Флаг республики Казахстан

Ўзбек талабаларининг оммавий қайтарилиши: Қозоғистон ТИВ баёнот берди

1484
Қозоғистон ташқи сиёсий идораси изоҳига кўра, талабаларнинг оммавий қайтарилиши Ўзбекистон раҳбари Шавкат Мирзиёевнинг баёноти билан боғлиқ

ТОШКЕНТ, 13 фев — Sputnik. Қозоғистон Ташқи ишлар вазирлиги ўзбекистонлик талабаларнинг мамлакатдан оммавий қайтишлари ҳолатига изоҳ берди. Sputnik Қозоғистон хабари асосида.

Ташқи сиёсий маҳкамада аниқлик киритилишича, Қозоғистон ТИВ Ўзбекистон томонидан расмий мурожаат олган. Унда Ўзбекистон президенти Шавкат Мирзиёев барча ўзбек талабаларини ватанга қайтишга чақиргани айтилган.

"Ўзбек талабаларига йўлланган чорлов қўшни республикада таълим тизимининг ислоҳ қилиниши билан боғлиқ. Ҳозирда Ўзбекистонда чет элда, асосан Қозоғистон, Қирғизистон ва Тожикистонда таҳсил олаётган барча талабалар, улар ўз ўқишларини ватанда, ота-онасининг ёнида давом эттира олишлари учун қўшимча шароитлар яратилмоқда", - деди Қозоғистон ТИВ расмий вакили Айбек Смадияров.

Унинг сўзларига кўра, Ўзбекистон олийгоҳларида айни вақтда ватандошлар учун квоталар ва грантлар сони кўпайтирилмоқда.

Эслатиб ўтамиз, Ўзбекистон Олий ва ўрта махсус таълим вазирлиги февраль ойининг бошида қўшни давлатлардаги олий таълим муассасаларида таҳсил олаётган Ўзбекистон фуқаролари ҳеч қандай имтиҳонларсиз ўқишини Ўзбекистонга кўчиришлари мумкинлиги ҳақида хабар берган эди.

Қўшни давлатлардан ўқишни кўчириш муддати 15 кунга узайтирилди >>>

Илгарилари ўзбек талабаларида бундай имконият бўлмаган. Кўнгилли равишда ўқишни кўчириш қарори, талабалар ота-оналари томонидан ўз фарзандларига моддий ёрдам юборишда юзага келаётган қийинчиликлар туфайли қабул қилинган. Бундан ташқари, талабаларнинг ота-оналари қўшни мамлакатлардаги олий даргоҳлардаги таълим сифатидан ҳам норози бўлганлар.

1484

Ўзбекистонлик мигрантларни Россиядан қайтариш мақсадида 15та автобус йўлга чиқди

88
(Янгиланган 21:19 23.09.2020)
Ўзбекистон фуқароларини Россиянинг турли ҳудудларидан қайтариш жараённи янада тезлаштириш мақсадида бугун 15 та автобусдан иборат илк карвон Россиянинг Самара вилоятига йўлга чиқди.

ТОШКЕНТ, 23 сен - Sputnik. Ўзбекистон фуқароларини Россиянинг турли ҳудудларидан қайтариш жараённи янада тезлаштириш, биринчи навбатда оғир аҳволда қолган фуқароларни имкон қадар тезроқ Ўзбекистонга олиб келиш мақсадида Россия Федерациясининг тегишли вазирлик ва идоралари билан репатриацион чартер рейслари сонини бир неча маротабага кўпайтиришга эришилди. Бу ҳақда Транспорт вазирлиги хабар бермоқда.

"Республика махсус комиссияси, Транспорт вазирлиги, Ташқи ишлар вазирлиги, ДХХ Чегара қўшинлари, Ички ишлар вазирлиги, Ўзбекистоннинг Қозоғистон ва Россиядаги дипломатик ваколатхоналарининг саъйи-ҳаракатлари билан айни дамда Ўзбекистонга қайтиш истагида бўлган Россия Федерациясининг Қозоғистон билан чегара олди ҳудуди Самара вилоятида тўпланиб қолган фуқароларни ватанга олиб келиш мақсадида махсус автобус қатнови ташкил этилмоқда", - дейилади хабарда.

Мазкур автобус қатновлари Транспорт вазирлиги ҳузуридаги "Uzautotrans service" корхонаси томонидан амалга оширилади. Бугун 15 та автобусдан иборат илк карвон Россиянинг Самара вилоятига йўлга чиқди. Ушбу қатнов барча санитария қоидалари ва Қозоғистон ҳамда Россия Федерацияси томонидан қўйилган талабларга қатъий амал қилган ҳолда бажарилмоқда.

Қатновни бажаришга жалб этилган 40 нафар ҳайдовчиларнинг барчаси йўлга чиқишдан аввал коронавирусга тест топширишди. Лаборатория таҳлили натижаларидан сўнг уларга тегишли маълумотнома берилди. Шундан сўнг, ташувлар хавфсизлигини таъминлаш ва қатнов давомида нималарга эътибор бериш лозимлиги юзасидан йўриқнома ўтказилди.

Шу билан бирга мамлакатнинг турли ҳудудларига мунтазам равишда махсус темир йўл қатновлари ҳам ташкил этилмоқда.   

Қатнов олдидан ҳайдовчиларга махсус йўриқнома ўтказилди.

Режага мувофиқ автобуслар 25 сентябрь куни белгиланган манзилга етиб боришади. Шу куннинг ўзида автобуслар 700 дан ортиқ йўловчиларни олиб Ўзбекистон томон йўлга чиқади.   

Шу ўринда ҳозирда вазирлик Россиянинг турли ҳудудларидан Ўзбекистонга қайтиш истагида бўлиб турган фуқаролардан оммавий равишда Россиянинг Қозоғистон билан чегара олди ҳудудларига тўпланмасликларини сўраб қолган. Бу каби ҳолатлар ҳозирги қалтис эпидемиологик вазиятнинг янада мураккаблашувига, касаллик юқтириб олиш хавфининг ортиб кетишига ва энг ёмони юртдошларимизни ватанга олиб келиш мақсадида катта қийинчиликлар билан амалга оширилаётган саъйи-ҳаракатларнинг чекланишига сабаб бўлиши мумкин, дея огоҳлантиради вазирлик.

88
Узбекские студенты сдают вступительные экзамены под открытым небом в Ташкенте

ЮНЕСКО Фарғонани дунёнинг аҳолиси энг ўқимишли шаҳарлар рўйхатига киритди

42
Таълим шаҳарлари глобал тармоғига 26 мамлакатдан 54 янги аъзо ҳам қабул қилинган. Янги қабул қилинган шаҳарлар ташкилот фаолиятида иштирок этишлари ва ўзларининг таълим шаҳарлари сифатида эришган ютуқларини акс эттирадиган икки йиллик ҳисобот тайёрлашлари лозим.

ТОШКЕНТ, 23 сен - Sputnik. ЮНЕСКО томонидан онлайн ташкил этилган сессиясида Ўзбекистондан ягона Фарғона шаҳри дунёнинг энг ўқимишли шаҳарлар рўйхатига киритилди, деб хабар бермоқда Фарғона вилояти ҳокимлиги ахборот хизмати.

Шунингдек, Таълим шаҳарлари глобал тармоғига бундан ташқари 26 мамлакатдан 54 янги аъзо ҳам қабул қилинганлиги айтилмоқда.

"Мазкур шаҳарлар узлуксиз таълимни маҳаллий даражада ривожлантириш мумкинлигининг ёрқин намунасидир. Улар узлуксиз таълимнинг самарали сиёсати ва амалиёти инклюзив, хавфсиз, сифатли ва барқарор шаҳарларнинг ривожланишини қўллаб-қувватлаши ва ташкилотнинг 2030 йилга оид дастурига ўз ҳиссасини қўшиши мумкинлигини исботлади. Янги аъзолар ЮНEСКО Таълим шаҳарлари глобал тармоғи таркибида мавжуд шаҳарлар умумий сонини 64 мамлакатда 230 тага етказмоқда", - дейилади хабарда.

ЮНEСКОнинг Узлуксиз таълим институти (UIL) тармоқ мувофиқлаштирувчиси сифатида тегишли мамлакатларда ЮНEСКО ишлари бўйича Миллий комиссиялар томонидан номзодлар берилгандан сўнг янги аъзоларни қабул қилди. Шаҳар ҳокими ва маъмуриятининг узлуксиз таълимга оид қатъий мажбурияти таълим шаҳрига айланишнинг асосий шартидир.

ЮНEСКО Таълим шаҳарлари глобал тармоғи потенциал аъзолари ариза бериш жараёнида жамиятда барча учун узлуксиз таълим имкониятларини тақдим этиш бўйича аниқ тасаввурни намойиш этишлари керак. Янги қабул қилинган шаҳарлар ташкилот фаолиятида иштирок этишлари ва ўзларининг таълим шаҳарлари сифатида эришган ютуқларини акс эттирадиган икки йиллик ҳисоботни тайёрлашлари лозим. 

Узлуксиз таълим институти директори Дэвид Ачоаренанинг сўзларига кўра, коронавирус пандемияси келажак учун янада барқарор таълим тизимларини яратиш зарурлигини кўрсатди. Инсониятнинг ярмидан кўпи шаҳарларда яшагани сабабли, шаҳарлар бу ислоҳотларнинг марказида бўлиши лозим.

42