ТОШКЕНТ, 19 июл — Sputnik. Тошкент шаҳар ИИББ туман миграция ва фуқароликни расмийлаштириш бўлимлари дам олиш кунларисиз ишлашини эслатиб ўтди.
“Шанба ва якшанба кунлари миграция ва фуқароликни расмийлаштириш бўлимларида иш кунларидир. Иш вақти – 8.00 дан 20.00 гача”, - дейилади ИИББ хабарида.
Бу фуқароларнинг биометрик паспорт олиши учун вақтни қулайлаштириш мақсадида ташкиллаштирилган.
Шунингдек, эндиликда якшанба кунлари барча туман МваФРБларига паспорт-виза тартиби билан боғлиқ бошқа масалалар бўйича ҳам мурожаат қилиш мумкин. Хорижга чиқиш биометрик паспортини расмийлаштириш масаласи, прописка ва рўйхатдан чиқиш масалалари шулар жумласидандир.
Янги ўзгариш: хорижга чиқиш паспортини расмийлаштиришга доир ҳужжат тасдиқланди
ИИББ 2020 йилнинг 1 январига қадар барча Ўзбекистон фуқароларида биометрик паспорт бўлиши лозимлигини эслатиб ўтган.
