Дверь с ключами

Мирзиёев Татьяна Навка, Павел Буре ва Россиянинг бошқа спортчиларига Тошкентдан уй берди

983
Эндиликда машҳур спортчилар Ўзбекистонга меҳмонга эмас, ўз уйига келгандек, келиб-кетишади

ТОШКЕНТ, 15 мар - Sputnik, Дилшода Раҳматова. Ўзбекистон президенти Шавкат Мирзиёев топшириғи билан Тошкент шаҳар ҳокими россиялик бир қатор мураббий ва спорт юлдузларига квартиралар ажратадиган бўлди.

Фигуристка Татьяна Навка
© Sputnik / Дильшода Рахматова.

Бу ҳақда Ўзбекистон раҳбари 15 март куни Тошкентда бўлиб ўтган "Humo Arena"сининг тантанали маросимида маълум қилди.

Мирзиёев ўз нутқи давомида очилиш маросимида иштирок этган машҳур спортчилар ва мураббийлар - жаҳон спорти юлдузларига мурожаат қилди ва уларнинг кўмаги, билими, кўникмаси ҳамда улкан профессионал тажрибасига умид қилишини айтди.

"Мен бугун бу спорт юлдузлари билан учрашдим. Тошкент шаҳар ҳокимига қисқа фурсатда уларга(спортчиларга) квартиралар ажратиб бериши борасида топшириқ бердим. Спортчилар Ўзбекистонга меҳмонга эмас, балки ўз уйига келиб кетгандек келишсинлар", - деди Ўзбекистон президенти.

983
Эльмира Баситханова

Баситханова Соғлиқни сақлаш вазири ўринбосари лавозимига тайинланди

15
(Янгиланган 22:38 03.07.2020)
Баситханова Ўзбекистон президентининг жорий йил 3 июлдаги тегишли қарорига асосан Соғлиқни сақлаш вазирининг ўринбосари лавозимига тайинланди.

ТОШКЕНТ, 3 июл - Sputnik. Эльмира Баситханова яна Соғлиқни сақлаш вазирининг ўринбосари лавозимига тайинланди, деб хабар берди ССВ матбуот-хизмати.

Ўзбекистон президентининг жорий йил 3 июлдаги тегишли қарорига асосан Соғлиқни сақлаш вазирининг ўринбосари лавозимига Баситханова Эльмира Иркиновна тайинланди.

Баситханова 1958 йилда туғилган. 1981 йилда Тошкент давлат тиббиёт институти (ҳозирги Тошкент тиббиёт академияси)ни тамомлаган, тиббиёт фанлари доктори.

Тайинловга қадар Тошкент шаҳар тез тиббий ёрдам клиник шифохонасида фаолиятини бошлаган ва кўп йиллар бош шифокор сифатида, шунингдек, Ўзбекистон Республикаси Бош вазири ўринбосари, Хотин-қизлар қўмитаси раиси, сўнг Соғлиқни сақлаш вазири ўринбосари лавозимларида фаолият кўрсатган. Айни пайтга қадар Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосари лавозимида фаолият юритиб келган.

15

"МИСиС"га қабул квоталари эълон қилинди

64
Кириш имтиҳонлари кундузги ўқиш шакли учун 2020 йил 25 июлдан 5 августгача, сиртқи ўқиш учун 2020 йил 5 августдан 15 августгача режалаштирилган.

ТОШКЕНТ, 3 июл - Sputnik. "МИСиС" НИТУ Олмалиқ филиалига 2020/2021 ўқув йили учун талабаларни қабул қилиш квотаси 250 кишини ташкил этади ва талабаларнинг 40 фоизи Ўзбекистон давлат буюртмаси (бюджети) ҳисобидан таҳсил олади.

Аввалги йиллар билан таққослаганда, жорий йилги қабул комиссиясининг фарқли жиҳати - биринчи марта сиртки ўқиш учун квоталарнинг ажратилиши ва абитуриентларнинг ҳужжатлари онлайн тарзда қабул қилиниши.

Республика Олий Таълим Вазирлиги ва "бош университет"нинг глобал пандемияда шароитида берган кўрсатмаларини ҳисобга олган ҳолда, шунингдек, республиканинг чекка ҳудудларидан келганлар имтиҳон кунлари филиал ётоқхонасига жойлаштирилади.

Ҳужжатлар қабули қуйидаги таълим йўналишлари бўйича амалга оширилади, бунда квоталар қуйидаги тартибда тақсимланади: "Металлургия (металл технологияси)" - 75 кундузги ва 25 сиртқи, "Автоматлаштириш ва технологик жараёнлар ва ишлаб чиқаришни бошқариш (тармоқлар бўйича)" - 25 та кундузги ва 25 та сиртқи ва "Кончилик" ихтисослиги - 75 кундузги ва 25 сиртқи.

Ҳужжатларни топшириш муддати:

- кундузги ўқиш шакли учун 2020 йил 20 июндан 20 июлгача;

- сиртқи ўқиш шакли учун 2020 йил 20 июндан 31 июлгача.

Кириш имтиҳонлари кундузги ўқиш шакли учун 2020 йил 25 июлдан 5 августгача, сиртқи ўқиш учун 2020 йил 5 августдан 15 августгача режалаштирилган.

Керакли ҳужжатлар рўйхати ва ҳужжатларни онлайн тарзда топшириш бўйича йўриқнома билан misis.uz сайтида танишиш мумкин.

64