Меҳнат вазирлиги ўзбекистонликларга 413 мингта доимий иш ўринларини ваъда қилди

© СпутникЯрмарка вакансий в Ташкенте прошла во дворе педагогического университета имени Низами
Ярмарка вакансий в Ташкенте прошла во дворе педагогического университета имени Низами - Sputnik Ўзбекистон
Oбуна бўлиш
Меҳнат вазирлиги 2019 йилда 413 мингта доимий иш ўринларини яратишни режалаштирмоқда. Бу ўтган йилги кўрсаткичга нисбатан 63 мингтага кўпдир

ТОШКЕНТ, 17 янв - Sputnik. Ўзбекистон Меҳнат ва бандлик вазирлиги 2019 йилда 413 мингта доимий иш ўринларини яратишни режалаштирмоқда, деди Халқаро Пресс Клубнинг "Ўзбекистонда хотин-қизлар ва оила муаммолари: ижтимоий ёрдам, ишонч ва мақсадли ечимлар" мавзусидаги сессияси давомида Меҳнат ва бандлик муносабатлари вазирлиги бошқарма бошлиғи Тимур Махмудов.

Президент Узбекистана Шавкат Мирзиёев встретился с гендиректором МОТ Гаем Райдером - Sputnik Ўзбекистон
ХМТ раҳбари: Ўзбекистоннинг меҳнат қонунчилиги халқаро нормаларга интилмоқда

Sputnik Ўзбекистон мухбири хабарига асосан. 

Меҳнат вазирлиги ахборотига мувофиқ, Ўзбекистонда ишсизсизлик даражаси иқтисодий фаол аҳолининг 9,3%ни ташкил қилади.

"Аёллар кесимида оладиган бўлсак, бу кўрсаткич 13%ни ташкил қилади, яъни ўрта ҳисобда ҳақиқий ишсиз аёлларсони 1 миллион атрофида. Лекин бандлиги таъминланган, мавсумий ишларда ишлаётган аёлларимиз ҳам доимий ишларга ўтиш, расмий секторда фаолият юритиш истагини билдиралар. Уларни ҳам ҳисобласак ишсиз, ишга муҳтож аёллар сони 2-2,5 миллионга етади", - деди Махмудов.

Шу ўринда, Махмудов Меҳнат вазирлиги 2019 йилда 413 мингта доимий иш ўринларини яратишни режалаштираётганини қўшимча қилди.

"Бундан камида 50%и, яъни 200 мингдан ортиғи аёллар ҳиссасига тўғри келади. Шунингдек, 13 минг нафар оғир турмуш шароитидаги аёллар бандлигини таъминлаш бўйича ҳам қатор ишларни амалга оширамиз. Уларнинг манзилли рўйхатларини шакллантирдик, ва бу аёлларни ишга жойлаштириш бўйича манбаларни аниқлаб олдик", - дея изоҳ берди меҳнат вазирлиги вакили. 

Вазирлик режасига мувофиқ, 2019 йилда 220 минг аёл вақтинчалик жамоат ишларига жалб этилади. Молия вазирлиги томонидан шу мақсадда 400 миллиард сўм маблағ ажратилган.

Янгиликлар лентаси
0