоздан 5 таси амалга ошириш режалаштирилган. Москвага 6 тадан 3 та, Санкт-Петербургга 2 тадан 1 та парвоз амалга ошириш кўзда тутилди. Владивостокка махсус рейс сақлаб қолинди. Дубайдан эса парвоз бекор қилинган. Янги парвозлар жавдали.

Эпидемиологик вазият яхшиланиши билан хорижий давлатлардаги Ўзбекистон фуқароларини олиб келиш мақсадида талаб юқори бўлган йўналишларда рейслар сонини сезиларли даражада кўпайтириш чоралари кўрилади.

Чегарадаги фуқаролар

Ташқи ишлар вазирлиги Россия-Қозоғистон чегарасидаги “Маштаково” назорат-ўтказиш пункти яқинида ва Оренбург вилояти Бузулук шаҳрида ватандошлар тўпланиши юзасидан баёнот берди.

Россия ҳудудида бўлиб турган фуқаролардан чеклов чораларига тўғри баҳо беришларини, Россия-Қозоғистон давлатлараро чегарасини кесиб ўтиш пунктларига боришга уринмасликларини, ҳозирда бўлиб турган жойларида қолишларини ва ўзларининг ва атрофдагиларнинг соғлиғини хавф остига қўймасликларини яна сўралган.

Ўзбекистон фуқаролари чартер рейсларини ташкил этиш бўйича Республика махсус комиссиясининг қарорига биноан ҳамда мунтазам “сариқ” ва “яшил” рейслар қайта ташкил этилишига кўра ватанга қайтадилар.

Шунингдек, ТИВ Қозоғистон билан чегарадаги “Жибек жоли” – “Ғишт-Кўприк” назорат-ўтказиш пункти яқинида тўпланган Ўзбекистон фуқароларига мурожаат қилди. Қайд этилишича, техник сабабларга кўра сўнгги кунларда ватандошларнинг давлатлараро чегарадан ўтишлари чекланган миқдорда амалга оширилган.

“Жибек жоли” ўтказиш пункти орқали республика фуқароларининг Ўзбекистон ҳудудига чекланган ҳолда кириши билан боғлиқ барча муаммолар тез муддатда ҳал қилинади.

Тест онлайн бўлмайди

Турли манбаларда давлат олий таълим муассасаларининг бакалавриат таълим йўналишларига кириш имтиҳонлари онлайн бўлиши мумкинлиги ҳақида хабарлар тарқалди.

Ўзбекистон президентининг 2019 йил 14 майдаги “Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида”ги қарорига мувофиқ олий таълим муассасаларининг бакалавриат таълим йўналишларига мос тест синови топшириладиган фанлар мажмуаси, баҳолаш мезонлари, тест топшириқлари сони ҳамда тест синовларини ўтказишнинг аниқ муддатлари Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланади.

Ҳозирги кунда Давлат тест маркази томонидан тест синовларини ҳар йилги шаклда, катта сиғимли биноларда, санитария-гигиена талабларига риоя этилган ҳолда ўтказиш бўйича тайёргарлик ишлари олиб борилмоқда.

Дунё саломатлиги

Сўнгги маълумотларга кўра, инфекцияни юқтириб олган кишиларнинг сони 11,8 миллиондан ошди, 544 минг киши вафот этди. Энг кўп ҳолатлар АҚШда (2,9 млн), Бразилияда (1,6 млн), Ҳиндистонда (742 минг).

4