Бизнесмен Алишер Усманов

Усмонов фонди "МИСиС" филиали фаолиятини молиялаштиришда давом этади

410
(Янгиланган 13:40 06.09.2019)
Миллиардер асос солган жамғарма ўз олдига Олмалиқдаги "МИСиС" филиали ўқув жараёнига чет эллик етакчи соҳа мутахассисларини жалб этишни, шунингдек, ушбу таълим даргоҳининг материал-техник ҳамда ахборот-ресурс базасини кучайтиришни мақсад қилиб олган.

ТОШКЕНТ, 6 сен - Sputnik. Таниқли бизнесмен ва меценат Алишер Усмонов асос солган "Санъат, илм ва спорт" хайрия жамғармаси "МИСиС" Миллий технологик тадқиқотлар университети Олмалиқ филиалига унинг фаолиятини яхшилаш ва дарс сифатини оширишда ҳар томонлама ёрдам беришда давом этади. Бу ҳақда ташкилотнинг бош офиси маълум қилди.

Хабарда таъкидланишича, Ўзбекистондаги "МИСиС" филиали лойиҳасини амалга ошириш жамғарманинг энг муҳим ва устувор йўналишларидан бири ҳисобланади ва қисқа вақт ичида ташкилот Ўзбекистон томони билан ушбу масалада ҳамкорликни кучайтиришни ўз олдига мақсад қилиб қўйган.

Хусусан, жамғарма ўқув жараёнига чет эллик етакчи соҳа мутахассисларини жалб этиш, шунингдек, ушбу таълим даргоҳининг материал-техник ҳамда ахборот-ресурс базасини кучайтиришни мақсад қилиб олган.

Шу кунларда Олмалиқдаги "МИСиС" филиали 100 Мбит/с. тезликка эга бўлган Интернет тармоғига уланган. Натижада, олийгоҳ халқаро илмий ва илмий-тадқиқот ишлари электрон базалари ва каталогларга, илмий ва бадиий адабиётларга онлайн уланишга муваффақ бўлган.

Эслатиб ўтамиз, Олмалиқ шаҳрида МИСиС филиали очилиш маросими 2018 йилнинг октябр ойида бўлиб ўтган эди.

Тантанали очилиш маросимида РФ Фан ва олий таълим вазири Михаил Котюков, Ўзбекистон олий ва ўрта махсус таълим вазири Иномжон Мажидов, "МИСиС" МТТУ ректори Алевтина Черникова, ОТМК бошқаруви раиси Абдулло Хурсанов иштирок этган.

410
Шавкат Абдукамилов, начальник управления науки, инновации и подготовки кадров агенства УзАтом

Абдукамилов: битирувчи-атомчилар дарҳол ўзбек АЭСи пультига яқинлаштирилмайди

77
"Ўзатом" агентлигининг Илм-фан, инновациялар ва кадрлар тайёрлаш бўлими бошлиғи Шавкат Aбдукамилов атом энергетикаси бошқаруви тизимига тўлиқ кириш имкониятига эга бўлишидан олдин атом соҳасидаги ёш мутахассисларни нималар кутиши ҳақида гапирди

Ўзбекистонда 2028 йилга қадар Марказий Осиёда биринчи атом электр станциясини барпо этиш режалаштирилган. Бироқ, кадрларни тайёрлаш жараёни анча олдин бошлаб юборилган. Хусусан, кадрлар нафақат Тошкентдаги НИЯУ МИФИ томонидан, балки республика олийгоҳларидаги алоҳида мухсус факультетлар томонидан ҳам тайёрланмоқда.

Шавкат Абдукамиловнинг сўзларига кўра, атом энергетикаси сингари энг муҳим соҳада мутахассисларни тайёрлаш олий таълим муассасасида олинган таълим билан чегараланмайди - бу тайёргарликнинг биринчи пиллапоясидир, холос.

"Бу, зинҳор, атомчи-битирувчилар дипломларини олганларидан сўнг дарҳол AЭС энергия блокларини бошқариш имкониятига эга бўлишларини англатмайди. Кадрларни тайёрлаш - узлуксиз жараёндир. Шу тарзда, ёш мутахассислар қурилиш жараёнида ва ишга тушириш босқичларида фаол иштирок этишади ва иш моҳиятини ўрганадилар. Бундан ташқари, Россиядаги шунга ўхшаш АЭСларда, хусусан, Нововоронеждаги АЭСда мажбурий стажировкалар режалаштирилган. Булардан ташқари, биринчи блок ишга туширилгандан сўнг, қурилаётган иккинчи блокнинг мутахассислари ўқув машғулотлари мақсадида ишлаётган реакторда ҳамкасблари билан биргаликда барча ҳаракатларни машқ қиладилар", - дея изоҳ берди "Ўзатом" вакили.

Aйтганча, Ўзбекистондаги бўлажак АЭСнинг биринчи объекти бошқарув панелининг тўлиқ ўлчамдаги моделига эга ўқув мажмуаси бўлади. Aйнан ушбу тренажерда станциянинг бўлажак операторлари тажрибали ҳамкасблари ва муҳандислар раҳбарлигида ҳар қандай фавқулодда вазиятларда ўз ҳаракатларини машқ қилиб, маҳоратларини оширишади.

Мамлакат атом саноати фаолияти учун кадрлар тайёрлаш методикаси ҳақида Sputnik Ўзбекистон радиоподкастида рус тилида тингланг.

Абдукамилов: выпускников-атомщиков никто сразу не допустит к пульту АЭС
77
Теглар:
АЭС
Головное сооружение Фархадской гидроэлектростанции (ГЭС).

Ўзбекистонда гидроэнергетика соҳасида йирик форум ўтказилади

105
Мазкур йирик конгресс учун 150 дан ортиқ компаниялар ҳамда 20 дан ортиқ давлатлар вакилларининг иштироки кўзда тутилган.

ТОШКЕНТ, 22 янв - Sputnik. Ўзбекистонда 17-18 феврал кунлари Гидроэнергетика соҳасидаги йирик форум ва кўргазма бўлиб ўтади, деб хабар бермоқда Sputnik Ўзбекистон мухбири.

Мазкур йирик конгресс учун 150 дан ортиқ компаниялар ҳамда 20 дан ортиқ давлатлар вакилларининг иштироки кўзда тутилган.

Мазкур йирик гидроэнергетика форуми ва кўргазмаси Европа, Лотин Амерекаси, Буюк Британия, Эрон, Грузия ва МДҲ давлатлари ҳамкорлигида энергетика соҳасини ривожлантириш ҳамда халқаро йирик тадбирлар, форум ва кўргазмаларни ўтказишда етакчи ҳисобланган халқаро "Vostock Capital" ташкилоти томонидан ҳар йили анъанавий тарзда ўтказиб келинади.

Ўтган йилларда мазкур йирик конгресс Қирғизистон, Грузия ҳамда Россия Федерацияларида ташкил этилган. Жорий йил ўтказилиши режалаштирилаётган йирик тадбир "Vostock Capital" ҳамда "Ўзбекгидроэнерго" АЖ ҳамкорлигида ташкил этилмоқда.

Форумдан ўрин олган асосий маърузалар мамакатимизда гидроэнергетика соҳасида амалга оширилаётган кенг кўламли ислоҳотлар, жорий ва кутилаётган истиқболларга бағишланиши кутилмоқда.

Конгресс доирасида асосий 30 та маъруза ўрин олган бўлиб, соҳа мутахассислари иштирокида бир қатор давра суҳбатлари, семинарлар, брифинглар ташкил этилади.

105