Фарғонада банк ходимлари сейфдан 100 минг $ ўғирлашди

Oбуна бўлиш
Ўғирлик банкнинг вақтинча бошқарувчиси ҳамда икки нафар шу банк ходимлари томонидан содир этилган

ТОШКЕНТ, 12 июн - Sputnik. Фарғонада банк ходимлари 100 минг долларни ўзлаштириб юборди, деб хабар қилди Ўзбекистон ИИВ.

Uzcard - Sputnik Ўзбекистон
Банк ходимлари фуқароларнинг пластик карточкаларидаги пулларини ўғирлагани фош бўлди

"2019 йил 6 февраль куни Фарғона вилоятининг Ёзёвон тумани ҳудудида жойлашган АТ “Халқ банки” Ёзёвон тумани филиали ходимлари томонидан банк ғазнасидаги валюта сақлаш сейфида бўлган пуллар саноқдан ўтказилганида, шу ерда бўлган 100000 АҚШ доллари йўқлиги аниқланган", - дейилади хабарда.

Ушбу ҳолат юзасидан Ўзбекистон Жиноят кодексининг тегишли моддалари билан жиноят иши қўзғатилган. Олиб борилган суриштирув ишлари натижасида ушбу жиноятни Ёзёвон тумани Гулистон маҳалласида яшовчи юқоридаги банкнинг вақтинча бошқарувчиси 32 ёшли С.Т., ҳамда икки нафар шу банк ходимлари томонидан содир этилганлиги аниқланиб, ушланган.

Тергов ҳаракатлари олиб борилмоқда, дейилади хабарда.

Янгиликлар лентаси
0