"Бешинчи марта": Имон Каримова онасининг ҳибси узайтирилгани ҳақида маълум қилди

1347
(Янгиланган 10:12 05.12.2019)
Гулнора Каримованинг қизи онасининг қамоқда сақланиши муддати қачон, ким томонидан ва қанча муддатга узайтирилганини аниқлаштирмаган

ТОШКЕНТ, 5 дек - Sputnik. Гулнора Каримованинг ҳибс муддати бешинчи марта узайтирилди, деб хабар қилди ўзининг Instagramида Имон Каримова.

Шу билан бирга, Гулнора Каримованинг қизи онасининг қамоқ жазоси муддати қачон, ким томонидан ва қанча муддатга узайтирилганлиги ҳақида аниқлик киритмаган.

"Ўтказилаётган терговнинг бош мақсади - Гулнора Каримовани барча эҳтимолий иқтисодий ва ижтимоий муаммоларда айбдор қилиш", - деб ёзади Имон.

View this post on Instagram

Eng: ➡️ Due to a recent influx of questions from citizens and journalists alike, our team will begin publishing the full informational background regarding the politically motivated case of Gulnara Karimova. Details and facts that only recently became known will be released in order to have full transparency regarding the illegal methods used by the government to drown her in charges. Recently, the case has been given the status of ‘classified’, without an explanation of the reasons that drove this decision, fully understanding that this will impede any possible defence that can be put forward due to even lawyers not having access to materials. Thus, lawyers and even close relatives were left without information about the case and the health of Gulnara, which according to recent reports has been critical. This topic will also be covered in more detail in the coming days, who does it benefit in the government for her health to deteriorate. Unfortunately, at the moment it is becoming clear that the main goal of the investigation is to blame Gulnara Karimova for all possible economic and social mishaps and issues that have arisen over the past few years, during which she was not in the spotlight, incarcerated and had no ability to provide any type of defence nor plea for medical intervention. This will be the fifth attempt by the government of Uzbekistan to prolong her sentence and keep her under full isolation due to their fear of the truth in this case that closely links most members of government. All previous attempts have been discredited by international law firms and organisations, as well as foreign prosecutions which had to address a collusion element which the government of Uzbekistan attempted. #uzbekistan #freeguli #gulnarakarimova

A post shared by @ iman.k17 on

Имоннинг сўзларига кўра, тез орада янги маълумотлар чиқиши кутиляпти.

Эслатиб ўтамиз, жорий йил июль ойида iman.k17 аккаунтида Гулноранинг қамоқда сақланиши мавзусига доир маълумотларнинг чоп этилишига доир саволга жавобан Имон Каримова ушбу саҳифа ҳақиқатда ўзига тегишлилили, аммо хабарлар бошқалар томонидан тайёрланишини маълум қилган эди.

Эслатиб ўтамиз, Ўзбекистоннинг биринчи президенти қизи Гулнора Каримова Жиноят ишлари бўйича Тошкент вилояти судининг 2017 йил 18 декабрдаги ҳукми билан 10 йил озодликдан маҳрум қилиш жазоси тайинланган.

Каримова жазони ўташ тартиби ва шартларини қасддан бузганлиги сабабли жиноят-ижроия қонунчилигига мувофиқ, Ўзбекистон ИИВ Жазони ижро этиш бош бошқармаси ҳузуридаги Пробация хизматининг тақдимномасига асосан, 2019 йил 5 мартда жиноят ишлари бўйича Яшнобод тумани суди томонидан унга нисбатан тайинланган жазонинг ўталмай қолган муддати озодликдан маҳрум қилиш жазоси билан алмаштирилиб, умумий тартибли колонияда ўташи белгиланган.

Сал олдин Бош прокуратура Гулнора Каримованинг чет элдаги активларини қайтариш бўйича ишларни давом эттираётганини маълум қилган эди.

Бош прокуратура Гулнора Каримованинг 12 хорижий мамлакатда жами 1,5 миллиард доллар мол-мулки борлигини аниқлаган. Шундан энг каттаси қисми – 800 миллион долларлик мулк Швейцарияда сақланади.

1347
Мавзу:
Гулнора Каримова иши (22)
Возобновление движения общественного транспорта в Ташкенте

1 августга қадар автотранспортлар ҳаракати: нималар ўзгарди

130
(Янгиланган 09:06 09.07.2020)
Фуқаролар илгари олган махсус рухсатнома - стикерлар карантин чекловлари амал қилиш даврида қўлланилади.

ТОШКЕНТ, 9 июл - Sputnik. Ўзбекистонда коронавирусга чалинганлар сони 11 мингдан ошгани туфайли республика миқёсида автотранспорт воситаларининг ҳаракатини чеклаш бўйича янги тартиб жорий этилмоқда.

Республика махсус комиссияси қарори билан 2020 йил 10 июлдан эътиборан:

Қорақалпоғистон Республикаси, вилоятлар ва Тошкент шаҳрига автотранспорт воситаларининг кириши ва чиқиши (вилоятлараро қатнов) тўхтатилади (Тошкент шаҳридан Тошкент вилоятига ҳамда Тошкент вилоятидан Тошкент шаҳрига кириб-чиқиш бундан мустасно);

жамоат транспорти ҳаракати тўхтатилади;

автотранспорт воситаларида махсус рухсатномасиз (стикерсиз) ҳаракатланишга фақатгина куннинг муайян вақтида (07.00 дан – 10.00 гача, 17.00 дан – 20.00 гача) тегишли ҳудуд доирасида (Қорақалпоғистон Республикаси, вилоятлар ва Тошкент шаҳри миқёсида) фуқароларнинг иш жойига бориб-келиши, дори воситалари, озиқ-овқат ва биринчи галдаги маҳсулотларни харид қилиш учун ҳаракатланишига рухсат берилади.

Бунда автотранспорт воситаларининг ҳаракатланиши давомида сантария-гигиена қоидаларига қатъий риоя этиш талаб этилади;

вилоятлар марказлари, Тошкент ва Нукус шаҳарлари атрофидаги йўл патрул хизмати масканлари, блокпостлар ва тўсиқ постлар фаолияти ички ишлар органлари, Миллий гвардия ва Мудофаа вазирлиги кучларини ҳамда Санитария-эпидемиология назорати давлат инспекцияси вакилларини жалб қилган ҳолда кучайтирилади.

Карантин даврида фуқароларнинг мототранспорт (скутер) ҳамда велосипедда ҳаракатланишига фақатгина тиббий ниқобдан фойдаланган ҳолда ҳаётий зарур эҳтиёжлари – дори воситалари, озиқ-овқат ва биринчи галдаги маҳсулотларни харид қилиш, шифокор кўригига мурожаат этиш, шунингдек, иш жойига бориш ва келиш учун рухсат этилади.

Автотранспорт воситалари ҳаракатланиши учун Адлия вазирлиги Давлат хизматлари марказлари томонидан илгари берилган махсус рухсатнома (стикер)лар карантин чекловлари амал қилиш даврида қўлланилади.

Шу билан бирга рухсатномаси мавжуд бўлмаган ҳолда ҳаракатланаётган автотранспорт воситаларининг ҳуқуқбузарлик давом эттирилишига йўл қўймаслик мақсадида карантин талабларни бузган шахсларга маъмурий жавобгарлик чоралари қўлланилиши ҳамда автотранспорт воситалари жарима майдончасига жойлаштирилиши назарда тутилди.

 

Такси қатновига рухсат берилди

Йўловчи ташиш фаолияти билан шуғулланиш лицензиясига эга бўлган йўналишсиз таксилар фаолиятига махсус талаблар асосида фақатгина автотранспорт воситаси давлат рўйхатидан ўтказилган ҳудуд доирасида (Қорақалпоғистон Республикаси, вилоятлар ва Тошкент шаҳри миқёсида) ҳаракатланишга рухсат берилади.

Бунда фақатгина икки нафар йўловчиларни автотранспорт воситаси салони орқа ўриндиғига ўтказилиши керак;

Фуқароларга кечиктириб бўлмайдиган тез тиббий ёрдам кўрсатиш (ҳомиладорлик, туғруқ, тана жароҳати, ОИВ/ОИТС, онкологик ёрдам, нурланиш терапияси, гемодиализ ёрдамини кўрсатиш, жарроҳлик амалиёти зарур бўлганда, инсон ҳаётига хавф туғдираётган бошқа ҳолатлар) билан боғлиқ ҳолларда тиббиёт муассасасига бораётган ва ундан қайтаётган шахсий автотранспорт воситаларида ҳаракатланишга рухсат берилади.

Етказиб бериш хизмати (кейтеринг) ташкилотлари автотранспорт воситаларининг стикерсиз ҳаракатланишига рухсат берилади.

130
Президент Узбекистана Шавкат Мирзиёев

Мирзиёев аҳолини ишга жойлашда фаол бўлмаган 6 раҳбарни ишдан олди

576
(Янгиланган 22:53 08.07.2020)
Фарғона тумани ҳокими, Яккабоғ тумани прокурори, Ғузор ва Чортоқ туманлари ички ишлар бошқармалари бошлиқлари, Муборак тумани ва Қўқон шаҳар солиқ инспекциялари бошлиқлари эгаллаб турган лавозимларидан озод этилди.

ТОШКЕНТ, 8 июл - Sputnik. Ўзбекистон президенти Шавкат Мирзиёев тадбиркорликни ривожлантириш ҳамда бюджет тушумларини таъминлаш масалалари бўйича йиғилиш давомида эҳтиёжманд аҳолини ишга жойламаган 6 раҳбарни ишдан олди. Бу ҳақда АОКА тегерам-каналида хабар берилди.

Президент камида 257 минг нафар муҳтож оилалар вакилларини ишга жойлаштириш, 37 мингта хонадонга оилавий тадбиркорлик дастурлари доирасида кредитлар ажратиш зарурлигини қайд этди.

Эҳтиёжманд аҳолини ишга жойлаштириш кўрсаткичи энг паст секторларнинг 6 нафар раҳбарлари эгаллаб турган лавозимларидан озод этилди. Булар – Фарғона тумани ҳокими Носиров, Яккабоғ тумани прокурори Мустафаев, Ғузор ва Чортоқ туманлари ички ишлар бошқармалари бошлиқлари Рахмонов ва Абдурайимов, Муборак тумани ва Қўқон шаҳар солиқ инспекциялари бошлиқлари Темиров ва Турдиқулов.

Етти нафар раҳбарга нисбатан охирги огоҳлантириш сифатида "ҳайфсан" эълон қилинди. Булар – Шўрчи тумани ҳокими Худайберганов, Каттақўрғон, Косон ва Пайариқ туманлари ички ишлар бошқармалари бошлиқлари Отамуродов, Отакулов ва Шермухамедов, Нарпай, Ғаллаорол туманлари ва Гулистон шаҳар солиқ инспекциялари бошлиқлари Деҳқонов, Мамаев ва Раджабов.

576
Похороны человека, скончавшегося от COVID-19

Дунёда COVID-19га чалинганлар сони 12 миллиондан ошиб кетди

50
Университет маълумотларига кўра, бутун дунёда коронавирусга чалинганлик ҳолатлари 12 007 327тага етган, COVID-19 қайд этилган 548 799 бемор вафот этган.

ТОШКЕНТ, 9 июл — Sputnik. Жаҳонда COVID-19га чалинганлар сони 12 миллиондан ошиб кетди. Бу ҳақда американинг Жонс Хопкинс университети хабар қилмоқда.

Университет маълумотларига кўра, бутун дунёда коронавирусга чалинганлик ҳолатлари 12 007 327тага етган, COVID-19 қайд этилган 548 799 бемор вафот этган.

Шу билан бирга 6 533 436 киши соғайишга муваффақ бўлган.

Ўзбекистонда куни кеча, 8 июль куни, коронавирус инфекцияси қайд этилганлар сони 11 092 нафарга етди.

Республика Махсус комиссияси қарорига мувофиқ, Ўзбекистонда коронавирус билан боғлиқ эпидемиологик вазиятнинг ёмонлашуви туфайли карантин чоралари кескин кучайтирилади.

Республика ҳудудида 10 июлдан 1 августга қадар карантин чоралари кескин кучайтирилади: автотранспорт ҳаракати ва йирик жамоат объектлари фаолияти чекланади. 

 

50