Hashar week лойиҳаси бош менежери "Ҳаво йўллари"ни экомаданиятсизликда айблади

449
(Янгиланган 14:16 16.01.2020)
Барча авиалиниялар ўз имиджини сақлаб қолиш учун экологик упаковкага ўтаётган бир "Ҳаво йўллари"да ҳаммаси пластикда, дея фикр билдиради эксперт

ТОШКЕНТ, 16 янв – Sputnik, Дилшода Раҳматова. Экомаданиятни жарималар билан эмас, балки биргаликдаги сайи-ҳаракатлар билан шакллантириш ва тарғиб қилиш лозим, деб ҳисоблайди халқаро сиёсий маслаҳатчи, hashar week лойиҳси бош менеджери Суна Парк. У бу ҳақда Амирсой тоғ-чанғи курортида бўлиб ўтган ХПК сайёр сессиясида гапирди.

Паркнинг сўзларига кўра, бугун муҳокама қилинаётган экологияга оид мавзуларнинг ягона муаммоси - ҳеч кимда шу соҳага оид чуқур тушунча йўқлигида.

"Экология мавзуси - бугун тренд даражасига кўтарилди, кўпчилик шу ҳақда гапиради, ундан сиёсий мақсадларда фойдаланишади, аммо афсуски, одамлар ўртасида экология ҳақида чуқур тушунча йўқ. Кечирасиз, лекин мен ҳозир "Ҳаво йўллари" (Ўзбекистон Ҳаво йўларини назарда тутмоқда, - таҳр.)ни эсга олишга мажбурман. Барча авиалиниялар ўз имиджини сақлаб қолиш учун экологик упаковкага ўтаётган бир "Ҳаво йўллари"да ҳаммаси пластикда. Бизнес классида ҳам, эконом классида ҳам шу аҳвол", - дейди у.

Эксперт, шунингдек, экомаданият - бу давлат органлари томонидан имзо чекиладиган ҳужжат эмас, балки мураккаб механизм бўлиб, у ҳар томонлама тараққий этиши лозимлигини, бунда бизнес билан бир қаторда фуқаролик жамияти, давлат органлари иштироки муҳимлигини эслатиб ўтди.

"Кўчада ахлат ташланаётганини кўрсак, албатта, автоматик равишда "жарима жорий этиш керак", деган гапни айтиш осон. Унда ҳар бир қадамида жаримага тортадиган полиция-давлатни жорий этган бўламиз. Мени кечирасизу, лекин маоши 600 миллион сўм ёки майли, боринг 1 миллион бўлган оддий ишчини 200 мингга жаримага тортсак, бу ижтимоий исённи келтириб чиқаради. Нега у инсон ахлатни кўчага ташлаётгани ҳақида сўраш анча мураккаб. hashar week лойиҳаси шу билан шуғулланадики, биз аҳоли билан ҳамкорлик қилиб, уйма-уй юриб, одамлар ташлаётган чиқиндиларни титкилаймиз. Биз одамлар ахлатларни қай тарзда ташлаётгани, нега ташлаётганини ўрганамиз, таҳлил қиламиз", - деди Парк.

Экспертнинг сўзларига кўра, одамлар урналар йўқлиги учун эмас, балки бу ахлат билан кейин нима рўй беришини билмасликлари учун ахлатни кўчага ташлашади.

"Бу экомаданиятсизлик билан алоқадор эмас, бу билимсизлик. Улар кафеда ёки бошқа жойда бир марта ишлатиладиган салфетка ёки трубочка ерда 100 йилда ҳам чиримаслигини билишмайди", - дейди эксперт.

Шу боис, бундай ҳолатда маърифат, илм муҳим роль ўйнайди. Маънавий етакчилар роли муҳим бу ерда. Бундай ҳолатларда Жумъа намозларида имом хатиблар албатта бу ҳақда гапиришлари лозим. Одамлар бугунги кунда ишлаб чиқарилаётган нарсалар ҳақида етарлича билимга эга эмас, замон билан ҳамнафас бўла олмаяпти, деб якунлади ўз фикрини эксперт.

449

ОТМга тест синовлари 2 соат давом этади - ДТМ

269
(Янгиланган 19:21 08.08.2020)
Абитуриентлар махсус дезинфекцион йўлакдан ўтказилади, уларга бир марталик ҳимоя воситалари (тиббий ниқоб)га қўшимча равишда кепкалар ҳам тарқатилади

ТОШКЕНТ, 8 авг - Sputnik. Давлат тест маркази директори Мажид Каримов тест жараёнлари қандай ўтиши ҳақида маълумотларни тақдим этди, деб хабар қилмоқда Sputnik Ўзбекистон мухбири.

Хусусан, ўтган йилдагидан фарқли равишда жорий йилдаги тест синовлари стадионларда 2 та сменада тест ўтказилади.

Абитуриентларга 2 та фандан жами 60 та тест саволларига жавоб топиш учун  2 соат вақт берилади.

Шунда 1-смена 08:00 да бошланиб 10:00 да тамом бўлади, 2-смена эса 17:00 да бошланиб, 19:00 да тугайди. Соат 10 дан 17 гача стадионда ҳеч ким бўлмайди.

Абитуриентлар махсус дезинфекцион йўлакдан ўтказилади, уларга бир марталик ҳимоя воситалари (тиббий ниқоб)га қўшимча равишда кепкалар ҳам тарқатилади.

Каримовнинг таъкидига кўра, агар карантин 15 август ёки 30 августда бекор қилинса, тест синовлари 2 сентябрда бошланади.

"Биз 2 сентябргача пандемия билан боғлиқ вазият барқарорлашидан умидвормиз. Агар карантин узайтирилса, албатта тест қолдирилади. Чунки биринчи навбатда абитуриентлар саломатлиги туради", — деб айтган Давлат тест маркази директори.

Шунингдек, ДТМ тест синови шаффоф ўтиши учун синовда қатнашадиган назоратчиларни боди-камералар билан таъминлаш бўйича Махсус комиссияга таклиф киритишни режалаштирмоқда.

269
Флаг Туркменистана

БССТ Туркманистонда COVID-19ни аниқлаш учун мустақил тест ўтказади - Бердимуҳаммедов рози

308
(Янгиланган 19:22 08.08.2020)
Ташкилот вакиллари баёнотига кўра, Туркманистонда пневмония касаллиги билан боғлиқ ҳолатларни қайта текшириш зарур

ТОШКЕНТ, 8 авг — Sputnik. Туркманистон президенти Гурбангули Бердимуҳамедов Бутунжаҳон соғлиқни сақлаш ташкилотига янги турдаги COVID-19 коронавируси бор-йўқлигини аниқлаш учун саралаш методи билан тест ўтказишга розилик берди, деб хабар қилди БССТ Европа минтақавий бюроси директори Ханс Клюге.

"Бугун мен ва (БССТ бош директори ) Тедрос Адханом Гебрейесус Туркманистон президенти билан мамлакатдаги COVID-19 билан боғлиқ вазият юзасидан учрашув ўтказдик. БССТ COVID-19сиз кечаётган пневмония ҳолатлари кўпайиб бораётганидан ташвишдалигини билдирди ва ташкилот ходимлари мамлакатда COVID-19 бор-йўқлигини аниқлаш учун мустақил равишда таҳлилларни йиғиб, уларни БССТнинг референт лабораторияларига юбориш таклифи билдирилди. Президент рози бўлди", - деб ёзган Клюге Facebookдаги саҳифасида.

Эслатиб ўтамиз, сал олдин Туркманистон президенти, БССТ билан ўтказилган онлайн-музокаралар давомида коронавирус геномини ўрганиш бўйича БССТнинг махсус дастурини тайёрлаш таклифини билдиргани ҳақида хабар қилинган эди. Бердимуҳамедовнинг сўзларига кўра, COVID-19га доир қатор ўз ечимини топмаган масалалар мавжуд, хусусан, унинг келиб чиқиши, тарқалиш йўллари ва мутация каби.

Ҳукумат хабарига кўра, Туркманистонда янги турдаги коронавирус билан касалланиш ҳолатлари қайд этилмаган. Шунга қарамай, мамлакатда ниқоб режими ва сервис, савдо ҳамда странспорт соҳасидаги фаолият турларига қатор чекловлар жорий этилган.

308
Мавзу:
COVID-19 умумжаҳон пандемияси

Ғарб биринчи марта русларнинг Суриядаги ҳарбий муваффақиятини тан олди

60
Америкаликлар айнан Москва ҳамда Эроннинг аралашуви Сурия армиясига мамлакатнинг катта қисмини ноқонуний қуролли гуруҳлардан қайтариб олишга имкон берганини тан олишди.

ТОШКЕНТ, 9 авг - Sputnik, Андрей Коц. Агар руслар ёрдам бермаганида, Башар Асад урушда ютқазган бўлар эди – америкаликлар айнан Москва ҳамда Эрон ва “Ҳизбуллоҳ”нинг аралашуви Сурия армиясига мамлакатнинг катта қисмини ноқонуний қуролли гуруҳлардан қайтариб олишга имкон берганини тан олишди. Бундай хулосага Конгресс тадқиқот хизмати 49 саҳифадан иборат "Суриядаги қуролли низонинг шарҳи ва АҚШнинг бунга муносабати" ҳисоботида келган. Ҳарбий таҳлилчилар яна нималарга эътибор беришди ва улар қандай тахминлар билдирилди - РИА Новости материалида.

Кучларнинг тақсимланиши

Ҳужжатда Сурия харитаси таҳлил қилинган. АҚШнинг Ат-Танф ҳарбий базаси жойлашган, Иордания билан чегарадош кичик анклавдан ташқари, мамлакатнинг марказий, ғарбий ва жанубий қисмлари Башар Асад ҳукумати назорати остида. Шимолий-ғарбдаги Идлиб Муҳафазаси экстремистик гуруҳлар ва Туркия бошқаруви остида. Евфраатнинг шимолий ва шарқий ҳудудлари - Суриянинг деярли учдан бир қисми - курдларда.

Бу ерда таҳлилчилар айёрлик қилмоқдалар, чунки аслида бу ерларни айнан Вашингтон бошқармоқда. Бу ерда америкаликлар кўп эмас - ҳисоботга кўра, 600га яқин аскар. Бироқ, улар углеводородларга бой ушбу минтақадаги асосий нефт конларининг атрофидаги позицияларни эгалламоқда. Бундан ташқари, Сурия шарқида хусусий ҳарбий компанияларнинг бир неча юз жангчилари фаолият юритмоқда. Ҳужжатда қайд этилишича, расмий ҳукумат АҚШ ҳарбийларининг минтақада жойлашганини ноқонуний деб ҳисоблайди. Бироқ Вашингтон нефть конларини террорчилардан ҳимоялаш кераклигини таъкидламоқда.

Ҳисобот муаллифлари баъзан Асад армияси билан тўқнашувлар рўй беришини яширмайдилар. Уларнинг таъкидлашларича, шу йилнинг февраль ойида Қамишли қишлоғидаги назорат пунктида суриялик ҳарбийлар АҚШ қуролли кучларининг патрулига қарата ўқ узган. Ҳеч ким шикастланмаган. Бундан ташқари, улар мамлакатнинг шимолий-шарқида Россия ва Америка ҳарбий хизматчилари ўртасида тўғридан-тўғри тўқнашув ҳолатлари тез-тез рўй бериши қайд этилади.

Интернетда АҚШ армиясининг зирҳли машиналари Россия ҳарбий полицияси автомашиналари йўлини тўсиб қўйишга уринаётганининг ўнга яқин видеолавҳалари мавжуд. Яхшиямки, можаролар отишмагача бормади.

Россия тарк этмайди

Умуман олганда, америкаликлар мамлакатдаги Эроннинг иншооатларига Исроилнинг зарбалари ва Россияга қарши санкциялар Москва ва Теҳронни Башар Асадни қўллаб-қувватлашдан воз кечишга ёки ҳеч бўлмаганда унга ёрдамни қайсидир маънода чеклашга мажбурламаганини тан олди.

"АҚШ Москванинг Суриядан Яқин Шарқдаги нуфузини кенгайтириш учун плацдарм сифатида фойдаланиш истагини ва имкониятларини тўлиқ баҳолай олмади, - деб ёзади таҳлилчилар. - Россия, Эрон ёки уларнинг "ишончли вакиллари" билан тўғридан-тўғри ҳарбий тўқнашувни истисно қилиб бўлмайди. Бундан ташқари, Москва ўз иттифоқчиси бўлмиш Сурияни қўллаб-қувватлашда қанчалик чуқурлашиши мумкинлигини тушуниш керак".

Ҳисобот муаллифлари афсус билан Дамашққа босим ўтказиш тобора қийинлашаётганини тан олмоқдалар. Фронт чизиғини Сурия пойтахтидан нарироққа силжитиш, биринчи навбатда Россия авиацияси ва махсус кучларнинг ёрдами туфайли амалга оширилди, ҳозирда мамлакатнинг катта қисми "режим" назорати остида. Башар Асаднинг сиёсий мухолифларининг қўлларида деярли ҳеч қандай дастак қолмаган. Шу билан бирга, Дамашқ ва курдлар аста-секин яқинлашишмоқда. Бу марказий ҳукумат шарқ ва шимол устидан назоратни қайтариб олиши мумкинлигини англатади.

ИД* ҳамон хавфлидир

2018 йил декабрь ойида Дональд Трамп ИД* устидан ғалабани эълон қилди. Аммо таҳлилчилар фикрича, гуруҳ ҳали яксон қилинмаган. АҚШ иттифоқчилари 2019 йил март ойида Сурияда ИД*нинг оҳирги истеҳкомларини эгаллаб олишди. Аммо исломийчилар ҳам Сурияда, ҳам Ироқда исёнкорларнинг қумондонлик ва бошқарув тузилмасини сақлаб қолишган. Бу шуни англатадики, улар ҳали ҳам таъсирли зарбаларни беришга қодир.

"Узоқ истиқболда Суриядаги ИД* тақдири мамлакатда гуруҳни яна кучайишига тўсқинлик қила оладиган хавфсизлик идораларини ярата олишимиз қобилиятига боғлиқ, - деб таъкидлашади ҳисобот муаллифлари. – Аммо "Ислом давлати"*нинг таҳдиди узоқ вақт давом этади. Террорчиларга қарши курашишлари учун, биз курдларни қўллаб-қувватлашда давом этишимиз керак".

Яна бир хавф - бу 10 мингга яқин ИД* жангчилари сақланаётган ҳарбий маҳбуслар лагерлари. Улар асосан мамлакатнинг шимолида жойлашган бўлиб, курд бўлинмалари томонидан қўриқланмоқда. Бундан ташқари, экстремистларнинг оила аъзолари сақланаётган лагерлар ҳам мавжуд. Улардан энг каттаси - Ал-Холда 66 мингга яқин террорчиларнинг аёллари ва фарзандлари жойлаштирилган. Таҳлилчилар фикрига кўра, бу ерларда жангарилар маҳбусларнинг жанговар руҳини қўллаб-қувватлаб турган ҳолда ўз тарғиботини давом эттирмоқдалар, ИД* эса ўз тарафдорларини озод қилиш мақсадида, ҳужумлар уюштиришни режалаштирмоқда.

Курд раҳбарияти маҳбусларни қўриқлаш учун кучлари етишмаётганини бир неча бор маълум қилган. Америкаликлар ёрдам беришга шошилмаяптилар - Вашингтон жангариларнинг ватанлари уларни жазосини ўташи учун уйларига қайтариб олиб кетишларини талаб қилмоқда. Аммо ҳеч ким "ўз" террорчиларини қайтаришни хоҳламаяпти ва бундан қочиш учун ҳар хил баҳоналарни топишмоқда.

Муаммоли провинция

Энг қайноқ жой - бу Идлиб провинцияси. Бу ерда ҳозирда Сурия, Россия, Эрон ва Туркия ҳаракат қилмоқда. Бу ерда АҚШ қўшинлари йўқ, аммо америкаликлар бир неча бор "Ал-Қоида"* билан боғлиқ бўлинмаларга зарбалар берган. “Ҳайят Таҳрир аш-Шам”*, “Хурас ад-Дин”*, Сурия миллий армияси, "Хизбуллоҳ" ва бошқа гуруҳларининг бу ерда нодавлат бўлинмалари мавжуд. Шунингдек, ИД* жангчилари ҳам бор.

"Идлибнинг шимолий туманлари мухолифат кучлари томонидан назорат қилинадиган ягона минтақадир, - деб таъкидлайди таҳлилчилар. – Маҳаллий гуруҳлар бу 2011 йилда Дамашққа қарши чиққанларнинг қолдиқларидир. Идлибда Туркия ва Россия президентлари келишиб олган вақтинча тинчлик битими 5-чи мартдан бошлаб амал қилмоқда. Уларнинг қўшинлари М4 стратегик трассасида қўшма патруллар ўтказмоқдалар".

Ҳисобот муаллифлари, жангариларнинг ўққа тутишига қарамай, тинчлик ҳозирча сақланиб турилганини таъкидламоқдалар. Бироқ, Туркия Идлибга қўшинларни кўчиришни тўхтатмади ва яқинда зарурият туғилса, жанговар ҳаракатларини тиклашга тайёрлигини билдирди. Демак, Суриядаги уруш ҳали бери тугамайди.

* Россияда тақиқланган террорчилик ташкилотлари.

60