Социальные сети

Ўзбекистонликлар қайси ижтимоий тармоқни ёқтиришлари маълум бўлди

470
(Янгиланган 12:39 13.08.2019)
HeadHunter ўзбекистонликларнинг ижтимоий тармоқларга муносабати юзасидан ўтказилган сўров натижалари билан ўртоқлашди

ТОШКЕНТ, 13 авг - Sputnik. Ўзбекистонликлар орасида энг оммабоп бўлган ижтимоий тармоқлар ва сервислар номлари санаб ўтилди. Бу ҳақда HeadHunter томонидан ижтимоий тармоқларга муносабат мавзусида ўтказилган сўров натижаларида маълум бўлган. 

Ўзбекистонликлар наздида энг оммабоп ижтимоий тармоқлар булар Telegram ва YouTube. Instagram, Facebook, ВКонтакте, Одноклассники, Linkedln, Twitter, Snapchatга талаб унчалик катта эмас.

Сўровда жами 195 киши қатнашган, уларнинг 63%и эркаклар, 37%и – аёллардир. Сўровнинг энг фаол иштирокчиларини 18 ёшдан 45 ёшгача бўлган респондентлар ташкил этган.

Респондентларнинг 78%и ижтимоий тармоқлардан ҳар куни фойдаланишлари маълум бўлган. Сўровда қатнашганларнинг 82%и иш билан банд кишилардир. Улар ишдан бўш вақтларини оила даврасида ўтказишлари, китоб мутолаа қилишлари ёки мусиқа тинглашлари ҳақида айтишган.

Сўров қатнашчиларининг 41%и ижтимоий тармоқларда умумий ҳисобда бир соатдан уч соатгача, 35%и бир соатча, 13%и эса уч соатдан кўп вақтни ўтказишлари маълум бўлган.

470

Қор ёғиши мумкин: октябр ойига об-ҳаво прогнози

453
(Янгиланган 12:00 01.10.2020)
Ёғинлар асосан ёмғир кўринишида, ҳарорат кескин совиганда ёмғирнинг қорга қисқа муддатли ўтиши эҳтимоли бор.

ТОШКЕНТ, 1 окт - Sputnik. Ўзгидромет маълумотларига кўра, октябрь ойи ҳарорат режими ва ёғинлар миқдори бўйича ўртача кўп йиллик қийматларга яқин бўлиши кутилмоқда, бироқ айрим жойларда ёғингарчилик меъёрдан ортиқ бўлиши мумкин.

"1-5 октябрь кунлари бутун республика бўйича об-ҳавонинг кам булутли ва ёғингарчиликсиз бўлиши кутилмоқда. Шамол асосан шарқий йўналишда эсади ва кучсиздан ўртачагача ўзгариши мумкин. Ҳарорат кечаси 5-10 даража, шимолда 2-7 даража илиқ, кундузи 20-25 даража бўлади", - дейилади хабарда.

Иқлимий меъёрларга кўра, октябрда Ўзбекистоннинг жанубий вилоятларида 3 дан 5 гача, қолган ҳудудларда 5 дан 7 гача ёғингарчиликли кунлар бўлади. Ёғинлар асосан ёмғир кўринишида, ҳарорат кескин совиганда ёмғирнинг қорга қисқа муддатли ўтиши эҳтимоли бор. Тошкентда сўнгги марта 2018 йилда ёмғирнинг қорга ўтиши қайд этилган.

Ўртача кўп йиллик тунги ҳарорат 6-11 даража илиқни ташкил қилсада, бироқ кўпинча октябрда, айниқса унинг иккинчи ярмида, илк кузги аёз кузатилади.

Октябрда кундузги ҳарорат 23-28 даражадан 10-15 даража илиққача ўзгариб туради.

Таъкидланишича, баъзан амалдаги ҳарорат ва ёғинлар миқдори кўп йиллик давр учун ўртачалаштирилган қийматлардан анча фарқ қилиши мумкин.

Тошкентда, масалан, метеорологик кузатувларнинг юз йиллик тарихида айрим йилларда октябрдаги энг юқори ҳарорат 33-36 даража иссиқни ташкил қилгани қайд этилган. Октябрь ҳароратининг абсолют максимуми 37,5 даража бўлиб, бу рекорд 1941 йилга тегишли.

Тошкент учун октябрь ойидаги энг паст ҳарорат 11,2 даража совуқни ташкил қилади ва бу кўрсаткич анча олдин — ўтган асрнинг бошида қайд этилган. Охирги 20 йил ичида Тошкентдаги минимал ҳарорат 1-2 даража совуқдан паст бўлмаган.

Ўзбекистонда Янги йил оқшомида нега қор ёғмаяпти? Синоптиклар жавоби >>>

2015 йил октябрида пойтахтимизда энг кўп ёғигарчилик бўлгани қайд этилган. Ўшанда ёққан ёғинлар миқдори октябрь ойи меъёридан 3,5 марта кўп бўлган.

2002 йил октябрида эса Тошкентда умуман ёғингарчилик кузатилмаган.

453
Бывший президент Кыргызстана Алмазбек Атамбаев и его сторонники присутствуют на встрече с журналистами в селе Кой-Таш близ Бишкека.

Атамбаев Қўй-тош воқеалари бўйича судда иштирок этишни хоҳлади

263
(Янгиланган 12:53 30.09.2020)
Атамбаев йил давомида суд ва тергов ҳаракатларини инкор қилиб, рўй бераётган воқеаларни "ҳукумат уни ҳам жалб қилмоқчи бўлаётган ўйин" дея атаб, барча саволларни жавобсиз қолдириб келаётган эди.

ТОШКЕНТ, 30 сен — Sputnik. Қирғизистоннинг собиқ президенти Алмазбек Атамбаев Қўй-Тошдаги воқеалар бўйича суд жараёнида иштирок этади, бу ҳақда Sputnik Қирғизистонга Атамбаевнинг адвокати маълум қилган.

Адвокат судьядан суд жараёнида Атамбаев иштирок этиши учун унинг етказилишини таъминлашни сўраган. Судья Марат Сидиков адвокатнинг илтимосномасини қаноатлантирган. Собиқ давлат раҳбари 2 октябр куни судга олиб борилади.

Атамбаев йил давомида суд ва тергов ҳаракатларини инкор қилиб, рўй бераётган воқеаларни "ҳукумат уни ҳам жалб қилмоқчи бўлаётган ўйин" дея атаб, барча саволларни жавобсиз қолдириб келаётган эди.

Атамбаевнинг фикрича, унга иммунитет берадиган собиқ президент мақомини ундан ноқонуний олиб ташлашган.

 

263
Фрагмент Капитолия Вашингтона

Тизим бузилди: Америка ушбу инқироздан иккала партиясини ҳам йўқотиб чиқади

19
(Янгиланган 16:16 01.10.2020)
Америка жамиятининг бугунги ривожланиш даражасига икки партияли тизим мос келмай қолган бўлсачи? Балким уларга КПССга ўхшаган бир партияли тизим керакдир? Ёки Россияга ўхшаш кўп партияли тизим кўпроқ мос келар?

ТОШКЕНТ, 26 сен — Sputnik. Бу аллақачон содир бўлиши керак эди: америкалик сиёсатчи айтганидай – бугунги кризисдан Америка иккала партиясини ҳам йўқотиб чиқади, деган эди. Демократик ва Республикачилар партияларидан иборат тизим таъмирлашни эмас, тўлиқ алмаштиришни талаб қилади.

Foreign Policy журнали ёзишига кўра, бугунги кунда АҚШ жамиятидаги бўлиниш шу даражага етган-ки, ҳар бир партия бирлигини фақат бошқа партияга бўлган нафрат ёрдамида ушлаб турибди. Республикачидар Трамп атрофида жамланган, акс ҳолра мамлакатла “Маркс революцияси"  бўлади. Демократлар ҳам қолишмайди – улар фақатгина Трамп иккинчи маротаба сайловда ғолиб чиқиши қўрқувга солгани учун бирга бўлиб туришибди, акс ҳолда мафкуравий сабабларга кўра бир бирларини ғажиб ташалаган бўларди.  

Мақола муаллифи Ли Дратман ушбу вазиятдан чиқиш учун ҳар бир сайлов участкасида номзодларнинг узун рўйхати бўйича овоз беришни таклиф қилмоқда. Худди Ирландия, Австралия ва ... (наҳотки?) Россияда бўлганидек. Ушбу услуб кўп партияли тизим яратишда ва вазтятдан чиқишда ёрдам бериши мумкин.

Кўриб турибмизки, Америкадаги инқироз яна бир марта ҳамма учун муҳим бўлган саволни қўймоқда – қандай сиёсий тизим яхши? Бир, икки ёки кўп партиялими?

Бир партияли тизим – нафақат собиқ СССРда бўлган. Кўплаб  давлатлар ушбу тизимдан ўтган. Унда ягона партияга ўзининг мустақил фикрига эга бўлган ҳар қандай фуқаролар қўшилган. Бунга яққол мисол – Сингапур. У ерда ушбу тизим 60 йиллардан буён ишлаб келмоқда ва энди энди ўз “чарчоғини” кўрсатмоқда. Шундай тизимлар Ҳиндистон, Хитой, Тайванда ва деярли бутун Африкада ҳам  ишламоқда. Бундай тизим нимаси билан хавфлилигини ҳам барча яхши билади – дастлабки муваффақиятлардан сўнг у туриб қолиши мумкин. Унда дастлабки ғоялар ўрнига юқоридан буйруқни кутадиган ижрочиларга айланиб қолиши мумкин. Шунингдек бошлиқлар фикрига қўшилмаганларни “тозалаш” хавфи ҳам бор.

Икки партияли тизим – АҚШ мисолида кўрганимиздек, жамият аста секин ҳар бири ўз қадриятларига эга бўлган, лекин бир-бирига нафрат билан қарайдиган 2та тенг гуруҳга бўлиниб қолиши мумкин. Бунда қарама қаршилик фуқаро уруши даражасигача кучайиши мумкин. Кимга керак бунақа тизим?

Кўп партияли тизимнинг ҳам ўз муаммолари бор: масалан, дастлаб мустақил бўлган партияларнинг бир-бирига қўшилиши, турли блок ва альянслар пайдо бўлиши хавфи. Оқибатда икки партияли ёки бир партияли ҳукумат монополия тизим ҳам келиб чиқиши мумкин.  

Ўша мақолада АҚШ ички сиёсий тизими тўғрисида Ли Дратман яна бир қимматли фикрни билдирган. Бугунги воқеалар одатий ҳол, чунки ҳар 24-36 йилда АҚШ сиёсий тизимида цикл  алмашади, кейин ҳаммаси изига тушиб кетади, - деди сиёсатшунос.

 

Бугунги АҚШ тизими асосан 1980 йилларда пайдо бўлган эди. АҚШ 70 йилларда – Вьетнам урушида мағлубиятга учраганидан сўнг жамият шартли икки гуруҳга бўлинган эди. Бири – урушда иштирок этганлар бўлса, иккинчиси – унга қарши бўлганлар. Биринчи гуруҳ фаол ташқи сиёсат тарафдори бўлса иккинчиси кўпроқ ижтимоий муаммоларга эътибор бериш тарафдори бўлганлар эди. Лекин аксарият масалалар бўйича уларнинг иккаласи ҳам ҳамфикр эди. Шу сабабли ҳам тизим яшунча йил яхши ишлаб келди.

Энди бўлса, балким Америка жамияти учун икки партияли тизим мос келмай қолгандир? Балким  уларанинг бугунги ривожланиш даражасига бир партияли ёки кўп партияли тизим кўпроқ мос келар?

19