Ўзбекистонда ноширлик фаолиятига доир қонун қабул қилиниши кутилмоқда

Oбуна бўлиш
Шу кунларда парламентда кўриб чиқилаётган “Ноширлик фаолияти тўғрисида”ги қонун лойиҳасида илк бор "нашр" тушунчасига таъриф берилган.

ТОШКЕНТ, 7 нояб – Sputnik. Куни-кеча Олий Мажлис Қонунчилик палатасининг навбатдаги мажлисида китоб ва бошқа босма маҳсулотларини нашр этиш, тарқатиш тизимини ривожлантириш, китоб мутолааси ва саводхонлик маданиятини юксалтиришга кўмаклашувчи, соҳа фаолиятини ҳуқуқий жиҳатдан тартибга солишга қаратилган “Ноширлик фаолияти тўғрисида”ги қонун лойиҳаси кўриб чиқилди.

Унинг қабул қилиниши, қайд этилишича, ўзбекистонлик ёшларнинг маънавий-маърифий, эстетик эҳтиёжларига мос сифатли китобларни нашр этиш, китобларни қулай нархларда жойларга етказиб бериш, миллий ва жаҳон адабиётининг энг сара намуналарини таржима қилиш, ўсиб келаётган авлодда болаликдан китобга меҳр уйғотиш, уларда электрон китобларни ўқиш қобилиятини шакллантириш, умуман мутолаа ҳамда китобхонлик маданиятини юксалтиришда муҳим ҳуқуқий асос бўлиб хизмат қилади.

17-ое пленарное заседание Сената Олий Мажлиса РУз - Sputnik Ўзбекистон
Ўзбекистонда илк бор волонтёрлар фаолиятига ҳуқуқий мақом берилмоқда

Қонун лойиҳаси 2019 йилнинг 6 сентябрь куни парламент қуйи палатасининг мажлисида биринчи ўқишда маъқулланган эди. Шундай бўлса-да, қонунни янада такомиллаштириш учун қайтадан кўриб чиқиш таклиф этилди. Натижада, қонун лойиҳаси юзасидан экспертлар иштирокида қатор давра суҳбатлари ва жамоатчилик муҳокамалари ўтказилди.

Хусусан, лойиҳа Қонунчилик палатасининг расмий веб-сайтига (parliament.gov.uz) кенг муҳокама учун жойлаштирилди. Биринчи ўқишда қабул қилинган лойиҳада келтирилган “Нашрнинг асл нусхаси” деб номланган тушунча ноширлик фаолиятининг асоси ҳисобланган “нашр” сўзининг маъносини бергани, шунингдек, қонунчилик техникасидан келиб чиқиб, лойиҳа матнида жуда кўп бор учраганини инобатга олиб, “нашр” тушунчасига таъриф берилди.

Шу билан бирга, қонун лойиҳасидан “Фаолиятнинг айрим турларини лицензиялаш тўғрисида”ги Ўзбекистон Республикаси қонуни асосида тартибга солинувчи ва “Ноширлик фаолияти тўғрисида”ги Қонунда такрорланган нормалар чиқарилди, юридик техникаси қоидалари нутқаи назаридан ҳамда таҳририй жиҳатидан 50 дан ортиқ тузатишлар киритилди.

Депутатлар қайд этишича, қонун лойиҳасининг қабул қилиниши ноширлик фаолиятини лицензиялаш тартибларини соддалаштириш, ахборот-кутубхона муассасалари ва ташкилотларга нашрларнинг мажбурий бепул нусхаларини тақдим этишни тартибга солиш йўли билан миллий босма нашрлар фонди ривожланишининг ҳуқуқий асосларини шакллантиришга хизмат қилади.

Янгиликлар лентаси
0