Российские ученые показали, как выглядит коронавирус — видео

Коронавирусга қарши энг самарали совун қайси - шифокор изоҳи

3359
(Янгиланган 08:43 24.03.2020)
Лапанинг маслаҳатига кўра, қўллар совунлаб ювилгач, таркибида витамин F бўлган ҳимояловчи кремни суркаш лозим.

ТОШКЕНТ, 24 мар — Sputnik. Вирусли инфекцияларга қарши энг яхши курашувчи совун - бу болалар совуни ва 72%ли хўжалик совунидир, деди "Москва 24" телеканали эфирида терапевт-шифокор Людмила Лапа.

Мутахассис сўзларига кўра, айнан шу турдаги совунларда вирус ва бактерияларни самарали ювиб ташлайдиган компонентлар мавжуд. Шу билан бир вақтда, қўлларни 20 сониядан кам бўлмаган вақт давомида совунлаш лозим, дея эслатади тиббиёт ходими.

Лапанинг маслаҳатига кўра, қўллар совунлаб ювилгач, таркибида витамин F бўлган ҳимояловчи кремни суркаш лозим.

"Бунда вирус крем қатламининг устига қўнади, сўнгра уни ювиб ташлаш осон бўлади", - дейди шифокор.

Микробиолог Евгений Плисов эса болалар совуни таъсирчан терига эга одамларга мослигини айтади.

Ўз навбатида, врач-иммунолог Владислав Жемчугов, бактерицид қўшимчаларсиз совундан фойдаланган тақдирда ҳам, коронавируснинг ёғли сиртқи қатлами йўқ қилинишини қўшимча қилади. Шу боис, оддий ёки антибактериал совундан фойдаланиш принципиал аҳамият касб этмайди, дея тушунтиради мутахассис.

Бутунжаҳон соғлиқни сақлаш ташкилоти 11-март куни Хитойдан бутун дунёга тарқалиб кетган янги коронавирус эпидемиясини пандемия, деб эълон қилди. ЖССТ бош директори Тедрос Аданом Гебрейесус сал кейин инфекция ўчоғи эпимаркази ХХРдан Европага кўчганини айтди. Охирги ҳафталарда Италия, Эрон, Жанубий Корея, Франция, Испания ва Германияда хавфли ҳолатлар кузатилмоқда.

Жонс Хопкинс университети маълумотларига кўра, COVID-19га чалиниш ҳолатлари 160дан зиёд мамлакатларда аниқланган, вирус билан 341 мингдан зиёд одамлар беморланган, уларнинг 14 765 нафари ҳалок бўлган, 99 минг нафарга яқини тузалган. Ўзбекистонда коронавирусга чалинганлар сони 46 нафар, деб эълон қилинган.

3359
Мавзу:
COVID-19 умумжаҳон пандемияси (1288)
Боксёр Майк Тайсон

Афсоналар жанги: Майк Тайсон ва кичик Рой Жонс учрашуви қандай якунланди

453
(Янгиланган 10:37 29.11.2020)
Мутахассислар Темир Майкнинг асосий қуроли сифатида кучли зарбасини, Рой Жонснинг эса тезкор тана ҳимоя ҳаракатларини эътироф этишмоқда.

ТОШКЕНТ, 29 ноя - Sputnik. Бугун, 29 ноябрь куни 10.00да (Тошкент вақти билан) жаҳон бокс қироллари жанги бошланди.

Унда ўн беш йилдан кейин рингга қайтган Майк Тайсон ва кичик Рой Жонс АҚШнинг Калифорния штати Лос Анжелес шаҳридаги Стейплс центрда жанг ўтказмоқда.

Майк Тайсоннинг вазни 99,9 килограмм, кичик-Жонсники - 95 килограммлиги қайд этилган.

Мутахассислар Темир Майкнинг асосий қуроли сифатида кучли зарбасини, Рой Жонснинг эса тезкор тана ҳимоя ҳаракатларини эътироф этишмоқда.

Ушбу қарама-қаршилик ҳақиқатан афсонавий бўлиши кутилмоқда, жанг "УзРепорт" ТВда бокс шарҳловчиси Даврон Файзиев томонидан шарҳланмоқда. 

Қуйида эса иккила афсонанинг жанг олдидан бир кун аввал вазн ўлчаниши кадрларини томоша қилишингиз мумкин.

Эслатиб ўтиш жоизки, жанг спортчиларнинг ёши ва имкониятини ҳисобга олган ҳолда 12 эмас, 8 раунд этиб белгиланган.

Ҳозир иккинчи раунд давом этяпти, хабар тўлдирилади.

10.11. Ҳозирда тўртинчи раунд давом этмоқда: Майк Тайсон яқин масофада фаол ҳаракатларни амалга ошираётган бўлса, Рой Жонс уни узоқ масофада ушлашга ҳаракат қилмоқда.

10.14. Майк Тайсон бешинчи раундни жуда фаол ўтказди. У ташаббусни ўз қўлига олди. Рой Жонсда чарчоқ аломатлари сезила бошлади.

Майк Тайсон ва кичик Рой-Жонс ўртасидаги жанг ҳақиқий афсонавий қарама-қаршиликка айланиши кутилмоқда: Тайсон ўз спорт фаолияти давомида 58та жанг ўтказган. Шундан 50тасини ғалаба билан якунлаган.

10.17. Олтинчи раунд тенг курашларда ўтди, Рой Жонс ўзини фишкаси бўлган тана ҳаракатлари билан ҳаракатланишни бошлади.

Рой Жонс 75 та жанг ўтказган ва шундан 66тасини ғалаба билан якунлаган.

10.18. Еттинчи раунднинг дастлабки секундларида Рой Жонс ўта фаол позицияга ўтди, шунга қарамасдан Майк Тайсон кўпроқ чап қўл зарбаларини амалга оширмоқда.

10. 21. Охирги раунд. Ушбу икки дақиқа ҳақиқий триллерга айланади.

Рой тактик жиҳатдан устун келаяпти, лекин Майкда ушбу жанга нуқта қўйиш имконияти кўпроқ. Иккала боксчи ҳам жуда яхши ишлашди.

Бир неча бокс афсоналари очколарни ҳисоблашда иштирок этишмоқда. Очколарни аниқлаш қизғин баҳс асосида олиб борилмоқда.

Майк Тайсон ва кичик Рой Жонс ўртасидаги жанг умумий ҳисобда 76/76 очкода дурранг, деб баҳоланди.

453

Ўзбекистонда коронавирус: 28 ноябрь асосий хабарлари

603
Бутунжаҳон соғлиқни сақлаш ташкилоти маълумотларига кўра, дунёда пандемия бошланганидан буён айни вақтгача 61 миллиондан ортиқ инсонларда коронавирус қайд этилган. Қурбонлар сони бир ярим миллион нафарга етган.

ТОШКЕНТ, 28 ноя - Sputnik. 28 ноябрь coaт 20:00 га қадар Ўзбекистонда коронавирус инфекцияси қайд этилганлар сони 72 718 (+71) нафарни ташкил этмоқда, деб хабар бермоқда Соғлиқни сақлаш вазирлиги жамоатчилик билан алоқалар бўлими.

Янги касалланиш ҳолатларининг барча 71 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шунингдек, мамлакатда 69 980 (+121) нафар коронавирус инфекциясига чалинган фуқаролар тузалди ва соғайиш кўрсаткичи 96 фоизни ташкил қилмоқда.

Ҳозирда Ўзбекистонда 2130 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Ўзбекистонда коронавирусдан вафот этган инсонлар сони 608 нафарга етган.

Бутунжаҳон соғлиқни сақлаш ташкилоти маълумотларига кўра, дунёда пандемия бошланганидан буён айни вақтгача 61 миллион коронавирусга чалиниш ҳолатлари қайд этилган. Қурбонлар сони бир ярим миллион нафарга етган.

603
Мавзу:
COVID-19 умумжаҳон пандемияси (1288)
Министр обороны РФ Сергей Шойгу

Шойгу немис ҳамкасбини тантиқ мактаб ўқувчи қизига қиёслади

609
(Янгиланган 19:12 29.11.2020)
Аннегрет Крамп-Карренбауэр бир неча кун илгари Бундестагда чиқиш қилаётиб, Россия билан қуролсизланиш тўғрисида “куч йўли билан” музокаралар ўтказишга чақирган эди.

ТОШКЕНТ, 29 ноя — Sputnik. Россия Мудофаа вазирлиги раҳбари Сергей Шойгу германиялик ҳамкасби Аннегрет Крамп-Карренбауэрнинг Россия билан куч йўли билан гаплашиш керак ҳақидаги баёнотига муносабат билдирди.

Шойгу Улуғ Ватан урушида қозонилган Ғалабанинг 75 йиллиги ҳақида гапираётиб, жорий йил апрелида Қора денгизда уруш вақтида бортида одамлар билан чўктирилган “Армения” теплоходи топилганини эслатди. Россиялик вазирнинг сўзларига кўра, бу гапириш керак бўлган урушнинг кўп сонли эпизодларидан биридир.

“Айниқса, бугунги кун сиёсатчилари авлодлари, айтайлик, ўша Германиянинг, бизга ҳаётни ўргатишни ва куч йўли билан қандай биз билан гаплашиш кераклигини ҳикоя қилишни бошлаётган бир пайтда”, - деди Россия мудофаа вазири. Унинг сўзларидан РИА Новости иқтибос келтирган.

Аннегрет Крамп-Карренбауэр бир неча кун илгари Бундестагда чиқиш қилаётиб, Россия билан қуролсизланиш тўғрисида “куч йўли билан” музокаралар ўтказишга чақирган эди: “Бу Германия ташқи сиёсатининг ҳамиша яхши позицияси бўлган, келажакда ҳам шундай бўлиб қолиши лозим".

“Бу ерда кўпроқ, биласизми, умуман бошқа мактаб ўқувчиларига ёпишаётган қуйи синф ўқувчи қизининг чиқишига ўхшайди. Боз устига ойиси ёки дадаси мактаб директори бўлган ўқувчи қизнинг. У ўзига ҳамма нарсани эп кўриши мумкин. Болалар, биз бошқа мактабдамиз, директоримиз ҳам бошқа”, - деди Шойгу.

609
Теглар:
Аннегрет Крамп-Карренбауэр, Сергей Шойгу, Германия, Россия