Прокуратура Гулнора Каримова активларини Ўзбекистонга қайтармоқда
(Янгиланган 18:23 15.06.2019)
Бош прокуратура шунингдек, Ўзбекистоннинг биринчи президенти қизи соғлиги ҳақида ҳам маълумот берган.ТОШКЕНТ, 15 июн - Sputnik. Бош прокуратура матбуот-котиби Сурайё Раҳмонова "Прокуратура органларининг 2019 йил 5 ойлик фаолияти"га бағишланган брифингда идора Гулнора Каримованинг активларини Ўзбекистонга қайтариш бўйича халқаро шериклар билан биргаликда ишларни давом эттираётганини маълум қилди. РИА Новости хабари асосида.
"Айни вақтда асосий хорижий шериклар билан ҳамкорлик олиб борилмоқда, улар бизга бу ишда кўмаклашишмоқда. Бу жараёнда биз учун ҳеч қандай тўсиқ йўқ", - деган Раҳмонова Каримованинг активларини Ўзбекистонга қайтариш бўйича ишлар қандай кечаётгани ҳақидаги саволга жавоб берар экан.
Хабарда айтилишича, Каримова айни пайтда жазони ижро этиш муассасасида жазо ўтамоқда. Унинг саломатлиги бўйича муаммолар йўқ.
Эслатиб ўтамиз, Ўзбекистоннинг биринчи президенти қизи умумий тартибдаги колонияга жорий йил март ойида ўтказилган эди.
Тошкент 12 давлатда, шу жумладан Россияда Каримованинг бойликларини ҳибсга олиш ташаббуси билан чиққан, уларнинг умумий миқдори 1,5 миллиардан зиёд.
Time дунёнинг энг обрўли 100 кишиси рейтингини эълон қилди
(Янгиланган 15:07 23.09.2020)
Рўйхатда шахслар — "Титанлар", "Новаторлар", "Санъат арбоблари", "Етакчилар" ва "Кумирлар" тоифалари бўйича тақсимланган.ТОШКЕНТ, 23 сен — Sputnik. Time 2020 йилнинг дунё бўйича энг обрўли 100 кишиси рўйхатини эълон қилди.
Рўйхатда шахслар — "Титанлар", "Новаторлар", "Санъат арбоблари", "Етакчилар" ва "Кумирлар" тоифалари бўйича тақсимланган.
Жорий йилда россияликлар рўйхатдаги бирорта тоифада тақдим этилмаган. Илгарилари американинг ушбу нашри Владимир Путинни энг обрўли шахслар рўйхатига бир неча бор киритган.
Жорий йил "Етакчилар" орасида — АҚШ аллергик ва юқумли касалликлар миллий институти директори Энтони Фаучи, Бутунжаҳон соғлиқни сақлаш ташкилоти бош директори Тедрос Адханом Гебрейесус, АҚШ президенти Дональд Трамп ва унинг бўлажак сайловлардаги оппоненти Жо Байден, ХХР раҳбари Си Цзиньпин, Германия канцлери Ангела Меркель, Бразилия президенти Жаир Болсонару, Ҳиндистон бош вазири Нарендра Моди, Еврокомиссия президенти Урсула фон дер Ляйен, АҚШ демократик партиясидан вице-президентликка номзод Камала Харрис, вакиллар палатаси спикери Нэнси Пелоси, АҚШ бош прокурори Уильям Барр ва Париж мэри Анн Идальголар бор.
Time "Титанлар" сифатида Google бош директори Сундар Пичайни, Хитойнинг етакчи эпидемиологи Чжун Наньшанни, дунёнинг энг бой кишиси Жефф Безоснинг собиқ рафиқаси Маккензи Скоттни, АҚШ Федзахираси раҳбари Жером Пауэллни, "Формула-1"нинг олти карра чемпиони Льюис Хэмилтонни, ХВФ раҳбари Кристалина Георгиева ва бошқаларни эътироф этган.
Хонанда Megan Thee Stallion, НАСА астронавтлари Жессика Мейр ва Кристина Кук, Ухань вирусология институтининг етакчи вирусологларидан бири Ши Чжэнли ва бошқалар "Новаторлар" тоифасига киритилган.
Энг обрўли "Санъат арбоблари" тоифасига эса The Weeknd ижрочиси, хонанда Селена Гомез, актерлар Фиби Уоллер-Бридж ва Майкл Бакари Джордан, жанубий кореялик режиссёр Пон Чжун Хо ("Паразитлар" фильми совриндори) ва виолончелист Йо Йо Малар киритилган.
"Кумирлар" орасида — Black Lives Matter ҳаракати асосчилари, ҳуқуқ ҳимоячиси Анжела Дэвис, теннисчи аёл Наоми Осака ва бошқалар эътироф этилган.
Ўзбекистон Қирғизистонга авиа-рейслар сонини оширмоқда
(Янгиланган 19:41 22.09.2020)
Эслатиб ўтамиз, илгарироқ октябр ойидан бошлаб Ўзбекистонга авиация, темир йўл ва автойўл ўтказиш пунктлари орқали кириб-чиқишга рухсат берилгани ҳақида хабар берган эдик.ТОШКЕНТ, 22 сен - Sputnik. Ўзбекистон 1 октябрь санасидан Бишкекка парвозлар сонини оширмоқда. Бу ҳақда Uzbekistan Airways матбуот-хизмати хабар қилмоқда.
©
AFP 2018 / KENZO TRIBOUILLARD
"2020-йил 1-октябрдан бошлаб Бишкекга қатновлар ҳафтасига 2 маротаба амалга оширилади", - дейилади хабарда.
Парвозлар жадвали билан авиакомпания расмий веб-сайтида танишиш мумкин.
Эслатиб ўтамиз, илгарироқ октябр ойидан бошлаб Ўзбекистонга авиация, темир йўл ва автойўл ўтказиш пунктлари орқали кириб-чиқишга рухсат берилгани ҳақида хабар берган эдик.
1 октябрдан бошлаб, Қозоғистон, Туркманистон, Тожикистон ва Афғонистон билан чегарада жойлашган автойўл ўтказиш пунктлари орқали Ўзбекистонга кираётган шахслар коронавирусга ПЗР ёки экспресс-тест ёхуд антиген текширувидан ўтган ҳолда 14 кунга меҳмонхона ёки уй карантинига юборилади.
Uzbekistan Airports
Шунингдек, хориждан Ўзбекистонга кириб келишнинг янги тартиби эълон қилинди
Республика махсус комиссияси қарори асосида, хорижий давлатлардан авиа, темир йўл ва автотранспорт воситаси орқали Ўзбекистонга келувчи шахсларни қабул қилишнинг янги тартиби жорий этилади.
Сўнгги 14 кун давомида "яшил" давлатда (Хитой, Таиланд, Малайзия, Жанубий Корея, Грузия, Венгрия, Финландия, Латвия, Австрия ва Япония) бўлиб турган шахслар – Ўзбекистон ҳудудига тўғридан тўғри киритилади.
"Сариқ" (Озарбайжон, Беларус, БАА ва Европа Иттифоқи давлатлари (Буюк Британия ва Испания бундан мустасно) ҳамда "қизил" давлатлардан (қолган барча давлатлар) кириб келаётган шахслар – сўнгги 72 соат давомидаги коронавирусга ПЗР тести манфий натижалари тўғрисида маълумотнома тақдим этган ҳолда Ўзбекистон ҳудудига киритилади.
Агар шахс сўнгги 72 соат ичида коронавирусга тест топширмаган бўлса ёки шахсда коронавирус инфекциясининг аломатлари (йўтал, иситма ва б.қ.) мавжуд бўлса, Ўзбекистонга келганидан сўнг ўтказиш пункти (аэропорт, вокзал ёки бошқа) ҳудудида ўз ҳисобидан коронавирусга ПЗР ёки экспресс-тест ёхуд антиген текширувидан ўтади ҳамда Ўзбекистон ҳудудига киритилиб, 14 кунга меҳмонхонага ёки уй карантинига юборилади.
Ўзбекистонга келаётган шахслардан 14 кун давомида меҳмонхонада ёки уй карантинида бўлиш мажбуриятини зиммасига олиш тўғрисида тилхат олинади.
Текширув натижалари мусбат бўлган тақдирда, шахс белгиланган тартибда карантин маркази ёки хоҳишига кўра меҳмонхонага карантинга жойлаштирилади.
Жей Ло 51 ёшида сарвқомати билан мухлисларни ҳайратда қолдирди
(Янгиланган 17:02 23.09.2020)
Голливуд актрисаси Женнифер Лопес бикини тушган суратини Instagram'га жойлаштирди. Бир неча кунда сурат 4,2 миллион лайк тўплади. ТОШКЕНТ, 23 сен — Sputnik. Голливуд актрисаси ва хонанда Женнифер Лопес таътилга чиққан вақтда тасвирга олинган суратни Instagram’даги саҳифасига жойлаштирди ва ўзининг сарвқомати билан мухлисларини ҳайратда қолдирди.
51 ёшли Лопес бикинида суратга тушди.
Посмотреть эту публикацию в Instagram
"Дам олиш муҳитида" – деган изоҳ ёзган хонанда суратга.
Бир неча кун ичида бу пост 4,2 миллион лайк тўплади.
Жей Ло мухлислари кўплаб изоҳларни ёзишди.
“Қандай қаддиқомат! Эртадан машқ қилишни бошлайман”, - деб ёзган фойдаланувчилардан бири.
"Қандай қилиб унинг ёши 51 да бўлиши мумкин?" - деб ёзган бошқа фойдаланувчи.
Кўплаб обуначилар актриса ёшидан анча ёшроқ кўринишини таъкидладилар.