Пресечена попытка тайного ввоза телевизоров на 5 миллиардов сум

Божхоначилар йирик миқдорда телевизорлар контрабандасини фош қилишди

454
Ушбу контрабанда махсулотларини Ўзбекистон ҳудудида тушириб қолдириш режаси фош бўлишининг олдини олиш мақсадида жиноий гуруҳ аъзолари ўзбек божхоначиларига тўққиз минг АҚШ доллар пора таклиф қилишган.

ТОШКЕНТ, 9 фев - Sputnik. Ўзбекистон божхона хизмати органлари томонидан республика 3 млрд. 816 млн сўмлик телевизорларнинг божхона чегаралари орқали ноқонуний равишда олиб кирилишининг олдини олишга муваффақ бўлишди.

Ноқонуний товарлар Тошкент вилояти божхона бошқармасининг "Яллама" чегара-божхона постида қўшни давлат фуқароси бошқарувидаги юк автотранспортида аниқланган.

Ўзбекистондан гўёки транзит тарзида ўтаётган мазкур юклар ҳужжатларида автотранспортга қиймати 17 минг АҚШ долларидан ошиқ бўлган 2482 дона телевизорлар ва 200 дона иссиқлик радиаторлари ортилгани қайд қилинган.

Аммо, чегарадан чиқиб кетиш давомида божхона органларига тақдим қилиниши лозим бўлган сохта ҳужжатларда эса иссиқлик радиоаторлари 100 тага камайтириб кўрсатилган, телевизорлар ўрнига эса кулолчиликда қўлланиладиган материаллар, кўрпа-тўшаклар ва турли ғилофлар борлиги акс эттирилган.

"Ҳужжатлардаги номувофиқликларга ойдинлик киритиш мақсадида мазкур юк автотранспорт воситаси белгиланган тартибда божхона кўригидан ўтказилганда, унга 4 турдаги 2680 дона чет элда ишлаб чиқарилган телевизорлар ортилгани аниқланди. Уларнинг умумий қиймати дастлабки ҳисоб-китобларга кўра 3 млрд. 816 млн. сўмни ташкил қилмоқда", - дейилади хабарда.

Жиноий гуруҳнинг ҳийласига кўра республика ҳудудидан гўёки транзит тарзида ўтказилаётган мазкур телевизорлар аслида ички ҳудудда тушириб қолдирилиши ва уларнинг ўрнига чиқиб кетишда бошқа товарлар ортилиши режалаштирилган.

Ушбу контрабанда махсулотларини Ўзбекистон ҳудудида тушириб қолдириш режаси фош бўлишининг олдини олиш мақсадида жиноий гуруҳ аъзолари ўзбек божхоначиларига тўққиз минг АҚШ доллар пора таклиф қилишган. Аммо, уларнинг бу найранги ҳам наф бермаган.

Ҳозирда мазкур ҳолат юзасидан Ўзбекистон Республикаси Жиноят кодексининг бир нечта моддалари билан жиноят иши қўзғатилди. 

Шунингдек, жиноий гуруҳнинг қолган аъзоларини ҳам фош қилиш ва уларга нисбатан жазо муқаррарлигини таъминлаш юзасидан тезкор тадбирлар давом эттирилмоқда, деб хабар қилади Божхона қўмитаси матбуот-хизмати.

454
Шавкат Абдукамилов, начальник управления науки, инновации и подготовки кадров агенства УзАтом

Абдукамилов: битирувчи-атомчилар дарҳол ўзбек АЭСи пультига яқинлаштирилмайди

39
"Ўзатом" агентлигининг Илм-фан, инновациялар ва кадрлар тайёрлаш бўлими бошлиғи Шавкат Aбдукамилов атом энергетикаси бошқаруви тизимига тўлиқ кириш имкониятига эга бўлишидан олдин атом соҳасидаги ёш мутахассисларни нималар кутиши ҳақида гапирди

Ўзбекистонда 2028 йилга қадар Марказий Осиёда биринчи атом электр станциясини барпо этиш режалаштирилган. Бироқ, кадрларни тайёрлаш жараёни анча олдин бошлаб юборилган. Хусусан, кадрлар нафақат Тошкентдаги НИЯУ МИФИ томонидан, балки республика олийгоҳларидаги алоҳида мухсус факультетлар томонидан ҳам тайёрланмоқда.

Шавкат Абдукамиловнинг сўзларига кўра, атом энергетикаси сингари энг муҳим соҳада мутахассисларни тайёрлаш олий таълим муассасасида олинган таълим билан чегараланмайди - бу тайёргарликнинг биринчи пиллапоясидир, холос.

"Бу, зинҳор, атомчи-битирувчилар дипломларини олганларидан сўнг дарҳол AЭС энергия блокларини бошқариш имкониятига эга бўлишларини англатмайди. Кадрларни тайёрлаш - узлуксиз жараёндир. Шу тарзда, ёш мутахассислар қурилиш жараёнида ва ишга тушириш босқичларида фаол иштирок этишади ва иш моҳиятини ўрганадилар. Бундан ташқари, Россиядаги шунга ўхшаш АЭСларда, хусусан, Нововоронеждаги АЭСда мажбурий стажировкалар режалаштирилган. Булардан ташқари, биринчи блок ишга туширилгандан сўнг, қурилаётган иккинчи блокнинг мутахассислари ўқув машғулотлари мақсадида ишлаётган реакторда ҳамкасблари билан биргаликда барча ҳаракатларни машқ қиладилар", - дея изоҳ берди "Ўзатом" вакили.

Aйтганча, Ўзбекистондаги бўлажак АЭСнинг биринчи объекти бошқарув панелининг тўлиқ ўлчамдаги моделига эга ўқув мажмуаси бўлади. Aйнан ушбу тренажерда станциянинг бўлажак операторлари тажрибали ҳамкасблари ва муҳандислар раҳбарлигида ҳар қандай фавқулодда вазиятларда ўз ҳаракатларини машқ қилиб, маҳоратларини оширишади.

Мамлакат атом саноати фаолияти учун кадрлар тайёрлаш методикаси ҳақида Sputnik Ўзбекистон радиоподкастида рус тилида тингланг.

Абдукамилов: выпускников-атомщиков никто сразу не допустит к пульту АЭС
39
Теглар:
АЭС
Головное сооружение Фархадской гидроэлектростанции (ГЭС).

Ўзбекистонда гидроэнергетика соҳасида йирик форум ўтказилади

99
Мазкур йирик конгресс учун 150 дан ортиқ компаниялар ҳамда 20 дан ортиқ давлатлар вакилларининг иштироки кўзда тутилган.

ТОШКЕНТ, 22 янв - Sputnik. Ўзбекистонда 17-18 феврал кунлари Гидроэнергетика соҳасидаги йирик форум ва кўргазма бўлиб ўтади, деб хабар бермоқда Sputnik Ўзбекистон мухбири.

Мазкур йирик конгресс учун 150 дан ортиқ компаниялар ҳамда 20 дан ортиқ давлатлар вакилларининг иштироки кўзда тутилган.

Мазкур йирик гидроэнергетика форуми ва кўргазмаси Европа, Лотин Амерекаси, Буюк Британия, Эрон, Грузия ва МДҲ давлатлари ҳамкорлигида энергетика соҳасини ривожлантириш ҳамда халқаро йирик тадбирлар, форум ва кўргазмаларни ўтказишда етакчи ҳисобланган халқаро "Vostock Capital" ташкилоти томонидан ҳар йили анъанавий тарзда ўтказиб келинади.

Ўтган йилларда мазкур йирик конгресс Қирғизистон, Грузия ҳамда Россия Федерацияларида ташкил этилган. Жорий йил ўтказилиши режалаштирилаётган йирик тадбир "Vostock Capital" ҳамда "Ўзбекгидроэнерго" АЖ ҳамкорлигида ташкил этилмоқда.

Форумдан ўрин олган асосий маърузалар мамакатимизда гидроэнергетика соҳасида амалга оширилаётган кенг кўламли ислоҳотлар, жорий ва кутилаётган истиқболларга бағишланиши кутилмоқда.

Конгресс доирасида асосий 30 та маъруза ўрин олган бўлиб, соҳа мутахассислари иштирокида бир қатор давра суҳбатлари, семинарлар, брифинглар ташкил этилади.

99