Гулнора Каримова ўзи етказган зарарни қопламади, энди жазони колонияда ўтайди

© Sputnik / Валерий ЛевитинГульнара Каримова
Гульнара Каримова - Sputnik Ўзбекистон
Oбуна бўлиш
2019 йил 5 мартда жиноят ишлари бўйича Яшнобод тумани суди томонидан Каримовага нисбатан тайинланган жазонинг ўталмай қолган муддати озодликдан маҳрум қилиш жазоси билан алмаштирилиб, умумий тартибли колонияда ўташи белгиланган.

ТОШКЕНТ, 6 мар - Sputnik. Ўзбекистон Бош прокуратураси Гулнора Каримова бўйича ҳисоботини эълон қилди.

Овсяные хлопья - Sputnik Ўзбекистон
Лола Каримова севимли нонушта рецепти билан ўртоқлашди

Ҳисоботда айтилишича, жиноят ишлари бўйича Тошкент вилояти судининг 2017 йил 18 декабрдаги ҳукми билан 1972 йилда туғилган Каримова Гулнора Исламовнага 10 йил озодликдан маҳрум қилиш жазоси тайинланган.

"Инсонпарварлик нуқтаи назаридан ҳамда маҳкума жиноий йўл билан орттирилган пул маблағларини қайтариш ва давлатга етказилган зарарни қоплаш мажбуриятларини ўз зиммасига олганлигини эътиборга олган ҳолда, жиноят ишлари бўйича Тошкент вилояти судининг 2018 йил 1 июлдаги ажрими билан Г.Каримовага тайинланган жазо 5 йил муддатга озодликни чеклаш жазосига алмаштирилган. Озодликни чеклаш жазосини ўташ жойи этиб маҳкума Г.Каримованинг ўз танловига кўра, қизи Иман Каримованинг яшаш жойи белгиланган", - дейилади хабарда.

Шу билан бирга, маҳкума Каримова зиммасига қонунчиликда назарда тутилган қатор чекловлар, шу жумладан, яшаш жойидан чиқиб кетмаслик, алоқа воситаларидан ва Интернетдан фойдаланмаслик ҳамда зарарни қоплаш мажбурияти юклатилган.

Заместитель Генпрокурора РУз Эркин Юлдашев - Sputnik Ўзбекистон
Эркин Йўлдошев Гулнора Каримова иши, прокурор назорати ва тизимдаги ўзгаришлар ҳақида

Маҳкума Каримовага озодликни чеклаш жазосини ўташдан қасддан бўйин товлаган, шунингдек, суд томонидан юклатилган мажбуриятларни бажармаган тақдирда, суд жазонинг ўталмай қолган муддатини бошқа жазо билан алмаштириши мумкинлиги тушунтирилган.

Лекин маҳкума Каримова жазони ўташ даврида суд томонидан ўрнатилган чекловларни мунтазам равишда бузиб, ўзига юклатилган мажбуриятларни бажармаган, дейилади ҳисоботда.

Хусусан, маҳкума Каримова 2018 йил 22 ноябрь куни яшаш жойидан ўзбошимчалик билан чиқиб кетган ҳамда жазони ўташ тартиби ва шартларини бузмаслик ҳақида огоҳлантирилган.

Огоҳлантиришга қарамасдан, Каримова ўзига тегишли хулоса қилмасдан, жазони ўташ тартиби ва шартларини қасддан бузишда давом этган, хусусан: мунтазам равишда алоқа воситаларидан, шу жумладан, Интернетдан фойдаланган;

День рождения основателя ювелирного дома De Grisogono - Sputnik Ўзбекистон
АҚШ Гулнора Каримовага нисбатан санкцияларни узайтирди

жиноят иши бўйича аниқланган ўзи томонидан етказилган зарарнинг қопланишига фаол тўсқинлик қилган.

Каримова жазони ўташ тартиби ва шартларини қасддан бузганлиги сабабли жиноят-ижроия қонунчилигига мувофиқ, Ўзбекистон Республикаси ИИВ Жазони ижро этиш бош бошқармаси ҳузуридаги Пробация хизматининг тақдимномасига асосан, 2019 йил 5 мартда жиноят ишлари бўйича Яшнобод тумани суди томонидан унга нисбатан тайинланган жазонинг ўталмай қолган муддати озодликдан маҳрум қилиш жазоси билан алмаштирилиб, умумий тартибли колонияда ўташи белгиланган.

Янгиликлар лентаси
0