Заместитель гендиректора МАГАТЭ Михаил Чудаков

МАГАТЭ вакили АЭС қурилишига қарши "қўзғолон" ортида ким турганини айтди

1788
(Янгиланган 13:09 20.08.2019)
Эскперт шунингдек, одамларда ваҳима уйғотаётган Фукусима ва Чернобиль воқеалари борасида ҳам ўз қарашларини билдирди

ТОШКЕНТ, 19 авг - Sputnik, Дилшода Раҳматова. Ўзбекистоннинг атом энергетикасини ривожлантириш ҳақидаги қарори энг тўғри қарордир, деди бугун журналистлар билан учрашувда Халқаро атом энергетикаси агентлиги (МАГАТЭ) директори ўринбосари Михаил Чудаков.

МАГАТЭ вакили ўз чиқишида Ўзбекистонда 1956 йилда, яъни Халқаро атом энергетикаси агентлигига асос солинган вақтда, Ядро физикаси институти ташкил этилганига эътибор қаратди.

Ўзатом АЭС ҳақидаги ваҳимали миш-мишларга нуқта қўйди >>>

"Олтмиш йилдирки Ядро физикаси институти қошида реактор эксплуатация қилиб келинмоқда. Шу вақт давомида тўпланган материаллар, бажарилган улкан ишлар - Ўзбекистон учун катта тажриба бўлди. Мамлакат МАГАТЭ билан ҳамкорликни йўлга қўйганига энди 25 йил бўлди, аммо Ўзбекистон бу ташкилот билан СССР таркибида бўлган даврдан, яъни МАГАТЭга асос солинган вақтдан бошлаб ҳамкорлик қилиб келган", - деди у.

Чудаков шунингдек, атом энергетикаси - бу атмосферага зиён етказмасдан, экологик тоза электр энергиясини олиш мумкин бўлган ягона тўғри йўл эканлигини қайд этди.

"Гап инсоният тараққиёти, иқлимдаги ўзгаришлар ҳақида борар экан, атом энергетикаси ҳақида, албатта, гапирилади. Гувоҳи бўлиб турибсиз, йилдан-йилга иқлим ўзгармоқда - ҳаво ҳарорати юқорилаб бормоқда. Уран - ноёб ёқилғи. Бир килограмми 800 минг киловатт электр энергиясини беради. Кўмир ёки газдан эса атиги - 7-8 киловатт олиш мумкин. Ҳозирда дунёда мавжуд атом станциялари йилига 2 миллион гигатонна карбонад ангидрид газининг атмосферага улоқтирилишини олдини олади. Бу бир йилда 400 миллион автомобилларни йўллардан олиб ташлаш билан тенг. АЭСнинг экология олдидаги хизмати шунда", - дея тушунтирди Чудаков.

Эскперт шунингдек, одамларда ваҳима уйғотаётган Фукусима ва Чернобиль воқеалари борасида ҳам ўз қарашларини билдирди.

"Бу ҳодисалар бўлганини ҳеч ким инкор этмайди, бироқ уларнинг инсон саломатлигига таъсири ўта оширилган. Дейлик, Фукусимада ҳеч ким радиация туфайли ҳалок бўлмаган, икки киши цунами оқибатида чўккан, холос. Чернобыльда эса расман 28 киши ҳалок бўлган. Яна бир неча ўнлаб кишиларнинг ҳалок бўлгани савол остида. Айтмоқчиман-ки, Голливудда ишланган "Чернобыль" фильмда сўзлаб берилгани каби минглаб кишилар ҳаётдан кўз юмган эмас", - деди Чудаков. 

Ўзбекистонга яна нечта АЭС керак >>>

МАГАТЭ расмий вакили шунингдек, атом энергетикасини ривожлантиришга қарши "ҳайқириқлар" ортида муқобил энергия манбалари турганига шубҳа қилмайди.

"Улар - келажак фақат атом энергетикасиники эканини, айнан ядровий энергетика углерод энергетика манбаини "сўнгги манзилга кузатишини" жуда яхши билишади. Умуман, жаҳонда ҳам, Ўзбекистонда ҳам атом энергетикаси энг истиқболли соҳалардан биридир, у ривожланишда давом этади ва атом энергетикаси бўйича халқаро агентлик ядро энергетикаси инфратузилмасини мустаҳкамлаш бўйича қатор дастурларга эга ва бунда Ўзбекистонда кўмак беришга тайёр", - дея хулоса қилди Чудаков.

Чудаков ташрифининг биринчи кунида Фанлар академияси Ядро физикаси институтида МАГАТЭ экспертларининг ЯИФ билан ҳамкорликдаги миссияси - Omarr mission бўйича келишувга эришилди.

Эслатиб ўтамиз, 2018 йилнинг октябр ойида Россия ва Ўзбекистон президентлари Владимир Путин ҳамда Шавкат Мирзиёев Ўзбекистонда биринчи атом электр станциясини қуриш лойиҳасига старт беришган эди.

АЭС қуриладиган майдон сифатида Жиззах вилояти Тузкон кўли яқинидаги майдонлардан бири танлаб олинди.

Халқаро атом энергияси агентлигининг мустақил ҳукуматлараро ташкилот сифатидаги фаолияти - атомдан тинчлик йўлида фойдаланиш соҳасида ҳамкорликни ривожлантиришга қаратилган. Ўзбекистон мазкур ташкилот билан илмий-техник ҳамкорлик доирасида атом энергиясидан тинчлик мақсадида фойдаланиш бўйича кўплаб лойиҳаларни амалга ошириб келмоқда.

1788
Генеральный секретарь Шанхайской организации сотрудничества (ШОС) Владимир Норов

Самарқанд форуми долзарб ва ўз вақтида ташкил этилди - Норов

93
Айни пайтда Самарқанд форумида Ўзбекистон президентининг БМТ 72-сессиясидаги ташаббуси асосида ишлаб чиқилган Ёшлар ҳуқуқлари бўйича халқаро конвенция лойиҳаси матни кўриб чиқилмоқда

ТОШКЕНТ, 13 авг - Sputnik. Инсон ҳуқуқлари бўйича Самарқанд веб-форумини ўтказиш ниҳоятда долзарб ва ўз вақтида амалга оширилган ташаббусдир, дейди Шанхай ҳамкорлик ташкилоти Бош котиби Владимир Норов.

Бу, жумладан, унинг таъбири билан айтганда, "дунёдаги аксарият мамлакатларнинг ижтимоий-иқтисодий ҳаётига ва аҳолиси соғлиғига сезиларли зиён етказган" коронавирус пандемияси туфайли юзага келган шароитлар билан боғлиқ.

Самарқанд форумининг 12 августда бўлиб ўтган очилиш маросимидаги чиқишида: "маънавий-руҳий ва жисмоний саломатлик, таълим, касбий ривожланиш ва фуқаролик фаоллиги нуқтаи назаридан ёндашганда, ҳозирги инқироздан ёшлар ҳаммадан кўпроқ жабр кўрди", дея қайд этди.

Шу муносабат билан Самарқанд форумининг долзарблиги ҳақида сўз борганда, ШҲТ Бош котибининг фикрича, "бугун мамлакатларимиздаги ёшлар давлат, халқаро ҳукумат ва ноҳукумат ташкилотларининг навқирон авлод вакилларини қўллаб-қувватлаш, ҳуқуқ ва эркинликларини ҳимоя қилиш, ёшларнинг ижодий салоҳиятидан мамлакатларимиз манфаатлари йўлида фойдаланиш борасида ижтимоий-иқтисодий, сиёсий, ташкилий ва ҳуқуқий чоралар кўриш орқали кўрсатадиган ёрдамига ҳар қачонгидан ҳам кўпроқ муҳтож" эканини таъкидлаш лозим.

"Бугун ер юзи ёшларининг қарийб ярми ёки 800 миллион нафар киши Шанхай ҳамкорлик ташкилоти маконида истиқомат қилади. Мамлакатларимиз ёшлари ўзларининг шижоати, новаторлиги ва янги ғоялари билан ШҲТнинг келгуси тараққиёт йўлида, фаолиятининг турли жабҳаларида муҳим таянч ҳисобланади. Худди шу боис ёшлар ҳамиша бизнинг Ташкилот диққат марказида туради", деди Норов.

ШҲТ Бош котиби, шунингдек ШҲТга аъзо давлатлар ҳукумат раҳбарлари Кенгашининг 2019 йил ноябрь ойида Тошкентда бўлиб ўтган 18-мажлисида делегациялар раҳбарлари Ўзбекистон томонининг БМТ Ёшлар ҳуқуқлари тўғрисидаги конвенцияси лойиҳасини тайёрлашга доир ташаббусини қўллаб-қувватлаб, бу борада ўзаро мувофиқликда иш олиб бориш истакларини билдирганларини таъкидлади.

Норовнинг қайд этишича, "мазкур БМТ Конвенциясининг ўзига хос аҳамияти шуки, унда ёшлар ҳуқуқларини ҳимоя қилишнинг долзарб соҳаларини тартибга солишга тааллуқли халқаро ва миллий тажриба ҳисобга олинган ҳамда ушбу ҳужжат ёшларнинг эҳтиёжларини қондириш, навқирон инсонларнинг салоҳиятларини, ҳуқуқлари, эркинликлари ва энг мақбул манфаатларини жамики хилма-хил кўринишларида ва бутун дунё миқёсида кафолатлаш мақсадида халқаро, минтақавий ва миллий даражалардаги саъй-ҳаракатларни янада кучайтиришга қаратилган".

"Ушбу Конвенциянинг БМТ Бош Ассамблеясининг яқин орадаги сессиясида қабул қилиниши давлатлар ва бутун жаҳон ҳамжамияти олдида турган даъватларга ўз вақтида ва амалий тарзда берилган жавоб, шунингдек ёшларнинг уйғун ривожланиши, уларнинг улкан салоҳиятидан мамлакатларимиз фаровонлиги ва барқарор ривожланишини таъминлаш ҳамда пандемиянинг салбий асоратларини енгиб ўтишда фойдаланиш учун қулай имконият бўлур эди".

Айни пайтда Самарқанд форумида Ўзбекистон Президентининг БМТ 72-сессиясидаги ташаббуси асосида ишлаб чиқилган Ёшлар ҳуқуқлари бўйича халқаро конвенция лойиҳаси матни кўриб чиқилмоқда.

Конвенция лойиҳасини тайёрлаш борасидаги ишлар икки йилдан кўпроқ вақт давом этди. Ўтган даврда ушбу соҳада тўпланган минтақавий тажриба ва хорижий мамлакатларнинг илғор амалиёти ўрганилди. Минтақавий ва миллий даражаларда турли тадбирлар ўтказилди.

Ҳозирги вақтда Конвенция матни Муқаддима ва 26 та моддадан иборат. Конвенция муқаддимасида қай этилганидек, "барча мамлакатларда ёшлар ривожланиш мақсадлари учун зарур бўлган асосий одам ресурсларидан бири ва ижтимоий ўзгаришлар, иқтисодий ривожланиш ҳамда техника тараққиётининг асосий иштирокчилари" ҳисобланади.

Шу билан бирга, Конвенцияда "ёшлар глобаллашув ва ахборот-коммуникация технологиялари жўшқин ривожланаётган шароитларда жамиятдаги йирик ўзгаришларнинг ўтказувчилари, манфаатдорлари ва жабрдийдалари ҳисобланиши" ҳам алоҳида таъкидланган. Худди шу омиллар Ёшлар ҳуқуқлари бўйича халқаро конвенциянинг қабул қилинишини тақозо этмоқда.

93
Самолет Airbus-320. Архивное фото

Хитой 50та давлат билан авиа-парвозларни тиклади

220
(Янгиланган 10:05 13.08.2020)
Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

ТОШКЕНТ, 13 авг - Sputnik. Хитой дунёнинг 50та давлати билан коронавирус пандемияси туфайли вақтинча тўхтатилган авиа-парвозларни қайта тиклади, деб хабар берди РИА Новости ХХР ҳукумати тарқатган маълумот асосида.

Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

Эслатиб ўтамиз, куни кеча Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага (яшил, сариқ, қизил) ажратилган давлатлар рўйхати тасдиқланди.

Санитария-эпидемиологик вазият барқарор бўлган давлатлардан амалга ошириладиган "яшил рейс"ларга – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония киритилган. Охирги 10 кун ушбу мамлакатларда бўлиб турган ва Ўзбекистонга кириб келган шахслар карантин назоратига олинмаслиги белгиланган.

 

 

220
Мавзу:
COVID-19 умумжаҳон пандемияси

Энди шимол томондан: Россия қирувчиси АҚШ самолётини тўхтатди

475
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

475