Мужское застолье на празднике Навруз

Ўзбекистон Глобал озиқ-овқат ҳавфсизлиги индексида кўрсаткичларини яхшилади

254
(Янгиланган 15:27 11.01.2020)
Мамлакатнинг рейтингда юқори мавқега эга эканлиги унинг озиқ-овқат хавфсизлиги юқори даражада эканлигини англатади.

ТОШКЕНТ, 11 январь – Sputnik. АҚШнинг DuPont транснационал компанияси ёрдамида Британиянинг The Economist Intelligence Unit томонидан ўтказилган тадқиқотларга кўра, Ўзбекистон глобал озиқ-овқат хавфсизлиги рейтингида 71-ўринни эгаллади. Бир йил олдин, ушбу рўйхатда мамлакат 80-ўринда эди.

2018 йилда бўлгани каби 2019 йилда ҳам рейтингга 113 та мамлакат киритилган. 2019 йилда 87 мамлакат ўз кўрсаткичларини яхшиладилар, 18 мамлакатда озиқ-овқат хавфсизлиги даражаси пасайди, 8 мамлакатда кўрсаткичлар ўзгаришсиз қолди. 2018 йилда рейтингнинг 80-поғонасини эгаллаган Ўзбекистон ўз кўрсаткичларини яхшилаб, 71-поғонага кўтарилди. Қозоғистон (48-ўрин) ва Тожикистон (93-ўрин) ҳам ушбу индексдаги рейтингларини яхшиладилар.

Ўзбекистон шаҳарларнинг озиқ-овқат оқимлари ўзлаштириш, озиқ-овқат хавфсизлиги ва қишлоқ хўжалиги маҳсулотларининг импорт тарифлари кўрсаткичларини яхшилади. Аммо, шу билан бирга, қишлоқ хўжалиги ишлаб чиқаришининг ўзгарувчанлиги, қишлоқ хўжалиги соҳасида тадқиқот қилиш учун давлат харажатлари ва озиқ-овқат маҳсулотларининг ўртача нархидаги ўзгаришлар каби кўрсаткичлари салбий динамикани кўрсатди.

Дунё озиқ-овқат хавфсизлиги индексини ўрганиш 2012 йилдан бери олиб борилмоқда ва ҳозирги вақтда дунёнинг турли мамлакатларидаги озиқ-овқат хавфсизлиги ҳолатининг энг тўлиқ тўпламини акс эттиради.

Индекс давлатлар сиёсати ва уларнинг институтларининг озиқ-овқат хавфсизлиги соҳасидаги самарадорлигини ўлчайди. Тадқиқот дунёда озиқ-овқат хавфсизлиги кўрсаткичларининг учта асосий гуруҳини таҳлилини тақдим этади:

1. Озиқ-овқат маҳсулотларидан фойдаланиш ва истеъмоли даражаси.

2. Озиқ-овқатнинг мавжудлиги ва етарлилиги.

3. Озиқ-овқатнинг сифати ва хавфсизлиги даражаси.

Ушбу тоифалар қийматлари икки йил давомида ўлчанадиган 28 хил кўрсаткичларни ўз ичига олади. Ҳисоблашда халқаро ташкилотлар ва миллий институтларнинг маълумотлари қўлланилади. Кўрсаткичлар таҳлили асосида дунё мамлакатларининг Озиқ-овқат хавфсизлиги индекси бўйича якуний рейтинг тузилади.

Мамлакатнинг рейтингда юқори мавқега эга эканлиги унинг озиқ-овқат хавфсизлиги юқори даражада эканлигини англатади.

Шуни ҳам таъкидлаш керакки,муқаддам Ўзбекистон анча яхши натижаларни кўрсатган эди. 2016 йилда давлат ушбу халқаро рейтингда 64-ўринни эгаллаган.

254
Самолет Airbus-320. Архивное фото

Хитой 50та давлат билан авиа-парвозларни тиклади

149
(Янгиланган 10:05 13.08.2020)
Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

ТОШКЕНТ, 13 авг - Sputnik. Хитой дунёнинг 50та давлати билан коронавирус пандемияси туфайли вақтинча тўхтатилган авиа-парвозларни қайта тиклади, деб хабар берди РИА Новости ХХР ҳукумати тарқатган маълумот асосида.

Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

Эслатиб ўтамиз, куни кеча Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага (яшил, сариқ, қизил) ажратилган давлатлар рўйхати тасдиқланди.

Санитария-эпидемиологик вазият барқарор бўлган давлатлардан амалга ошириладиган "яшил рейс"ларга – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония киритилган. Охирги 10 кун ушбу мамлакатларда бўлиб турган ва Ўзбекистонга кириб келган шахслар карантин назоратига олинмаслиги белгиланган.

 

 

149
Мавзу:
COVID-19 умумжаҳон пандемияси
Самолет Airbus A320 компании Uzbekistan Airways

Ўзбекистон тоифаларга ажратилган авиа-рейслар рўйхатини тасдиқлади

487
(Янгиланган 23:51 12.08.2020)
Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага ажратилган давлатлар рўйхати тасдиқланди ҳамда ушбу рўйхат ҳар ҳафтада янгилаб бориши белгиланди.

ТОШКЕНТ, 12 авг - Sputnik. Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага ажратилган давлатлар рўйхати тасдиқланди ҳамда ушбу рўйхат ҳар ҳафтада янгилаб бориши белгиланди.

Мазкур қарорга асосан:

Санитария-эпидемиологик вазият барқарор бўлган - яшил рейслар орқали (охирги 10 кун ушбу мамлакатларда бўлиб турган) Ўзбекистонга кириб келган шахслар карантин назоратига олинмайди;

- коронавирус инфекцияси билан касалланиш ҳолатлари камайган - сариқ рейслар орқали — (охирги 10 кун ушбу мамлакатларда бўлиб турган) Ўзбекистонга кириб келган шахслар 14 кун давомида уй карантини назоратига олинади;

- коронавирус инфекцияси билан касалланиш ҳолатлари камаймаган - қизил рейслар орқали (эвакуация рейслари) — Ўзбекистон Республикасига кириб келган шахслар 14 кун давомида карантин назоратида сақланади.

Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага ажратилган давлатлар рўйхати тасдиқланди ҳамда ушбу рўйхат ҳар ҳафтада янгилаб бориши белгиланди.

Мазкур рўйхатга асосан:

- яшил рейслар сифатида – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония;

- сариқ рейслар сифатида – Европа Иттифоқи давлатлари (Буюк Британия ва Испания бундан мустасно), Озарбайжон;

- қизил рейслар сифатида бошқа барча давлатлар белгиланди.

Юқоридагилардан ташқари жамоавий (коллектив) иммунитет шаклланиши жараёнини мониторинг қилиб бориш мақсадида антитаначалар (иммунофермент) таҳлилини ўтказиш чораларини кўриш юзасидан мутасаддиларга топшириқлар берилди.

Шу билан бирга, мутасадди вазирлик ва идораларга оммавий ахборот воситаларида маданий-маърифий ва кўнгилочар мазмундаги кўрсатув, эшиттириш ва материалларни кўпайтириш, шунингдек ижтимоий масофани таъминлаган ҳамда санитария-эпидемиология талабларига риоя этган ҳолда театр, кинотеатр, концерт ва бошқа тадбирларни ташкил этиш юзасидан асослантирилган таклифлар киритиш вазифалари белгиланди.

487
Мавзу:
COVID-19 умумжаҳон пандемияси
Выпускники медицинских вузов

ОТМ битирувчилари магистратурага имтиҳонсиз қабул қилиниши мумкин шартлар

7
Ўзбекистонда кимё ва биология бўйича аъло баҳога ўқиган талабалар магистратурага имтиҳонсиз қабул қилинади.

ТОШКЕНТ, 13 авг — Sputnik. Кимё ва биология бўйича аъло баҳога ўқиган талабалар магистратурага имтиҳонсиз қабул қилинади. Бу Шавкат Мирзиёев имзолаган “Кимё ва биология йўналишларида узлуксиз таълим сифатини ва илм-фан натижадорлигини ошириш чора-тадбирлари тўғрисида”ги қарорда кўзда тутилган.

ОТМларнинг кимё ва биология таълим йўналишлари талабалари ўртасида ўтказиладиган республика фан олимпиадаси ғолиблари ҳамда кимё ва биология фанлари бўйича нуфузли халқаро олимпиадалар совриндорлари магистратурага тегишли мутахассисликлар бўйича ўқишга ажратилган квота доирасида давлат грантлари асосида имтиҳонсиз қабул қилинади.

2021/2022 ўқув йилидан бошлаб кимё ва биология йўналишларида кадрлар тайёрлаётган барча ОТМлар мактаб битирувчи синф ўқувчилари ўртасида кўп босқичли (туман (шаҳар) – вилоят – ОТМ) кимё ва биология фани бўйича ўзининг олимпиадасини ўтказади ва 1-3 ўринларни эгаллаган ўқувчиларни ОТМнинг маблағлари ҳисобидан имтиҳонсиз ўқишга қабул қилади.

ОТМларнинг кимё ва биология таълим йўналишлари бўйича имтиёзли дипломга эга бўлган битирувчилари мазкур ОТМнинг магистратурасига қўшимча имтиҳонларсиз тўлов-контракт асосида қабул қилинади.

ОТМларнинг кимё ва биология мутахассислигини аъло баҳолар билан тамомлаган магистрларни таянч докторантурага ОТМнинг кенгаши қарори асосида имтиҳонларсиз тўғридан-тўғри квота доирасида қабул қилиш тартиби жорий қилинади.

Давлат тест маркази 2021 йил 1 февралга қадар Кимё ва биология фанларидан билимларни баҳолаш бўйича миллий сертификатлаш тизимини жорий қилади.

Имтиёз бериладиган даражадаги миллий сертификатга эга мактаб, лицей ва касб-ҳунар мактаби ўқувчилари давлат ОТМга киришда кимё ёки биология фанидан тест синови топширишдан озод этилади ҳамда унга максимал балл берилади.

7