ТОШКЕНТ, 13 окт - Sputnik. Синоптикларнинг прогнози бўйича келаси ҳафтада Тошкентда ва республиканинг бошқа ҳудудларида об-ҳавонинг кескин совиши кутилмоқда.
Хусусан, 15-17 октябр саналарида Ўзбекистонда вақти-вақти билан ёғингарчилик кузатилади. 16 октябрда кучли ёмғир ёғиши мумкин.
16-17 октябрда ёғадиган ёмғир қорга айланиши кутилмоқда. Шунингдек, 15-16 октябрь кунлари шамол тезлиги сониясига 15-20 метргача кучаяди.
16-17 октябрь кунлари ҳаво температураси 0-2 даражагача пасаяди, вақти-вақти билан 2 градус совуқ бўлиши мумкин. Кундузи ҳаво ҳарорати 5-8 даража илиқ бўлади.
Эслатиб ўтамиз, илгарироқ Ўзбекистоннинг айрим туманларида биринчи қор ёққани ҳақида хабар берилган эди. Қиш яқинлашаётганини Самарқанд ва Қашқадарё вилоятлари ўртасида жойлашган Тахта-қорачи довонида ҳамда Жиззахда ҳис қилишди.
