Эрон Олий раҳбари Боинг ҳалокати бўйича тергов натижаларини ошкора эълон қилишни буюрди

521
Киевга учаётган Боинг чоршанба куни эрталаб Теҳрон аэропортидан учиб чиққач, қулаб тушди. Ҳаммаси бўлиб 176 киши ҳалок бўлди: Эрон, Украина, Канада, Германия, Швеция ва Афғонистондан 167 йўловчи ва тўққиз экипаж аъзоси.

ТОШКЕНТ, 11 янв - Sputnik. Эроннинг Олий раҳбари Али Хумайний расмийларга хато оқибатида уриб туширилган Украина самолёти ҳалокати бўйича тергов натижаларини эълон қилишни буюрди, дея хабар беради IRIB давлат телевидениеси.

"Олий раҳбарга мамлакатнинг ҳаводан ҳужум мудофаасидаги хатолик ҳақида хабар берилиши билан, у ушбу масалани ўрганиш учун мамлакат Миллий хавфсизлик Олий кенгашининг фавқулодда йиғилишини чақирди ва воқеа сабаблари ва тергов натижалари ҳалол ва ошкора эълон қилинишини тасдиқлади", - дейилади IRIB хабарида.

Киевга учаётган "Украина ҳалқаро авиалиниялари" компаниясининг Боинг 737-800 борти чоршанба куни эрталаб Теҳрон аэропортидан учиб чиққач, бир неча дақиқадан сўнг қулаб тушди. Ҳаммаси бўлиб 176 киши ҳалок бўлди: Эрон, Украина, Канада, Германия, Швеция ва Афғонистондан 167 йўловчи ва тўққиз экипаж аъзоси.

Шанба куни мамлакат Қуролли кучлари Украина Боинг самолётини тасодифан уриб юборганини, бехосдан инсон омили айбдорлиги кўрсатилди: самолёт Эрон ҳарбий объекти яқинида учаётганда душман самолёти деб қабул қилиниб уриб туширилди. Эрон президенти авиаҳалокат муносабати билан ҳамдардлик билдирди ва чуқур афсусдалигини айтди.

521
Мавзу:
АҚШ – Эрон можароси (36)
Открытие узбекского шоу-рума Moel Bosh в Риге

Россияда "Made in Uzbekistan" миллий маҳсулотлар халқаро кўргазмалари ташкил этилади

204
Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

ТОШКЕНТ, 26 сен - Sputnik. Россиянинг бир нечта ҳудудларида "Made in Uzbekistan" миллий маҳсулотлар халқаро кўргазмалари ташкил этилади, деб хабар қилди "Юксалиш" телеграм канали.

Хусусан, 26 октябрь—1 ноябрь кунлари Самарада; 23—24 ноябрь кунлари Санкт-Петербургда; 1—2 декабрь кунлари Қозонда; 15—16 декабрь кунлари Москвада бўлиб ўтиши кутилмоқда.

Эслатиб ўтамиз, сал олдин Ўзбекистонда Россия маънавий маданияти кунлари ўтказилиши ҳақида хабар берган эдик.

Лойиҳадан ёш артистлар ва халқаро мусобақалар ғолиблари ижросида ўтказиладиган мумтоз мусиқа концертлари, рус маданияти ва маънавиятининг энг ёрқин ва бой мероси намуналарини акс эттирадиган кўргазмалар, Россия ва Ўзбекистоннинг маданий ва маънавий бирлигига бағишланган иккиёқлама анжуман, давра суҳбати, фотокўргазма ва хор жамоалари чиқишлари ўрин олган.

Россия маънавий маданияти кунлари тадбирларида иштирок этиш учун Тошкентга икки мамлакатнинг маданий алоқаларини ўрганишга жалб қилинган етакчи маданият, илм-фан арбоблари, жамғармалар ва ташкилотлар директорларидан иборат Россия делегациясини юбориш режалаштирилган.

Бундан ташқари, тадбирларда маданият вазирлари ва Россия регионларидаги муассасалар раҳбарлари иштирок этиши режалаштирилган.

204
Сувенирная монета криптовалюты биткойн

Тошкентда ноқонуний Bitcoin сотувчиси қўлга олинди

215
Тадбир якунида Т.Т.дан электрон пул бирликлари сотувидан тушган 402 071 АҚШ доллари ашёвий далил сифатида олинган.

ТОШКЕНТ, 26 сен - Sputnik. Бош прокуратура ҳузуридаги Департамент ва ДХХнинг Мирзо Улуғбек тумани бўлимлари томонидан ўтказилган тезкор тадбирда Тошкентда криптовалюта савдоси билан ноқонуний шуғулланган шахслар фаолияти фош этилди, деб хабар бермоқда Бош прокуратура матбуот-хизмати.

Хабарда айтилишича, фуқаро Т.Т. ва бошқалар олдиндан тил бириктириб, ноқонуний даромад орттириш мақсадида, лицензия олиниши шарт бўлган фаолият тури билан махсус рухсатнома олмасдан шуғулланишган.

Улар бошқа шахсга "1В" (Bitcoin) электрон пул бирлигини 10 463 АҚШ долларидан ҳисоблаб, "20В" (Bitcoin) электрон пул бирлигини ўзининг 7% лик устамаси билан ҳисоблаб жами 224 000 АҚШ долларига сотган вақтида ушланган.

Тадбир якунида Т.Т.дан электрон пул бирликлари сотувидан тушган 402 071 АҚШ доллари ашёвий далил сифатида олинган.

Мазкур ҳолат юзасидан фуқаро Т.Т. ва бошқаларга нисбатан Жиноят кодексининг 177-моддаси 4-қисми ва 190-моддаси 2-қисми билан жиноят иши қўзғатилиб, тергов ҳаракатлари ўтказилмоқда.

215

Ўзбекистон нуфузли IDUAI форумига таклиф этилди

10
28-29 сентябрь кунлари Халқаро ахборотдан умумий фойдаланиш кунини нишонлашга бағишланган юқори даражали онлайн муҳокама бўлиб ўтади.

ТОШКЕНТ, 27 сен — Sputnik. 28-29 сентябрь кунлари Халқаро ахборотдан умумий фойдаланиш куни (The International Day for Universal Access to Information, IDUAI) ни нишонлашга бағишланган юқори даражали онлайн муҳокама бўлиб ўтади. Бу ҳақда Туризмни ривожлантириш қўмитаси матбуот хизмати хабар қилмоқда.

“Жонни омон сақлаб, ишончни мустаҳкамлаб, умид бағишлаб ахборот олиш” мавзуидаги онлайн муҳокамада ЮНЕСКО бош директори Одри Азуле, Ўзбекистон бош вазир ўринбосари, ЮНЕСКО ишлари бўйича миллий комиссия раиси Азиз Абдуҳакимов ва бошқалар иштирок этади.

Тадбир Жаҳон соғлиқни сақлаш ташкилоти, Халқаро архивлар кенгаши, БМТ Тараққиёт дастури, “Twitter” ижтимоий тармоғи, “Очиқ ҳукумат” ҳамкорлиги ташаббуси, “Transparency International” илмий-ишлаб чиқариш бирлашмаси каби етакчи ташкилот ва тузилмаларнинг раҳбарияти иштирокида ўтказилмоқда. 

“Шу ўринда Ўзбекистон бу каби нуфузли форумга таклиф қилинган ягона мамлакат эканини таъкидлаш муҳим. Бу Ўзбекистон президенти Шавкат Мирзиёев томонидан шаффофлик ва эркин фикрлиликни таъминлаш йўлида олиб борилаётган сиёсат натижасида  мамлакатимизда рўй берган ўзгаришлар эътирофдир”, - дейилган хабарда.

10