Сотрудница лаборатории

АҚШ Қримда Лугарага ўхшаш биолабораторияни ташкил этмоқчи бўлган

440
Илгарироқ Грузия давлат хавфсизлиги вазири Игорь Гиоргадзе Ричард Лугара номидаги Лабораторияларда одамлар устидан ўлим билан тугайдиган синовлар ўтказилиши мумкинлиги ҳақида баёнот қилган эди

ТОШКЕНТ, 25 дек — Sputnik. АҚШ Симферополда Грузиядагига ўхшаш Лугара марказини ташкил қилишни режалаштирган. Қрим Россияга қўшиб олингач у ерда жўнатилишга тайёр бўлган биоматериалли ящиклар топилган, деб хабар қилган РИА Новостига Роспотребнадзор раҳбари Анна Попова.

"Бугунги кунда Украинада АҚШнинг 11та лабораториялари мавжуд. Улар Пентагон маблағларига модернизация қилинган. Худди шундай лаборатория Симферополда қурилиши режалаштирилган. 2014 йилда <…> у ерда жўнатилишга тайёр бўлган 104 турдаги эктопаразитлар, кемирувчиларнинг 46 намунадаги ички органлари, 105 намунадаги одамлардан олинган қон зардоблари топилган. Ўлатга қарши курашувчи бу станция тадқиқот маркази ролини бажармай қўйди, у фақат материал тўплаш ва уни грантлар бўйича Европага жўнатиш пунктига айланди", - деди Попова "Россия сегодня" ХАА брифингида.

Илгарироқ Грузия давлат хавфсизлиги вазири Игорь Гиоргадзе Ричард Лугара номидаги Лабораторияларда одамлар устидан ўлим билан тугайдиган синовлар ўтказилиши мумкинлиги ҳақида баёнот қилган эди.

Россия Қуролли кучлари радиациявий, кимёвий ва биологик ҳимоя бўйича қўшинлари раҳбари Игорь Кириллов, Лугара марказида ишлайдиган амперикалик олимлар даволаш кўринишида маҳаллий аҳоли устида заҳарли кимёвий препаратларни синовдан ўтказишганини айтган эди.

Москва эса Америка ва Грузия ҳукумати ўта хавфли юқумли касалликларни ўрганувчи АҚШ армияси ҳарбий бўлинмаси фаолиятининг ҳақиқий йўналишини яширишга ҳаракат қилмоқда, деб ҳисоблайди. Грузия томони ушбу хатарларни бекор, деб ҳисоблаб, лаборатория фақат илмий изланишлар билан шуғулланаётганини айтмоқда.

440
Сахарный завод

Ангрен шакар заводидаги ҳолат: корхона 5 ой ишламаган, лекин ходимларга ойлик тўланган

207
(Янгиланган 16:26 28.10.2020)
Ҳозирги вақтга келиб, корхона томонидан ўзаро келишув асосида, яъни келгусида корхона иш фаолиятини тиклагач, қайта ишга олиш шарти билан ходимлар билан тузилган меҳнат шартномалари бекор қилинмоқда.

ТОШКЕНТ, 28 окт - Sputnik. Тошкент вилояти матбуот-хизмати "Ангрен шакар" корхонаси атрофида тарқалаётган миш-мишларга ойдинлик киритди. Маълум бўлишича, корхона қарийб 5 ойдан буён фаолият кўрсатмасдан келмоқда. Лекин шунга қарамасдан, шу вақтга қадар ишчи-ходимларга ойлик маош тўлаб келинган. Айримлари эса ҳақ тўланмайдиган таътилга чиқарилган.

Таъкидланишича, ҳозирги вақтга келиб, корхона томонидан ўзаро келишув асосида, яъни келгусида корхона иш фаолиятини тиклагач, қайта ишга олиш шарти билан ходимлар билан тузилган меҳнат шартномалари бекор қилинмоқда.

Айни дамда 150 дан ортиқ ишчи-ходим ишдан бўшатилган, уларнинг барчасига компенсация пуллари тўлаб берилган. Ишдан бўшатишлар, ҳақ тўланмайдиган меҳнат таътиллари яна давом этиши мумкин.

Айни пайтда Оҳангарон шаҳар ва туман ҳокимлиги вақтинча ишсиз қолган фуқароларни иш билан таъминлаш бўйича дастлабки режаларни муҳокама қилиб, таклифлар тайёрламоқда. Бунда, асосан, саноат ва ишлаб чиқаришда маълум тажрибага эга бўлган ишчиларни ўз соҳасига яқин бўлган ишлаб чиқариш объектларига ишга жойлаштириш назарда тутилмоқда.

Бугун Оҳангарон тумани ҳокимининг биринчи ўринбосари Миршоҳид Мирюнусов, ҳудудларни ижтимоий-иқтисодий ривожлантириш бўйича 4-сектор раҳбари Анвар Мўминов мазкур корхонада бўлиб, ишчилар ва раҳбарлар билан суҳбатлашди.

Корхонадан бўшатилган ишчи-ходимларга 15 кун муддатда янги иш ўринлари таклиф этиш бўйича хулоса тайёрланаётгани ҳақида ахборот берилган.

207
Подпись документов

"Ўзавтосаноат" трансформация қилинади - президент фармони

289
(Янгиланган 16:11 28.10.2020)
Корхоналарни трансформация қилиш жараёнлари билан биргаликда, улар фаолият юритадиган соҳада бозор муносабатлари тамойилларига тўлиқ ўтиш, рақобат муҳитини шакллантириш ҳамда хусусий секторни жалб қилиш бўйича чора-тадбирлар ишлаб чиқилади.

ТОШКЕНТ, 28 окт - Sputnik. Ўзбекистон президентининг "Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида"ги фармони билан трансформация қилинадиган йирик давлат корхоналари ва хўжалик бирлашмалари рўйхати тасдиқланди.

Рўйхатдан «Навоий кон-металлургия комбинати", "Ўзбекнефтгаз", "Ўзтрансгаз", "Ҳудудгазтаъминот", "Ўзбекистон миллий электр тармоқлари", "Ўзбекгидроэнерго", "Ўзкимёсаноат", "Ўзбекистон почтаси", "Ўзбектелеком", "Ўздонмаҳсулот", "Ўзавтосаноат", "Тошшаҳартрансхизмат", "Ўзбекистон темир йўллари", Uzbekistan Airways, Uzbekistan Airports ва бошқа корхоналар ўрин олган.

Иқтисодий тараққиёт ва камбағалликни қисқартириш вазирлиги, Молия вазирлиги, Монополияга қарши курашиш қўмитаси, Коррупцияга қарши курашиш агентлиги, Давлат активлариини бошқариш агентлиги 2020 йил 1 декабрга қадар рақобат муҳитига таъсир қиладиган имтиёз ва преференсияларни хатловдан ўтказиб, уларни бекор қилиш бўйича қарор лойиҳасини Ўзбекистон Президенти администрациясига киритади.

Корхоналарни трансформация қилиш жараёнлари билан биргаликда, улар фаолият юритадиган соҳада бозор муносабатлари тамойилларига тўлиқ ўтиш, рақобат муҳитини шакллантириш ҳамда хусусий секторни жалб қилиш бўйича чора-тадбирлар ишлаб чиқилади.

289
Американский эсминец Lassen в море

"Россия аллақачон фойдаланмоқда": АҚШ қайси қуролни ҳеч ўзлаштира олмаяпти

271
(Янгиланган 22:46 28.10.2020)
Муаммо шундаки, америка гипертовушли ракеталари ўз ҳажми туфайли эсминецлар ячейкасига сиғмайди. Кемалар жиддий модернизацияга муҳтож: ишга тушириш модулларини янада сиғимдорга алиштириш, ўт очишни бошқариш тизимларини такомиллаштириш лозим. Бу қанчага тушиши номаълум

ТОШКЕНТ, 28 окт — Sputnik, Николай Протопопов. Ўнлаб кемалар ва сувости кемалари, Ҳаводан ҳужумга қарши мудофаа тизимларини енгиб ўтиш, тезкор глобал зарба стратегияси — Пентагон "Арли Бёрк" таснифидаги эскадра минаташувчиларини гипертовушли ракеталарга қайта қуроллантиришга қарор қилди. Ўта амбицияли лойиҳа етмишдан ортиқ "вымпел"ларни қайта қуроллантиришни кўзда тутади.

Остонадаги рақиблар: нима учун Пентагон америкаликларни катта уруш билан қўрқитмоқда?
Ruptly / CCTV pool / US department of defense / Минобороны России / U.S. Air Force video by Tech. Sgt. James Cason

Аммо ҳаммаси у қадар оддий эмас — ракета лойиҳаси ҳали охирига етказилгани йўқ, эсминецларга эса чуқур модернизация талаб этилади. Америка гипертовушли ракетаси муаммолари ҳақида — РИА Новости материалида.

Тезда бўлмайди

Пентагон режалари янги "Виргиния"  субмариналари ва "Замволт" эсминецлари гипертовушли қуроллар билан жиҳозланади. Сўнгра - "Арли Бёрк" таснифидаги кемалар, яъни АҚШ Ҳарбий денгиз кучлари(ҲДК)даги энг оммавий зарба "вымпел"лар ҳам.

Бор муаммо шундаки, америка гипертовушли ракеталари ўз габарити туфайли эсминецлар ячейкаларига сиғмаяпти. Кемалар жиддий модернизацияга муҳтож: ишга тушириш модулларини янада сиғимдорга алмаштириш, шунингдек, ўт очишни бошқариш штат тизимларини такомиллаштириш керак. Бу қанчага тушиши ва қанча вақтни олиши - ҳозирча номаълум.

АҚШ ҲДК сув сатҳи кемаларининг аксарияти қониқарсиз аҳволга келиб қолган, ва буни Пентагондагилар ҳам тан олади. Хусусан, ўттизга яқин "Арли Бёрк" эсминецларининг хизмат муддати ниҳояланмоқда, юз миллионлаб доллар маблағ сарфланган модернизациялаш ишлари ҳолатни кўпам яхши томонга ўзгартира олган эмас. Кема радарларига хизмат кўрсатиш ва куч ускуналарини ишчан ҳолатда ушлаб туришда алоҳида мураккабликлар юзага келмоқда.

Шу нарса аёнки, шиддат билан эскириб бораётган эсминецларни янги ишга тушириш қурилмалари ва гипертовушли қурол билан ускуналаш мақсадга мувофиқ эмас. Экспертлар фикрига кўра, Пентагоннинг ҳатто баландпарвоз баёнотларига қарамай, ушбу кемалар "Томагавк" қанотли ракеталарга эгалигича қолади.

"Бу миқдордаги эсминецларни тезкорликда қайта жиҳозлаш имконсиз, — дейди РИА Новости билан суҳбатда ҳарбий эксперт Алексей Леонков. — Дастур, фикримча, иккита йўналишда боради: фақатгина "янги" "Арли Бёрк"лар модернизация қилинади, плюс гипертовушли ракеталар учун ишга тушириш ускуналари янги кемаларга монтаж қилинади. Ҳаражатлар ҳам америкаликлар учун муҳим эмас — улар бугун дунёдаги кучлар балансини текислаш ва ўзига етакчилик позициясини қайтариш учун исталганча маблағ сарфлашга тайёр".

Арзон ва арзигулик

Ўз навбатида, америкалик аналитиклар фикрича, флотни гипертовушга қайта қуроллантириш дастури муваффақиятли амалга оширилиши учун ёки янги эсминецлар, ёки кичик ўлчамдаги ракеталар талаб этилади. Биринчи вариант мақбулдек кўринмоқда, нега деганда, Пентагон ракета борасида аниқ тўхтамга келгандек.

"Флотга база сифатида қуруқликдаги қўшинлар учун танланган лойиҳа олинмоқда, — Advanced Hypersonic Weapon, — дея аниқлик киритади Леонков. — Икки поғонали, қаттиқ ёқилғили. Биринчи поғона — тезлик олдиради, иккинчиси — режалаштирувчи блок. Денгизда жойлашувчи ракеталарни нафақат "Арли Бёрк" эсминецларига, балки "Огайо" ва "Виргиния" синфидаги сувости кемаларига ҳам ўрнатиш режалаштирилмоқда. Улар ҳозир айнан шу мақсадлар учун модернизация қилинмоқда".

Гипертовушли ракеталар истиқболли ташувчиларига келсак, Пентагон ҳамон янги авлод кемаси лойиҳасини ўрганмоқда. DDG Next эсминецини "Арли Бёркдан" сал каттароқ қилиб ишлаб чиқиш режалаштирган, аммо ишга тушириш ускуналари анча сиғимдор бўлиши, қораверса, қуролланиш томондан ҳам кучайтирилиши кутилмоқда.

Эслатиб ўтамиз, америкаликлар "Бёрк"га ўриндош топишга уринишган эди, аммо бу муваффақиятсиз якунланди — технологик жиҳатдан олдинлаб кетган Zumwalt эсминецлари ўта қўпол бўлиб, ҳарбий денгизчиларга ҳаддан зиёд бош оғриқ бўлди. Хомлиги шундоқ кўриниб турган ускуналар ва қуроллар туфайли уларнинг ишончлилиги ва эксплуатацияга яроқлилиги шубҳа остида қолди.

Хусусан, биринчи "Замволт" сувга туширилганидан бир ҳафта ўтиб, асосий куч қурилмаси ишдан чиқди — кема Панама каналида "ўчди" ва уни яқин-атрофдаги ҳарбий-денгиз базасига таъмир учун шатакка олишга тўғри келди. Электр ускуналар билан боғлиқ муаммолар кейинги "вымпел"да ҳам аниқланди.

Шу билан бир вақтнинг ўзида "Замволтлар"ни нарх борасида авианосецлар билан таққослаш мумкин. Ҳар бир эсминец америка бюджетига тахминан 4,5 миллиард долларга тушган. Оқибатда, режалаштирилган 32та кема ўрнига Пентагон учта билан чекланиб қўя қолди.

"Замволт"ларни гипертовушли қуроллар билан таъминлаш қарори, кўриниб турибдики, уларни жойлайдиган бошқа жой йўқлигидан далолат бермоқда. Хизмат ёки жанговар ҳаракатлар учун яроқсизлиги туфайли қўмондонлик бу кемаларни янги ракеталарга платформалар тариқасида кўриб чиқмоқда.

Қувиб бораётган ролида

Сувости ташувчилари — бу биринчи галда "Виргиния" кўпнишонли субмариналаридир. Уларни 2028-йилга келиб қайта қуроллантириш режалаштирилган. Бу сувости кемалари бир соат давомида сайёранинг исталган нуқтасига аниқ ноядровий глобал зарба беришни назарада тутувчи дастурга уланади. Қуруқликдаги қўшинлар илк гипертовушли мажмуаларни сал олдинроқ - 2023 йилда қабул қилиб олади.

Россияда эса буларнинг барчаси аллақачон жорий этилган ва мунтазам равишда машғулотларда синалиб келинади.

Хусусан, ерда жойлашувчи стратегик мақсадли "Авангард" мажмуаси ҳақида 2018 йилнинг баҳорида маълум бўлган эди. Зарба қисми — минтақалараро УР-100Н ракетаси ва ўта юқори температураларга дош берувчи режалаштирувчи блокдир, — атмосферанинг зич қатламларида соатига 25 минг километргача тезлашади. Мажмуа икки йил олдин серияга киритилган, "Авангард" билан қуроллантирилган биринчи полк эса 2019 йилнинг декабрида навбатчиликка киришган эди. Жорий йил якунига қадар Россия Мудофаа вазирлиги Оренбург вилоятида яна иккита ракета учун инфратузилма тайёрлайди.

Флот ҳам ортда қолмаяпти. Октябр ойи бошида Бош штаб "Адмирал Горшков" фрегатидан "Циркон" гипертовушли ракетаси синови муваффақиятли ўтказилгани ҳақида хабар берган эди. Жанговар захира саккиз Махдан ортиқ (соатига тахминан 9,5 минг километр) тезликни олди ва 450 километрни 4,5 дақиқа ичида забт этди. Истиқболда ракета минглаб километр масофадаги нишонларни йўқ қила олиши ва 9 Мах тезликка чиқиши мумкин.

Кутилишича, мажмуа 2021 йилда сафга қабул қилиб олинади. У билан амалдаги ва қурилаётган сув сатҳи кемалари ва сувости кемаларини жиҳозлаш режалаштирилган. Хусусан, 2025-2026-йиллар оралиғида ҲДФ учун иккита 22350 лойиҳа фрегати қурилади. "Циркон" билан қуролланган биринчи субмарина "Ясень-М" лойиҳасига тегишли кўпнишонли АПЛ "Казань" бўлади.

Денгизчиларга уни декабр ойида топширишади — ҳозир кема синовдан ўтмоқда.

Бундан ташқари, Россия, ҳавода жойлашувчи "Ҳанжар" ("Кинжал") деб атамиш гипертовушли қуролига эга. Тутиб олувчи МиГ-31К қирувчилари бу хилдаги ракеталар билан 2017 йилдан буён жиҳозлантирилади. Бир нечта ташувчилар Жанубий ҳарбий округда жой олган, 2024 йилга қадар эса "Кинжаллар" билан Красноярск ўлкасидаги авиаполк ҳам жиҳозлантирилади. Мажмуа икки минг километр масофагача бўлган нишонларни йўқ қилади. Боеголовкалар оддий ёки махсус - ядровий зарядли бўлиши мумкин.

271