Ўн беш йил узоқроқ умр кўришни хоҳлайсизми - олимлар тавсиялари

2078
Олимлар шундай тўхтамга келишганки, тез-тез қадам ташлашни афзал кўрадиган одамларда юрак яхшироқ ишлайди. Бунда вазн ҳеч қандай аҳамиятга эга эмас.

ТОШКЕНТ, 18 май – Sputnik. Пиёда тез-тез қадам ташлаш инсон ҳаётини 15 йилга узайтириши мумкин. Лестер (Буюк Британия) университети олимлари шундай хулосага келишди, деб ёзади The Daily Mail.

Мутахассислар ўртача ёши 52 ёш бўлган ярим миллионга яқин одамлар тўғрисидаги маълумотларни ўрганиб чиққанлар.

Маълум бўлдики, тез-тез қадам ташлайдиган аёллар умрининг ўртача давомийлиги 86,7дан 87,8гачани ташкил этади. Эркакларда эса бу кўрсаткич 85,2-86,8га тенг.

Секин юрадиган ёки умуман кам ҳаракат қиладиган одамлар келажаги хавас қилгуликмас. Ҳаракатчан бўлмаган аёллар умрининг ўртача давомийлиги 74 ёшни, эркакларники эса 64,8 ёшни ташкил этган.

Тадқиқот муаллифларининг таъкидига кўра, юриш фойдаси инсон ортиқча вазнга эга бўлганида ҳам сақланиб қолади.

Олимлар ушбу тадқиқот кузатув асосида ўтказилганини, яъни тез юриш инсон умрини узайтиришини далилламаслигини қўшимча қилган. Шу билан бирга, шифокорлар ўз мижозлари соғлиғи ҳақида аниқ ҳолатни тасвирлаётганларида, бошқа тестлар қаторида айнан пиёда юриш тезлиги маркеридан фойдаланишларини унутмаслик лозим.

2078

Ўзбекистонда коронавирусга чалинганлар сони 4022тага етди

298
(Янгиланган 11:38 06.06.2020)
Ҳозирда мамлакатда 759 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 10 нафари оғир, 3 нафари эса ўта оғир аҳволда.

ТОШКЕНТ, 6 июн - Sputnik. Ўзбекистонда коронавирус инфекцияси қайд этилганлар сони 15 нафарга ошди ва 4022тани ташкил этмоқда, деб хабар қилди Соғлиқни сақлаш вазирлиги.

Автобусы Ташкента дезинфицируются для предотвращения инфекционных заболеваний
© Пресс-служба хокимията г. Ташкент.

Таъкидланишича, янги касалланиш ҳолатларининг 4 нафари карантин марказидаги фуқаролар орасида, 3 нафари Тошкент вилоятида Россиядан чегара пост орқали мамлакатга кириб келган халқаро юк ташувчи автомашина ҳайдовчиларида, 5 нафари Навоий вилоятида коронавирусга чалинганлар билан мулоқотда бўлиб карантинга олинган фуқароларда, 3 нафари эса Тошкент шаҳрида аҳоли орасида аниқланган.

Айни пайтда Ўзбекистонда 3247 нафар коронавирус инфекциясига чалинган фуқаролар соғайган.

Ҳозирда мамлакатда 759 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 10 нафари оғир, 3 нафари эса ўта оғир аҳволда.

298
Мавзу:
COVID-19 умумжаҳон пандемияси
Автобусы Ташкента дезинфицируются для предотвращения инфекционных заболеваний

Ўзбекистонда автобус ҳаракатлари қайта йўлга қўйилади

399
(Янгиланган 19:21 05.06.2020)
Автобус салонига фақатгина тиббий ниқобдаги йўловчилар киритилади. Ҳайдовчилар тиббий ниқоб ва қўлқоплар билан таъминланади

ТОШКЕНТ, 5 июн - Sputnik. Жорий йилнинг 8 июнидан — "сариқ" ва "яшил" ҳудудларда жамоат транспортида шаҳар (туман) ва шаҳар атрофи йўналишлари бўйича автобус ҳаракатларига рухсат берилди. Бу ҳақда Республика махсус комиссияси баёноти эълон қилинди.

Дамас, микроавтобус ва метрополитен фаолияти бундан мустасно.

Жамоат транспорти фаолиятини қайта тиклашда қуйидаги талабларга қатъий риоя қилиш талаб этилади:

* автокорхона томонидан транспорт воситасини ҳар бир қатнов олдидан ва охирги бекатда, шунингдек, автошоҳбекатларда тўлиқ дезинфекция қилиш;

* ҳайдовчиларни тиббий ниқоб ва қўлқоплар билан таъминлаш ҳамда уларнинг мунтазам равишда ўз вақтида алмаштириб бориш чораларини кўриш;

* автобус салонига фақатгина тиббий ниқобдаги йўловчиларни киритиш.

Транспорт вазирлигининг ҳудудий ва таркибий тузилмалари масъул ходимлари томонидан тегишли ташкилотлар билан биргаликда ушбу талабларга риоя этилиши назоратга олинади.

Эслатиб ўтамиз, Ўзбекистонда карантин чоралари юмшатилаётгани билан, вазият мураккаблигича қолмоқда.

Бош санитар врач Нурмат Отабеков сўзларига кўра, куни кеча рўйхатга олинган 96 беморнинг 81 нафари карантин муассасаларига жойлаштирилган шахслар орасидан аниқланган бўлса, 13 нафари аҳоли орасида қайд этилган. 2 нафари эса халқаро юк ташувчи шахслар орасида аниқланган.

Шу ҳолатни инобатга олган ҳолда жамоат транспортида ҳаракатланиш вақтида йўловчилардан карантин талабларига қатъий амал қилиш ва ижтимоий масофани сақлашга эътибор қаратиш сўраб қолинади.

Ўз навбатида жамоат транспортида карантин талабларини бузиш тегишли маъмурий жавобгарликка сабаб бўлади.

399
Официальный представитель Министерства иностранных дел России Мария Захарова

ТИВ АҚШнинг "демократия" бўйича насиҳатлари подборкасини эълон қилади

121
Захарованинг сўзларига кўра, РФ ТИВ АҚШ томонидан қилинган "демократия сабоқлари" тўғрисидаги подборка "троллинг" мақсадида эмас, балки шунчаки, келгусида ёдда сақлашлари учун эълон қилади.

ТОШКЕНТ, 6 июн – Sputnik. Россия ташқи ишлар вазирлиги АҚШ сўнгги 10 йил давомида "қандай қилиб бутун дунёга демократиядан сабоқ бергани" тўғрисида подборкани эълон қилади, деди РФ ТИВ расмий вакили Мария Захарова.

"Мен биз ҳам "троллинг" қилишни биламиз, демоқчи эдим. Бу иккиланиш бўй кўрсатган шундайин бир тарихий лаҳза. Чунки эртага  эҳтимол ТИВнинг ижтимоий тармоқлардаги саҳифаларида, ТИВ Facebookида махсус подборкаларни эълон қиламиз. Америкалик ҳамкасбларимиз бизга қандай сабоқ беришгани ҳақида бундан ҳам баттар иқтибослар бор, лекин биз сўнгги 10 йил давомида улар бутун дунёга қандай қилиб ўша демократиядан сабоқ бергани ҳақида махсус подборкаларни тайёрладик. Улар қандай қилиб ақл ўргатишгани, панд-насиҳат қилишгани, эътироз билдиришгани, оммавий "савалаш"ларни уюштиришганини кўрсатиб берамиз. Бу ҳатто троллинг эмас", - деди Захарова YouTube-каналдаги "Соловьев LIVE" эфирида "Россия тартибсизликлар фонида АҚШни "троллинг" қиладими", деган саволга жавобан.

Захарованинг таъкидлашича, сўнгги йилларда АҚШнинг демократия бўйича "насиҳатлари" ички муаммолари мавжуд бўлган давлатлар устидан кулиш тусини олган, чунки Вашингтон ўша давлатлардаги вазиятни кўриб туриб шундай баёнотлар билан чиққан.

"Бу кўп ҳолларда ички муаммоларни кўриб, очиқчасига кулиш эди. Кўп ҳолларда бошқа давлатларда ўша ички муаммоларнинг пайдо бўлишига ҳисса қўшган ҳолда улар халқаро ташкилотлар, ижтимоий тармоқлар, брифинглар ва бошқа жойларда албатта оммавий баёнотлар билан чиқиш қиларди. Бизда бу подборка тайёр, биз шунчаки эртага эълон қиламиз", - деб қўшимча қилди у.

Захарованинг сўзларига кўра, РФ ТИВ АҚШ ҳақидаги подборкани "троллинг" мақсадида эмас, балки шунчаки келгусида ёдда сақлашлари учун эълон қилади.

"Нега деганда, Вашингтон, келгуси сафар, бу жуда яқин орада содир бўлади, кимгадир ўша айтганимиздек, демократиядан сабоқ бермоқчи бўлганида, ички муаммолар билан қандай яшаш керагу бу муаммоларни қандай енгиш лозимлиги ҳақида гапиришни истаганида, уларга бу эслатма бўлади", - деди Захарова ва айни дам АҚШ "троллинги" мавриди эмаслигини, нега деганда, АҚШдаги норозиликлар - бу реал муаммолигини қўшимча қилди.

Эслатиб ўтамиз, афроамерикалик Жорж Флойд Миннеаполисда полициячилар қўлида нобуд бўлгач АҚШнинг йирик шаҳарларида норозиликлар ва тартибсизликлар тўлқини авж олган эди.

121