Беременная женщина

Аборт ва контрацепция: репродуктив саломатликка оид қонун тасдиқланди

206
Контрацепциянинг жарроҳлик усули вояга етганларнинг ёки эр-хотиннинг ёхуд муомалага лаёқатсизлар васийларининг розилиги билан амалга оширилади.

ТОШКЕНТ, 12 мар – Sputnik. Ўзбекистон президенти Шавкат Мирзиёев “Фуқароларнинг репродуктив саломатлигини сақлаш тўғрисида”ги Қонунни имзолади. Бу ҳақда “Ҳуқуқий ахборот” Telegram-канали хабар қилди.

Мазкур Қонуннинг мақсади, фуқароларнинг репродуктив саломатлигини сақлашни тартибга солишдан иборат.

Қонунга мувофиқ, фуқаролар контрацепция усулларини танлаш, улардан фойдаланиш, шунингдек, уларни рад этиш ҳуқуқига эга.

Фуқароларга соғлиғининг ҳолати, ёши ва индивидуал хусусиятлари ҳисобга олинган ҳамда номақбул оқибатлар ҳақида огоҳлантирган ҳолда контрацепция усулларини якка тартибда танлаш бўйича тиббий ёрдам кўрсатилади.

Контрацепциянинг жарроҳлик усули вояга етганларнинг ёки эр-хотиннинг ёхуд муомалага лаёқатсизлар васийларининг розилиги билан амалга оширилади.

Қонунга кўра, ҳомиладорликни сунъий тушириш қуйидаги ҳолатларда амалга оширилади:

- ҳомиладорликнинг ўн икки ҳафтасигача аёлнинг хоҳишига кўра;

- ҳомиладорнинг ҳаётига хавф солувчи тиббий кўрсатмалар бўлганида ҳомиладорликнинг исталган муддатида.

Қонунга кўра ёрдамчи репродуктив технологиялар қўлланилиши ҳақидаги, шунингдек, уларнинг иштирокчилари ҳақидаги маълумотлар шифокорлик сири сифатида қўриқланади.

Хусусий клиникада ўнлаб чақалоқлар ёқиб юборилгани маълум бўлди

206