Привлечение учителей и учеников школы номер семь Избасканского района Андижанской области к принудительному труду

Тошкентда педагогларни мажбурий меҳнатга жалб этган директор жаримага тортилди

287
(Янгиланган 18:28 22.06.2019)
Аниқланишича, Учтепа тумани 251-мактаб директори мактаб ўқитувчилари ва вояга етмаган болаларни мактаб ҳудудини ободонлаштиришга қонунга ҳилоф равишда жалб этган ва ўз тушунтириш хатида мазкур ҳолатни тўлиқ тан олган

ТОШКЕНТ, 22 июн - Sputnik. Тошкент шаҳри Учтепа туманида педагог ходимларни мажбурий меҳнатга жалб этган директорга нисбатан маъмурий жазо чораси қўлланилди, деб хабар қилмоқда вазирлик матбуот хизмати.

Сал олдин ижтимоий тармоқларда Тошкент шаҳри Учтепа туманидаги 251-мактаб директори педагог ходимларни мажбурий меҳнатга жалб этганлиги ҳақидаги хабар тарқалган. Хабарда айтилишича, мактаб раҳбари бир гуруҳ ўқитувчиларни мактаб ҳудудини тозалашга ва дарахт шохларини ташишга мажбур этган.

Ўқитувчилар томонидан қилинган шикоятдан сўнг Тошкент шаҳар Бандлик бош бошқармаси Давлат меҳнат инспекцияси томонидан ушбу вазият ўрганилган.

Аниқланишича, Учтепа тумани 251-мактаб директори Ф.Содиқова мактаб ўқитувчилари ва вояга етмаган болаларни мактаб ҳудудини ободонлаштиришга қонунга ҳилоф равишда жалб этган ва ўз тушунтириш хатида мазкур ҳолатни тўлиқ тан олган.

Ўрганиш якунлари бўйича Содиқова МжТКнинг 51-моддаси иккинчи қисми билан айбдор деб топилиб, унга нисбатан энг кам ойлик иш ҳақининг беш баравари миқдорида маъмурий жарима қўлланилган.

287

Россия қатор давлатлар туристлари учун ўз чегарасини очишни режалаштирмоқда

906
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

906
Приемная комиссия филиала РГУ имени Губкина в Ташкенте

Губкин университети филиалида кечки бўлим очилиши мумкин

396
(Янгиланган 14:46 30.05.2020)
Губкин номидаги Россия давлат нефт ва газ университетининг Тошкент шаҳридаги филиали 2020/2021 ўқув йилида 345 нафар талабаларни қабул қилиши кутилмоқда.

ТОШКЕНТ, 30 май - Sputnik. Россия давлат нефт ва газ университетининг филиали кечки бўлим очишни кўзламоқда. Бу ҳақдаги Вазирлар Маҳкамасининг тегишли қарори ҚҲТБТ порталида жойлаштирилган.

И.М. Губкин номидаги Россия давлат нефт ва газ университетининг (МТУ) Тошкент шаҳридаги филиали 2020/2021 ўқув йилида 345 нафар талабаларни қабул қилиши кутилмоқда. Бу ўтган йилдагига нисбатан 85 нафар кўп. Бироқ ўʻтган йиллардан фарқли ўлароқ, умумий квота таълимнинг иккита шакли бўйича тақсимланган: кундузги ва кундузги-сиртқи (кечки).

Шу тариқа, агар лойиҳа ўзгартиришларсиз тасдиқланса, 225 нафар абитуриент кундузги, 120 нафари – сиртқига кириши мумкин. Илгаригидек, кундузги бўлим учун квота Қашқадарё вилоятидаги ҳудудий тайёрлов бўлинмаси (ҲТБ) битирувчилари учун ўринларни ўз ичига олади. Уларга келаётган ўқув йилида 25 та ўрин ажратилади.

396
В Ташкенте произошло ДТП с участием семи автомобилей.

Ганга кўприги устидаги йирик ЙТҲ сабаби айтилди

5
3 та Lacetti, Spark, Nexia, Toyota ва Malibu автомобиллари иштирокида ЙТҲ содир бўлди. Улар орасида Туркия фуқароси ҳам бор.

ТОШКЕНТ, 3 июн — Sputnik. Тошкентда 7 та машина иштирокида йирик йўл-транспорт ҳодисаси содир бўлди. Тошкент шаҳар ИИББ ЙҲХБ ҳодиса сабабини ўрганди.

Маълум қилинишича, 2 июнь куни соат 19:00 ларда Шайхонтоҳур тумани, Себзор ва Абдулла Қодирий кўчалари кесишмасидаги Ганга автомобиль кўпригида аниқланмаган “Cobalt” автомобили кескин тўхтаган.  Бу эса еттита бир йўналишда ҳаракатланаётган автомобиллар тўқнашувига олиб келган. Улар ҳаракат давомида оралиқдаги масофани сақламаган. Бу ЙТҲга сабаб бўлган.

ЙТҲ иштирокчилари: 38 ёшли Lacetti ҳайдовчиси О.Н., 28 ёшли Spark ҳайдовчиси А.М., 24 ёшли Nexia ҳайдовчиси Ш., 43 ёшли Lacetti  ҳайдовчиси Туркия фуқароси Б.Т.,  34 ёшли Lacetti ҳайдовчиси З.М., 25 ёшли Toyota ҳайдовчиси С.Э., 29 ёшли Malibu ҳайдовчиси С.Т.

ЙТҲ натижасида тан жароҳати олганлар йўқ. ЙТҲнинг барча иштирокчиларига нисбатан маъмурий баённомалар расмийлаштирилган.

5